別是一家的个人专页

新春撈起 ＄228新一年個個都希望可以撈到風生水起，咁梗係要點返碟撈起黎食啦。新春撈起材料有紅蘿白絲、青蘿白絲、黃蘿白絲、京蔥絲、紫椰菜絲、番薯乾絲、炸芋頭絲配上炸蓮藕片、金華火腿絲及煙三文魚。仲有酸酸甜甜嘅醬汁而成。不過最緊要食個意頭，我都係依度恭祝大家新一年事事順心！烤北京填鴨 ＄168（半隻）＄328（一隻）師博出色嘅刀功，將北京填鴨切成108塊，其中有十幾塊係「一口酥」，亦係北京填鴨最精華嘅部分，入口即融嘅口感真係好正。而古琴雅苑嘅北京填鴨最特別嘅地方就係有哈蜜瓜做配料，岩晒小朋友嘅口味。香草鮮魚羹 ＄88鮮魚羹超香甜，即使係好似我唔係太鐘意食魚嘅人都覺得容易入口。唔怕會有一陣魚腥味。宮保河蝦仁 ＄158微微辣辣嘅花生同蝦仁，但對於鍾意食辣嘅我黎講就一定唔夠。雖然係有少少微辣味但絕對唔會蓋過鮮蝦嘅甜味，令人好似食緊一堆辣粉咁。蟹粉獅子頭 ＄158 傳統上海菜式，賣相同味道都一流。婆婆最鍾意就係食依樣餸。因為有好多菜岩晒上左年紀嘅佢。椒鹽黃魚 ＄138 廚師將條魚炸度脆卜卜，所以就連骨都可以吞落肚。而且唔洗擔心小朋友或者老人家食個陣會啃親。啖啖魚肉岩晒鍾意食魚但又怕啃骨嘅朋友仔。蟹粉扒豆苗 ＄138  出面街市買豆苗都已經好貴，仲要擔心買到唔靚嘅豆苗。但依度豆苗既唔會老，而且又十分鮮甜。依個價錢絕對抵食。醬炒年糕蟹 ＄24/両醬汁帶少少甜味，好適合配年糕黎食。而且蟹又多肉。而且餐廳會提供手套比大家，所以大家唔洗就住就住咁，可以用手食過痛快。木桶包菜飯 ＄88老人家都係鍾意食飯，因為係咁凍嘅冬天食飯先可以保到暖。而木桶包菜飯就岩晒我公公婆婆。腰果露 ＄28甜甜嘅腰果露希望可以令我全家新一年都過得甜甜蜜蜜！…查看更多

D2 Place最近多左好多新餐廳，美國菜、西班牙菜、日本菜應有盡有。經過餐廳見到裝修風格好適合兩個人坐低飲杯咖啡，食住野慢慢傾下心事。香港生活節奏太過緊張，好難搵到一個地方可以靜落黎，體驗下慢活嘅態度。假如你都認同的話，相信依間餐廳可以提供一個休閒嘅環境比你！Dinner Set嘅前菜係牛角包及餐湯煙三文魚牛油果蛋沙律漢堡配香脆薯條 ＄125牛油果同沙律蛋依個配搭都好常見，不過好少會用黎做漢堡餡。但依個配搭襯煙三文魚又唔會好奇怪，反而會令到人覺得好健康，唔會抗拒食油膩嘅漢堡。特別一讚係依度嘅薯條即使放耐左，但都仍然可以保持住香脆嘅口感。美國優質肉眼扒配葡萄酒燒汁跟香脆薯條及時菜 ＄218我點左塊五成熟嘅肉眼扒，因為要一大塊肉眼扒保持住唔會乾身同煙韌嘅口感就一定唔可以太熟。不過廚師控制火候控制得非常好，令到肉汁鎖緊係肉眼扒。並且肉眼扒筋同肉嘅部分非常分明，令我放入口個陣唔會將兩個部分撈埋一齊，破壞左肉眼扒嘅層次。…查看更多

一講起泰國菜，通常都會令人諗起要去九龍城食正宗嘅泰國菜。但最近旺角新開左一間主打食船麵嘅泰國菜餐廳。所以就約埋朋友係旺角唱完K之後去食餐勁嘅。船麵係泰國獨有嘅食物，同香港車仔麵有幾分相似。正宗船麵通常細細碗幾啖就可以食晒。希望令客人可以食多幾款唔同船麵，做到有「疊碗」嘅效果。不過餐廳嘅老闆希望將船麵嘅文化帶入香港，所以都將船麵嘅份量加大，希望切合返香港人嘅飲食文化。安格斯牛肉船麵 ＄68 陣陣茴香嘅湯底原來係加入左藥膳嘅成份，配埋泰國直送嘅黃麵將湯嘅精華一滴不漏咁吸收。安格斯牛肉亦入口即融，食落口個陣仲有少少牛油嘅香味，令肉質唔會太乾身。曼谷海鮮湯麵 ＄128超大隻龍蝦，餐廳亦好細心咁將龍蝦開邊，令我食個陣冇咁狼狽。不過湯底都幾辣，如果唔係太食得辣嘅朋友可能會有少少唔慣。泰式鴨胸乾撈 ＄48撈麵最緊要係麵底，而餐廳嘅係由黃麵加上五香粉而成，所以食落口個陣會覺得好香，如果配埋清甜嘅湯黎品嚐嘅話又會提升左撈麵嘅層次，令到撈麵唔會太乾身更客易入口。大蝦炒金邊粉 ＄88金邊粉嘅份量好多，仲有大大隻大蝦。抵食！芭提亞原隻燒雞 ＄138 燒雞製作需時，如果想試下嘅朋友可以入到餐廳叫左先。之後再慢慢諗點咩主食。近年，好多人食雞都唔會食雞皮。如果係咁就會浪費晒依隻燒雞，因為餐廳將雞皮燒得好脆同好香，雞肉亦非常嫩滑。最重要嘅係依度燒雞係零激素！所以唔洗怕可以盡情食多幾舊。炸蝦蛋(1隻) ＄38炸蝦餅 ＄48新鮮泰式生蝦 ＄68除左生蝦之外，仲會有大粒帶子刺身。有新鮮嘅甜味同埋唔會食到腥味。燒豬頸肉 ＄36串燒丸(魚蛋/牛肉丸/豬肉丸) ＄15串 真心推介三種串燒丸比大家，丸嘅表面會塗上蜜糖令到丸有甜絲絲嘅味道。並且唔會燒得太過耐，流失晒丸嘅肉汁。孖寶串燒(雞、豬) ＄38泰國菜招牌串燒，食親泰國菜都必點！泰式奶茶(冷) ＄20最大特色就係可以自己決定甜度，岩晒鐘意走甜或者多甜嘅朋友！椰青水 (罐裝) ＄15…查看更多

踏入十二月，香港都開始轉季啦。突然間天氣轉涼到得返14,15度。咁梗係想食返少少熱野暧身啦！打邊爐？成日都做嫁啦！韓燒？質素太參差！所以朋友就提議去食日式燒肉 正！點解我諗唔到嫁呢？牛禪日式燒肉位於銅鑼灣世貿中心13樓，門口格局已經極具日本風加上依間以和牛為主打，鐘意食高質食物嘅朋友一定唔可以錯過三點前菜 $30先點一份前菜試下先，海蜇酸酸辣辣好開胃日本青蘋果蟹籽沙律 $78蟹籽一定要撈均沙律黎食，咁沙律就唔會好淡。起馬有少少蟹籽小小嘅鹹味成個沙律都好清新同健康，要幫我地吸收後面不停食和牛嘅油膩呀一口芝士 $88一口芝士超流心，勁多芝士會流出黎點埋沙律醬黎食，仲會有甜味添雖然會好肥，但為左好食就放肆一次半次啦洋蔥墨魚咀 $88細細舊、熱辣辣、脆卜卜三個理由足以令我同朋友極速清晒成碟墨魚咀雪裡玉 $58係時候要點返杯野飲飲下啦，雪裡玉係用荔枝同火龍果混合而成所以成杯野飲都整富纖維，有排毒美顔嘅作用岩晒女士飲A5近江和牛海膽丼 $780 超豐富嘅丼，有A5近江和牛刺身、海膽刺身同埋三文魚子近江和牛係日本三大和牛出產地之一，所以肉質非常鮮美同埋大家要知道唔係所有部位都可以用作刺身，每一件刺身都係師傅精心挑選所以每一件都係特別好食用A5和牛捲成嘅玫瑰花特別靚海膽鮮甜美味，唔會食到苦澀味客人仲可以自制手卷，為自己揀適合嘅材料黎食仲可以試下做壽司師傅，有得食又有得玩令我留下一次難忘嘅體驗極上和牛盛宴（1份半）$2370  終於黎到今日嘅主角啦，師傅會將牛嘅部位放上盤上令客人清楚知道佢地食緊邊個牛嘅部位，今次真係長知識了餐廳會提供一個食法比你，希望大家由淡味食到重味跟足順序黎食，就會漸漸食到和牛嘅鹹味尤其愈後嘅牛，肥膏係愈黎愈多絕對會食到入口即融嘅口感食到最後個件A5肉眼就會食到超多肉汁係口入面慢慢流動將所有鮮味都完全吸收晒係個口入面每一面嘅牛只可以燒一次，不適宜反黎反去咁去到幾時反先為知岩呢？就係等和牛嘅血水流出晒嘅時候就岩啦龍眼冰 $45食到咁上下，要再Encore多杯龍眼冰係用新鮮龍眼煲足好多個鐘而成所以飲個陣就會飲到龍眼個陣蜂蜜甜味健康之選鱈場蟹腳 $268朋友燒得好靚呀～餐廳已經為客人開晒邊，等客人唔洗再用九牛二虎之力慢慢折蟹殻直接就可以食到蟹肉，好細心嘅服務炸蝦天婦羅 $128食日本菜點可以唔點天婦羅呢，趁熱食就最好食牛油露筍炒野菌 $78用左牛油黎炒之後，就成碟都香噴噴聞到都想食呀！食左咁多肉類一定要再點蔬菜黎解解膩香芒椰汁糯米飯 $98先黎泰式甜品，芒果超甜而糯米飯係超飽肚，真係就快食唔落榴連雪糕＆海鹽雪糕 $30一杯最後用海鹽雪糕作結，海鹽雪糕係街外餐廳都好少見到所以對於未食過嘅我黎講覺得好新奇絕對要試下！…查看更多

依間餐廳最近係觀塘APM開張，但每晚都排晒長龍到底依間沾麵店有咩神奇嘅地方？我決定今日同朋友一探究竟餐廳嘅封面好靚，令我覺得自己真係好似去左日本咁神山亦姐係富士山，由於依間麵店嘅總部係日本神山車站所以取名叫神山麵店番茄叉燒拉麵  $85拉麵係熱食黎，隨住拉麵送上嘅係熱辣辣嘅番茄湯底送上枱個陣已經有好香嘅番茄味，令朋友最後飲晒成碗湯黑神山叉燒沾汁麵（黑蒜豚骨湯底) ＆ 赤神山叉燒沾汁麵（辛辣豚骨湯底）$79 由於沾麵原意係比日本嘅勞動階層食，所以做出黎個陣需保持微暖約60度方便工人盡快進食，然後有最大時間休息香港有唔少沾麵店都會為麵汁加熱，但其實依種食法係一啲都唔正宗所以好難得依間餐廳黎到香港都堅持傳統，務求香港人都可以食到正宗沾麵我自己今次就食黑神山叉燒沾汁麵，流心嘅半熟蛋同埋香噴噴嘅叉燒絕對係沾汁嘅最佳拍檔可能會有人覺得沾汁湯相對一般拉麵湯底會比較咸，但其實咁樣係有佢嘅用意(一陣再介紹)沾麵同拉麵唔同，需要有過冷河的過程，所以食落口個陣會更有彈性再者過完冷河之後，麵條先可以表面微微濕潤同埋有光澤嘅效果而唔會做成麵條太熱而變糊嘅問題並且食得出麵底有好香嘅小麥味終於要開估啦，沾汁湯比較咸嘅原因係因為食到最後個陣叫店員將於餘下的沾汁中加入混合木魚嘅清湯，方便飲用依個步驟叫湯割加入清湯後，味道就會清淡帶點鮮甜，中和返原有嘅咸味雙色牛舌  $45濃味牛舌和淡味牛舌嘅組合先食淡味牛舌，咁就唔會比濃味牛舌蓋過份鮮味神山湯餃子 $38餃子裏面有好多肉碎，並且湯汁好清甜餃子會吸收晒湯汁嘅味，正！唐揚豆池魚  $45細細舊嘅無骨魚最岩做開胃前菜點上甜甜嘅醬汁，好快就比我同朋友清晒啦茄子披薩  $43好新鮮嘅組口，茄子仲可以中和返濃濃嘅芝士味令食落口個陣唔會太膩菠蘿特飲＆雜果特飲  $15好抵飲，並且仲有果肉食添每晚車水馬龍必定係因為依間餐廳保留傳統的做法只做正宗日式沾麵鐘意食沾麵嘅朋友，記得要黎支持下！…查看更多

渝味曉宇係中國大陸非常之出名，因為佢曾經上過舌尖上的中國依個著名的飲食節目更加係麻辣火鍋林立嘅四川入面拎到第一名所以難得過江黎到香港，鐘意食辣嘅我又點可以唔黎踩踩點呢首先要一讚嘅係依度嘅服務，當日我電話冇咩電所以就問下店員餐廳有冇叉電結果店員好快手就借左充電器比我啦，服務態度一流加上餐廳係會圍巾比客人，咁就唔怕整污糟件衫好細心嘅服務野食黎之前梗係點野飲先啦今次揀左自製落神花 $58 一渣少少甜味足以解辣九宮格麻辣大紅鍋 - $38/位九宮格火鍋就唔怕搵唔返自己塊肥牛，同埋比朋友搶野食方便客人搵返自己碌嘅食物如果覺得紅卜卜嘅湯底都唔夠辣嘅話，可以隨時叫店員幫你地加辣又係值得一讚嘅服務醬料就只有傳統重慶火鍋嘅蒜、麻油、蔥同鼓油如果唔係好慣食辣嘅朋友記得要落麻油，因為有保護腸胃嘅作用大合照證明今餐真係好豐富先介紹孝禹十味，亦係佢地鋪頭最招牌嘅菜式稻田毛肚    $108/份毛肚姐係牛柏葉，但毛肚係新鮮嘅牛柏葉黎所以先呈黑色，記住口缺「七上八落」食落口個陣就會好爽口嫁啦鮮黃喉   $98/份姐係豬嘅大動脈，同樣唔可以落太耐如果唔係就會冇左彈牙嘅感覺曉宇嫩牛肉 $78/份肉質超嫩滑，整頭可以唔洗咬就可以吞落喉嚨極品鵝腸  $85/份依間餐廳同傳統重慶火鍋一樣都係主打動物嘅內臟並且經過人手努力清洗，所以食個陣先可以咁爽口，彈牙曉宇苕粉  $48/份食個陣好黏韌，好有口感同埋佢比出面嘅苕粉更厚更大，令口感更佳紅糖滋粑 $68/份類似糯米糍一樣，有少少甜味現炸豆皮  $58/份鐘意食辣嘅朋友必點，並記得叫店員加辣放落麻辣湯度食，絕對過癮以上就係招牌菜式，不過其他食物一樣咁出色香鹵豬大腸  $68/份血旺  $45/份兩款同樣係動物內臓，絕對係依間餐廳嘅信心保證手打蝦滑 - $88/份手打四寶丸 - $118/份兩款手打食物都好出色，蝦滑記得要撈均先放落鍋咁個味道先會出到黎美國安格斯優質肥牛  $198/份超靚嘅雪花❄️同埋唔會有太多肥膏，食多幾塊都唔會怕肥麻辣牛肉   $78/份 同樣鐘意食辣嘅朋友必點，同上面肥牛嘅味道好唔同食完之後，嘴脣會有少少麻痺嘅感覺食到大家都好過癮鮮菇拼 $88/份鮮木耳  $30/份甜玉米  $28/份做左全晚食肉獸都要點返些少蔬菜幫助消化大家記得要均衡飲食呀下火枇杷凍  $30最終仲點左一份甜品食幫手下下火，去走熱氣香港好難得有一間正宗嘅重慶火鍋，仲要係上過舌尖上的中國所以絕對大家值得一試…查看更多

最近天氣開始轉涼，要食返小小熱野黎暖下個身先所以朋友就提議不如一齊去食蒸氣火鍋不嬲都冇咩所謂嘅我，梗係馬上舉腳贊成九重鮮位於天后大坑，係天后站行幾分鐘就見到一啲都唔難搵，見到依條咁有特色嘅樓梯就知點樣上樓上鋪頭啦而家大坑分店做緊兩個推廣，第一樣係任食30分鐘沙白、而第二樣就係玩搖骰贏奬品奬品好豐富嫁，只要有兩個同骰就立即有奬眼見其他客人都中到獎，但自己就中唔到獎就特別傷心不過唔緊要，今日黎係為左食野嫁嘛海鮮拼盤首先我同朋友點左個海鮮拼盤試下先蝦🦐同埋醬油蟹同我之前係韓國食嘅有得比證明依度海鮮冇得彈！所以睇完3款餐牌後，我決定點最貴嘅釜山塔  $568一於試晒依間鋪頭最好食嘅海鮮四款前菜無限任食，酸酸辣辣好開胃30分鐘無限任食沙白店員唔會因為無限任食，就特登每次比勁少你而係真係會倒滿成個鍋店員仲會細心咁比個漏斗客人計時，服務態度一流韓國啤酒    $28等緊嘅時候，梗係要同朋友啤一啤啤酒充滿清甜芒果味，好容易入口嘩，終於食得啦沙白全部都洗得好乾淨，唔會有沙又唔會有好重海水味，一字記之日：正然後終於到今日嘅主角登場啦九重海鮮塔，黎到嘅時候我同朋友都嘩嘩聲因為真係太壯觀啦第一層：泡菜和牛卷用泡菜包住和牛黎食就唔怕和牛嘅肉汁流走，更可以解解膩而和牛肉質就非常之滑嫩第二層：蟶子食到超新鮮嘅蟶子真係好開心咬落口個陣好有口感，唔會咬極都咬唔入第三層：元貝啲汁太過多的話，可以流落去下層粥唔會浪費元貝本身應有嘅鮮味第四層：海蝦唔洗調味都已經食到鮮味，蝦頭仲要有好多蝦膏添第五層：龍蝦全晚我最鐘意就係龍蝦，因為真係超大隻仲長過我隻食指，並且啖啖肉，食落去個陣成個人都好爽第六層：美尾龍躉指天翅絕對係游水龍躉黎，我自己最鐘意食無骨嘅魚嫁啦第七層：沙巴肉蟹蟹蓋有超多蟹膏，並且蟹腳又係啖啖肉肉質又唔乾身，唔會有好霉其實睇相都知，連埋上幾層仲有刀蚌、象拔蚌、北寄貝幾款海鮮第八層：厚切黑椒牛脷&花膠魚片串好少有機會食到蒸嘅黑椒牛脷，感覺好新鮮而包住花膠嘅魚片口感有少少似魚蛋，十分彈牙第九層：南非鮑魚&日本南瓜&日本番薯&粟米用大隻鮑魚作結，並且有唔少蔬果幫助消化梅酒 $98等緊最後粥底嘅時候點左支梅酒黎飲有三粒梅黎帶出甜味，令依支酒唔會太苦連女仔都鐘意飲韓式豬手湯底送上兩張對比圖，你就知粥底係幾咁足料除左韓式豬手之外仲有韓式年糕添如果食唔晒更加可以叫店員幫你打包拎返屋企做消夜或者第二朝嘅早餐總結而言，今餐真係大滿足食到咁多好食嘅海鮮，真係不枉我點最貴嘅set，原全值回票價加上店員殷勤嘅服務態度，令我同朋友都有賓至如歸嘅感覺…查看更多

旺角女人街有好多間唔同嘅餐廳中菜、西菜、日本菜、越南菜、泰國菜應有盡有今日放學之後搵食個陣比依間餐廳嘅綽頭吸引左寫住海南雞專門店，對於一向鐘意食海南雞飯嘅我黎講緊係要試下啦食物選擇唔多，得海南雞飯、雞扒飯同埋泰式串燒飯揀三款都係$42，附送一碗例湯至於飲品方面就要加$12所以我今次只係叫左泰式海南雞飯餐，冇加到野飲因為我覺得有少少貴泰式海南雞飯 $42等左5分鐘度就已經送上海南雞飯但我覺得唔係即叫即整，因為店員送上海南雞飯個陣原全聞唔到油飯個香味海南雞原全冇雞味，需要點上黑醬油同埋水門雞醬先有味黑醬油有少少甜味，較容易入口。而水門雞醬辣味同酸味都不足至於油飯都食唔出有任何香味，只係令我覺得好油膩加上海南雞非常之薄身，咬落口冇咩肉感秘製雞湯落左黑胡椒嘅味精湯，飲完之後喉嚨覺得好乾總結黎講，以一間以海南雞為招牌嘅餐廳黎講真係好失敗價錢唔算實惠，食物款式少得黎又唔出色成間餐廳仲有好大嘅進步空間…查看更多

今個星期，天氣突然轉涼差唔多每日都係得17-19度，入夜之後更加得返15度所以今晚想食返熱小小嘅野黎暖下個身但又怕食得太飽會食唔落晚飯，所以就揀左雞蛋仔依款地道小食雞蛋仔係我細個最鐘意食嘅小食，尤其熱辣辣個陣雞蛋仔會香噴噴，聞到就已經想食估唔到依家雞蛋仔多左咁多唔同口味揀較為特別嘅有紫薯味同抺茶朱古力味(不過今次冇試到)不過我最怕雞蛋仔係整定左係度因為咁樣會凍晒同埋淋晒，搞到好食嘅野都變到唔好食不過媽咪雞蛋仔係即叫即整，加上今日人唔算太多所以等左5分鐘到就有得食啦朱古力雞蛋仔 $19朱古力雞蛋仔真係每粒雞蛋仔都有朱古力粒粒嫁加上朱古力味唔會太甜，唔會搶左雞蛋仔本身應有嘅蛋糕味加上雞蛋仔個皮整到脆⺊⺊，好有咬口裏面個心有整到勁軟熟，內脆外軟有好多朱古力呀…查看更多

薩莉亞以平民價的價錢就可以享受到一般西餐廳提供的食物例如：焗飯、意粉、pizza等所以深受香港人歡迎，尤其係我依啲冇咩錢嘅學生用三、四十蚊就可以醫飽個肚，仲可以有個地方同朋友吹下水不過平時薩莉亞都好多人，基本上每次去都要等位但我地今次未到12點就去到，避開左中午午餐嘅繁忙時間所以一入去就有位啦肉醬多莉亞   $27所有焗飯都係叫「XX多莉亞」，而肉醬多莉亞更加係我最愛因為有好香嘅車打芝士味，撈埋肉醬黎食真係超好食黑松露野菌忌廉意大利粉  $34自從冇左青醬意粉之後，我就冇咩動力再食薩莉亞但上次朋友介紹我食黑松露野菌忌廉意大利粉之後，我一試難忘意粉落左好多黑松露粉，但絕對唔會係石油味加上野菌本身就有一定的香味，所以依個意粉就香上加香值得推薦邦哥尼意大利粉  $29蕃茄醬配蜆肉，味道唔會太差但都冇咩特別驚喜但邦哥尼冇得配青醬之後總係覺得差緊小小野咁菠菜配煙三文魚忌廉意大利粉 $32味道中規中矩，但略嫌意粉有啲乾身所以一定要趁熱食芝士焗薯角 $17極邪惡嘅芝士焗薯角有大量芝士加煙肉同薯仔，食完真係會fatfat…查看更多

大瀛喜算得上係香港其中一間出名嘅連鎖放題店係旺角區同「樂x大x屋」齊名，不過兩間連鎖放題店係旺角區都係行平民路線佢地集團主要戰線都都係集中係尖沙咀同埋銅鑼灣依兩個地方不過依間平民版嘅食物種類都唔算少一般放題店可以食到嘅野，依度都會有餐單字母由S到J，總共有11項款式可以揀都算係咁啦刺身拼盤食放題點可以唔食刺身呢？唔少放題只會提供赤蝦一款選擇，但依度就有三款蝦比大家揀分別係赤海蝦、甜蝦、同埋泰式生蝦，鐘意食蝦嘅朋友一定唔可以錯過加上依度嘅刺身好新鮮，特別推薦三文魚同劍魚腩蒲燒鰻魚細細粒，又有好香鰻魚味結果好快就比我朋友清晒法式忌廉焗青口&蜜糖醬燒雞中翼由於兩樣野黎嘅時間差唔多，所以就放埋一齊影法式忌廉焗青口嘅汁好香，有好濃郁嘅忌廉味。加上青口細細舊，食多幾舊都唔會有飽肚感但蜜糖醬燒雞中翼嘅味道同自家制嘅冇咩分別，唔係雞翼控嘅朋友可以直接跳過黃金炸生蠔＆芝麻雞翼＆流心一口芝士＆辣酒煮花螺黃金炸生蠔一流記得要點堆沙律醬黎食芝麻雞翼比起其他放題店唔算特別出色，味道中規中矩流心一口芝士嘅芝士味唔算太濃，令我依個芝士控有少少失望不過佢嘅芝士真係會流心嫁，唔會好似只係食左炸粉咁辣酒煮花螺，食唔出酒味同螺味。只係食到微微嘅辣味鹽燒牛舌好食嘅牛舌絕對唔洗落太多調味料，依度嘅牛舌絕對係靚嘅牛舌肉質唔會韌，加上落左少少粗鹽同埋黑胡椒就帶返出牛肉嘅鮮味出黎值得一試香草燒紐西蘭羊鞍全晚最令我有驚喜絕對係依個香草燒紐西蘭羊鞍味道可以拍得上高級西餐廳，羊肉唔會只係得膻味同埋羊鞍肉質都柔軟鮮甜，唔會乾到冇晒水分甜品除左法式焦糖燉蛋之外，其餘甜品我都覺得麻麻地冇計啦，依間又唔係甜品店，點會有真.甜品師整比你食丫Häagen-Dazs雪糕友人生日附送的優惠，士多啤梨味同埋曲奇味嘅Häagen-Dazs雪糕自助雪糕自助任品有Somersby飲呀，飲返十罐八罐都已經回左本總括黎講，依間放題店嘅味道係唔錯，已經贏過坊間唔少放題店至少食左成晚(其實唔只食左上面咁小野，不過好多都唔記得影)冇一樣野係大伏黎不過自助任品同雪糕嘅選擇唔算特別多，同埋都係大路飲品質素唔算太高不過依度服務態度好好，店員做野好快手同埋冇試過甩單，值得一讚…查看更多

越興園是旺角其中一間老字號，前身在鼓油街不過旺角租金太貴，多年前就已經搬到女人街(通菜街)但餐廳搬遷後，我卻一直沒有機會再品嚐沒想到今天再度重來但卻驚覺水準不再午食套餐同以前一樣，以越南河粉為主打但都仲有其他選擇，例如蛋白炒飯、海南雞飯等不過價錢就會再貴一啲鮮牛肉粉午食套餐  $36套餐包一碗鮮牛肉粉和一杯汽水鮮牛肉粉鮮牛肉粉的精隨在於牛肉仍未完全熟透，讓食家選擇牛肉的成熟度但鮮牛肉粉送到時，超過一半的牛肉已經完全熟透，實在令人無言不過好彩都仲有少量牛肉半生熟，如果唔係不如我就咁點一碗牛肉河黎食就得啦牛肉的肉質唔算太鮮美，應該只係普通街市都買到嘅冰鮮牛肉但卻食唔出有什麼牛肉味，咬落口個陣就好似食緊一塊淡而無味的肉河粉的湯底有好大陣味精味，原全飲唔到任何鮮牛肉嘅鮮味湯底可以算得上係粉麵類嘅靈魂，連湯底都唔好味嘅話基本上依碗鮮牛肉粉可以話係非常失敗可樂可口可樂嘅味道，但太細杯啦坊間其他餐廳起碼會大多是1/3杯不過杯可樂都只係可以用黎解返碗鮮牛肉粉嘅味精味今次依餐午餐真係令我大失所望假如越興園仍然冇辦法改善水準的話恐怕即使係老字號亦難逃結業嘅命運…查看更多

同朋友興祝生日就預左要洗多少少錢好難得一齊約左係九龍灣megabox唱k之後就緊係直落一齊食晚飯Ruby Tuesday位於九龍灣megabox 12樓，餐廳面積都幾大不過都係好full 朋友係前幾日就已經book定位，但我地去到都仲要等多10分鐘先有得入座咁睇黎間餐廳真係幾受歡迎餐牌封面係招牌漢堡(可惜當晚我地冇試)食物選擇有好多，有沙律、意粉、海鮮、薄餅......仲有甜品添蘑菇忌廉湯 $26其實我唔知個湯叫咩名不過依個係11月份餐廳精選黎所以我地每人都點左1份，個湯有好香嘅蘑菇味而且有好濃郁嘅忌廉同芝士，配埋脆口蒜蓉法包黎食就更佳經典燒排骨(全份) $368黎食Ruby Tuesday又點可以唔試下招牌嘅經典燒排骨呢今次㨂左配經典燒烤汁，不過我個人都覺得仲係有少少偏甜而塊皮略微有少少乾身，所以扣左少少分啦不過個薯蓉比到個驚喜我，因為薯蓉入面原來仲有薯仔粒提升左薯蓉嘅口感特色加州墨西哥烤薄餅 $248超級超級推薦依個薄餅比大家薄餅皮焗得超薄同超脆而裏面有牛油果、蕃茄做材料令薄餅味道好清新好健康如果點水牛芝士黎食會有就少少乳酪酸味都幾夾薄餅本身個味道香草烤雞配松露燴飯 $208燴飯分量好少，不過食得出有好香嘅松露味但個香草烤雞認真麻麻雞肉非常韌，用刀切極都切唔開同埋食唔出有香草味，只係食到普通冰鮮雞嘅味鐵板精選拼盤 $288賣相已經唔算吸引，冇諗過連味道都一般牛扒同雞扒味道都偏鹹配上薄餅皮同埋配料黎食會中和返少少鹹味但就會食唔出牛扒同雞扒本身應有嘅味道如果能夠坐係窗邊望到九龍灣夜景，環境確係一流可惜今次只係坐係門口位附近，令氣氛大減最後只是匆匆而來，又匆匆而去…查看更多

同朋友一齊捐窿捐罅去覓食都可以算得上係一種人生樂趣今次係一個小街市見到樓上有間扒房而且價錢唔算太貴，咁就緊係要試下啦！午市餐牌午市選擇有好多，最平$44就有交易12:00-17:00 依個時間仲唔洗加一添而且午食套餐 包一個蒜蓉法包、餐湯、主食、一杯野飲同甜品蒜蓉法包及餐湯蒜蓉法包非常脆口，不過就唔係好食到蒜蓉味而餐湯就有紅湯同白湯兩種選擇由於我同朋友都唔鐘意飲紅湯，所以今次只係揀左白湯黎飲餐湯味道不過不失，湯入面仲有少少雜菜同紅蘿蔔添扒龍脷柳配車打芝士汁  $44意粉分量好少，而車打芝士汁更加係少到睇唔到令意粉好乾好難入口西蘭花又好硬，咬都咬唔到扒龍脷柳更加有少少腥味整體而言令我覺得幾失望芝士意式焗牛脷飯 $48依個焗飯分量都係好少，不過整體味道都尚算唔錯茄汁唔會太酸，幾容易入口牛脷雖然都幾大塊，但就有少少乾身可樂可口可樂味道熱茉莉花蜜有清幽嘅茉莉花味，解膩一流法式焦糖燉蛋加$12就可以由啫喱升級做法式焦糖燉蛋啫喱味道就普普通通啦，當係免費甜品都過得去但係升級做焦糖燉蛋就有少少唔抵啦因為落得太多焦糖啦，搞到只有甜味原全食唔到蛋味正宗妹仔大過主人婆隱蔽飯堂環境係幾好，尤其今次坐窗口卡位仲可以望下街景不過如果餐廳唔係以食物為主，好難留得低住客人希望下次黎可以有所進步啦…查看更多

3點3，又到左食下午茶嘅時間啦。今次係女人街入面覓食，見到一間裝修幾靚嘅餐廳。所以今次就揀依間啦下午茶套餐選擇都幾多，價錢算中價啦因為依個價錢其實只係平午市$5唔算平好多飲品以台式飲品為主焗芝士白汁海鮮飯&珍珠奶茶 $35今次就試左焗芝士白汁海鮮飯同埋點左杯珍珠奶茶黎飲焗芝士白汁海鮮飯海鮮份量都有返咁上下，有青口、蝦、帆立貝等等但飯嘅份量就略嫌太少，我諗一個成年男性一定會覺得唔夠食而白汁嘅味道好奇怪，可能係因為太稀引致白汁味不足同埋食唔出有芝士味珍珠奶茶珍珠份量超級少，飲左幾啖就冇晒同埋奶茶味道係偏向台式奶茶味但飲得出好明顯係用奶粉沖，味道好淡飲唔出奶茶嘅奶香同茶味希望下次再黎個陣會有所改善啦…查看更多