or#Tm65819985's Profile

上次吃了個牛丼，價錢貴、不合理，牛肉又少又韌，仲要唔飽，真係一肚氣！再吃一次，今次要叫了豬。已經是最推介menu，應該無問題啦。果然係好味好多，好過上次個牛丼多多聲。起碼是吃得飽！價錢合理！這次讓他平反。可以再去。但就唔會再試新嘢。見過鬼怕黑。…Read More

星期六同老公去圍方食午飯。平日食過豚肉丼午餐，都幾好味。諗住今日又幫趁，同埋食下唔同嘅嘢，所以叫咗哩個食，一人一份。賣相似係唔錯，但啲肉勁少，兩啖就食完，而且有啲筋，唔夠腍，一句講晒，唔好味。因為啲肉太少，後尾碗飯基本上係就咁啃，所以淨咗半碗。點樣夾硬啃半碗白飯呀？大佬！成$148仲要加一！ 成三百幾蚊，早知去千両食好過！同樣價錢多好多嘢食！我老公食到勁嬲，返到屋企都仲一肚氣！性價比奇低！千祈千祈唔好叫！…Read More

賺咗一日黑雨假，午飯食好啲。$298二人餐，有頭盤小菜、三餸一飯、仲有甜品！食到飽，要打包做晚飯。頭盤：糖心蛋幾好味，豆乾、糖醋排骨，都幾開胃。瑤柱賽螃蟹：嫩滑好味，點醋更加鮮甜！蔥爆牛肉：惹味可口，送飯最啱！排骨炒飯：炒飯底不錯，排骨味道亦好，但排骨的炸粉略厚，吃起來有點油膩。我全部都咬走先食。可以改善。小籠包：有六隻。唔記得影相。味道不錯。但夾起時容易穿，漏晒啲湯汁。人蔘烏龍茶：入口甘甜，有淡淡的人蔘味。令整餐飯提升質素！吃完飯想飲多兩杯。甜品： OK ！服務整體算唔錯，冇啲人講得咁差。基本上都好有禮貌。應該會再嚟！…Read More

最近發現原來眾志上一層都有飯食。今日又入來中大做嘢，所以去試試。去買飯，個阿姐全程用普通話。妖！哩度係香港囉！食物質素比樓下好一點，價錢亦貴啲。但深圳式服務真係離譜！…Read More

假期去行街，行到攰，諗住食埋晚飯先返屋企。心思思想食海南雞飯，於是去咗天天海南雞坐低。見到有白切雞和燒雞雙拼，加$16仲可以轉雞髀！所以就叫了這個餐，仲叫咗龍眼冰。轉左雞髀是正確的選擇，雞肉嫩滑，雙拼又可以同時享受兩種食法。配上醬汁，非常惹味！龍眼冰亦值得一讚，清甜得來味道適中，而且仲可以食埋啲龍眼肉，當食埋甜品了！轉左做雞髀，加咗錢，係貴啲，但係值得！行完街可以坐低享受美食，真係生活一大樂事！但後來回家check單，發覺佢加咗$32 ？唔通雙拼就要Double轉髀費？過咗幾日，攞埋單去問counter，店員非常有耐性，而且立刻退回多收的轉髀費。值得一讚！其實香港人好簡單，質素好、服務好，自然捨得使錢。唔係個個都鍾意仆去深圳嘅！希望佢哋keep住呢種服務同埋食品嘅質素。…Read More

星期六，中午去睇戲。打算吃個brunch，才去看看戲。太早圍方不是很多選擇，於是第一次入咗呢一間。其實舖頭都好大間，整體環境算OK，但係唔知點解要安排到啲客人坐得好密。後半間舖，其實有位，但就要坐晒前半間舖，才安排客人去後面坐。我張凳嘅右手邊仲要凸咗半塊板出嚟，令我食嘢嘅時候成日撞到手踭。因為呢啲奇怪嘅座位安排，結果隔離坐了一對非常嘈吵的情侶。原本諗住食個Decent嘅brunch，成件事比呢兩條友破壞晒。男的做匯豐（點解我知因為佢講嘢好大聲，一坐低就問個侍應，滙豐職員係唔係有折？ ）女嘅嗰把聲亦都非常嘈吵，聽住佢哋不斷討論參加咩嘢興趣班，喺小學又有啲咩新規矩。（估計女嘅在小學工作？ ）其實傾偈可以細聲啲？可能做銀行，和小學老師，是需要大聲講嘢。職業病掛？講返食物。All day Breakfast，用料係豐富，但唔算特別靚。有啲油膩。唔值$148。肉眼扒，味道係好嘅，但係就食完個all day Breakfast先至上。足足等咗25分鐘。最有趣係，同隔離好吵耳嗰對情侶，係一齊上肉眼扒！但係佢兩個係遲15分鐘先坐落嚟。同樣價錢，食物質素應該係Beans或者牧羊少年好啲。坐得逼夾，容易被其他低端食客騷擾到！總結：貴價餐廳嘅價錢，食出茶餐廳嘅感覺！要考慮清楚先決定再唔再嚟。…Read More

今次第二次嚟。上次嚟主要係飲嘢同埋食甜品。飲咗蘋果蜂蜜梳打、食咗芝士蛋糕。氣氛、食品、環境都不錯！價錢係貴啲，但係都只有咁樣，先可以將啲低端客趕走。保持環境、及食物的質素。上次感覺良好，所以今次又再嚟。食咗帶子意粉alldayBreakfast，叫咗手工啤、同埋花茶。帶子意粉都幾好味。但係嚟先、食完，個all day Breakfast都未到！其實舖頭冇乜人，真係要檢討吓整體感覺仍然良好，希望佢keep得住。間唔時都應該會嚟下。…Read More

係好食嘅，即叫即撞，本來係好有誠意。點知原來要等好耐又唔講明。食完晒嘢，先叫佢上甜品。嗰一刻先至話我知，原來叫佢嗰一刻先至開始煲啲奶。要等五至10分鐘。點知等咗15分鐘都未嚟問佢可唔可以吹下，佢先至講磨薑汁機壞咗……結果等咗20分鐘，送到嚟仲要再等多5至10分鐘先至撞好。幾好食都扣晒分啦。…Read More

1月1日，起身唔知食乜好，諗諗吓不如飲個茶，食飽啲當埋中午。富東閣向到保持水準，所以都唔使諗，直接就去富東閣。11:30去到，唔使點等位，好快就有得坐。兩個人，點咗個點心拼盤。（見圖）$98 ，有六款點心，每款有兩舊。兩個人食其實都OK嘅。但係抵唔抵就見仁見智。因為分開點，每款都會數量多返啲。另外重點咗腸粉雙拼，蝦腸拼叉燒腸。味道係OK嘅。但係就有啲凍。整體質素係OK，想飲茶仍然會再去。…Read More

常客。通常都會食all day Breakfast。以前會包嘢飲，平日仲會有湯。而家嘢飲同埋湯都唔包。價錢冇變，但係成件事就加咗30幾蚊（嘢飲嘅價錢）。即係加咗超過20% ！有啲唔老實。如果唔係貪佢坐得都OK，嘢食品質又算穩定，真係唔想再來！…Read More

一路都好想試，今日咁啱去太子，所以就專登過嚟，叫咗一個魯肉包，同埋凍嘅白桃烏龍。價錢唔算相當平，但係想快快脆，輕輕鬆鬆食少少嘢，是一個不錯的選擇。地方細細，但係坐落都幾休閒。店員有禮，會將包送到去枱面。個包好軟熟、好輕、好滑，食落唔會好膩。魯肉亦都非常足料，味道唔錯。白桃烏龍，凍冰冰飲好舒服。最啱OL或者女士們食少少嘢嘅好選擇。食完仲可以慢慢坐一陣，是個在繁忙都市中，想食個悠閒小食嘅地方，下次會再嚟。…Read More

車公廟站附近的，都知道嗰頭冇咩好食。魚米家叫做近近地，以前都會去食吓。但係佢真係越嚟越難食，價錢又唔係平，服務質素仲…… 哈哈哈哈哈！今日落雨，唯有幫襯吓。誰知行出門口，廚房個阿姐竟然向住行人路潑污水，差啲俾佢撥到濕晒！佢應該係睇唔到有人行過。但就算冇人行，都冇理由向住行人路潑水啦！下次落雨都唔會去囉！…Read More

星期六下午，中午去吃午飯。叫了牛扒、雞扒沙律。食物質素冇價錢合理的，所以一直有幫襯。但係服務就一貫地低於水平。一坐低叫完餐，牛扒好快就到。但係雞扒就等咗成15分鐘，牛扒都就嚟食完。吹咗佢一次，終於送到，但就睇住佢兩份沙律一齊出，其中一份是另外一台遲10分鐘才坐低的客嘅。睇得出佢哋出賽根本就亂咁嚟，唔係先落單先做，儲埋幾張先一次過出。結果就遲嚟先有得食，早叫就等足15分鐘。其實當時舖頭都未坐滿人，已經咁亂，人多就更加成日漏單。食落啲沙律，啲蛋仲要有蛋殼……再唔認真啲，好快生意就會比深圳搶晒啦！…Read More

叫咗個二人餐，三個人分，再叫多咗杯花茶，和一個煮雜菜。菜式每一道都非常好味，有驚喜。肉眼扒非常之好味，值得推介。豬髀有少少偏鹹，但係都幾好味。花茶成壺上，可以同朋友坐低慢慢傾，慢慢飲，唔使轉場。三五知己坐好啲，食好啲，坐港鐵又方便，都係一個唔錯嘅選擇！服務方面，都算唔錯，可能因為客少，有咩需要，都好快會有人serve。 衛生方面扣少少分，因為其中一杯花茶，竟然發現有兩隻蚊子入咗去！但係同侍應講，都立刻換返過一壺新嘅俾我哋。放咗工，想食好啲，冇理由又返深圳啫？留講消費，洗得起錢，仍然好多選擇嘅！…Read More

難得有一天平日放假，決定早上去吃個豐富的早餐。選了來文化博物館的牧羊少年，吃了個all day Breakfast。因為係平日，又係一早嘅時間，所以冇乜人，非常清靜、優雅。我可以慢慢吃，慢慢嘆。環境充滿文青feel，有文化氣息。冇乜人，又唔會嘈住晒。真係以為去咗外地度假咁！All day Breakfast唔算平，但係質素良好，又可以慢慢坐，我覺得係值得嘅。侍應服務基本上OK。除咗中間有試過好大聲傾偈，少少破壞氣氛之外，整體感覺良好。而家香港人成日北上消費，主因除咗價錢平之外，服務質素亦都係關鍵之一！香港啲店員成日俾人話西口西面，極之趕客。所以我認為服務、環境，係重要嘅食評之元素，需要重視和表揚。…Read More