mywinnieho的个人专页

佐敦文英街一帶真係勁多嘢食，上次食完土耳其嘢之後，好似仲未夠喉，經過一間日本拉麵，見到佢最平嘅拉麵都係70幾蚊而且唔收加一，入去試吓，上次叫咗清湯原味湯底，今次就試吓佢嘅濃湯原味，入邊有半隻蛋、木耳、叉燒、筍⋯個人比較喜歡個豬骨濃湯湯底， 配埋個拉麵，我竟然一個人食晒連湯都飲埋，食得出冇味精，而且湯底十分之濃厚，口痕再配多個炸雞，一樣係即叫即炸熱辣辣好好味！仲有個糖心蛋都係超正⋯⋯ 我見到舖頭用嘅食材都係來自日本嘅，都係比較正宗嘅拉麵小店，我應該遲啲會再去第三次⋯呢間舖頭最特別嘅地方就係有一個鋪滿叉燒嘅拉麵，滿足食肉獸，等我一次勁肚餓嘅時候去試吓先…查看更多

上次一個人去食lunch, $185,…三款肉嘅質素都幾好，於是今次帶朋友再去，今次兩個人食咗同樣嘅餐，有五花腩/牛肩肉及A5和牛，再追加$88下腰西冷，今日做promote，滿$400送50 g牛肩肉，最敗筆就係牛肩肉，雪到黑晒，無論跟餐的牛肩肉定送的，都係敗筆，兩個人食咗接近$580⋯⋯送啲咁嘅質素，情願佢送雞或豬肉好過⋯⋯下次再去嘅話，都要諗諗🥴反而覺得成個餐最好食係五花腩，燒燶少少最好味。另外自助方面⋯⋯缺水，分開要水嘅時候竟然比熱水我，食緊網燒比熱水我？其實我哋去嘅時候已經係1:00 ，點會連水都冇？…查看更多

如果唔係因為疫苗氣泡,我可能一星期會去食一次，室內嘅環境同食物嘅質素我都覺得好好，我覺得有80分以👍我叫咗一個日本A5和牛/牛舌/封門柳150g套餐$185，牛肉質素好好，特別係A5和牛，真係入口即溶，佢只有兩種醬汁，其中一隻燒肉汁有少少甜，但係我覺得淨係加黑椒鹽都已經好好味，仲有嘅就係佢係用日本珍珠米㗎，所以好有咬口，一個女仔食，份量啱啱好！而家諗起都覺得好回味，可能過幾日又會再去🥴如果白飯同埋沙律可以任裝同埋牛舌可以厚少少就Perfect啦！…查看更多

訂咗2:30去食lunch，但係仍然多人，都等咗5至10分鐘先入到去，可能人多嘅關係，環境冇相片睇到咁relax，比相片中細。今次食咗午餐，揀咗雞扒拼魚餅，雞扒冇乜味道，但係仍可以叫做嫩滑，魚餅只係一般野，有兩塊仔，但係配菜好奇怪係冬菇炒紹菜，點解唔可以係椰菜仔呢？最差係個杯青蘋果綠茶，完全係藥水味嘅糖水最值得推介嘅係加$25嘅沙律吧！以我記憶所及，有沙律菜、青木瓜沙律、羽衣甘藍、泰式雞柳、粟米、番薯仔、假煙肉碎、芝士粉同埋有幾款沙律醬,淨係食呢個都已經飽晒😂另外唔知係咪lunch冇試業期嘅九折，埋單都係計咗我加一😞我會俾多次機會去試埋佢嘅晚餐，之後就知道會唔會再去!…查看更多

住喺嗰頭附近，經過好幾次都想入去試，今次終於有機會，不過係外賣拎走，冇諗過包裝咁精美，而且很窩心有膠手套。分別叫咗豬頸肉菠蘿漢堡同埋芝士雞漢堡，兩隻都好好食而且十分Juice，一個女仔食一個burger已經好鬼飽😋而家3點至6點前仲有八折添!…查看更多

一行六人叫咗差唔多四打蠔（夠一打就送一支意大利白酒，可惜我哋唔係好飲酒，所以就算我哋應該有四支酒，都只係叫咗一支）大部份嘅蠔都十分新鮮，$10隻嘅美國蠔都幾好味，好creamy...有海水味，但係又唔係太鹹，我自己較鍾意法國嘅🦪，呢間野性價比超高，而且環境又唔錯，仲有live band....我哋仲嗌左幾款熟食，因為係透過OpenRice嘅關係仲有六折⋯⋯叫咗煎鵝肝、天使麵、兩個水牛芝士同埋半打芝士焗蠔網上面訂位仲有discount，六個人食total $1921 ，每人都係$330 ，個個都話下次會再嚟😋…查看更多

與好朋友聚舊，一去8人，未吃先來2咸菜1花生，叫返大圍潮州菜，全部出事，滷水食物可以做到咁唔入味，都係係一個好高難度嘅技巧，個豬蹄全部係骨同埋皮，以為叫例牌會大些，⋯全部同相片不太相符，我哋叫滷水拼盤，佢就嚟咗滷水鵝片，我哋以為墨魚係底，食完才知原來不是，明明之前張單係寫滷水拼盤，自己黎錯又唔出聲，個個仲以為個拼盤未黎。 滷水鵝肝-唔香也不入味滷水豬蹄⋯基本上全部係骨，咁多個餸最差呢個，完全違反商品說明條例，餐牌係有肉⋯這個完全不能接受！呃錢咸菜，一黎已上兩碟再加花生，加埋茶芥已經$170漏咗一個麻將手撕雞（冇影相）完全係垃圾，只係手撕白切雞加普通麻醬，而麻醬又唔香，仲要將雞骨都係底，所謂嘅半份其實只有1/8隻雞份量。餐牌上沒有加大size...只有細/例牌⋯份量超細，你可以收貴d,但唔該俾返個正常份量俾我⋯⋯環境尚可但噪，但並不是一個敘舊傾計嘅好地方。…查看更多

肯定不會再去⋯超級中伏！同朋友食飯，一共兩個女仔，見裝修幾特別，入去試吓……點知原來係西式素菜，好多野都巧立名目，睇完個名根本都唔知係食乜嘢，見到廚師推介，以為好嘢，又冇圖片參考……叫咗野生松茸片牛油果刺身$98（未計加一）⋯來到⋯我同朋友呆咗，我實在唔知有什麼賣點？個3片好矜貴嘅野生松茸片加半個牛油果，我地兩個完全唔知點樣share食，食完好似冇食咁，而且啲松茸片好似梅咁！跟住黎個最簡單不過嘅fish n chips,啲魚柳我以為自己係食緊雀目牌魚手指，口感同形狀都完全一樣……又一再中伏，叫咗啲九唔搭八嘅嘢我哋仲有嗌左兩個湯，叫鐵觀音奶油周打蔬菜湯，又唔出有乜嘢鐵觀音味道，只係覺得真係噱頭嘢，唔覺得有什麼特別之處。最後埋單＄253 ……我地一毫子貼士都無比，因為佢已經加左一，同埋完全唔值，亦都唔好食……全部野都虛有其表...而且好多都冇相片⋯😫總之又貴又食唔飽⋯⋯永不再去！…查看更多

3條女行完山，到openrice 睇下cwb 附近有冇online booking 未full...找到這間Flora house...重話online book 50％，見d評語ok...點知中伏。 基本上set dinner 同散餐係一樣, 但係set 冇得用半價優惠，散叫係set嘅貴一倍，份量一樣，只是多咗soup and salad.....最終我地叫咗3sets 十2半價小食，黑松露薯條同埋水牛雞翼，仲補錢叫咗三個花茶，埋單$917其實每人$300，以dinner 來說，不是貴，但堅難食，係個湯同薯條叫幾好，其他set連花茶都中伏。Ink Linguine with King Prawns ($160)蝦ok...上碟賣相也ok......但係敗筆在個墨魚麵⋯有乾又硬，三個人shares 都可以吃淨，個麵真係超難食。Roasted Lamb chop in herb crust $208一個字—肥，而且冇醃過亦冇香草味，連我最喜歡吃羊的，吃了半塊也停哂口⋯German Crispy pork knuckle $198好明顯係去錯地方叫錯野，德國鹹豬手最精要的地方係配酸菜食，佢意然係比新鮮菜絲沙律，重有成碟豬手係淡而冇味⋯好似食緊煲完幾次湯嘅金華火腿一樣花茶方面，每人叫咗一壺，分別係洋甘菊， 玫瑰同埋洛神花，價錢分別係$48/$58/$63....唔知啲水唔夠熱定係點，只有洛神花味係出到，其他全部都係淡而無味，而且唔可以再次加水，蜜糖又要另加＄3環境傾計係可以，而且幾靜幾舒服，但係如果你對食係有要求嘅話，就小心中伏啦！…查看更多

環境100分，食物得50分，所以好容易中伏，一行3女人,吃了一risotto (分量勁少帶酸但吃不出佢係用意大利米,我地三個女仔一人一湯匙已冇。再來pizza 同garlic bread...可能冷氣太大，食物好快凍同乾⋯有吃柴皮感覺。湯及麵包還可以⋯⋯但最大中伏係佢杯成隻前臂咁高的yellow pineapple tree 特飲⋯1.完全飲唔到有波蘿味2.勁酸 3.冰溶後以為自己飲緊凍檸水走甜 4.$78 ....我只能免強飲1/3....埋單$6xx....每人$200...完全唔值所以只此一次⋯不會再去…查看更多

公司有人請吃糖水，常吃寧波街的寧波湯丸，真係超正，我一個人也可以吃兩碗，公司請吃糖水，外賣紙有寧波湯圓，一於試下有冇好食過佢？於是叫咗寜湯圓, 送到黎，放我枱面我以為係小籠包，咁大個女第一食牛眼咁大粒的寧波湯圓，皮又厚又已經發脹哂⋯加上不是用䕬糖水煮⋯⋯⋯吃了一粒之後，其他分哂比同事⋯⋯…查看更多

昨天朋友請我吃飯慶生，我請他們吃糖水，我地一行6人，飯後打算叫d清清地的糖水，於是叫咗梨渦淺笑x4...再加（實為桂花雪梨），見佢清、個樣又靚，有小丸子、桂花同金箔，來到個樣跟本兩回事，小丸子有紅,白,綠，我問佢紫薯丸呢？佢話冇，用紅綠小丸子代替，之後我再問金箔，佢話漏咗，之後攞返比我地⋯⋯態度係勁差，這個垃圾糖水賣$55⋯偷工減料⋯十分不老實，6個人吃了$331....決不再去！…查看更多

訂枱6:30...叫咗2個湯，一個黑松露菌湯一個蕃茄湯，蕃茄湯好似糖水咁，加咗好多糖，完全沒有蕃茄的酸，再叫吞拿魚沙律他他甜筒杯⋯佢話冇吞拿魚，之後叫咗個個三文魚pasta...但竟然6:30已冇三文魚，逼住叫咗個什麼慢煮油封鴨脾配什莓汁，完全中伏，貴不特止，我食唔出佢如何慢煮法，隻鴨脾跟本就係炸熟，並不是slow cook....吃不出嫩滑來，同炸雞脾差不多，鴨脾很細，只是一人份量，配菜的好像是黃牙白，是苦的，很懷疑廚房有沒有試味，如何收客人$348一隻炸鴨脾。因為唔夠飽，加一個最簡單的Carbonara⋯⋯一樣中伏，個汁只吃到蛋黃醬，沒有芝士味，煙肉也只有2小片，完全吃不到用橄欖油炒等，實在敗筆⋯⋯…查看更多

幫襯七喜超過10年，以前有個有車男友，因為方便泊車，所以成日去七喜食，我最愛係佢嘅黑百葉同花膠肉丸粥，黑百葉係未經加工漂白既牛百葉，我喜歡雙併黑百葉併鵝腸，但今次同行朋友不吃鵝腸，於是改做豬潤，加埋微辣䕬蔥豉油，豬潤爽脆，實在好味！另外，不得不叫的生魚皮，唔係度度做得好食同乾淨，七喜係我咁多年唯一會去吃生魚皮的地方（其實蒸魚的皮我是不吃的），但在10年前試了一小塊之後，我就差不多次次都叫，加上含豐富骨膠原，未試過的姊妹可以一試呢！人一世物一世，乜都要試下，試下又有新發現呢！…查看更多

我轉飯堂失敗了！本來一向食開大都烤鴨，但羅友㾗想轉飯堂，於是今日好友生日試下次次行過排多人嘅--美中。鴨子，可惜換來失望兼中伏，餸菜唔夠熱，亦不出色，主打吃鴨，但反而最差，一鴨兩吃，只有片皮鴨同鴨湯，沒其他選擇，若果唔知係鴨湯，會以為係海南雞飯嘅蘿白湯，鴨係要等45分鐘才到，鴨湯同其他餸就好快，但全部唔夠熱，鴨片得厚又多脂肪，唔講齊睇相以為係燒鵝，大都出色好多，而且好快到，一鴨兩吃有10款選擇，陰謀論說法為何渴先上，因為其他餸也快出，大部份人可能已吃到七成飽，可能會cancel 隻鴨，但因為片皮鴨跟鴨湯，而你已飲咗湯，所以不可以cancel鴨，我見好多枱鴨也吃剩。而第二個假設係，鴨早上枱，其他人加餸機會減少⋯,所以佢地主打鴨，但最後出係一個十分吊鬼的地方，加上根本唔夠伙記，七成以上自由行客，佢地根本不知什麼是質素，放入囗，比得起＄就算。這間不知所謂的鴨店，雖然平過大都少少，但發誓永不再去。…查看更多