勁大食的个人专页

好地地酸菜魚走去學人賣早餐前提工夫都未做好就推出早餐平日叫外賣已經等得耐 晚市起碼要等30分鐘今日去試下佢個早餐 一入餐廳人影都冇個有個好似清潔阿姐嘅人迫住招呼食客發覺呢間餐廳嚴重人手不足平日外賣出餐已經夠慢 每次見到d伙記都係目無表情個樣勁攰今次唔係評食物 反而係評服務管理不是良心餐廳 切勿幫襯 。。。。。。。。。。。。。。。。。。。。。。。。。。。。。。…查看更多

一行六人，四大兩細，決定落樓下德福食小朋友最愛嘅pizza。等咗二十分鐘就有位，坐圓枱。決定叫個四人餐，湯x4 + 沙律x1 + 小食x2 + 意粉x1 + 飯x1 + 餐飲x4沙律配料有生菜 水果，最緊要水果新鮮，份量亦都足夠咁多人食。茄汁蜜糖腸，小朋友最愛。茄醬得個酸字，唯獨係個腸仔唔算細條。芥末煙肉薯條，夠脆夠乾身，蜜糖芥末醬mix得幾好，唔係好攻鼻，小朋友都可以食。炸魷魚圈，用優惠價單點。好脆口好爽身，間唔中食下都幾滋味。煙三文魚忌廉意粉，每人細細注，過下口癮。要襯熱食啦唔洗講，煙三文魚細塊咗d 冇乜口感，但整體還可以！海鮮焗飯，pizza hut d米飯係好好食，野食勝在夠熱，老人家都讚ok要咗薄批，冇後悔，凍咗都係好食。整體今餐都還可以，歷史悠久pizza hut，個人覺得水準keep得還可以。埋單加一$601…查看更多

一星期前訂咗枱，八點幾去到已經泊滿哂車，代客泊車要$50。幾乎全場滿座，男女老幼咩客都有。最滿意係夠光猛，抽風好 冷氣夠，食完個身都冇味！沙爹湯 魚湯，湯底好厚身，完全足料夠味。個人比較喜歡魚湯，可能當晚叫得比較多海鮮，夠清甜。手切牛肩肉 牛粒，見到顏色紋理都覺得新鮮，一向好少食牛嘅我都忍唔住，因為見到滾完之後都冇縮水，肥瘦平均。魚卜，份量夠多，即使滾耐咗都唔好話硬哂，反而好多骨膠原痴痴地感覺。encore咗鮮魷兩次！真心一定要試，好爽口彈牙！俾多一碟我都仲ok！要讚嘅係美國桶豪，好大隻，仲要冇縮水，想encore但已洁清。。。服務態度我學得幾好。食物質素不錯，多選擇。六個人埋單$19xx，貴係貴在幾百蚊最平牛肉。如果要我再食方榮記，我都應該會再去，又多一個敍腳點值讚嘅係員工，自動自覺執野教碟倒水。…查看更多

三個女仔將會各自飛，farewell飯局當然想揾間可以坐得耐，又有酒飲又有野食嘅地方啦。因為冇做事前功課，不停係山林道來來回回咁揀餐廳。最後睇左門口放置嘅餐牌，決定食呢間。可能星期日嘅關係，九點都係得三四枱客。好！開始點野食！用ipad睇menu，但落order都係要叫人黎落嘅。。。$148 四隻，有好多唔同產地選擇，因為唔識揀嘅關係，所以只係同佢講要最肥最大隻。冇失望！好新鮮，入口即溶，最緊要夠凍。$78 泰式生蝦，唔好期望係泰國餐廳嘅size，你會好失望！得手指公咁長嘅生蝦，只可又當過下口癮。$128 龍蝦汁海鮮意大利飯，份量唔算好大，三個人一人分到細半碗。一定要趁熱食！意大利飯黎講算煮得硬咗少少。龍蝦汁做得幾好，唔會好制。材料只有魷魚 粟米芯，未夠豐富。$138 冬陰公海鮮pizza，點咗大份 切開有八塊。材料有魷魚 蝦 菇 芝士，普普通通 出面都可以食到。餅底凍咗個陣變咗餅乾質地，用黎送酒都幾match。另外仲叫咗三杯1664，好似要$8x一杯。埋單連加一 $8xx，由九點坐到十二點先走，餐廳內仍然只得幾枱客。想靜靜地又想係酒吧飲下野，不妨選擇星期日。…查看更多

睇完跌打行去地鐵站途中，見到大大隻字寫住娘惹糕，完全冇idea娘惹味嘅糕究竟會係咩味道。娘惹糕$8，自己本身以為一件糕點細細舊最多咪六蚊 呢度又係深水埗。做得有d黏，同埋好甜 得個甜字，又膩又頂胃。你地可以試下嘅，但我自己一次就夠啦。芝麻包$6，仲細過個拳頭！我寧願俾六蚊去包點x生買個包 起碼多選擇 size都大佢成一半。撕開見到芝麻蓉得一半，仲有d油漏出黎。面包好硬好實，有待進步。…查看更多

成日聽朋友講桑拿醉蝦，今次湊夠腳黎澳門，決定點都要食呢間，趁人多可以試多幾樣菜。位置都幾偏，係路環好入好入，由氹仔碼頭的士去要七十蚊。招牌桑拿醉蝦 $2xx，首先佢會拎一盒生猛跳緊嘅蝦出黎，放係面前俾你睇到夠。都幾殘忍架睇住d蝦浸係d酒入面跳下跳下，所以影完相就叫侍應拎返入廚房。做法係用一個燒到好熱嘅石鍋 將d蝦直接焗熟，蝦肉爽身好新鮮，份量ok 五個人每人都食到七八隻，不過最遜色就係冇乜酒味囉。白酒煮蜆 $1xx ，酒味唔重，做得好嘅係冇苦味，幾清甜。乳豬肉 $2xx ，冇睇錯 真係二百蚊！咁岩成份都係肋骨個個位，不過都有肉嘅。個外皮十分脆，肉嫩多汁，值得一試。燒魷魚$1xx，size有差不多女仔半個手掌咁大，入面釀咗魷魚碎，彈牙爽口。但個人麻麻地接受到入面個pat野，質地有d似豬潤。。。金銀蛋羌菜，五個人叫咗兩碟，菜反而係全晚最受歡迎六碟餸，三個野飲，再加一，埋單$8xx。其實價錢算係中上，如果你要求環境舒適，服務周到的話，呢間未必符合到你。一，多數係室外位置二，收加一，但感受唔到有任何服務三，冇乜遊客去食，所以冇乜人會理你三，由於位置太偏，即使call的士都未必有車肯載…查看更多

見到室內室外都坐滿人，氣氛好似幾好，即管入去試試！前菜基本上冇乜特別，冇乜誠意。泡菜 粟米沙律 酸瓜，對比其他韓國餐館還是遜色咗少少。香蕉米酒 $130 好甜，飲到後期要額外加冰，加上有點結步隊鍋 $240，豆芽 大蔥 雞脾菇 豆腐 午餐肉 腸仔 餃子 年糕 公仔面 芝士，最基本嘅材料，可惜唔夠新鮮，令人無奈的竟然公仔面得一半。湯底味道就係泡菜味，朋友用黎送飯食。原味炸雞 $170，最期待變成有點失望，望落去好乾身，咬落去都好脆，但係炸粉好厚好多。眼看以為隻雞好大隻，原來係bb雞，一拆開就係黃色脂肪加炸粉加油。雖然如此，但係雞肉係幾嫩滑，如果改良一下應該會更好食。三樣食物 加一碗白米飯$15 埋單連加一 $611個人不會推介部隊鍋和炸雞，相信有其他餐廳會做得更出色。觀察四周 大部份客人都係點最熱門招牌菜 掛在頂上吊落黎嘅串燒，有機會可以一試。…查看更多

睇其他食家俾嘅評語都唔錯，其實都想試好耐，咁岩係佐敦 但又咁岩個陣已經接近十一點，心諗肯定close咗。行去門口望下入面，之後就有個應該似係老闆嘅人出黎welcome我地，叫我地慢慢食take your time。坐低冇耐就送咗個脆薄餅，好香胡椒黑椒味，暖身好脆口，少少辣 但個隻辣係可以接受嘅。招牌沙律House Salad $128，好大碟 個碟好深 成坐山咁，大過個頭！牛油果一個切片 生熟度岩岩好，雞蛋一隻切半，紅椒黃椒，沙律什菜mix醋。成個presentation同埋味道係very good！香菇雞肉闊條面 $128，又係大大碟，好多菇 雞肉都算係煮得唔錯，記住要趁熱食。闊條面口感好好 少少爽又唔會好淋。基本上最重要就係佢個汁，再加上面頭落咗芝士碎，鍾意食白汁嘅人有機會要去試下。提示一下，一碟已經夠三個女仔食。雞肉烤卷 $98，落order個陣可以叫佢切份。入面有椰菜絲 蕃茄 洋蔥 烤雞肉，醬汁有d似沙律醬嘅面，好多汁 好大份。建議多人的話可以點呢個，每人細細份試下好過食到自己飽哂。mango Lassi $42，Banana Lassi $42，加乳酪mix。drink list仲有好多款選擇，有酒提供架。三個女仔食三樣菜已經好飽好夠，因為碟碟都好夠份量。埋單先知原來免加一，推介！…查看更多

每逢公司training先有機會到鰂魚涌，每次都一定會買個包食，因為真係又平又實在！見食評話必食雞批，今次就買個黎試下，果然係冇令人失望。外皮焗到好鬆化 有牛油曲奇嘅口感，最欣賞就係個皮唔會咬一路咬一路跌d碎，不過食落真係似叉燒酥個d味，無論顏色定係口感都有d似。而家又平又好食嘅面包舖真係唔係周街有，而且呢間仲要有好多選擇，如果冇目標要食咩的話真係會花多眼亂。朝早返工時間會排長龍，返工一族真係要預返時間，不過阿姐手腳都好快嘅…查看更多

想係置地入面揾有質素 價錢又合理嘅快餐，美心集團旗下嘅canteen係一個唔錯嘅選擇。其實canteen個位都幾隱蔽，係太子大厦同歷山大厦交界嘅樓梯位。都係多得有次個客話個度叉燒好好味，之後先知有呢間快餐店。價錢大約$3x-$7x，算係好合理架啦係置地廣場入面。出名燒味，平時多數都係叫雙拼$51 配粉面飯。叉燒(8/10分)，唔怪得係必食之一，快餐店做到大酒樓嘅水準！叉燒用嘅肉係有質素，即使係瘦叉都唔會zip牙縫，半肥瘦更加唔洗講啦，個邊用蜜糖燒到脆卜卜。重點係個汁，直頭係好似肉汁，並唔係平時燒味檔個種，佢係比較結身d 濃d。一定一定要試佢嘅叉燒，你會上癮燒鴨 (7/10分)，燒鴨都好多人食，因為皮脆肉嫩 一d都唔鞋口，咬落去係有汁流出黎，份量都唔少架。燒豬腩仔 (7/10分)，正宗豬腩仔 層層分明，燒腩仔永遠都係最快售罄，記住最好同師傅講明要瘦定肥。瀨粉 (9/10分)，有幾何仲有餐廳有瀨粉食？爽口 彈牙 滑身，上湯好清，起碼每次食完之後都唔會口渴，仲可以唔洗另外加錢叫佢加底。提提大家12-2pm lunch時間會好多人 比較難揾位，2:30pm後有下午茶，份量一樣 但價錢平d 仲有野飲送架！…查看更多

八點幾，三人位等咗大約十分鐘就有位。環境光猛 乾淨企理 坐位闊落，第一印象已經加分。值得一讚嘅服務，當我地將一袋二袋放好係櫈上面之後，員工第一時間拎塊布黎蓋住我地d袋，小小細節位已經睇得出呢間餐廳嘅服務係好有質素！睇下餐牌，食物選擇都幾多，價錢範圍大約由$48-$100。蘿蔔絲拌海浙 (8/10分)，兩種食材比例平均，海浙好爽口 蘿蔔絲酸酸地，好開胃。作為前菜 份量都足夠三四個人食。醉雞 (5/10分)，食正雞翼加去骨雞胸個part，酒味好夠 但可惜偏咸。。。要沾醋同辣椒油去中和一下，原來沾醋一齊食都幾夾。肉質唔好期望太高，反正就中規中矩，只係味道扣咗分肉燥撈面 (7/10分)，肉燥入面有毛豆 豆乾粒 蔥花，個汁整得好好味。份量比想像中少，如果係兩個人的話都應該可以分到一人一碗。蒜蓉炒通菜 (7/10分)，炒菜類得幾樣選擇，全部都係用蒜蓉炒。通菜食落仲係爽口 夠鑊氣，差不多枱枱都有叫炒菜。主角小籠包 (9/10分)，終於明白點解食小籠包要去鼎泰豐，真係皮薄料靚，一舊分兩口食。雖然咬開湯汁唔係話滿瀉，但只少個肉汁真係鮮甜 唔油膩。蝦肉抄手 (5/10分)，個汁好似甜豉油加辣椒油，偏甜。睇落好似好大粒，但其實係個皮好厚，中間得一粒仔蝦同豬肉。如非必要 我諗我應該唔會再食佢嘅抄手，失望。。荔芋迷你包 (8/10分)，口痕要食下甜野先安樂。一籠三個，真係好細個，不過勝在個味道做得好，唔會太甜，面包同荔芋同樣搓得好。？大家有樣野要留意，除咗加一之後，仲要另外收$9一個茶位。繼續要稱讚一下鼎泰豐嘅員，好主動幫客人，好醒目，大家有機會去感受一下！…查看更多

好鍾意食KFC嘅雞，見好耐冇幫襯 咁岩呢排個Pizza雞又賣哂廣告咁，抱住好有希望嘅心態去試，點知個汁完全同Pizza味好似址唔上關係。加$6要咗個萄撻，萄撻唔洗講 保持水準，好味到想食多個。跟餐有兩件雞 一杯野飲 $36，我以為會有Pizza個隻好cheese好香個隻味，點知一食 茄汁多到掂到塊面，個感覺就係好似一件沾滿茄汁嘅炸雞，食唔到其他味，太多茄汁仲令到個皮變到淋哂，只係底部仲脆脆地。由於太酸 層芝士又分離哂咁，所以決定唔食層皮，齋食肉算。KFC雞肉仍然係整得好味又大舊，只不過今次個醬 我個人唔係太like，所以下次食我都會堅持食返原味嘅炸雞…查看更多

三個女仔難得夾岩日子，想揾個係尖沙咀有得食又有得飲嘅地方，見呢間全部都係正評，每個食評都係讚，睇食物相都幾吸引，所以就提早一日係openrice訂位。位置其實就係李家附近。原來佢實際真係一間酒吧 有埋食物提供。我地9:05pm去到，老闆好主動咁俾咗張happy hour嘅生啤list我地 買一送一，原來happy hour係5-9pm，但佢都唔計較照做俾我地，第一樣野已經加咗分。不過最後揀咗tower $280，因為個waiter計埋數俾我地睇話三個人叫tower係扺過買一送一，咁就信佢啦。雞泡魚乾 $8x，真係即燒 拎上手仲係熱，而且份量都唔少，表面少少蜜糖甜味 咬落去又好香，一流嘅佐酒小食 會令人停唔到口，不過唔明點解係配沙律醬黎食。。。德國腸(半份) $12x，半份都勁大碟 兩條大四條細，三個人完全食唔哂！不過要提醒下就係，兩條大腸都係黑椒味 真心辣。好彩有炸薯仔補救下，好脆 調味適中 不經又覺食咗好多。韓式炸雞(兩拼) $14x，呢個真係推薦！百幾蚊食到全隻嘅炸雞 仲要係有質素同大大隻！係同區求其揾間都起碼要$2xx。佢個原味炸雞真係好食到不得了，味道岩岩好 好脆 入面仲有汁。另一半甜辣味都有驚喜嘅，佢個甜同辣做得好平衡 冇搶味。不過就建議唔係好食得辣嘅朋友 唔好叫辣味，因為都真係幾辣架，但d雞肉真係好味到唔食唔得。年糕餃子雞蛋湯$9x，一上呢個湯 大家都嘩咗一聲，因為個蛋花整得好滑好靚，再飲啖湯 好鍾意 有清，之後發現餃子點解係圓形嘅 好似粒湯圓，咬開先知佢真係餃子，我都好鍾意呢個做法 皮又薄 又易入口。三個人 叫咗酒 四樣野食，埋單每人$280，其實價錢真係算平，仲要食唔哂。最緊要係坐得耐同舒服，基本上全部都係梳化位，每個位置嘅空間好大。…查看更多

食過第一次 已經想再去第二次裝修佈置好有格局，兩個人安排坐細嘅二人枱，由於餐廳用嘅碟都算大，基本上叫三樣野 再加埋野飲，已經冇乜空位。不過食物質素真係會令你俾個讚佢，最好就係佢有啤酒 紅酒 白酒 cocktail供應，因為我份人係缺酒不可。。。。牛油什箘，唔乾身亦都冇苦味，吊下口癮嘅前菜，細細份 不過又岩岩好喎，始終茹類都係會有飽肚感。煙三文魚沙津，本身淨係叫ceaser salad，但見餐牌話加錢要個topping 煙三文魚or ham，果然冇揀錯，三舊煙三文魚都大大舊，咸度適中 幾新鮮。辣肉腸pizza，餅底唔係厚 但又未去到薄脆個隻，真心好食，好多汁 芝士溶得好好，辣肉腸個味咸咸辣辣 加埋佢d調味 真係飽都繼續食，配料另外仲有火腿粟米，兩個女人最後真係食哂成個批！個位就係咁啦，仲未放野飲我唔抗拒再去食第二次…查看更多

屋企人帶路去食新式素菜，八點入去得幾枱客，到九點幾走個陣就坐滿哂，仲有人排隊。如果你係要求環境好又舒服的話，呢度未必滿足到你，基本係得枱同櫈 牆上面有食物嘅相，就係咁簡單。價錢範圍由$60-100左右。炒年糕，配料有芽豆 豆干 椰菜絲，冇乜味 亦都冇任何特別之處，可能自己屋企炒仲好味過呢個椒鹽淮山，真實份量唔係好多，炸漿做得多薄 夠乾身，食落唔會覺得好油，不過都係偏淡味。其實有猶豫過食淮山定一口茄子好，如果俾我再揀 我會揀茄子。。。。。軟殼蟹反卷，唔怪得餐牌話必食，用炸過嘅紫菜扮軟殼蟹 再加沙律醬，口感真係好似，大大舊要分兩次放入口，真係必食推介！焗多士，用咗牛油果 粟米 芝士，最易整嘅菜式係最好味。size有2/3個手掌咁長，食兩塊都已經好夠，食個陣入面仲係好熱，所以要小心唔好食咁急。三個女人叫咗四樣野，埋單二百幾三百咁上下，你預三個人食四樣野 係唔夠架，只不過想留肚食糖水先冇叫咁多…查看更多