EE2013的个人专页

天陰陰，周圍逛去搵食。路過呢間不起眼的小店。 從街上看進店內，真的像一條小巷子，暗暗的，內有一牌子寫著「冷氣開放」，不其然便被吸引入去。老實說，進店後我真有小時候回家鄉那些小店感覺。全店約可以容納二十多人，很古舊， 仍有很多木製裝修。 由於天雨關係，再加上店中多是木製家具，確實是有點霉味。 但我個人仍接受到，這些街坊老店，就是這懷舊氣息才有味道吧🤪看到餐牌，價錢便宜，選擇也多。 隨意點了酸辣米線，再加了豬紅、秘制魚丸及牛𦟌。由於不太嗜辣，只點了微辣。 此米線份量頗大，豬紅及牛𦟌好味。但秘制魚丸就一般般了. 因我比較喜歡爽口彈牙的丸子。這款有些像福丸，但丸是比較淋身的。小店只有兩位姨姨工作，服務也可以。 街坊鄰里感覺。 我會再光顧。如行過路過，也值得試試。 香港真的不多此類小店。當然，如你衛生要求高的，此店未必合乎理想吧。…查看更多

與一班好友聚會，去了尖沙咀山林道這間韓燒，非常優質！環境好，全層只有此舖，裝修有特色，地方整潔。有些位置更自成一角，可以攪小型party。食物方面，豐富又優質。 不會因為任飲任食放題而比廉價無味的凍肉。 種類繁多，雞、牛、豬、海鮮、蔬菜樣樣齊。更有燒雞皮，豬頸肉，肥美五花腩……老闆娘更擔心我們吃不飽，繼續提供食物，今時今日，好難搵到咁嘅服務。另外，平時韓燒只是自已任點自取，但老闆娘很有心思，首轉岀品會用心擺設，非常震撼，真是要「手機食先」。 一定會再來光顧，CP值高！聚餐好地方喔…查看更多

行過路過不容錯過每次路過元朗呢間覓食家，必定有人龍在等位。 佢的雞脾飯，一向岀名。 雞脾真係好似塊面咁大！炸得又香又脆， 也有不同汁汁比你選擇，真係極度邪惡。今日，又再食佢的雞脾太陽蛋飯，及試埋瑞士雞翼太陽蛋飯。 雞脾飯一向已岀色。 瑞士雞翼也非常入味，而且仲有5大隻添！講老實話，如要減肥的朋友，真係唔好嚟。 點忍受到唔食佢呀！即使是大食brothers們，應該也完全可以滿足到的。每份也只是$44, 包餐飲，難怪點解任何時候，也排長龍。 超值，好味！…查看更多

深水埗，不用多講已知四處也有地道美食。但在眾多食肆中，唔知點解總又行了入去維記。 一看，就知呢間是老字號，同一條街，也有3,4間舖。 今天雖是平日，但每間也坐無虛席。 好不容易，等到有位。入到去，見每枱客也一定有碗豬潤麵😬😬。 我就點了豬潤通，$32超級大碗，豬潤勁多又好味，CP值超高👍🏻。再點多件咖央多士，也只是$13。今日個快速午餐，非常滿足。 除了豬潤麵，它的牛肉豬潤麵也抵食又大件㗎！行開深水埗，一定又被維記吸引入去😁😁。 …查看更多

今日去元朗雞地新開的茶記。 餐牌上有多款茶記也有的食物。 正在被選擇困難症所影響時，老闆好主動推介佢地的海南雞飯及原隻豬手飯。老闆更笑說，如不滿意，我們可退款。 既然老闆咁有信心，就點吧！另外，再多點了一碟燴意粉。 以茶記嚟講，水準不錯👍🏻。 豬手飯，真的是原隻豬手上枱。 但豬手炆到非常入味及軟。 以$48就有這午餐，勁抵食！ 而海南雞飯及燴意粉，也不過不失。 4個午餐，也不用$200。 日後又多一間食堂了食物👍🏻👍🏻， 老闆及侍應也非常好服務。 會再光顧！ 😁😁…查看更多

Happy Friday 同朋友相聚晚餐，隨意在元朗雞地搵食，見此西餐廳有人排隊，就入去試試。 餐廳為小店，約只能容納20餘人左右，但裝修不錯，餐廳也有氣氛。 店內有些像我們的，是朋友聚餐; 也有幾枱是情侶晚餐。 原來，餐牌上有個2人的海鮮頭盤加兩項主食的套餐。 看到價錢也不貴，只是$4xx. 但食物很是豐富。大部分客也是點扒類晚餐，見每份也相當大，而且，賣相吸引。 由於我同朋友不太肚餓，所以，我們點了意粉及意大利飯，以及一份香脆甜蕃薯條。食物到了！ 很是不錯。 松露意大利飯非常香，味鮮。 另外的橄欖油辣椒絲蜆扁意粉，也同樣岀色估不到一家小店有如此高水準！差點忘記提及那蕃薯條，它比平時西餐廳的薯條好吃很多。 炸到金黃色，再配上茄汁及芝士醬， 更能提升蕃薯條味道。老闆見我們食得滋味，就問我們要不要再來甜品。所以，我們就點多了一份心太軟。 世估不到，此甜品比起甜品店的更好吃十萬倍！ 我朋友更想多要一份呢⋯⋯我們下次一定要再來，必定要試試他們的扒類及海鮮餐。 當然，甜品心太軟也一定在清單之內…查看更多

下雨天，在商場懶得岀外搵食，又不想食大家樂，老麥，諗住經濟點，就再去機會呢間「甘味」。 因之前試過它的蕃茄湯烏冬，咸得過份，事隔也有半年，希望有改善吧！我們點了滑蛋豬扒撈烏冬和蟹籽牛肉鍋燒炒飯。 那碗飯也可以。 味道合格。 可是，那碗烏冬真的令人感到意外！ 是意外的難吃。 可能係我地孤陋寡聞，原來佢地呢款撈烏冬係完全無湯或汁。 豬扒也是凍的。大家想想一碗無汁的烏冬是如出味道吧⋯⋯對了，就是無味道。對不起，我相信我不敢再給予機會了。 唯一可以讚揚的，是此店坐位是比較寬敞舒適。 但食物就真心的不合我口味了。…查看更多

要同好姊妹慶生，又要搵舒適高質餐廳。見網上評價此店不錯，就訂位一試。果然，沒有失望。餐廳位置正是望住維港，只望住個海，心情已靚晒。一入去，服務員個個也笑容滿面，態度親切，他們也會細心介紹一下餐牌上食物。我們一行4人，點了幾款食物。每款也色香味俱全。 自己最愛是那個羊架，香軟多汁。而推介的意粉及牛扒也有極高水準。 最後， 當然不忘甜點。 水準就可以。 當日大家也食得很開心，重點是這裡又舒適又有靚景。 相信晚餐時間，這裡更是浪漫。 要訂枱也有一定難度。這高級餐廳，不管食物，環境，服務全部也滿分。 一定會再光顧。…查看更多

很多時不知道吃什麼，便自然行進至友美點，嘆番一盅兩件。 每次也不會令我失敗。 每籠點心也是熱辣辣，味道也很不錯。而且，服務員也是老街坊般，很自助，也很自在。當然，價錢完全是街坊鄰里價，亦冇加一小費。 食幾多，點幾多！今次食了牛栢葉，粉果，鮮竹卷，流沙奶黃包，及釀青招。 其中牛栢葉及粉果更為岀色。 我喜歡在這裡尋回童年的回憶及味道。…查看更多

午餐時段,  隨意走進此店, 見店內食物相片也很吸引。 遂選了其中介紹的牛骨湯底的越南檬。  可惜, 不明白以越南食品, 竟連越南檬粉也剛售罄 (但當時只是1:45).  侍應表示可否轉為香港的檬粉, 也沒選擇吧!  好彩, 食物上枱並無令人失望。 很大的一碗檬粉, 色, 香味俱全.  很不錯。相信如果能有原本的越南檬粉, 應該會更好味道!同行者就要了一碗火車頭, 份量也不少, 是非常足料。此小店值得支持, 會再光顧!…查看更多

此舖位前兩手也是快食麵食小店。 由於質素真係麻麻，全也好快結業。 所以，笑麵府開，一直也冇乜特別想去食。 但昨天睇完戲，又未至於很餓，就走去試試，諗住車仔麵，可自己選份量。 我只選了兩餸一麵， 同行者就三餸一麵。 見到其他客有叫雞翼，樣子不錯，也就要了一客蜜糖雞翼。 結果，味道岀乎意外，幾好味👍🏻。 我的麵加了他們稱秘製辣汁，我只要小辣，但也辣到爽爽，好味！ 其他的車仔麵餸也不錯。 試了豬紅，豬大腸，酸齋，豬皮及牛腩。 唯一美中不足，就是餸的份量比較少。 在元朗區嚟講，不是平價。而舖應該似家庭式作業，服務態度也ok。 會再光顧。 比個讚佢。…查看更多

响灣仔食晏好似打仗咁，是但搵間茶餐廳食午餐也要五六十蚊。又要早羈位，一食完又俾d伙計趕，想舒服d食餐lunch也唔容易。記起上個月那間私房菜，知佢地有做埋lunch，就同我5個同事去試試。哈哈，又真係有驚喜，日後可成為我地飯堂之一。佢地set lunch都係六十幾蚊，有廿幾款小菜選擇，包例湯、白飯及油菜。見佢menu上菜名好得意吓。我地當然唔會'立'亂試，就選番大路野及一兩款特別小小嘅菜。我地order了: 咕嚕肉、松子菠蘿魚、土魷蒸肉餅、頭抽煎鷄件、藕片鴨胸 及鬼馬蒸豆腐。再加埋套餐包的油菜，真係食到我地咀"lam lam" 佢地那咕嚕肉係用鮮果來煮！ 快餐一般也用罐頭菠蘿， 而呢度竟然有火龍果、士多啤利、蘋果。好鬼健康 松子菠蘿魚就好開胃，件魚唔係人地的只有炸枌，食得出唔係雪魚。我地最估不到係那鬼馬蒸豆腐，我地以為係油炸鬼蒸水蛋，食到一半時望番menu才記得係蒸豆腐。叫鬼馬蒸豆腐, 真係冇改錯名！正！ 其他的小菜也好好味。而那些侍應仍是好nice的招待，食個lunch但感覺似食晚餐。佢地話大廚係即叫即炒，所有菜式唔係預先煮好。所以每碟上枱也熱辣辣 我地埋單時，侍應提點下次可預先訂位及選定套餐。佢地menu會更改，但可以傳真俾我地order定食什麼，咁我地一坐底就即刻有得食。老闆果然細心，知我地打工仔得一粒鐘食晏，呢個服務好體贴。…查看更多

真係好野要花點時間去搵。 灣仔上個月開了一間私房菜, 有朋友試過話好O, 咪同屋企人去試新野。果然冇令人失望 呢間私房菜入口都幾隱密, 因大廈入口在巷仔內。 上到去, 裝修簡潔, 好舒服, 伙計也好Nice, 我地去食私房茶, 就係要有親切及好的服務。由於要預先訂位及告知價錢, 我地去到也唔知會食什麼。 只見枱上有張餐單, d菜名好靚, 好特別吓。到每上一道菜, waiter也樂意介紹菜式。首先, 佢地有幾款前菜小吃, 這已令我地有驚喜。 松子粟米粒及一個好似墨魚咀的齋, 連我媽咪也讚好到主菜, 嗰晚菜式有: 松茸海鮮羹, 精製蹄勝, 太白燴蝦, 菜謄北菇原條海參, 菜粒炒飯... (另有些唔記得 )當中, 松茸海鮮羹 及精製蹄勝 實必食之選, 個海鮮羹一開蓋時, 嗰陣松茸香味真係好正, 食完仲好想encore; 而那精製蹄勝就好似德國咸豬手咁, 味道當然更好, 而且那層皮脆得過份, 聽那waiter講係大廚自己燒那豬手, 火喉果真夠。 太白燴蝦原來用了酒來煮, 味道特別, 我同家姐就好like, 不過, 媽咪反而食唔慣特別味, 哈哈。 但呢味菜重點係個汁, 佢地有炸曼頭俾我地點太白汁, 真係絕配! 可能因之前的菜式好好味, 到了菜粒炒飯時, 就覺得一般般了。佢地用的食物材料應唔錯, 係好值得再encore的私房菜。 呀老闆話師傅仲有一些新菜式, 我地下次光 顧前可話佢知之前食過什麼, 咁佢地就可安排唔同菜式俾我地 ^^ …查看更多