亨利麥麥餸的个人专页

喺朋友介紹下去左呢間餐廳，地點算方便，一出地鐵站行5分鐘就到，上到去唔洗等位即刻可以入座,岩哂我呢d冇耐性嘅人坐低之後, 我地叫左個二人餐，好快就上菜，好有效率打頭陣嘅沙津好開胃，蔬菜夠新鮮，用料唔錯，不過我最鐘意都係個什錦天婦羅同銀雪魚，天婦羅夠脆，而且粉唔厚，又唔油，值得一讚而香橙焗銀雪魚更加可以話係驚喜，呢個煮法好新鮮，橙嘅味道唔會蓋過魚嘅鮮味，反而令魚嘅味道更突出，大推薦整體黎講呢間餐廳都唔錯，環境夠乾淨，服務ok，而且價錢可接受, 值得一試!…查看更多

想食日本壽司/刺身既時候，總係會先諗板X、元X之類~ 不過單點壽司始終都會貴同埋食既款式唔多，想乜都有得食? 放題係最啱既選擇，但係放題好多時又成二百幾蚊，都幾鬼貴!不過朋友介紹咗荃灣既呢間平價放題，雖然做到咁平真係驚中伏，但點都好，每人口味唔同，等我試試啦! 鋪頭要穿過一間泰國野先入到...入到來發現地方相當之大，座位好多，不過裝修太過似K房，牆上既銀色閃石真係不太好看...每張枱其實唔太大，但係都算係坐得鬆動既~呢度無論壽司、刺身和日式串燒等等都應有盡有，雖然未必有其他放題款式咁多，但係對我來講都相當足夠~當中都不乏創新口味既壽司，鮮味既自製醬汁應該都算係呢間店一大特色，例如柚子油甘魚壽司、黑松露和牛卷等等  特別既醬料會令壽司更加惹味，同埋始終香港人都中意試新野，所以創新絕對有必要!刺身併盤，除左外型華麗之外，刺身來貨都唔隨便，有朋友八掛問左原來三文魚由挪威入口，甜蝦由加拿大入口，聽完真係食得放心好多  整體上刺身雖然都幾新鮮，而且肥美，但係就講唔上好突出，而且冇吞拿魚食，但係呢個價錢來講已經好唔錯~ 刺身中唯一係佢既蝦，真係好鮮甜又多肉，真心推介餐廳既一品料理略嫌失色，特別係辣酒煮蜆，有沙而且冇辣味，唔建議食:( 小食方面，支豆算係幾OK，漲卜卜得來好易咬出，但係份量太多~ 如果成班fd得一個人食就最好放棄啦，無謂waste!炸物方面燒朱古力球最令人印象深刻，我都係第一次見放題有得食~ 呢個朱古力製成既外皮暖暖地又冧冧地，內裡有濃濃既朱古力軟心，可以話系日式心太軟crossover密提沙，值得一試  但老實講，其實同炸物唔match…查看更多

BEL CIBO Restaurant, 位於尖沙咀厚福街, 那裡食肆林立, 要佔一席,談何容易?所以在厚福街營業的,支撐至今(人工,租金,水電),食物一定很出色!小弟今次同新認識的女友人食飯,當然不能夠只去肥姐或者茶記啦,以前去開的798已經結業了...輾轉間,來到H8,看見一間新開DINING, 當然要Try Try打開升降機門,便看見堂皇裝潢, 女友人頓時被吸引, 令"誤打誤撞"的我亦有漂漂言的感覺.由於我倆想用餐後再落酒吧,所以比較早到,餐廳亦未有很多客人.我倆坐下,大家便心有靈犀揀左二人餐.意大利青口海蝦紅茄扁意粉扁意160G剛剛好,不會太多,有肚品嚐其他食物燒紅鍋爆香晒再加入扁意,最後再加埋青口海蝦,成個扁意入晒味,無得彈女友人同小弟都決定揀Medium,果然, 一食就食到牛的鮮味,因為好多西餐的牛,為了降低成本,都會被肉粉食粉蓋至牛味盪然無存, 但這裡的牛, 只用上最普通的調味(海鹽,黑胡椒),再配上磨菇汁及芥辣,真的不錯!外型美觀，有紫蘇葉及劉菜伴碟 三文魚焗得香口 牛油梨口感軟滑，出奇地襯 餅底薄而脆，正好令薄餅不太油膩.最後,女友人和小弟都很滿意,於是便向侍應反映,言談間方知道眼前的就是BEL CIBO的BOSS後生,果然有沖勁,希望BEL CIBO能夠在厚福街迎難以上,加油…查看更多

有人話請食飯，仲要豪氣到來咗鐵人旨花食!! 呢間新既餐廳入到來有種去咗日本既感覺: 幾張半圓鐵板枱，每張枱大概6-7個位，有一位師傅渣住鑊產即席表演，好有feel~ 可惜丫，鋪頭人多，waitress帶咗我地入一間要除鞋既偽tatami房~老實講個menu都幾複雜同埋唔平，不過原來我睇完一大輪先發覺原來請食飯既仁兄已經係叫定晒嘢，先來既係頭盤:左邊係wasabi味既魷魚，賣相其實真係好似街市一盤盤未煮熟既魷魚… 但係食落又相當之唔錯，wasabi能夠帶得起魷魚既味道，good中間係章魚片，薄薄一片配酸羅白，真係幾開胃~ 而且章魚唔韌!右邊係三文魚扒，唔知點解覺得有啲似姨媽傢俬賣果啲，當然呢道香口好多啦接下來係壽司盤，每人一碟一式一樣，整得好特別，並唔係好似一般壽司咁一舊飯加一片魚鮮味係不在話下的，特別提提其中兩款壽司: 帶子配魚子呢個雙子壽司都算係幾創新，食落兩樣既鮮味一齊爆發，正呀!! 不過魷魚壽司就稍為硬咗少少… 某程度上其實食物就不算係好突出但係創意同埋藝術性都好抵讚再來係帶子茄子(又係雙子?!)，茄子皮脆脆地，包住軟綿綿既白色茄子肉，加埋頭頂既大粒帶子，口感一絕，而且味道相當不錯，配海苔粉絕對係聰明既配搭，令整道菜大大加分Btw, 每人得一粒><恕我孤陋寡聞，我真係唔知鵝肝可以咁鬼大塊 側邊既黑醋可以解走鵝肝既油膩感，唔錯唔錯!其實本身所有菜式我都覺得好有美感，除左呢個和牛之外… 感覺真係好似一堆未熟既肉隔離再放一堆熟咗既煎釀三寶咁…. 不過當然，既然咁豪連和牛都出埋，當然照食唔知係咪受太多電視節目影響，總係覺得和牛係刺身… anyway食落口又真係入口溶化，配咗以下既香草醬來食，加埋本身和牛入面釀咗既香葱蒜，相當唔錯!下一道係龍蝦伴海膽，但由於牛油味太重既關係我決定放棄唔食….:(甜品係雪糕版既frozen yogurt，底下再加coinflakes, 脆脆地, 好有口感，成功令到雪糕變得不平凡整體來講菜式新穎美觀，餐牌有經過精心設計，但係份量比較少，而且某部份味道我覺得麻麻地，服務都算係好周到，地方企理乾淨，但係坐咗入房感受唔到果種氛圍… 好可惜 …查看更多

意粉一向是我的心頭好，平常沒什麼特別想吃就會想去吃意粉。這間開在鬧市的意粉屋，其實很舒服！:) 我叫了一個蕃茄醬的意粉，酸度適中，略嫌蓄茄味不夠濃，但配合香草，口感很好！意粉煮得爽口又入味，加上新鮮的菇類，不錯不錯，都有80分。朋友叫了一個白汁長通粉，這個味道濃很多，長通粉很爽口，飽肚很多。唯一是沒什麼配料，好像很單調。最要讚的是那個湯，濃度適中，入味，其實一個意粉配合一碗湯，很夾又夠飽。雖然味道未必有100分，但在鬧市有這個地方，以合理的價錢吃一個意粉，和三五知己聊天，都很難找了。…查看更多

近排有個風氣，呢一年都算係好厲害既風氣。成日係ig見到一堆藍色既雪榚，仲藍過阿凡達，但係又唔知係咩味，次次排親都好多人，真係唔好講笑，唔敢試。不過有人同我講，怯你就輸成世，於是有一晚，食完飯無野做，甜店鋪又多人，就試下啦！第一步一定係睇價錢，都50幾蚊，心諗哇呢pat外星野仲貴過haxxxn dxz喎，不過入得黎就無理由走...原來真心，有驚喜，50幾蚊，好似好貴，但係好大份，真係好大個球，兩個人share岩岩好，我就同兩個朋友3個人食兩個，都食唔哂。唔好睇佢藍到咁，其實係vanilla味，唔算好甜，但好creamy，加上我食果陣有special edition有d朱古力豆，食完有種見到都敏俊既感覺，都幾幸福。另外叫左個朱古力味既，呢個真心好味！我就唔鍾意朱古力味既野，因為怕可可豆陣苦味，但呢個我淨係覺得好濃朱古力，唔苦又唔甜，好正！佢下面個餅好似係賣點，不過一來食埋會太飽，二來遲左食會林，所以我地都無食。不過整體係幾好味既，適合兩個人拍個拖一齊share:)…查看更多

銅鑼灣一向都係我最鐘意行既地方，不過平時想食cafe都要上樓，所以鍾意食cafe既我覺得cwb食飯都幾悶... 呢間cafe，係登籠街地下，望落就好細，位又唔多幾個，但食物都真係幾有驚喜:)叫左個all-day breakfast，100蚊埋單啦，其實對於all-day breakfast黎講價錢都差唔多啦，所以都係比較個食物好唔好味...係幾好味既 個蛋好滑，份量岩岩好夠飽，又唔會多得濟，腸仔好好味，d菜夠fresh！唯一係個waffle硬左d，但整體都好好味!!! 朋友食多個napolean，都幾好味另外，個環境坐得幾好，望落就好細，但坐得都幾舒服，傾個計真係唔錯唔錯…查看更多

之前係Sydney食過一次Jamie’s Italian 都算對呢間餐廳有好感 聽聞佢最近係香港都有開分店 抱住再一試既心態黎 但係知道應該會等好耐 諗住如果太多人就算啦點知閒日4點左加又真係無咩人 好好彩 等左20分鐘左右已經有得入去食啦餐廳真係算幾大 而且裝修好chic好靚 每一枱都有一個server負責 好貼心我地2個人叫左一個意粉一個燒雞同一個薯條 前兩個course都普通啦 燒雞有少少overcook 肉質唔嫩滑 意粉一般 但係薯條就真係好味 炸到岩岩好 夠熱得泥有少少鹽 正!值得一讚係個lemon meringue pie 甜甜地少少酸 做甜品清清喉嚨 做ending 一流 不過唔記得影相 ☹總括而言 食物quality同價錢都合理…查看更多

之前食過中環個間分店 食物唔錯 又坐得幾舒服 不過今次因為就返屋企人 所以就黎左大角咀奧海城呢邊食成餐飯叫左都好多食物 有蠔有ribs有意粉risotto 海鮮拼盤 賣相全部都好靚 味道都比我預期中好蠔既鮮味好夠, 亦有少少海水味,一流  Ribs 煮得岩岩好，肉質好嫩滑，肉好juicy Risotto 普普通通 濕濕地 一般餐廳唔算大 加上個晚有幾枱大枱 所以都算比較嘈平時行開呢邊都可以試下:-)…查看更多

最近再去左食永年，自從中學之後就無乜點食過啦。中學個陣成日同班FD一齊去永年食，次次都排晒長龍，要等好耐。去到先知佢最近裝修完，地方大左好多，環境都好左。通常都係食個幾款送，豬腸，蔔白，油麵，辣汁。味道無乜點變，蔔白仍然好爽口，豬腸好滑，Ｄ麵既份量仍然好多，食唔哂。。。。哈哈。。裝修完雖然乾淨左，但硬係唔知點解覺得Ｄ員工做野求其左，希望下次黎會好Ｄ。…查看更多

今天係媽媽既生日，所以一早就book左檯去打邊爐！呢間鋪之前都黎過幾次架啦，今次再幫襯打篇食評先～呢間野既野好多都好新鮮，特別係牛肉同海鮮！牛肉唔會太肥，唔係厚切，肥瘦均勻。最好係次次都黎得好足，叫幾多有幾多，唔洗成日ORDER咁煩。佢有好多款手打丸可以揀，好食又彈牙，最好食我覺得應該係芝士丸，芝味濃郁。另外炸魚皮都好正，好脆。怕熱氣既人可以叫竹蔗水飲，打邊爐唔洗下下都飲可樂既，哈哈。…查看更多

果晚夜媽媽係學校傾完野，成十一點幾個個好肚餓，於是就去左八寶道食雞煲。我地一行四隻餓鬼十一點去到，叫左一隻雞，話咁快比我地食晒. 雞煲可以揀辣度，我地揀左小辣，都幾正，最再辣就應該頂唔順。。。成煲有唔小雞件，而且係醃過既，肉質非常有彈性而且入味，非常惹味。跟手就畫左好多樣野黎打邊爐啦。雖然唔係任食，但質素都對得住價錢，四個人埋單先八百蚊，其實好抵食！重有佢正在開到好夜，我地食到兩點都未收鋪，深夜吹水一流！…查看更多

一路都聽唔同既朋友講起茶木個名，但成日去到都勁多人要等勁耐！！直到最近有Ｄ時間先同朋友一齊慢慢等位試下。上菜時間都幾快，唔需要等好耐，唯獨係個磚塊要等２０分鍾。叫左個雞排肉燥飯，幾好食，雞排炸得好脆，肉燥都好食過出面其他鋪頭既（食過一兩間ONLY HAHA.....）。我覺得個磚塊其實麻麻地，Ｄ麵包好乾身，成舊磚塊都係麵包，食完好似食左一條麵包咁。但係磚塊上面既雪糕好好食，好香，加埋熱熱地既麵包一齊食，感覺都幾特別。整體黎講可以一試既，但再食就諗下先lol.....…查看更多

份量不大既全日早餐，整體黎講平平無奇，除左個塊係其他全日早餐比較小見既薯餅之外，其他都係係常見既食物，炒蛋味道較淡，要落小小鹽先夠味而塊麵包同一塊普通無處理過既麵包無咩分別。。。如果可以烘一烘既話會好好多，薯餅只係普通薯餅加茄汁。。。小HEA，感覺唔抵食！但係咖啡味道不錯，香味之餘亦滑口，話哂都係銅鑼灣知名咖啡店，有番咁上下水準。鋪頭環境小小迫，如果可以鬆動小小，絕對係一個和三五知己相眾的好地方！…查看更多

之前都黎過zaks 不過都係飲野多 今次朋友生日 決定黎試下呢度既晚餐！愉景灣海邊都有唔少餐廳 望住大海景食飯真係好舒服我地兩個女仔8點半到 可能因為閒日 見餐廳都唔係好爆 無訂位都有得即入我地嗌左兩杯house wine一份青口 兩個扒賣相唔算好靚 不過價錢同味道都十分唔錯叫左六成熟, 黎到重有少少血水 唔會過熟 咬落去好林 青口味道一流 塊排都幾大份 食到好飽最緊要係環境唔嘈 可以俾我地girl’s talk下…查看更多