SimonFood的个人专页

7個人食飯 間間餐廳都無位 見呢間有就入左去叫左一個4人餐 一個2人餐先講咖哩 不論青咖哩定黃咖哩 都係無味無道 香都唔香咖哩雞同冬陰公雞煲啲雞 皮厚肉少 仲要得幾舊 配料青椒洋蔥就成煲 超唔抵冬陰公湯竟然可以無蝦 違反商品說明？炒貴刁 係好似呢到啲人咁講，真係好有獲氣呀 不過係燶左果隻獲氣呢連杯椰汁冰都係無味 可以叫椰水唯有合格既可能係得碟炒通菜 同豬頸肉不過如果呢啲都唔掂就死得服務又差 成枱都係吉碟都可以唔收下 阻住晒啲位總括黎講 佢有位係有原因 唔信嘅 歡迎幫襯下…查看更多

12月喺到擺左酒疫情之下 限制多蘿蘿 好多野都好趕好彩呢到既wedding planner Bonnie勁幫得手好多野我未有頭緒既時候 佢已經度定幾個方案比我揀 服務無得彈 到當日 兩位經理Micheal 同Ben招乎周到 有求必應佢地經驗老到  仲幫我做埋time keep全靠佢地果日所有都on schedule 好smooth 野食方面 味道好好 份量大大份海參好似手掌咁大條 荔茸釀帶子 外脆內香 帶子鮮甜賓客都話正 Overall 好高質 值得推介…查看更多

去開深水埗買野 太多餐廳唔識揀見呢間咁岩有人走 有位 就入去可能新裝修 環境好好 新淨 光猛舒適朋友叫左常餐 牛肉熱嘅已經加晒分 (好多茶記D牛肉都係凍冰冰 但麵就熱辣辣 奇奇怪怪咁) 牛肉都入味 夠淋 唔錯湯底味道剛好 唔會過咸焗豬排意粉 較失望意粉唔掛汁 汁還汁 粉還粉 應該叫飯會好D豬排醃耐左 失左應有嘅肉味切得太薄 無咬口 同埋邊位會好易燶汁方面偏甜 建議可以再酸少少值得一提 間野服務好好有朋友遲左到 我地叫做坐得比其他人耐雖然有人等緊 但餐廳都無咩咒言仲幫我地Hold住D order唔整住 等朋友黎到先上…查看更多

屋企人生日 長輩話想食中菜就揀左以前食過唔錯嘅海港呢間野以前係將軍澳中心果間分店真係好食以為寶琳呢間都會有水準 點知真係跌晒眼鏡 大失所望4個人 叫左好多野食1. 口水雞 (呢碟唔記得影)D雞好細舊 皮超厚 無咩肉而且得幾舊 屋企人之前好鐘意食 可以一個食晒成碟今次了左兩下食左一舊就放底左收$58  唔抵2. 大杉斑兩味 曾經係我地屋企嘅至愛依家完全唔掂  兩碟都勁油但咁多油頭腩依然好腥 而且無咩味望落多豉油但完全唔咸D服務仲好差落單果陣 問左個待應好耐 有冇得轉露荀講野唔正都唔緊要 (呢樣香港人遲早都要習慣)佢咦咦哦哦都唔知講乜 一時話有 一時話冇 一時又話要問廚房搞到一輪 confirm左有啦 單都出埋但最後就黎左萵筍 離晒譜3.成餐最好正就係呢碟乳豬 脆卜卜 少肥入口甘香 油份適中 但係個燒鵝就唔掂啦肥到根本得脂肪肥糕 連個脾位都無咩肉又有個小插曲個待應竟然唔知乳豬可以拼咩搞左15分鐘先確定可以拼燒鵝但..佢落錯左單入第2張枱 D野上錯晒4.呢味燒鱔唔係我影得衰 而係佢上碟真咁樣完全呆左 不過公道D講 幾好食佢用左鰻魚汁去燒 幾惹味 而且恰到好處 唔乾 仲有D汁唔計賣相值得推薦6.雜菜煲穩穩定定無咩得衰幾大煲 幾好7.簡單講就: 油 無味但Size就好夠最後想特別一提白飯爛到好似粥咁 不過有人鐘意食爛飯嘅總括黎講完全對唔住個價錢 性價比低比之前差左好多 大失所望 員工服務差 希望黎緊會進步反D…查看更多

難得假日 出去郊遊下出發前食D野先 聽朋友講有間車仔麵唔錯 就特登黎試下正午時分 成30幾度 行左10幾分鐘過黎 成個人溶晒一坐底 職員即刻送左兩杯免費嘅柚子凍飲黎超夠凍 一飲即刻有種解脫嘅感覺  真係救左我本身熱到無咩食欲 但柚子酸酸地 醒晒胃 就覺得肚餓啦呢份細心無咩鋪頭做到呢間車仔麵特色湯底 而佢係按唔同湯底 畫唔同顏色嘅紙呢到一大賣點係芫茜皮蛋湯 大熱天時夠晒下火不過就貴過其他款DD最後我地就揀左麻辣湯同豬骨湯 豬骨湯 比沙嗲汁蓋過左 不過麻辣湯就有驚喜 少麻著重辣 唔錯我地跟住佢D 「手指公」叫左幾樣餸冬菇好入味 細細粒 一啖一粒岩岩好柱侯牛腩瘦左DD 不過都淋 可以一戰百葉豆腐我地第一次食 原來好似魚蛋咁 好彈牙同時又軟綿綿 好似海綿索晒D湯一定要試既然老世咁識做送野飲 咁我地都識做Order反野飲嘅 反正杯柚子一坐底就乾左豆漿 無渣 唔太甜 岩晒香港人 (香港人食甜品都要少甜)總括黎講野食OK 但D餸就少左D 但勝左細心搭夠 可以一試~…查看更多

今日要推介下呢間我食過無數次嘅街坊餐廳坑口TKO Gateway入面 舊郵局個位開左好多餐廳各式各樣 應有盡有Chop Chop筷賞 就係呢到入面呢間野特色係平靚正 雖然D野唔係特別出色但係勝在價錢大眾化平時諗唔到食咩 就會幫襯呢間叫左個晚餐A 黑椒雞排腸仔意粉意粉唔係求其煮熟就算 而係有用茄汁兜過下就咁食都唔會無味雞排大大塊 齋食塊排都飽都一半朋友叫左個常餐 大約44蚊左右剩係多士都有兩塊 再搭多塊排 (而唔係牛肉幾片)份量之多係一個人食唔晒  抵碗烏冬味道就重左D 睇下你個人口味奄列如圖中所見 比較乾身但其他都正正常常 算對得住個價錢Overall 絕對係親民之選…查看更多

咁岩去開大圍 肚餓搵間餐廳食下離地鐵出口無幾遠 一上金囍商埸就見到間裝修幾新淨嘅茶記望落環境幾舒服 就入左去下午茶餐牌都好多選擇 泰式 港式小食 碟頭飯應有盡有叫左份豬頸肉撈檬 以為佢Tea size會少D 但黎都又好多 只係緊緊食得晒D豬頸肉燒得岩岩好 條邊脆 肉仲Keep到嫩滑 一D都唔乾檬粉無斷 好易夾得起夏天食 配杯凍飲 涼晒朋友唔係好肚餓 剩係叫左份西多即叫即炸 黎到熱辣辣望舊牛油就知(出面食果D凍冰冰 搽牛油都唔識溶)炸得岩岩好 金黃色 而又跟反傳統 中間有夾到花西醬加埋D糖醬 食落唔會乾身比較其他 算叫好有水準個位置都幾就腳  食物質素唔錯 有機會可以試下…查看更多

又黎Lunch搵食時間今次個Friend想食西餐 行過見到有人排隊相信係好野啦 又有時間 一於試下Lunch Set係一個burger加 nuggets/薯條 加罐汽水根據你唔同Burger唔同價錢但普遍都80有找 Burger黎講算抵食總好過去快餐店食D唔知咩合成肉先講下個Burger波羅同牛肉漢堡真係好夾波羅嘅水份令到個包唔會咁乾身同時少少酸酸甜甜亦解左漢堡同煙肉嘅肥膩漢堡肉好有牛肉味 清楚食得出 而煎完都Keep到好Juice煙肉負責比個香味 成個包出到黎好match味道清新豐富睇黎我以前真係食某快餐店 食壞左原來Nuggets係應該要有雞味! 外脆 但唔係快餐果D咁"UN"口因為佢入面係鬆軟 唔乾 唔洗點醬都好好味有機會就黎試下 不過Lunch Time嘅話要預鬆少少時間等位真係好多人幫襯…查看更多

上次食完新蒲崗新開嘅粉麵今次試反D老鋪呢間係衍慶街地鋪嘅粉麵檔 開左都應該有廿年(?)我朋友係新蒲崗由細到大都食佢位置近民居 主要都係做街坊生意野食相對平好多 勁抵食兩餸麵大大碗都係30蚊 好似返左5 6年前咁味道方面比較清 可能要照顧街坊 話晒都係舊區老人家多 唔食得咁重味但值得推介係鋪頭自家製嘅辣醬好香 又唔會死得個辣字餛飩同魚片餃都幾好 有咬口 皮薄咸靚銀針粉好大碗 朋友食唔晒最有驚喜都係呢個炸魚皮朋友話平時就咁食碗麵 老闆見佢熟客會送細細地碟魚皮比佢食咁今次我地就掉反轉主動叫啦我地都未講要咩SIZE 老闆就話要碟細夠食啦黎到 嚇死我地 呢個細魚皮係打破左我地對細炸魚皮嘅認知平時D細魚皮最多咪得5條短短的但呢到15蚊  個份量係夠一個人齋食魚皮食到飽塊塊都手掌咁大 食到驚驚地老闆仲好貼心咁上左碗魚湯 食住等 唔洗等碗麵先食得總括黎講係超級親民價 食人情味…查看更多

新蒲崗真係好多野食 但係普遍都係地鋪多今次專誠搵下有咩商埸樓上鋪試下見到新開嘅萬迪廣場竟然有間粉麵鋪  一於try try店內新裝修 環境寬敞雖然因為疲情圍晒板 但位同位之間都幾闊 坐得舒適兩個人 例牌兩麵加碟菜呢個牛肚魚蛋麵加腩汁 煲湯底足料 唔同出面一般粉麵湯底 好多都比較淡湯粉麵一淡就好似撈水咁 好寡但呢到就好濃郁  雖然主要係D腩汁吊起但仍然食到有魚味 而食完之後完全唔覺口渴 相信無味精主角手打魚蛋 好彈口 感覺咬落去粒魚蛋好似識走咁 但味道就啖左DD不過有D湯底補足 OK朋友叫左呢碗牛根墨丸 分左D比我試河粉唔斷 一條條 依家好難得!另外手打墨丸真係好好食! 除左同手打魚蛋一樣咁彈口佢仲好有墨丸香 應該落左好多墨魚落去打用齒頰留香黎形容都唔過分 大家一定要試牛根同牛肚都係水準以上 全部都入味 夠淋 其他野就不過不失 無咩好挑剔Overall 對得住「一品」兩字大家要認住無「一品」果間真係.........…查看更多

誠意推介 呢間平時Lunch食開嘅泰國野平時Lunch time都滿晒人 不過佢有兩層都叫做唔洗等位Lunch time嘅話 個人推介叫炒野 比起其他野更有水準炒得岩岩好 唔會有多餘水份金邊粉亦無黐埋一舊 撈撈就鬆開 易食味道方面 酸酸甜甜 好醒胃 岩晒夏天食佢另上左少少D辣椒子 可以自己較辣度 幾貼心間鋪習慣擺D蝦係底 4-5隻到~ 呢個價差唔多啦椰汁冰好香椰子味 凍冰冰如果唔小心落多左辣椒 飲呢個就FIT晒 好解辣…查看更多

放工約左朋友食飯 帶佢去我食開嘅越南野呢間野位置好隱世 不過用OpenRice應該唔難搵到記住冷巷行到盡就係今次兩個人我地叫左一個餐同一個小食share其實大家都好肚餓 但係因為呢間野D份量真係好多 好抵我地咁樣order都好飽呢到嘅撈檬我一個人係食唔晒 真係好大碗雖然係咁 但佢D味道一D都唔求其雞翼相信係輕輕炸過 食落仲有少少脆  入味札肉就實實淨淨 算正宗配菜方面都無偷工減料 有生菜絲同青瓜絲連埋D檬粉撈起上黎有唔同層次 幾正最價得推介就係呢個越式蒸粉卷初初我地係抱住試下嘅心態去叫但最後 絕對係超有驚喜佢即叫即整 上菜果陣仲熱辣辣 皮好薄 又煙煙UNUN 加上D脆脆嘅炸蒜同岩岩炒香嘅肉碎同冬菇三種口感混合 好 好 食!唯一美中不足係皮多左D 多左出黎嘅部份摺左兩層放係底而果部份味道淡左D 建議佢可以整少D皮總括黎來真係可以用隱世美食黎形容!~ 值得一試!…查看更多

夜晚有野做 約左個FD食個快Dinner6點左右 近近地見有位 就呢間啦拎起個餐排 勁多選擇...小菜 常餐 咖哩 鐵板 碟頭 乜都有價錢都要幾親民好似呢碟先係62 連杯野飲塊豬排好似我個頭咁大62呢個價錢  係九龍灣商業區黎講 佢剩係得塊排都唔過份 但竟然仲跟埋叉燒炒蛋 勁抵食味道方面豬排醃得幾入味 好淋 加埋蔥油 好香 但又唔會太咸叉燒炒蛋就中規中矩 叉燒少左D不過咁既價錢 仲想點Overall 平靚正 九龍灣諗唔到食咩就揀佢…查看更多

星期六尖咀間間餐廳都要排隊好彩有人幫我攞定位先朋友叫嘅牛肉金邊粉雜錦湯河 乜都有D咁D料就不過不失 反而想focus下係個湯底到呢間D湯粉麵同平時食開嘅唔同佢係無冬陰功湯底揀反而只有正宗船麵嘅黑色湯底原來係正宗係用豬再加牛血淆嘅但係我又食唔到腥味佢都幾濃郁 但又唔會誇張到好似日式豬骨湯果隻槳住你易入口配反佢隻一片片嘅河粉 對香港人黎講係幾特別嘅嘗試的確好似去左泰國食船麵咁 (不過泰國果D好細碗)呢杯凍泰式奶茶就有待進步對我黎講甜左D 令到泰茶味道無咁突出但用鐵碗上加上無冰 (應該係放雪櫃雪) 誠意撘救總括黎講值得一試!…查看更多

今日講下平時都食幫襯開嘅高質外賣一星期都會Order 1至2次  早餐真係有質素呢個包好足料  豬柳蛋再加芝士 食完飽到晏晝望落以為佢會乾身但其實D料煎得岩岩好 無過火食落仲有少少汁個FD Order 嘅 我之前都食過出面未見過咁厚嘅餐蛋治 剩係塊都成寸幾厚 包烘得岩岩 唔燶小脆 加上係厚身多士 吸左蛋汁都唔會淋Overall 推薦! 佢好似仲有午餐, 下次試埋…查看更多