pollyylau的个人专页

食物：酸辣粉個湯底係醋味，完全唔係酸辣粉應有嘅味道，叫咗中辣都唔辣。酸菜魚中規中矩，冇乜特別，某app上面啲好評唔知點樣嚟🤷‍♀️服務：男侍應態度比較差，我問佢下午茶係咪八折，佢背對我，望都冇望，就咁擰頭，明明係下午茶時間，餐廳只係得幾個客都唔忙😅女侍應服務態度比較好 。一開始嘢食又送錯枱，然後叫酸辣粉又送咗個粉面嚟。銅鑼灣有更多更好嘅選擇🙏…查看更多

經過呢間小店，入去叫咗個菠菜三文魚忌廉意粉，出到嚟三文魚卷到成朵玫瑰花咁，意粉熱辣辣，好好食好夠味。朋友叫咗個燒腩肉意粉，佢都話有驚喜好好食，下次去再試吓窩夫甜品😋。…查看更多

第一次寫食評，因為呢間嘢實在太令我失望。新開張嘅時候，諗住支持下小店買咗碗芒果西米露，買返屋企一開入面得一半都冇，仲要成40蚊😅😅真係呃錢。 早排第二次入去堂食，諗住堂食會好啲，叫左個芒果盛（$48），睇佢餐牌好似有好多嘢，有小丸子呀雪糕咁，點知黎到成碗都係西米，面頭再加啲雪糕😅😅我問店員唔係有小丸子咩？佢話佢都唔知。😅😅走入去問廚房問，出嚟話佢哋餐廳冇賣小丸子😅😅😅 唔明點解餐牌要咁誤導人，味道又麻麻地，一味死甜，食完出嚟要飲好多水，份量又小又貴…好失望…無下次……查看更多