片皮鴨的个人专页

上星期日晚在這吃晚餐！這店埋單是取單在門外結賬！門外大約有七至八人在排隊等候埋單！當時看到一位阿叔與收銀姐姐在爭拗！這阿叔亦是我的鄰居！當爭拗其間見到這個收銀態度很惡！很惡氣地指住阿叔叫他自己用手機！還鬧阿叔又乜又乜？？？題外話這女收銀員一向以來我成公司都覺得她態度不好！但公司在樓上所以久不久都光顧！不久在商場遇上這位阿叔！在好奇心下查詢這位阿叔剛剛在潮館爭拗甚麼！阿叔就將成件事講出來....第一件事原來他用這裡餐飲卷！他有$50及$20想用但收銀員說只可用其中一款用$50就不能用$20！還叫阿叔在餐飲優惠券按照指示做...當時見到阿叔可能因為年老關係！看著部機跟收銀員指示按確定！阿叔同我講又被收銀員鬧為何按得咁快！話佢連按兩次確定！佢話都唔知點解？又可能自己細力,按確定之後好時間以為部機無反應,所以大力確認！當時收銀員係咁嘈阿叔話佢未抄號碼！阿叔話未按機前佢完全沒有講整個過程要比佢抄號碼！如果要比部機你睇及抄號碼要咁多步驟點解收銀自己唔去按呢！阿叔話比錢,收銀員唔肯,話潮館已經被人入了$100元入去潮館account！要阿叔去商場counter揾番號碼先可以走！阿叔話你咪當有人在另外食肆用這些卷輸入錯去了你間店咪得囉！我補充解釋本人亦有此商場這電子餐飲卷是平時在商場消費換的！有$20及$50兩種列明可同一時間使用！使用方法就在畫表按入出現兩行格仔！一行是輸入銀碼！第二行輸入店號碼！商場將號碼由1000開始！如有四十間食肆！即係由1001至1040！例如潮館號碼是1030你賬單消費1000咁就輸入$1000再輸入1030按確定！當按確定後信速地閃一閃約0.00001秒就跳到板面寫是否確定使用！理解到以阿叔這年紀對手機程式又不理解！按錯了這收銀除了黑口黑面外！不覺得自己毫無責任！目測另外在他左面亦有位女職員幫收銀員出聲話比足錢亦要阿叔一定要比番號碼當時我聽到都好氣頂！阿叔話已經多次類似咁情況發生爭拗！今天我幫我鄰居寫出上個星期日所發生的事照事實說出！為何經常有爭拗這裡負責人沒有跟進原因！定係隱瞞真相唔比集團領導人知呢！…查看更多

剛經過附近, 又好肚餓！就入左嚟呢間深仔記食野！大概12點去到，唔係好多人喎！一個人仲可以坐卡位！好快有阿姐行埋黎問我食咩？咁就唔該，一碗細蓉 ！麵是傳統地放上面！有5粒雲吞藏在湯底？！雲吞皮薄、晶瑩通透但頗細細粒的~餡只是蝦，沒有豬肉！吃下去爽口彈牙！剛好一口一個~剛好吃過雲吞再呷啖湯！湯底清甜咸鮮味適中！鮮嫩的韭黄亦為上湯錦上添花！再吃口麵，麵質有少少煙靱既感覺~最重要沒討厭的鹼水味！為了均衡飲食，吃雲吞麵配碟芥蘭合適不過！青綠爽脆！連菜葉都咁鮮綠~沾上那不濁的蠔油？味道更特別！食到索索聲~…查看更多

補幾個星期前的食評當夜好凍，去咗美心見到好多人都正在打邊爐自己都打邊爐...叫咗個醉雞湯底！雞件都夠多,酒味好香添~樣樣嘢都不過不失~因為喜歡食蝦滑！叫咗追加火鍋特價配料嘅蝦滑。嘩，啲蝦滑完全唔同晒，以前食過都幾ＯＫ，宜家唔知係咪蝦貴，完全無蝦味！浠得好緊要，淋芝芝，食落一啲蝦味都無！好明顯係蝦嘅成份少咗好多囉。服務就可以讚嘅d嬸嬸好幫手！見你拎住個火鍋盤, 就即刻拎個爐黎比你喇, 好快手! 叫佢地加湯時好快, 而且好有禮貌！唔該佢地, 佢地會回應你話: 唔洗客氣！…查看更多

官塘Apm商場開咗個Food court ，叫做cookedDeli，之前去過食嘢覺得 幾多好嘢食。而且環境不錯，通常下午茶時間來呢度有間輕鬆小站經常光顧！担担麵比較出色！其次最喜歡這裡的豬手!今天下午瞓醒就嚟呢度食個下午茶！整個滷水豬手麵同麻辣青瓜！豬手燜得極其入味且夠腍身，三塊豬手大大件份量十足， 骨膠原豐富淋到無牙都食得！可惜麵質沒有彈牙感！勝在有幾件白蘿蔔夠爽口！彌補番麵唔夠彈牙的决點！麻辣青瓜很爽口,但得個咸字...完全沒有麻同辣既感覺,完全唔惦！飲品免費揀咗蘋果綠茶,飲唔出蘋果味！只可叫做一杯少甜嘅凍糖水....…查看更多

因為太久沒有吃雲吞麵了！突然好想食！現在香港找一間非常好食的麵店真的很難！這家店之前有光顧覺得還不錯！那就直接去這家店內吃啦！雲吞大大粒，好足料！d蝦肉好彈牙好大隻好爽，不過得4粒！麵條選了幼麵，味道幾好，少許簡水味算彈牙。略嫌份量極少！這類雲吞麵，舊日很多店十多元一碗！現在三十多元，只能當作茶餐。當作正餐的話，之後必定要再吃其他東西好在食物的味道還不錯！下午茶人唔多，地方寬落，環境可以，一般粉麵舖咁，路過會再光顧。但唔會專登嚟..…查看更多

公司在這附近下午茶經常來這/裝修老舊，街坊格局/很喜歡食這裡雞脾/可揀配沙律或薯條/亦可炸或鼔油/雞脾超大隻/這是今天和昨天的下午茶/一次過寫出來分亨/今天豉油雞脾沙律/昨天炸雞脾沙律/豉油雞脾鹵得頗入味/但部份鹵過濃肉質則較為嚡口/部份位置未透/更有一些瘀血沙律弄得倒不錯/薯仔煮得腍軟，菠蘿混合沙拉醬酸酸甜甜令人開胃炸雞脾超大隻，不過顏色比較深，有少少炸過咗龍/雞肉結實得嚟都幾嚡口，外皮都幾脆/個樣大隻不過雞肉略嫌有啲嚡同乾身/外皮都有少少韌唔夠脆/總結連凍飲同區比較過！呢間係最平…查看更多

我有必勝客會員卡,久不久有coupons！今期意大利飯賣一送一！所以今日同細妹嚟！揀了兩份都係醬燒豬仔骨飯！其實呢個飯都食過好多次了！大約十分鐘兩個飯一齊到！我吃過外面很多豬仔骨！發覺骨肉之間，總是黏着好多肥膏！加上燒烤醬又太甜 呢度豬仔骨！有燒過的香味, 肉很嫩！而且一咬即開又唔黐骨！事前功夫應該不少 難得淹制功夫剛剛好！唔會甜黐黐！可惜每碟得3舊！好快就食完！飯係意大利炒飯,配料煙肉片及腸仔片！混了洋蔥碎和磨菇片相當惹味！仲有車厘茄片及青瓜片伴碟！感覺好美觀....當然沒有中式炒飯那種鑊氣！勝在飯粒分明且軟硬度適中！但始終沒有那種意式風程味道！兩個人用coupons 埋單連加一服務費$110提外話我同細妹每人都有兩個會員!所以今次已經第四次嚟食這個飯!仲有舊年呢,因為一年有一張coupons!難得這裡職員明知我地經常用這coupons!也沒有黑口黑面....…查看更多

中午來吃飯的時候已經十分多人,不只是堂滿座,連外賣也有很多人在排隊買呢!今天過了中午飯點時間，排隊但是不久。這裡最出名叉燒飯叫了個鮑汁叉燒煎蛋飯自取食物內進餐廳...店面挺好找，人也非常多。夥計也挺急幫我找個坐位。叉燒及煎蛋齊齊整地鋪在飯面上。賣相幾討好叉燒十分好味而且喜歡這裡比較瘦叉燒非常之腍同埋亦唔會用鬆肉粉整出嚟嘅叉燒！因為食得到佢夠豬肉味...荷包蛋煎得好靚，充滿蛋汁加上它的鲍汁甜甜的十分香口,撈飯來吃更是一流.…查看更多

諗住行過 求其食個餐。真估唔到下午兩點半仍有咁多人排隊 。好彩一個人食 等左五分鐘就有位一坐低就叫我最鐘意食既常餐叉燒通粉炒蛋多士。先講呢個通粉食落同平時普通茶記冇分別叉燒唔多得四五片但都夠食簡簡單單都幾惹味.金寶雞湯味的確好突出。而佢嘅炒蛋多士.呢個真係成個茶餐嘅亮點.水準一直都係咁高。炒蛋嘅蛋味香濃囗感軟滑。應該用左牛奶一齊炒。多士烘得啱啱好外層唔會太焦內裏又非常鬆脆。搽上溶化左嘅牛油食簡一流。配搭多士夾埋一齊食都係一個明確嘅選擇。火腿正常無乜特別.....…查看更多

突然想起這裡,早前與友人來過一次這日又想吃粥,於是再來.柴魚豬骨粥及香茜魚粥早已吃過了,這天要了南瓜粥粥底是保持一貫的清甜。碗粥既顏色就好橙啦。但係唔覺有南瓜味道？豬骨斬得細細件的。以便顧客容易進食。豬骨帶點鹹鹹的。炒麵是非常的幼細，每條都是十分的柔軟。麵的鹹淡度適中,配料不算多。印象中只吃到蔥花，洋蔥及少量火腿絲等...要讚油份不會多但佢炒完後那味道依舊是溫柔無比。令我吃罷也不會有膩滯的感覺。友人點的餐蛋麵及咖啡一望落去碗麵感覺其貌不揚。一見隻蛋熟到過火。友人說不好吃！！！總結食物普通，每人要三十元落樓....感覺一粥麵而家真係愈黎愈貴....排隊購票等五分鐘，再等顯示又十分鐘。服務效率真慢，趕快食完立即上班！…查看更多

上星期 朋友請食飯 為方便大家 所以在太子附近...酒樓大概7點的時候就客似雲來！幸好有預先訂枱此店一向都有做很多優惠，但當天可能還是春節期間，所以優惠無做我們點了蝦乾通菜煲，通菜很嫩也很爽脆~伴著蝦醬同蒜頭味~沒有過鹹，要挑剔的話，就是油份略多而已！蒜𦴦粉絲蒸蟶子皇蒜蓉香氣撲鼻、蟶子肉厚爽身。夠鮮味, 不會韌！粉絲極柔軟, 撈些蒜蓉同豉油汁入曬味惹味與鮮味集於一身，可算是當晚天衣無縫的組合！叉燒例牌，送上檯時仍熱, 燒得香, 份量很多，叉燒肥瘦剛剛好。都好林身，唔會太硬，太乾。白灼蝦每隻都是游水貨色。用白灼能帶出蝦肉的甜美及爽口彈牙。如果想味道更鮮，不防蘸點一下特別調教的甜豉油清蒸大海石班 火候控制得很好，魚肉新鮮，豉油好味，雖是養斑。名字叫得大海石斑也不怕貨不對辦。因為養斑也是在大海裏的漁排養的。服務員招呼好, 食材不錯.酒樓環境氣氛都好, 是旺角區首選中菜酒家.…查看更多

一個人黎食午餐，唔駛等位，但是搭枱，無所謂啦，都坐得舒服，又唔迫唔嘈當然叫呢度其中一個係招牌鮮茄焗豬扒飯。原個焗飯，飯炒底...面舖滿鮮茄汁同菜粒，賣相對辦豬扒好食，啖啖肉，肉質好鬆軟而且肥瘦有齊。汁都好食又唔會太稀或太杰。而且份量岩岩夠撈飯⋯⋯最但重點係芝士好多......岩晒我呢d芝士迷！環境一般。服務員年青經驗不足，不過勝在有禮貌。價錢同茶餐廳差不多，但少了碗餐湯，要飲品另加五元...食完坐了一回，見人多立即離開...…查看更多

近幾年在香港要找到一碗好吃的牛腩粉面真是不容易大部份粉麵店都做得很隨便水準不高，收費並不便宜像九記這樣的老字號雖說老字號，儘管諸多規矩。但是依然多年保持這麼好的水準實在是難得好耐無食放lunch同同事飛的士落去食。當然要排隊。十二點多黎到條隊尾唔知係邊？一行到去就聞到好香牛腩味。坐低發現原來都好多OL都有嚟幫襯。伙記又爽手又準，五分鐘內已可即時享用。牛腩麵不算大碗。但牛腩的份量一點也不欺人⋯⋯差點覆蓋碗面，肉質鮮嫩美味。口感軟滑，肥瘦均勻。仲有個湯底比外面個啲多咗陣甜味。特別滋味⋯⋯個麵條亦非常彈牙。就算浸住湯吸收左牛湯味又唔會變腍！…查看更多

今天老細請食春茗，早兩日先通知...無人會估到咁遲先春茗。選址旺角區，交通十分方便。來到見到菜餚餐單，今次打破傳統，只有六道主菜的春茗套餐不過算啦。其實咪又係食餐飯有得食就食啦，好過無。呢晚都幾多人，有成十多圍，好不熱鬧。侍應送上一道菜餚，鴻運乳豬全體..例行公事：飲杯！起筷！熱鬧地碰杯祝賀後！咁唔客氣啦，先夾為敬...乳豬皮脆, 肉相當嫩，都幾好味... 成班餓鬼，唔冼五分鐘全碟連豬腳都清哂好快趣第二度菜餚又到了...上湯龍蝦伊麵，個上湯味道都可以...但係龍蝦就麻麻, 頭爪甚多⋯⋯好彩有幾個唔食蝦。我都可以分到6件！其中兩件龍蝦尾好爽伊麵唔差. 唔會太腍，可惜好少⋯⋯可能個個肚餓又喜歡食麵瓜.....紅燒花膠雞絲翅湯幾鮮甜, 但稀得緊要！翅又少，幾乎搵唔到翅。分哂十二碗。碟底仍留下少量翅可分多兩碗不過我好彩，剛剛坐在起菜員身邊。唔客氣，唔該添少少。我可以食到兩碗上瑤柱豆苖果陣影張相後！有朋友來電行去煲十五分鐘電話老友真唔通氣，事關除左翅之外。這酒席沒有伙記分菜.回來時比人食哂，睇落就好似好味⋯⋯清蒸大海班好大條，起碼兩斤有多。但蒸得幾滑，火喉剛剛好炸子雞就失色咗d, 雞比較肥。味道一般.始終太肥唔啱我，唔該拎走！好快食完六個餸，還未計炒飯炒麵總結味道平均都可以！服務很好, 上菜速度剛剛好,加上裝潢舒適寬敞，感覺不錯。…查看更多

同朋友行完街又係諗食咩嘅時候!本想食譚仔.但朋友啱啱先食過.咁不如去沙嗲王啦，好耐無黎啦。下午茶菜單選擇彼多...叫了兩個pizza 夏威夷風情pizza，辣肉腸pizzapizza好香呀，酥皮又煙韌，又脆脆，芝士味香濃可惜唔係太熱。同埋好迷你，份量下午茶都勉勉強強要了涷咖啡同可樂，飲品普通..其實加錢有許多特色飲品..兩個人至在坐底休息一下⋯⋯環境唔錯，有卡位坐幾舒服...服務員勤快，價錢合理...…查看更多