mikolopingyou的个人专页

今日同friend去旺角，見到T.O.P. 呢間餐廳個名好得意，就入去試下，裝修都好適合打卡，啲菜名又好得意主要食泰國Fusion菜。主菜就叫咗啖啖蟹肉擔擔飯同蜜味酸辣豬肋骨，蟹肉擔擔飯估唔到好食，以為花生醬同飯唔夾，以為淨係可以配麵，值得去試。蜜味酸辣豬肋骨，個汁甜甜地有少少BBQ嘅味道，舊肉又處理得唔錯。因為樣樣都想試嘅緣故，就叫咗兩個甜品，唔記得呢個叫咩名，佢係香蕉pancake再加啲肉桂蘋果蓉，本來滿心歡喜藍色雪糕，但唔係幾好食，個pancake就OK。窩夫好食，Oreo朱古力，個窩夫裏面係麻薯，好煙韌，熱嘅窩夫配雪糕就一定唔會唔好食。打卡一流。價錢少貴，但會推介去食…查看更多

今日係全日禁堂食既第一日，真心難為很多香港市民，特別戶外工作的人，連唯一可以涼冷氣既時間都冇埋。今夭不用上班，就打算在家附近買飯吃，看見beans最近推出咗一個外賣優惠，竟然最平$38仲要配飲品，當然要試吓佢，平時喺beans 閒閒地都要百零蚊埋單。佢平時餐牌上面嗰啲都可以叫有七折優惠同午餐（午餐冇優惠）我叫左一個白酒野菌燴雞意粉、凍檸檬蜂蜜同加左車打芝士薯條總數$56，大概等左二十分鐘其實佢既份量係好少，如果細食嘅就足夠，好似我就要加多個薯條先夠飽。白酒野菌燴雞意粉，係正常水平，外賣算係咁，有一隻雞髀，有少少西蘭花豆角同蕃茄仔，仲有菇菌。薯條有芝士點，不過真係要盡快食，淋左就冇咁好食總括嚟講我比較鍾意beans 堂食，食環境同埋食擺盤，咁當然食物都ok。最後都想講佢包裝好精美，但就環保來講就有啲浪費，下次買外賣可以自己帶盒同用自己餐具，減少浪費…查看更多

上星期二因公司食飯，有機會去試吓呢間樓上西餐廳，晚市時間座無虛席，今次多人所以就坐唔到窗口位，佢嘅窗口位好特別，好似日式榻榻米。一嚟到首先就俾我哋品嚐下芒果沙冰，其實平時我都唔鍾意飲沙冰，但佢係好開胃同埋食得出係有菠蘿同芒果香味，真材實料，細細杯，令我對沙冰改觀。然之後呢就叫咗個套餐 佢有湯、前菜丶主食 丶甜品。湯我叫咗蘑菇湯，好香蘑菇味，我同事叫咗南瓜湯都話好飲。三文魚沙律同雞卷，沙律好清新好食嘅，但雞卷我覺得一般可能唔啱口味，反而他他多士好好食。下面嗰個蒟蒻沙律好特別感覺健康但係蒟蒻冇味所以都係食緊菜沙律嘅味道主菜慢煮羊膝，裏面啲肉好嫩好好食，調味亦都唔錯，慢煮應該都好花時間同功夫。個安格斯慢煮牛都好好食嘅感覺，雖然我冇食到，但聽講好有肉汁，同有質感。墨魚麵 ，佢本身個面已經係用墨魚汁做，所以食落去唔怕成個口都黑色。甜品方面，芝士蛋糕同咖啡蛋糕都好出色。飲品水果茶感覺太濃雖然唔係嗰種死甜，但真係太甜，下次再食應該飲其他嘢，咖啡就可以啦。整體而言，雖然貴但係嘢食超水準，同好豐富嘅感覺，啲食材好食會覺得好享受呢餐飯。…查看更多

係土瓜灣群組見到呢間滷水店，今天下午茶時間就到竹地館試吓午餐，兩送飯真心超抵$28就食到，加二蚊有例湯。$30食一餐係香港地買少見少，我今日試左滷水鴨加滷水豆腐二餸飯其實$30冇乜要求，味道可以，不過下次飯要少汁，唔係太多汁會口渴，湯偏鹹，但都可以，出面食個飯閑閑哋都五六十蚊，呢度$30食飽你，同埋店內面哥哥仔係同路人，平時收九點，今日特登開夜啲等啲人返到嚟有飯食，真係真心推介，平食之選，慳錢就黎呢度食。…查看更多

九龍城食左咁多次飯，第一次吃聚味軒，我上司介紹我去吃，中午時段入去吃，裝修十分中式，位置寬躺舒適，中午有即炒飯餐，當中包括蒸餸類，雖然要等十五分鐘，但大家也是叫了蒸餸。這樣的份量絕對對得住個價錢，五十幾，有飯有湯。豉汁蒸倉魚雖然冇食，但感覺幾好，魚也新鮮。梅菜蒸肉餅，呢個好啱送飯，汁不會太多，梅菜好食份量多，肉餅有口感不會似溶左，夠大塊。豉汁蒸排骨，聽同事講都可以，好多排骨，排骨食唔到既位也很少，只有兩舊肥肉。餸多到佢食唔晒。佢上菜前送左例湯，有料冇味精，冬瓜湯但疫症時間都係少人去食飯，聽講生意少左好多，大家少出街，如果想喺呢頭附近食飯，不妨一試，對得起個價錢，快餐都要50-60一個，所以食得過，仲要同聲同氣同路人…查看更多

因為約咗個朋友食午餐，但又想有個位可以靜啲，舒服啲，所以揀咗呢間餐廳。我地係兩點左右去到，見舖頭都幾多人，餐廳環境以簡潔為主有好多小盆栽，同淺色系最啱影港女相（人樣就p左去)，同坐係到有少少陽光係窗簾滲入，感覺舒服而食物方面，價錢都一般（午餐$60-70）主食同飲品份量夠女仔食，味道都唔錯，只係飯比較硬身。意粉好食，而且擺盤靚，都係比大家呃Like不過身為一個香港人當然支持小店，更支持勇於發聲的一群，最後送上鼓勵卡仔，香港人加油！…查看更多

有朋友生日就揀啲特色的野食食下，朋友係ig見到宜家食扒餐+$28有小食甜品90分鐘放題，就試下。當日大概八點入去，成間舖都差唔多坐滿人。我地點左三個扒餐。當然一分錢 一分貨，貴價西冷同肉眼牛扒最好食而$28蚊放題就唔係太多款揀，每人每次只可叫一款，小食雞亦一般水牛城就出色啲，蒜容牛油就可以唔洗叫，而芝士西蘭花同牛舌幾好食甜品就較為有驚喜👍🏻，用雞蛋仔同西多士做主題，打卡呃like一流，不過就西多士可以唔冼叫，太油唔好食，雞蛋仔就好啲，不過食一個甜品都抵返（原價$68/1個）但其實都是雞蛋仔加雪糕。…查看更多

今日食完飯想飲杯果汁，就去呢間莎莎果汁飲杯，當時我見到牛油果配一款水果，但又唔知點配好飲，就問靚女姐姐，結果姐姐話啲牛油果未熟，推介我飲木瓜牛奶，話宜家既木瓜甜，就叫左一杯。在香港好少飲木瓜牛奶，每次都係去台灣旅遊夜市見有就買一杯二杯飲，而今日飲到呢杯木瓜牛奶，見住姐姐用鮮奶加木瓜完全冇加其他野，足料嘅，因為知有啲舖頭用奶粉又或者香精丶水沖。原汁原味一杯木瓜牛奶之前都試過五青汁，好青🤣所以討好唔到我，只可以話好健康，下次可以去再試下其他果汁。…查看更多

今日經過就試試佢個吐司，其實價錢就唔算平，係因為出面未見過類似的野所以先食下試下味見到個盤有少少嚇親，見到就覺得要打卡咁款，其實都只是街頭小食飛碟😂，不過餐具的確有幫佢加分，好文青風，雲石碟好靚。不過味道就真係唔覺得個奶茶醬好看，反而覺得佢作為一個甜單唔夠甜，珍珠可以的因為此終佢係熱食，啲珍珠溶溶地，但口感都可以的。整體來說一般，好多野都係一試無彷，除非你好有錢，用差不多一餐飯的價錢買個包，同佢同珍珠奶茶味道都唔係十足似，不過下次可以飲埋佢個珍珠奶茶😃…查看更多

麥記今次好似想撈埋人地個範，整芝士飲品，不過當然同x茶當然差少少，不過見佢download apps就有張免費券可以飲芝士四季春或者黑咖啡，當然要試試佢。最後叫左杯四季春，佢係比我想像中好飲，個茶底好香，就算有好多冰都冇沖淡左茶味，而芝士雖然冇平時飲開既厚身，但佢有芝士味，啲人話中曬伏，但我又唔覺，不過可能係免費既關係吧，因為其實呢啲飮品全部都唔抵飲，所以呢佢性價比係唔高，一試無妨，用左佢張優惠券。…查看更多

因為要去沙田附近工作的原故，我就諗住見識下香港的喜茶，其實喜茶係大陸我都飲過兩三次，每次都要等好耐先飲到杯，仲會買埋mini喜茶返香港飲，我就比較鍾意佢個奧利奧波波茶多過芝士奶蓋。我用微訊個小程序喜茶go落單，咁樣就唔洗排隊等落order，嗰日平日都幾多人排隊買，我用電話落單後要等36張單，我行左一陣先去拎，第一次去沙田舖頭，感覺佢裝修好夢幻，都有位比人等飲品同飲野，算唔錯。呢杯芝芝芒芒係好飲既，芒果沙冰真係用芒果整，冇藥水味，仲有少少茶香，奶蓋依然好cream好濃密，其實我只是為左個奶蓋而叫，因為我覺得香港其他舖頭都做到呢個質素，特唔特登去潮聖，就自己諗下…查看更多

因為今日要去郵局寄信，坑口個郵政局去左明德後好麻煩。只好去食餐好既安慰返自己，附近有間瑞士茶餐廳，其實呢間連鎖茶記，係出面已經食過兩三次，不過坑口好少茶記，所以一場黎到走左入左去食。其實都係普通咁食個早餐，呢度早餐去到1200，好啱瞓晏左既人食。不過不失，但我就係喜歡食呢種港式早餐，對於女仔黎講夠飽既，但男就差少少，但樣樣都有啲同比我可以坐係度慢慢食個早餐就好開心，平時忙只可以一路行一路食住早餐返學。呢度仲有維記支裝朱奶飲，都係加$3咋。$35一個早餐唔算最貴但其實就比較起我平常食個包就Ko一餐，呢餐係貴既，都推介大家黎食…查看更多

因為返工的原因，我又要開始喺譚公道一帶附近搵野食，見到油渣麵王，就想食，其實我都鍾意食豬油渣平日唔見人籠，但我今日去有兩家人排我前面，當然我一個人就搭枱直入，值得一讚係店員的態度，好有禮貌，由入去到出去一直都話唔好意思地方淺窄，吃唔單止食物，仲有小店人情味，唔似其他地方多人就好似唔休做咁，想趕你走咁樣。我淨係叫左碗油渣麵（上海粗麵丶中辣）我無諗過就叫中辣，但其實都幾辣，我下次會叫返小辣，我聽店員講仲有小小辣，所以想食辣又唔食得，就叫小小辣。重點當然是豬油渣，大大片，脆卜卜，好香正，又比得多，麵就正常。值得去試一試…查看更多

同個fd一行兩人去食，之前見呢個餐廳啲人話成日都book 唔到位，宜家想book就book 到，但假期就真係唔知，佢難book係因為地方細少，但個排應該係個啲X假期，搞到有人潮。我平日黎唔算多人，店員前日就打黎confirm 位，到八點半又confirm 我地多一次，雖然對話好有禮貌，但會唔會confrim得太多次，不過可能要預定食材，同可能地方細要預定啲位。個位置都比較遠要上少少山，不過就好快，由裕民坊走上去大約5-8分鐘左右。但當然係因為我平時有行開個頭就易啲搵，由觀塘地鐵站行去就10-15mins，個個位唔係平時行觀塘會行開的位。一入到去，店員首先安排座位，因為我地第一次黎，佢都勁用心去介紹比我地知啲位置、點樣燒丶調味。食物款式就都算係可以，質素新鮮。飲品有一般的汽水，仲有店員話自家製豆漿飮，啤酒就要加錢了。呢個爐一開始燒係比較慢，食物都要耐少少先熟，所以要有少少耐性，又唔係同朋友傾計，食住佢包瓜子先一開始食你會覺得好好食，佢仲有啲辣粉丶鹽丶孜然粉比你調味，不過之後有食落有啲太乾同此終燒烤有啲油，我覺得前part 食多啲肉後part食多啲燒蔬菜，就會好少少。最後戰蹟兩個人都食到一百條左右，平均每人五十左右。…查看更多

我在晚上大概11:30的時間去食當時人不算太多但舉手多次都冇人理會我，過左一陣有個員工走過黎落單，但佢根本唔係聽緊我講，行左過去落外賣單，過左一陣，我叫後面個枱遲過我都有得食，我就追單，先發現佢冇落。真系個日明明有咁多空枱，又冇人出面排隊，三個樓面都咁，唔知多人忙既時候會發生咩事，其實其他人叫佢地都要叫好耐先行過去問人咩事，食過咁多次，真係令我越來越失望😞，其實一直都覺得聰嫂私房甜品係食得過，但宜家真係要睇多幾次再衡量下…查看更多