Cat Lee02的个人专页

琴晚約左朋友出街食飯, 本身係諗住食放題既, 點知周圍都塞車。去到銅鑼灣都已經好晏, 放題店話最快都要9點先有位, 雖然仲有25分鐘左右, 但肚餓既我地就梗係轉場。睇緊周圍有咩食肆既時候, 我諗起朋友未食過金鳳, 咁就帶左佢去。等位等左十分鐘左右就入座。我地揀左美國雪花牛扒&招牌牛柳餐。全部餐都包左湯、餐包同餐飲。 落完單就即刻上餐包同湯。太餓既我地都淨係掛住食 冇影相。食完包冇耐, 牛扒就上枱喇!熱辣辣既鐵板遇上黑椒汁, D汁不停彈起。 各位要準備好紙巾遮一遮, 唔係會俾D汁彈到。美國雪花牛扒 七成熟 肉中間真係有D紅, 煎得岩岩好。招牌牛柳餐 七成熟 但過左龍變左全熟, 要咬好耐先吞到。同埋兩塊扒既黑椒汁可能太多, 遮左D牛肉味, 或者揀其他汁會好D。最後既餐飲有驚喜, 我地叫左凍奶茶, 茶味好出好香, 有D後悔冇加$5轉大杯…查看更多

放假就去搵朋友嘆個早餐先再出去。睇餐牌呢間鋪都好似幾多野食就入去試試。係門口自己拎飛, 等左5分鐘左右就有位。睇完餐牌, 舉手示意想落單, D待應望到就即刻轉頭當睇唔到。最後仲要行埋出去叫人先有人過黎落單。咁既服務態度真係唔得喎落單後餐飲先上, 再過多幾分鐘就麵包都上枱。我就揀左炒蛋牛角包, 朋友就揀餐蛋三文治。牛角包攤開左一半, 中間放左炒蛋同小小生菜。蛋炒得幾滑, 牛角包鬆脆, 兩者放埋一齊做到外脆內軟既口感。但失敗之處係D生菜, 苦既, 一定係冇洗就直接用餐蛋治既賣樣都幾吸引, 厚身麵包配上足料雞蛋同午餐肉。相比之下, 三文治抵食D。…查看更多

難得今日早收工, 就周圍行下睇下買咩食。經過一間黃色既鋪頭就望下佢既餐牌。有我喜歡既海南雞飯, 價錢$38連埋湯, 見幾抵就試下佢。我叫左海南雞飯&黃咖哩牛腩飯, 仲有得優惠價加配小食, 就加左一份春卷。落完單企埋一邊等, 都keep住有人去買, 聽到好多人都叫海南雞飯~等左5-10分鐘左右就有得拎, 店員仲會主動問需唔需要餐具。外賣係用紙盒裝, 感覺幾好, 比起用膠盒環保一D。海南雞飯D油飯夠惹味, 就算冇雞都可以就咁食哂D飯雞肉夠滑, 份量都幾多, 個飯仲有幾片青瓜可以清清油膩感。黃咖哩牛腩飯, 咖哩微辣, 牛腩好冧同埋入味。跟餐既湯應該係落左D雞去煮, 淡淡既清雞湯咁, 飲完唔會口乾(平時其他店嘅味精湯會飲到口乾)。加配既春卷香脆可口, 就算放左陣先食都冇冧到一定會再幫襯, 因為真心又平又好味。…查看更多

Blue Monday, 收工同朋友出去食飯, 調整一下心情。冇得去旅行, 唯有去食餐韓國菜當去左旅行啦。  可能因為星期一, 客人唔算多, walk-in 即刻有位。同朋友叫左韓式泡菜鍋, 紫菜牛肉包飯, 凍奶茶。落完單好快就上左前菜同飲品。前菜有六樣, 同去韓國食既款式都係差不多, 味道尚可。食完前菜, 包飯同泡菜鍋都上枱喇。兩樣食物既賣相都好吸引飯卷足料,幾樣唔同質感既配料(硬身蘿蔔, 軟身玉子, 冧身牛肉)包埋一齊, 咬落層次豐富。而且包得夠實唔散開, 紫菜又唔會冧身到咬唔斷。泡菜鍋入面除左泡菜仲有金菇, 豆腐, 倒入白飯一齊食, 每一啖都食到酸酸辣辣既味道, 刺激味蕾。…查看更多

同朋友一齊去staycation, 住一晚再包一餐自助早餐。呢間餐廳除左住酒店既客人之外, 區內既居民都會黎食, 所以我地坐低食左陣都見出面好多人等位。食物既選擇都算多, 中式粉麵又有, 西式pancake又有(pancake係自己禁部機, 等幾分鐘就有成品出黎, 按照自己口味落糖漿/其他口味漿)職員refill食物同收碟都好快。我同朋友都食左幾轉, 每一樣既食物都試過哂。每款食物都熱騰騰, 味道好, 食完會想再食。有奄列, 即叫即整, 自己揀配料。職員將蛋煎得好香滑薯餅, 魚手指都有, 香脆可口…查看更多

今日放假同朋友行完山就黎左呢間餐廳食印度咖哩。之前食過一次覺得都幾抵食就帶朋友黎試下。咖哩可以配飯或者配烤餅, 而佢最抵既地方就係原味烤餅可以無限refill食印度咖哩梗係食埋佢既烤餅, 因為唔係度度都有得食。揀左原味&薯仔烤餅。咖哩可能就番香港人既口味, 唔會辣到入唔到口。咖哩香濃, 雞肉滑, 牛夠冧, 烤餅軟身, 吸收左咖哩汁既烤餅食落口感豐富。同朋友都叫多左一份烤餅, 食哂D咖哩汁, 唔好哂。…查看更多

朋友明明book左位, 但上到去都係要等, 同walk-in冇乜分別。等候區好細, 人又多, 企係度真係人逼人, 有D人想出lift都出唔到。等左廿幾分鐘終於入得, 其實等既途中已經好想走, 但朋友想食唯有陪佢等。入到去坐, 枱貼枱咁, 環境麻麻, 坐得唔舒服。應該好多人都係黎食佢既放題, 但我地就冇, 淨係散叫。叫左凱撒沙律, 黃金鹹蛋炸雞, 韓式炸雞, 芝士薯條拼芝士麵包脆脆, 提子&蜜桃特飲。炸雞整得好出色, 外脆內軟, 仲要多肉汁, 每一舊雞既size唔會好大, 唔會令人覺得食一舊就飽左。芝士薯條夠多芝士, 但麵包就麻麻地, 硬左D。特飲都好大杯, 每杯都有串糖係上面, 幾有心思。…查看更多

間中就心郁郁想食餐勁既, 可以唔洗就住就住食。今日就揀左食呢間午市日式放題, 可以12點食到3點。早幾日已經打左電話預約, 12點上到去同職員講預約號碼就帶位入座。而家好多店都轉哂手機落單, 呢間都唔例外。手機禁完一輪就出去拎野飲同睇下有咩熟食, 飲品種類多, 最鍾意有細細樽既茶。刺身都係最多就上枱, 第一轉一定會放盤放得好靚, 等食客可以相機食先帶子同三文魚既質素都可以, 但蝦就好似有D唔新鮮。壽司, 熟食就逐漸上枱。羊架, 燒鰻魚, 天婦羅, 不停食佢有款燕窩牛乳布甸, 牛奶味重又好香滑, 食左幾杯。午市放題可以坐足三個鐘慢慢食, 餐牌同晚市一樣, 平D又食耐D…查看更多

今日朋友約我去試呢間美式漢堡店, 開左係香港咁耐真係第一次食。入到鋪搵左位坐就出去叫餐,果晚店入面唔多人, 所以我地坐到窗邊既卡位。間店既職員都係外籍人士, 所以落單都要講英文 ( 唔識講英文都唔洗驚既, 手指指個餐牌職員都會明)我地揀左cheeseburger, regular fries, strawberry milkshake.價錢當然比M記, mos burger果D貴, 但味道就真係有好大分別。呢度既包全部都即叫即做, 食既時候一定係熱騰騰。佢既牛肉好juicy, 芝士受熱溶化, 每一啖都係充滿住肉汁同芝士味。奶昔好香濃, 其實可以全部配料都揀哂, 但我地揀一樣係想試埋佢原本奶昔既味道, 如果揀太多料, 應該飲唔出奶味。奶味濃郁, 就算佢咁大杯, 一個人都可以自己飲哂, 因為真係好好味。…查看更多

金記愈開愈多分店, 之前係康怡果間都食過佢既焗豬扒飯, 今日就試下新開呢間既海南雞飯。食飯時間都多人等位堂食, 但等外賣既人都唔少, 落單後大概15分鐘先有得拎外賣。午餐包左湯同熱飲, 我就加左錢轉飲凍檸茶。鍾意食海南雞飯既人一定係愛佢既油飯, 呢間既油飯整得好好。雖然睇落似白飯, 但食落係有油香, 飯既水份同油份比例剛好, 飯粒粒分明。雞好滑, 同埋份量好足, 岩岩好可以餸哂成個飯食。食完成個飯我先發現佢俾少左點雞既醬汁, 不過唔洗特別點醬汁都已經好好食。…查看更多

心血來潮想食炸雞, 難得柴灣區新開左呢間韓式炸雞店, 即刻用外賣APP叫番黎食。落單後十分鐘就已經送到, 我地都好驚奇咁快就做好訂單。我地叫左蜂蜜牛油炸雞, 芝士雞肉紫菜包飯, 小食拼盤, 甜辣炸雞配飯, 加加埋埋大概4百蚊。一打開有好香既炸物味, 但見到炸雞個樣覺得好似炸過龍, 黑左D。小食拼盤諗住係有幾款唔同既小食, 但原來係得薯條同魷魚圈。蜂蜜牛油炸雞味道香甜, 蜜糖味幾重 , 而甜辣炸雞辣味唔太出, 岩唔食得辣既人。但兩款雞炸得太乾, 皮好硬, 雞肉冇哂肉汁,  我相信唔炸過龍係會好食既。芝士雞肉紫菜包飯味道不錯, 芝士可以輕微拉絲, 但包得唔夠實, 夾起會散開。…查看更多

老細今日突然早左番工, 一番到黎就話買左包請我地食。未拎個包出黎已經嗅到好香牛油味。老細自己食普通牛角包, 買俾我地既就係有埋芝士火腿既牛角包。片芝士有好香濃既芝士味,仲有D咸香味。 火腿唔會好咸配埋片芝士. 味道真係岩岩好。牛角包包身脆口, 食唔停口老細話呢間店長期排隊, 今日經過見冇乜人就即刻去買, 順便俾我地試下網上好多人話佢呢間既蛋撻好好食, 必定要試既, 下次經過等我都試下佢既蛋撻先得。…查看更多

係公司間中都會叫呢間茶記既下午茶食。佢有埋外賣員送上公司, 好方便唔洗自己去拎。通常電話落完單十分鐘到外賣就送到, 我地成日都話好快。同事通常都係食公仔麵, 而我今次就叫左豬扒薯條。豬扒煎得香, 岩岩好, 唔會唔熟, 同埋係有豬肉味 (平時好多時係出面食既肉類都冇原有既味道, 得D梳打粉味)薯條係粗身, 唔會炸到硬哂同唔係空心 茄汁每次都好多。同事既五香肉丁公仔麵都好香, 湯同麵係分開上, 唔驚送到黎D麵會冧哂。…查看更多

番工時間, 老細今日心情靚話請食下午茶。之前已經試過呢間店出名既巨形魚柳包(魚柳包係即叫即炸, 所以魚柳好香脆)咁今次就梗係試下其他野啦!叫左個雞扒撈丁配凍奶茶 ($42)份量係超級多, 可以2個人分黎食。雞扒有3塊, 撈丁係落左XO醬, 味道好香, 有小小辣(如果怕辣既落單可以同佢講小辣, 走辣既話應該就冇咁惹味)佢仲有D菜放低雞扒下面, 唔怕淨係食太肉冇菜。呢間茶餐廳真係價廉物美, 足料又好食。…查看更多

放假同屋企人去食下自助餐, 次次去開旺角都見呢間酒店餐廳好多人排, 咁就book左位試試。到左預約時間都唔係即刻可以入座, 要等差不多十分鐘先入得, 我估應該係要時間執枱。入去放低袋就輪流去拎野食。我個人係鐘意行一圈望下有咩食先再拎。第一次見D海鮮(長腳蟹, 蝦) 就咁放係碟上面, 全部都冇冰粒凍住, 望到已經唔想食。生蠔就要排隊拎 每人每次兩隻。熟食好少款色, 反而甜品睇落仲多, 仲有係for 小朋友食既軟糖區。牛扒7成熟, 食落岩岩好。壽司既款式唔多, 都係拎左2, 3粒試味, 都好食, D飯唔會散開。甜品杯每款都拎, 推介牛奶布丁, 奶咪好濃又好滑。芝士蛋糕都好好食, 但唔記得影相。個人覺得甜品質素比主菜好…查看更多