你好叻呀的个人专页

朋友生日約食飯, 生日o個個話想食日式燒肉。自從韓風襲港後好耐冇食日式燒肉...純粹好多韓式燒肉店出現, 朋友間多左約去試新野, 其實我鐘意食日式多d, 因為相對起上黎, 日式個醬甜d, 同埋野食多數感覺新鮮d, 同埋唔知點解我覺得冇韓式咁熱氣…心理上。4個人去, 叫左個家庭套餐, 有前菜, 有湯, 有海鮮, 有幾種唔同o既肉, 樣樣有D好似幾豐富。每個人都有件紅色o既圍裙仔, 唔係張張檯D人都有用, 但係我地幾個都有著…其實著左上身都冇乜野丫, 哈哈哈~ 先黎左個凱撒沙律, 有好多芝士, 醬都都多。 再黎就係松葉蟹, 紅蝦, 燒完都仲係好新鮮。 之後到重點, 肉! 雖然之前報告話紅肉同腸仔都會有機會致癌, 但食左咁多年…好難唔再食…呢個拼盤有腸仔, 金菇卷, 牛舌, 牛排肉, 雞肉, 蕃茄煙肉等等, 樣樣有D可以試多幾款。我覺得個牛舌, 牛排肉幾好食, (其實腸仔都係我最愛, 哈哈), 另外燒粟米啦, 平時打邊爐o個d我就麻麻, 燒粟米係特別香, 所以食燒肉我會食架~ 煎餅幾脆, 同埋好大塊, 食完海鮮同肉再食呢個都已經飽飽地 朋友極力推介呢個燒團, 初時以為燒到個面金黃色就食得, 原來係要燒到個面有飯焦先好食, 即刻擺番入去再燒!!!!但係要燒一段長時間先夠焦~~ 呢個黃色係唔夠架, 仲要燒耐d 仲有個湯, 清清地 飯後仲有甜品, 有我鐘意食o既紅豆味雪糕呢 P.s.出黎個身冇味, 值得一讚, 同埋環境坐得幾舒服, 幾o岩Gathering慢慢食慢慢傾計。…查看更多

已經唔係第一次見身邊有人食，尤其是Instagram 早排見得特別多，決定捉d朋友去食。 最後4人成行Book左6點幾，可能時間比較早，去到o既時候唔算好多人。一去到就揀左湯底先，成班牛精決定叫牛骨鍋試下，因為黎之前做過少少research，又牛腩又牛什咁，呢個湯底好似好吸引。另外我地仲叫左手切牛肉﹑牛舌心﹑四寶丸﹑響鈴﹑手工蟹黃餃  個煲黎到真係好豐富…湯底一上檯已經見到好深色，聞落仲好香，飲左啖好濃郁。入面仲有好多材料，牛肚牛腸牛”旁”牛腩等等好入味好”林”。 手切牛肉就咁睇D色，同埋D雪花紋好靚，就咁望都覺得應該幾好食。D牛切得剛剛好，唔會太薄或太厚，而且肥瘦均衡，牛味好重好香好好食。 牛精再黎就係食牛舌心，佢比起平時串燒黎講比較厚身，但係煮左一D都唔Un，仲要咬落好爽口，呢個都值得推介。 呢度個響鈴寫住即叫即炸，所以都點左試下。個響鈴好脆，上台時仲係熱辣辣，而且冇油膩o既味道，最怕有d食落有陣油味，呢個食落香脆，都唔錯。四寶丸個樣似手打，我食左墨魚丸同蝦丸都好彈牙。手工蟹黃餃，食o既時候入面有少少湯汁，有D似擺左粒小籠包落去滾   個湯底實在太豐富，食得好飽走人……查看更多

兩口子食左下午茶，又唔係好餓，諗左好耐食咩野好。最後老公話要食西餐，於是就試下呢間。坐低見到隔離檯pair情侶碟墨魚面好似唔錯，所以我地兩個都叫左碟墨魚麵，仲加左兩個小吃，一個田螺同一個瑞士雞翼，兩個人唔太餓份量剛剛好。先黎個墨魚麵，賣相同隔離檯差唔多～ 我間唔中就會想食下大蝦：p呢隻個size都ok! 碟麵有好多汁，老公最怕乾「憎憎」的，所以佢都好滿意。個麵煮得剛剛好，唔會太稔或過硬。見到老公個咀烏卒卒的，好彩我又ok冇乜「出界」，哈哈哈！田螺係老公主意，佢話想食薯蓉喎！個薯蓉有少少脆面，幾好。田螺都ok，最鐘意倒埋田螺入面d牛油汁出黎食，好香！最後就係瑞士雞翼！我平時都鐘意食鼓油/ 鹵水，炸嘅反而冇咩興趣！瑞士汁甜甜地更加好味，最緊要係雞翼夠入味，最怕得個顏色唔入味嘅雞翼，呢個雞翼有色亦有味，good。…查看更多

好朋友喺附近番工，佢話食過幾次覺得唔錯帶我黎，坐低冇耐望左陣menu即刻諗到食乜野。 呢排好鐘意食蜆！除左出街話要食，屋企要老公煮，就連放假都諗住約埋成班朋友去大嶼山掘蜆！我覺得自己近期愛蜆程度一跳跳左十級。 基本上九秒九已經揀好左要個蜆肉意粉。等左陣個意粉一放低已經聞到好香，先講個蜆，好入味又唔鞋口同新鮮，有少少白酒香味但又唔會太嗆，而且個汁做得幾好，早排去左間cafe食個蜆肉意粉完全用白酒浸出黎⋯呢個汁好香同埋加左少少辣椒，令到位蜆肉更加惹味又唔會過火地辣。 另外我仲叫左杯薄荷咖啡，咖啡係我另一個近期最愛，可能飲多左開始有癮。有時行過咖啡店會突然間想飲，返工返到下午又想飲，連食飯平時鐘意飲凍檸菜都開始多左叫咖啡。今日lunch又突然想飲咖啡，呢杯薄荷咖啡有淡淡薄荷味，跟咖啡配搭得剛剛好，上面仲有大量我最愛的cream，不錯。…查看更多

呢幾日要去灣仔上堂, 分開三日, 於是約左o係附近番工o既朋友食飯.第一日去左銀座藏人度食, 食日本定食,係一個Set有埋甜品.第二日另一個朋友就話帶我地食另一間, 都o係灣仔附近, 不過近銅鑼灣多dd o既.去到間鋪唔o係好大, lunch hour都係有做set, 我見到個壽司定食賣相好吸引, 即刻就決定左要呢個. 先黎左個麵鼓湯, 前菜同沙律, 個湯唔錯, 唔會太咸太淡, 我好少會成個湯飲晒.前菜係魚, 雖然唔知係咩野魚, 但係bite size 少少地咸咸地都幾好味.沙律係醋沙律, 比起沙律醬, 我比較鐘意酸酸地o既醋，可以開胃d, 再搭埋蕃茄青瓜粟米同沙律菜, 開胃到我又清埋個沙律… 到個主菜上喇!! 就咁睇樣已經覺得唔錯, 睇落都見到幾新鮮!!海膽隻色好靚, 橙橙地而且份量都唔少。帆立貝都好大粒好厚, 上面仲要有塊青檸, 成件事清新左!仲有隻蛋, 唔係好假o個隻黃, 亦都唔係好實o個d樣, 甜度ok幾好食!個甜蝦都好肥美而且鮮甜。吞拿魚油甘魚都新鮮, 仲有兩隻唔知乜野魚, 但係都幾好味, 平時我自己點就唔會點的, 但係今日食左都幾唔錯。 食完仲有個雪糕!! 今日係芝麻雪糕, 好重芝麻味好好食!今日樣樣都好好味好o岩心水, 我由頭盤一直食到尾LOL之前一日銀座藏人都係一set過, 但係呢度新鮮好多!!!!!…查看更多

今日係星期六, 訓到11點幾先起身, 整下呢樣整下o個樣就已經點幾鐘.好想食pasta, 於是諗起上次行過太多人冇試o既 loosen.去到o既時候, 得番高腳檯有位, 不過唔緊要, 我得一個人食晏, 有得坐已經OK, 冇咩所謂~望一望menu, 野食款式唔算好多, 中規中矩, 不過好似樣樣都好好食咁.諗左一陣, 最尾叫左個Carbonara, 呢排唔知點解間唔中都想飲咖啡, 見到佢話單買$38, 但係跟餐加$10就可以轉, 於是我要左個海鹽焦糖咖啡. (本身見到個蘋果批咖啡諗住試, 不過賣晒冇得叫...)等左一陣, 個咖啡先黎.ummm....好細杯...仲話原價$38蚊?呢個價錢o係starbucks已經可以有grande size...我飲三啖就已經冇左1/3杯...之後等左陣先到個意粉.份量唔算多, 但係因為係忌廉汁關係, 對於我黎講係剛剛好, 不過如果男人食應該唔夠!第一啖咬落去....@@咁咸o既?!味道偏咸, 不過都幾多料, 有好多菇同煙肉,最後我都係食晒成碟...呢間店環境其實唔錯, 大埔黎講唔多呢隻Style o既食店, 成個FEEL都幾舒服, 個意粉$48 我都得覺ok, 如果冇咁咸o既話...不過個咖啡真係唔係咁抵,唔好講佢原價$38, 我加$10都覺得唔抵, 太細杯!我埋單o個時最後都係有反映到個麵太咸, 希望我下次黎食會好d啦...我見到佢menu咁多野食, 同幾o岩食, 我都會俾多次機會佢o既...…查看更多

今日出左尖沙咀買野，行到腿軟，路過厚福街即刻食個晚飯先⋯見到呢間101肉燥飯專門店，賣相好似唔錯，仲要幾多人食緊，我地兩個即刻衝左入去⋯同男友坐低，佢叫左個豬軟骨肉燥飯，我叫左個醬汁雞扒玉子肉燥米粉，本身諗住加大杯珍珠奶茶兩份飲，但係加$10仲貴過分開兩杯叫，於是叫左一杯珍珠奶茶，一杯蜂蜜綠茶。先黎杯珍珠奶茶，飲左一啖，已經覺得中伏！好難飲！未試過飲咁難飲嘅珍珠奶茶！味淡，得奶味冇茶味，珍珠冇𡁻口，完全唔煙un,唔知食緊咩野膠粒咁！再黎醬汁雞扒玉子肉燥米粉，個湯超級味精，我唔係特別飲個湯，純粹食米粉時食到！我番到屋企飲左幾杯水！！！唔知係咪因為個湯太咸，我食肉燥同雞扒都覺得偏咸了，碗麵我食到一半就冇食。男友個豬軟骨肉係碎上，我冇食到，所以不評了。呢間店我唔會再去！呢個價錢我都覺得嘥錢！…查看更多

是咁的, 搬左入大埔幾個月, 好多時旺角番屋企都係去搭紅VAN, 然而就算最近知道附近都有架巴士返大埔, 我都係鐘意搭小巴多D...呢架小巴o係未出名前已經好多人搭, 好多時排兩三架車先上到. 有好幾次都留意到隔離呢間餐廳都好多人排隊, 如是者幾次都係我有我排小巴, 隔離有條隊排呢間餐廳, 睇過門口個menu價錢都OK, 於是引起我興趣去試下.是日o係旺角做完Facial諗唔到食咩好, 決定要試下呢間餐廳.算好彩, 門口人龍唔長, 等左一陣就已經有位.裝修幾舒服, 除左檯面有D懷舊磁磚圖案, 佈置亦都帶有六,七十年代感覺.由於o係門口等位o既時候, 已經諗定食咩, 所以好快就叫左個黑松露香菇大蝦意粉  (今日Lunch同事叫左個意粉, 攪到我都想食意粉) , 成個晚餐仲包左個湯, 蒜蓉包, 同野飲都係幾十蚊, 呢個價錢都OK…早幾個星期o係灣仔開完會, 又係想食意粉,行左好耐都搵唔到個似樣o既意粉, 一係就要過百蚊一個仲要冇野飲. 先黎左個白湯同蒜蓉包, 原來個蒜蓉包有兩片…我怕食完會飽, 所以食左一片only, 都幾香脆.個意粉賣相唔錯, 仲聞到淡淡黑松露味. 食落仲好JUICY, 唔會乾”曾曾”…而且個蝦都幾彈牙, 同埋都OK多料,  有我鐘意食o既車厘茄, 食落會冇咁漏, 個意粉軟硬度亦都剛剛好。呢度都幾多特別野飲, 例如黑牛, 白牛, 仲有咸檸七, 杏仁奶露, 谷咕等等, 最後野飲我加左$9要左個忌廉鮮奶懷緬一下。呢堆野飲平時唔係度度有, 你想加錢都唔一定有俾你, 呢一part加左少少分俾呢間餐廳…食完飯, 出門口就坐上旺角開往大埔紅Van返屋企, 哈哈, 好彩個司機唔係林雪.…查看更多

今日去左葵涌見客, 見完客成兩點幾飯都未食, 於是o係附近兜左陣, 睇下有冇野想食。大大話話都行左4-5間, 行得7788都未諗到食咩, 好彩最後俾我見到呢間茶記。受到男友影響, 上星期六同佢去左食下午茶, 佢話佢平時食雞脾係會併西多士, 於是我呢日都叫左個豉油皇雞脾併西多士+凍檸茶! 個餐仲叫做歡樂下午茶餐, 好似好歡樂咁XD一望落就見到個豉油皇雞脾顏色幾深色, 食落更加覺得個豉油皇雞脾幾入味,最怕有D個樣都深色, 但係食落完來冇味, 呢個望落同食落都好夠味。個西多都炸得幾香冇乜油"益"味, 唔錯唔錯~…查看更多

上個月打左篇辛安東元祖奶奶雞, 一個月後, 韓潮仲未過, 3個38, 一齊o係38婦女節前夕去左延續"星星夢"XDo係有小韓國街之稱o既金巴利道行左兩間想食o既都好多人, 特別red chicken, 早幾日見到有報紙介紹, 見到門口多人到排到出去。於是唔鐘意排隊o既朋友就話不如去試下寶勒行呢間, 因為見佢貼左張紙o係門口, 話買雞送啤酒~由於我地幾個都唔係好肚餓, 我地去到淨係叫左兩款雞, 豉油同甜辣味。上面寫住叫一隻雞可以送罐啤酒, 雖然我地分開左半隻半隻咁叫, 但係佢都係送左一罐俾我地~兩款雞入面, 我覺得豉油好味d, 甜辣其實都唔錯, 幾香口, 不過始終豉油味咸dd比較o岩我口味。食住炸雞飲啤酒, 今晚我地化身做左千頌依XD…查看更多

呢排來自星星的你炒得興起, 身邊有好多朋友話題離唔開炸雞啤酒, 全智賢全身上下名牌, 男主角有幾靚仔...差唔多每個星期都有朋友話要去韓國...呢陣韓流吹得特別厲害!我同男友俾唔起機票錢去韓國, 咁o岩同事又介紹一間叫奶奶雞o既餐廳, 聽個名都攪笑, 半信半疑之下, 同男友去左銅鑼灣分店試一試。上openrice搵左個地址, 雖然係上樓鋪, 但唔算難搵。o係銅鑼灣廣場一期對面, 抬頭望上仲見到個招牌。一上到去見到有好多人排緊隊, 最後我地大約等左15分鐘左右。o個度d裝修幾特別, 仲播住j pop o既歌, 雖然我冇聽開, 但係有幾首都係電台都有播過o既歌, 成個氣氛都做得好好, 感覺真係有d似唔o係香港!一張A4紙咁大o既menu, 眼看好似唔係好多野食, 但係愈睇愈多野想食。因為得兩個人食飯, 我同男友就住就住, 唔係好敢叫咁多...最後我地叫左半隻安東奶奶雞(唔辣), 泡菜, 芝士咖哩年糕, 再加支asahi!鐵造o既碗筷, 男友好欣賞, 佢之前已經講過想買雙鐵筷子番去, 差d想打開我個袋擺佢地落去XD雖然我唔食辣, 但其實有時出街食飯有泡菜, 我都會拎黎撈飯食, 酸酸辣辣加落個飯度唔錯。不過我地最尾都係冇叫飯, 因為堅係驚食唔晒...呢個泡菜味道唔錯, 因為有時會有d太淡味, 有d太辣唔酸, 呢個味道剛好。呢個芝士咖哩年糕好好味, 我好鐘意食芝士, QQo既年糕我都好鐘意~但係最估唔到係原來咖哩同芝士同埋年糕係咁夾, 而且佢個咖哩唔辣, o岩晒我~而且有好多芝士, 夾上黎可以拉到好長~個碟好大! 我地就係因為見到隔離檯咁大隻碟嚇親! 味道係鼓油味, 咸咸地係我鐘意食o既味道~呢個餸樣樣都做得幾好, 雞肉紅蘿蔔水晶粉同青瓜好入味, 而且都好"林"~其實我唔係咁鐘意食青瓜, 但係呢個餸個青瓜做得唔錯, 我都食左幾舊。食完之後覺得同事冇介紹錯, 不過下次會搵多d朋友一齊食, 因為兩個人真係食得唔多野...…查看更多

第一次食係男友介紹，佢知我鐘意食醉雞又鐘意食糖心蛋，呢個醉蛋我一定鐘意。$6/隻，價錢唔算貴，個黃仲要流心，賣相就咁睇已經唔錯。一啖咬落去，簡直"醉"到不得了，就係平時食醉雞花雕酒味道，但係仲要再入味d！食過第一次之後愛不釋手，差d想即場encore多一隻，之後差唔多每次經過都會食一隻，好彩唔係成日出黎，如果唔係實膽固醇過高。不過呢，男友話應該唔難整，仲"聲稱"搵日整俾我食，嗯，聽住先。 …查看更多

呢一日出左去早野, 做完野就放工, 約左男友o係尖沙咀等, 見時間尚早, 決定去茶木食。之前去過旺角食過一次, 之後見尖沙咀開左又黎過一次, 不過上次係星期五o既8點鐘, 上到黎人山人海差d連lift都出唔到, 所以最後係冇食到o既。今日可能因為係平日, 而且6點幾比較早dd, 所以唔駛排隊就入得去(等我仲叫男友行快兩步, 如果唔係又要排隊)。叫左個dinner set o既古早味三杯雞, 要左跟酸梅冰同沙律。初時以為酸梅冰係真係打碎左o既冰, 不過原來只係酸梅水。古早味三杯雞都ok, 個味都腌得唔錯, 送飯一流~我地特登兩個人share一個dinner就係為左食呢個甜品!上次食過蜜糖磚塊幾好食, 今次叫左藍莓心太軟磚塊試下~呢個藍莓心太軟磚塊比較漏! 因為入面係齋麵包, 唔似上次個蜜糖磚塊用蜜糖煎香左又冇咁漏!我覺得上次個蜜糖磚塊好味d o者...…查看更多

同屋企人&男友食完飯, 又好似唔係咁飽想去食甜品, 諗起上次夠媽話去左大圍食間新開o既甜品舖, 於是就過去食喇。我同男友點左個芒果班戟同蘋果金寶配雪糕, 兩個都普普通通冇乜特別, 最特別就係個蘋果金寶配雪糕要成45蚊, 坐街邊呢個價錢有d貴。阿媽點左個芒果河粉, 細細碗, 幾啖就食晒...另外其實仲有叫左個湯丸,不過冇影相,都係冇乜特別。食完我阿媽先話: 係啦, 上次食過, 呢間野唔算平又唔大份我話: 咁你又唔早d講@@"阿媽話：咁你話想試下丫嘛....唔...我係咪應該講, 阿媽真係錫我=_=…查看更多

同男友聖誕節冇咩野做,最近忙緊搬屋D野,去左沙田買左張檯,之後就o係附近到搵d野食。其實我同男友都冇咩覺得今日係聖誕節o既感覺,都係因為我突然間醒起,之後又話想食牛扒,我地先走搵地方食聖誕餐!o個時其實已經6點幾, 我話係就快d,如果唔係晏左好多人!我地諗左陣都唔知去邊度有牛扒食,淨係諗起瀝源有間牛扒之皇...諗諗下citysuper下面好似有幾間西餐,於是就行快兩步過去。去到見到有間做緊2百幾蚊聖誕餐, 拎左位, 之後男友又話過對面再睇下。見到呢間IKI都有牛扒食,仲有鵝肝添喎! 於是乎就算我男友話拎左籌先再睇下第2間都唔肯!!!!話就話等十張位, 但最尾都係等左半個鐘。由於等位呢段時間已經諗左好要食D咩, 一坐低就拿拿臨叫野食!上菜速度都算快，好快已經擺低左香瓜菜, 沙律, 味噌湯。個香瓜菜唔係我杯茶, 我淨係食左我最愛o既黃蘿蔔就俾左男友沙律同味噌湯都係普普通通。我叫左個活龍蝦鵝肝牛扒定食, 本身叫左3成, 因為鐵板上, 不嬲都過再熟多d,點知黎到已經係5成, 偷完男友o個碟o既帶子, 已經變左7成><於是乎同男友塊扒調轉左= =v佢明明叫5成, 都仲生過我, 不過咁, 佢塊鐵板冇我o個塊咁熱。d野食ok啦, 後面仲有塊三文魚都幾大塊~男友叫o個個大蝦三文魚帶子牛扒定食，我覺得我o個個好味d~呢個牛舌要讚! 好味到我差d唔記得影相!四四方方大大舊, 本身我仲有少少膽心會唔會un! 但係食落原來腍到不得了! 個汁又做得幾好味!!呢個要俾個叻佢~呢個炒野菜冇乜特別...如果唔係想營養均衡一d, 可以唔駛叫。…查看更多