四公子的个人专页

係元朗睇完醫生, 好肚餓, 於是又去搵野食~本來打算去食嘉麗園的, 但係唔食得牛腩, 費事得個恨字~行行下見到好到底既招牌, 諗起之前係呢度search元朗有咩食既時候見過, 於是就行去食~唔食得牛, 咁就要淨雲吞, 水餃伊啦~~雲吞細細粒, 唔錯~水餃就相對失色, 有點實, 似肉餃多點~不過偏細似九記, 麥奀, 真係多多碗都唔夠我食~下次好番, 要去試下牛腩有冇特別~(我鍾意懷舊風, 所以環境比高少少分)…查看更多

又係要搵咖喱食~呢間野特別在於有崩沙腩, 不過偏貴, 所以冇特別去試~咖喱夠哂辣, 但係牛腩唔算諗, 有咬頭~但係可惜食慣香港牛腩, 所以會覺得冇咁好食~但係原來好多人(相信係當地人)係叫咖喱撈米來食的~下次一定要試呢樣~…查看更多

去到澳門, check in settle好哂d野後, 就去呢度食野先~咖喱係我既飛佛, 所以即時要左咖喱牛腩飯先, 再加淨雲吞~牛腩好焾, 不過唔辣, 亦唔係好夠咖喱香~反而雲吞有點驚喜, 比自己估計的好食~要左支菊花蜜, 都幾特別~…查看更多

琴晚接大人收工，之後大人就帶我去左呢間野食。湯面，撈面為主，有少量小菜，仲有飯和小食。我要左碗牛根腩魚片頭湯河（大地魚湯底），大人就要麻辣雞粗面，另加蝦子芥蘭和炸大腸。先講下我碗湯河先，都係雞湯為主，上面灑了（相信是）大地魚粉，湯底清清地，但係有味，一旁好似有少少腩汁，但係飲湯時唔覺，只係覺色水有少少唔同。河粉係幼身河粉，依家好多地方都唔會有粗身河粉。（只得一兩間的干炒牛河係用粗身河粉，口感絕非幼身河粉可比，此乃後話。）蘿白夠「淋」，都有點味，魚片頭就冇咩特別，根腩都唔錯，唔會好似出面集團式果些「淋」哂，牛根都仲有嚼感。大人碗粗面，我試左一啖面，湯底都香，好少少既辣味（本人食得辣，所以唔覺有料），雞就斬件上，有少少怪怪的，可能碟仔上會觀感好點，又或者雞絲啦（可能餐牌有我唔知）。蝦子芥蘭就可能蝦子多了點，我覺得有點鹹，可能病緊，口淡淡啦。炸大腸就冇咩特別，係炸得干了點。之後，偷望下鄰桌果個飯先，唔吸引我，所以放棄。服務唔錯，不時幫我地加水，好有禮物，值得嘉許。整體黎講，都算好食，適逢其會，都值得介紹一下去食。…查看更多

本人好辣, 所以朋友介紹呢間野, 終於搵到日子出發~本來由科學館站出, 沿燕南路直落便到, 點知2線工程, 截斷去路~終於行左個大運來到, 環境就普通一點~坐低之後, 見到有杭州那些太極倒水既人, 冇咩特別~到了點菜, 好多野都好想試, 但係人唔多, 根本冇得食咁多, 所以只點了四樣~口水雞 (記得好多呢度既食家都話得), 漁香肉碎 (唔知有冇記錯名), 水煮牛肉 和 白灼菜心~記起好似有人話晾衣白肉唔得, 所以都冇揀了~口水雞最先到, 賣相唔錯, 味道香辣麻俱全, 果然係咁多食家推介的菜!!! 水煮牛肉賣相普通, 唔係好特別, 只是一般~漁香肉碎, 唔係辣的, 有少少酸味的, 佐飯不俗~白灼菜心冇問題, 但係用豉油上, 仲要似蒸魚豉油~整體上好味, 我都食左三碗飯~~PS 不過有一個服務員就冇記性, 成日都要提~~…查看更多

食過灣仔, 佐敦, 老廟, 荃灣好多間蛇羹, 都係覺得呢間最好味, 最足料~蛇肉大大條, 又夠多, 味道又好~佐敦果間, 食完覺得佢好似有味精~糯米飯食過一次, 味道一般, 但唔油淋淋~如果要數第二, 我會揀荃灣果間, 但係有第一, 點會唔去食~~~ …查看更多

琴晚見到佢, 於是坐言起行, 就走去食~咦, 要等位添…..不過包緊野既老闆見到, 都會問下幾多位, 會請你等一等, 仲不時叫服務員留意一下門口客人~我要左雲吞牛腩面和一個餡餅….. 本來想要埋酸辣湯的, 但係一個人唔想食到咁飽…牛腩夠味, 夠稔, 雲吞唔錯, 餡餅既餡就乾d, 冇九龍城果間咁juicy, 但都有汁射出黎, 好彩當時對面未有人坐~~~豆漿就真係差d, 有點水水的……..對面果個日本人就食酸辣豬扒面, 睇落去豬扒就好似普通點, 酸辣湯底色水同平時見果d唔同, 但係兩者我都未食過, 不應評論~~~有機會再去試過, 叫多d人去就可以一次試多d, 但係坐位唔方便~~…查看更多

又係朋友帶我去食, 呢頭成日行過無數咁多次, 都冇咩留意到佢既存在。朋友叫左幾串, 我當然唔執輸, 又食埋一份。價錢係同類既食物來講, 唔算貴~大大串, 個味又唔錯, 如果同紅磡某間相比, 我鍾意呢間多d~自從食完一次之後, 我成日都心思思想再去食~~~…查看更多

呢間野本來都係飯堂, 只係近兩次keep唔到水準, 所以冇再去了~由於都有一段時間冇去, 好多菜名都唔記得, 有一個什麼魚子魚春煲, 疑似東坡肉, 兩者都好味, 送反一流~份量都算足, 所以有時叫多了, 都食唔哂~以前會推介正, 依家太耐冇去食, 所以只好評一般啦~~希望再有其他食家匯報下現時的情況~~…查看更多

既然都寫開, 唔差在寫埋其他~另一間係我係深圳另一飯堂~食過好多樣野, 水準都keep到, 其實都好多香港人去 (聽口音)~呢處就近地鐵站, 一出就係~近期最好食係朋友介紹既鹽煎肉 (音譯), 有點似回鍋肉, 但係冇咁肥, 我個人覺得好食d (亦唔排除我食當日非常肚餓)…查看更多

呢間野都食左好多次, 係我上深圳火鍋的必然之選~依家先發現深圳都可以寫食評, 所以咪寫下啦~離地鐵站有點遠, 行到差唔多到, 就聞到那股麻辣香味~環境夠哂大, 有兩層 (好似有三層)~唔同港式/廣東火鍋咁, 冇雲吞水餃, 第一次去既時候, 碟牛更加不敢恭維....我就專業推介黃辣丁 (係全條小魚來的), 最近果次打鱔片都好正~~果日肚餓, 叫左碗担担面食, 點知都好食!!!下次有機會, 等我試埋其他小食先~~…查看更多

話說搭車去另一間食野果時, 途經呢間野, 就記起佢既牛肉餅~~~一來係電視賣過, 二來係有朋友介紹過, 甚至話係九龍城食野, 必定留肚去食一塊。既然果位朋友有此評語, 我當然係食唔飽既情況之下, 行過幾條街去買黎食下啦~~~去到門口, 嘩!!!!! 全院滿座, 好彩我係買外賣的…… @@!!!!入到去買左幾件牛肉餅, 見到在場食客食緊咖喱, 我這位愛好食咖喱既公子當然又好想食啦, 但係….. 算啦, 下次先~~~買到返屋企仲熱, 先食一個…………果然多汁, 不過有少少油既感覺, 不過唔緊要, 我唔係OL, 唔駛就住~~~都好有肉味, 餅唔會太硬, 果然係好食, 跟手仲要食多一個~~~雖然要11元一個, 不過都值得食~~~…查看更多

琴晚上網搵下烤魚, 點知比我搵到呢間, 再同朋友講開, 就話今晚去食, 當然冇問題, 於是夜晚出發~~~去到唔駛等位, 不過坐低之後, 都開始多人, 不過好似有樓上, 所以到我地走既時候, 都冇話有人係出面等位。朋友負責落order揀餸, 一尾麻辣烤魚(全條)*, 一碟麻辣蠔仔, 白飯和魚湯米線。*註: 可以選全條, 大半條和小半條的, 聽到隔離檯話小半條好過大半條, 因為少咁條大骨我之後睇過份menu, 同我呢種食肉獸而言, 可以說係冇咩野好叫……麻辣蠔仔, 唔夠味, 蠔仔好似有灼一灼, 只係普通。反而魚湯米線有驚喜, 魚湯個味唔錯, 我幫佢清哂。 條魚黎到, 辣味都足, 再煮下佢就當然更出味, 建議等佢煮左一陣先食, 入味多d~~服務很好, 有比建議你, 亦會自動加水加湯~~~食完出門口, 二人評價一般, 對食肉獸而言, 當然係要去搵野食啦~~~…查看更多

一直以來, 已經聽到親友介紹呢間小廚, 但係礙於位置問題, 所以也沒有前來一嚐~直至有日, 約左朋友食飯, 而佢又係呢頭較近, 於是就諗起呢間野, 決定過來試下啦~環境細細的, 有點快餐店的感覺, 門口和店裡貼滿了相片, 雜誌介紹等, 算是一間名氣店~坐低之後, 先有一客青瓜, 味道唔錯~正當睇下有咩好食的時候, 一名身穿廚服的哥哥仔行過來介紹, 仲以幫我地自行寫菜添~有點不慣的人, 可能就會覺得佢沒有比時間和選擇佢地自己黎, 但係我又不覺得是一回事, 因為佢講左的, 亦接受我們的意見更改, 又討論一下點解唔食呢個, 點解食呢個咁…….OK, 點好哂菜, 跟手到重點了~~~飛天通菜㷛炒好的通茶加配料倒落加熱了的㷛內, 霎時提升溫度和氣味~本公子覺得配料 (肉碎、蝦米和少少咸魚) 用黎撈飯一流, 夠哂咸~但係講呢味菜來說, 冇咩特別~墨魚餅+金磚滑豆腐 (雙拚)墨魚餅都唔錯, 但係同XX樓相比, 就冇咁好食了, 只係普通~~反而果個豆腐真係煮得唔錯, 外脆內嫩, 只係本公子覺得唔夠椒鹽味~~咸雞雞肉夠嫩, 肥瘦適中, 咸味稍遜, 果碗油就真係可免則免~大富大貴桂花魚起身蒸, 「金針雲耳; 蒸魚豉油」好比「倚天」;「屠龍」用黎佐飯, 誰與爭鋒!!!再加埋唔駛吐骨就住的魚肉, 真係好味!!!!!油鹽水奄仔蟹味道出奇地唔錯, 奄仔蟹都叫靚, 如果極鍾意食蟹的人可以一試, 若不, 大可不試, 因價格稍高~主菜總體而言, 街坊街里食客為主, 下次再試, 會主打家庭小菜, 如其他推介: 西蘭花牛肉等….食完主菜, 當然到女仕們最好的甜品, 我地叫左:焦糖炖蛋、心太軟和梳乎厘~~可惜我一啖都冇食過, 不是好味道好快食哂, 只係本公子唔食甜品~~不過聽本公子的大人講, 心太軟好味, 炖蛋一般, 梳乎厘好似冇作出評語~~…查看更多

琴晚突然間想食粥, 但係唔知附近邊度有, 諗一諗, 諗起以前蛇竇隔離有間木門野, 好似係食粥, 於是行去睇睇~果然係有粥食, 價錢都可以接受啦, 同糖朝差唔多, 好, 入閘~叫左兩碗粥, 一碟皮蛋, 一碟炆米~第一啖食落碗粥度, 好味wor, 好有屋企feel, 雖然未棉到米水不分, 但係都好食~跟手食下塊牛肉和粒肉丸先...................em.................... 冇鮮味...................好, 到炆米了~ 好有鑊氣, 咸咸地, 好惹味, 肉絲都好嫩~食多幾碗先, 中招..... 開始好咸了........ 皮蛋冇咩特別, 所以冇咩好講~…查看更多