Sui Yan的个人专页

食左咁多餐沙律，今日見有少少時間，就行遠少少食個邪惡午餐... 見媒體介紹呢度D burger唔錯就嚟試吓，点左個推介的芝士熔岩漢堡，送上時芝士漿未有淋在漢堡上，和相片不同，有点失望! 我想，如果我自己淋上去，有义冇刀都幾難應付，所以我唯有放棄，改由自己將包點落芝士漿，但已經係兩回事了....講番個漢堡，齋包配牛肉，冇蕃茄冇生菜冇酸瓜，未免太兒戲了吧？ 牛肉味道未見什麼特出之處，還不及時新的好味，咁樣索價一舊實在不值! 還有薯角也是淋的! 如無意外，應該冇下次了! ☹…查看更多

卓頭認真十足，响中環咁近我唔會唔嚟試吓囉.... 😏咪睇我平時都係食好西，中國的腐乳其實我都幾好吓，通常只會入冬食羊腩㷛先會食到腐乳，有咁新奇嘅意粉梗係第一時間嚟試吓..... 🤪店舖其實幾細，仲有一樓，我就坐樓下面位，餐牌上也有不小腐乳的菜色，但我只選了摰愛的卡邦嗱意粉，製作時間比我預計耐，廿多分鐘後終於上碟了，賣相還可以，挑起麵及蛋黃撈起來，未有強烈的腐乳香，入口竟然也沒有，意粉口感是不錯的，可惜沒有腐乳的味道，索價要九十八元，咁我到底吃了些什麼？🤔🤔…查看更多

友人順道來接收工，欣賞完維港景色就直到K11來醫肚，揀選左這個比較簡單的稻埕。坐下便用手機落單，鴨氏的字體小得有点欺人，点選了牛肉麵及鵝肉撈麵，而甜品就是桃膠燉蛋白。 牛肉相當味美，腍及厚切，湯汁亦清甜可口…… 相比下鵝肉撈麵只屬平庸，也嘗不到鵝油的酥香…… 甜品桃膠蛋白亦是味美，呢餐簡單得來也算唔錯，可番食！😋…查看更多

有朋自遠方入來赤柱遊玩，東道主的我梗係要作導遊一番，揀選了酒吧街的薄餅快速，還坐在户外路邊，環境相當唔錯…… 😊点了三個食品，麵包球配青草及蒜香醬，健康沙律及薄餅，長相思白酒一杯。 麵包球的佐醬味道剛好，可惜麵包有点冷了，沙律成份甚為豐富且碟頭不少，生菜也有數款在内，包括羅馬，雨衣，牛油等，還有些芝士，牛油果，南瓜，數之不盡，但醬汁只用了陳醋醬且少得有点孤寒，令整體味道變淡，失色了！ 薄餅我們揀選了摩他地拿腸，磨菇及水欖，我用手挑起一件便馬上發現不妥，批邊不熱不脆，腍哂！ 我隨即質問店員，有個似部長級的人竟這樣回覆我：先生你点的薄餅並非羅馬式，所以腍是正常的！ 如果你要脆邊那種羅馬式，要在落單時跟我們說……首先正常人食薄餅都期待吃到又熱又脆的口感，若果係像必勝客咁有分兩種批底，店員好應該落單時向每一位客人問清楚偏好，但剛才他們並沒有問過我… 當我說完我的論点後部長似有不願更換的意向，的確令人失望，彊持了十秒後最終還是換了一個所謂羅馬式的給我們，上來時我們便馬上試了一啖，跟第一個比真的好多了…… 其實我們也並非找麻煩的，只是大家之前各自都曾幫趁過其他薄餅快速，並沒有這麼差的品質，今天攪什麼鬼了？服務欠佳除了上述外，杯長相思要我趨速才送上，叫了給我杯水就埋單都未送到，認真唔掂！…查看更多

在開飯尋找了一輪找到這間義大利餐廳，便斗胆訂位試吓，致電訂完隨即收到確認短訊，似乎有不錯的系統！剛好七点正去到入座，地方不是很大但又因為疫情的規管下，枱的分隔頗為鬆動…… 店員便領我入坐至店內最左邊的二人枱，和其開放式廚房非常接近，強烈的白光管由廚房裡"橙"出來到我枱上，認真大刹風景，而那些枱與枱之間的分隔板更是白雪雪咁，跟廚房燈互相照應着……朋友來到我即時建議換過另一張冇分隔板且距離廚房遠些少的枱…… 坐好看看餐牌有什麼，其實之前已在開飯做了功課，定了要叫烤牛舌，白酒煮蜆，醬燒豬肋骨…等。先來白酒煮蜆，看賣相並沒有什麼特别，連面頭應有的芫茜也欠奉，也許大廚今天是休假吧，煮仔入口還好，沒有韌的口感… 而烤牛舌一份有兩串每串三粒，牛舌也頗為大粒，上面吱滿了茄汁及芥末，入口腍身，但缺乏油香… 主菜豬肋骨就有点失敗，刀切下去時我已感到肉好實，肉煮得不夠腍，只有醬汁搭夠味道……食完主菜就叫甜品，這裡主打提拉米蘇及朱古力班尼新地，提拉米蘇賣相酷似425的，但入口就完全唔掂，輕飄飄的，芝士及酒味嚴重不足！都係成本問題啦！反而那個朱古力班尼還比較好些，不太甜且有皮脆口感……整體上，出品，環境，服務都好一般，不會返食！…查看更多

托新同事鴻福，昨日首席執行官設午宴招待，嚟左幾個月第一次咋……！😂去左尖東附近一間義大利餐廳，坐在室外(外國人特別喜歡)，幸好天朗氣清，除了有点熱外，也頗舒適的…… 午餐選擇並不多款式，都是二或三選一咁，三道菜套餐(前菜，主食，甜品) 送咖啡茶都係百六左右…… 我就点了冷盤沙律，麵豉三文魚及甜品…… 冷盤沙律頗為豐盛，有煙三文，薯仔沙律，青菜，雞件，蛋批，巴馬臣，燒牛肉及些小酸菜，雖然樣樣少少，加起來都唔平，你知啦，巴馬臣好貴㗎麻！😅 至於個主食反而比較簡單，麵豉醬烤的三文味道不錯，當然不是義式風味，但頗特別，但有小小過熟左，而甜品的甜酒浸梨伴鮮果則是一般，梨未夠腍身……如果你只有一小時午膳的話，咁我勸你不要來了，這裡是歐陸式的悠閒風格，就是小小的三道菜一小時實在吃不完的！ 😂😂…查看更多

遠遠來到這巨大的形點商場，揀選了這間以葡式澳門菜為名的亞蘇爾，其實我又不是這麼懷念馬交，只是朋友說沒試過而已……点了個方便套餐，有頭盤四式小吃，餐湯，燒乳豬，葡國雞配豬仔包…… 而我就發現酒牌竟然有我飲開的加沙加思青酒……先來餐湯是甘筍湯，不似有忌亷底，淡淡乏味，而頭盤的炸物，沙律蝦及馬介休球也沒驚喜之處…… 葡國雞更是普通過普通…… 至於那個燒乳豬，well, 皮是很脆的，但肉質就麻麻，有点老…… 完全比不上在馬交吃過的！唯一令我覺得味美的就是那杯加沙加思，但這又和這餐廳的出品有何干呢？總括嚟講就係跌錢！茶餐廳的出品也比這裡好………查看更多

上開飯搜尋吓東涌仲有冇邊間可以試，竟然發現左我在湾仔利東見過的這間金子半之助，之前沒有發現係因為佢同其他一眾的食店相隔好遠，座落的地点也不容易找到，差点搣士了！知道這店是從日本開過來的天婦羅丼專賣店，餐牌上好似只有三個選擇，貴，好貴，同超貴…… 孤寒的我只好点選了貴那款，98元再加一，成舊水食個丼真係幾貴㗎！如果係超貴嗰碗就會多條穴鰻，仲X貴！門口有標明這裡是日本米使用，給人感覺貴得嚟冇咁肉痛，坐落揀選好就可以按鐘仔向店員示意可以落單…… 等了大概十分鐘就將丼送到…… 眼見這天婦羅跟平時食開嗰種有頗大分别，色澤比較深，且不是那種金黃麵包康鋪面的，先飲了一口麵豉湯，湯是濃味的，但內裡沒有海鮮味，只是普通那種…… 丼飯上鋪了海老兩本，本菇兩本，一些八瓜魚粒，紫菜及温泉蛋各一本……等。先吃了些飯，香夾軟，不愧是日本米，軟飯通常都好吃点吧…… 😂 八爪鱼粒相當嫩滑彈牙👍，而本菇和海老我覺得只屬一般，不太脆口及有点油，温泉蛋則比較特别，蛋黃仍是流心味美！整體而言…… 試過就算了！ 😅😅…查看更多

早前經過公司附近發現有間清湯腩店，今日有空便走來試試……点了個肥腩麵加碟油菜，已經盛惠八十，午餐來說已不是平了…… 等了十多分鐘才上麵來，牛腩的份量果真不少，難怪索價這麼高，肥瘦參半分明，入口倒是腍的，而肥的部份亦香口，算交足貨了！麵身亦有点彈牙的口感，也可以！ 而湯底我則略嫌味道有点魚香不足，大地魚味再強些就更好了…… 油菜的份量也不少，若果兩人分一碟會比較好，菜可多汋兩分鐘效果會更佳！ 但整體而言是不錯了，可番食！ 😊…查看更多

今日又來到開會的日子，之前經過見到廣場地面有兩間餐廳，搜尋下發現一間湯人，呢間就似樣D...点了個卡邦喇拿意粉，午餐包餐湯龍蝦湯及汽水，只收$78 在這商場已算抵食…… 餐湯有点像金拱門的那個小龍蝦湯，很是普通！ 也很正常嘅，收咁平仲想点？ 意粉加了隻温泉蛋在上，撈混後意粉入口不錯，雖然是幼身嘅粉但口感仍是Al Denti 的, 忌廉與芝士的份量配合得不錯，食得出内裡加左洋蔥碎，令整體口感豐富了，不錯！唯一要彈就是那煙肉粒，我個人比較喜歡烟肉片多点……這店同時有推薦什麼低温慢煮安格斯，索價未免高了些，日後如有機會浪漫一番再來試吧………查看更多

行過幾次見呢度有間獨立漢堡包店經常有人排隊幫趁，今日有時間就嚟試吓…… 幫趁的主要是年青情侶居多，我雖然一支公但掹車邊都扮吓年青…… 点左個芝士牛肉漢堡，extra加了煙肉，套餐跟薯條及零系可樂，盛惠$64元，預左佢會比金拱門貴的了…… 倒茄汁要自助响店內坐位對面，離柜位有少許距離，首次到訪如果唔坐入面真係唔會知…… 薯條係傳統粗條，似係原個薯仔切成，但又係急凍的那種，入口有点粉，且炸得唔脆！ 漢堡包咬落去牛肉比較散，冇咩牛味，內加了炒過的洋蔥及醬汁，但仍未能提升整體的味道…… 失敗！如果我集合全港我食過嘅漢堡包來做個評級的話，這裡的出品應該會是在金拱門之下了…… 真不明白為何仍有這多人來幫趁…… 🤦🏻‍♂️🤦🏻‍♂️ 最令我吃驚就是隔離枱一對情侶也是点了套餐，跟餐的並不是薯條而竟然是燒賣？OMG! 😱😱…查看更多

今日又來到東涌午膳，過去數次已經試過幾間唔同的店，仍可選擇的已經不多了，逛了一圈在食代館的韓國屋停下來，見午市套餐有個烤牛肉拼烤雞肉飯聽落唔錯，心想今餐簡單吃好了，便点了付款揾位坐下……不到兩分鐘，所派的顯示器就响起來，咁快就做好了？ 🤔 我回到柜位取餐時嚇然見到我点的烤肉餐，心想： 唔係吖馬？ 今次跌💰了…… 🤦🏻‍♂️🤦🏻‍♂️吃慣烤肉的我一望就知道這些肉根本沒有烤過，只是似燴熟而已，牛肉燴熟後再吱上燒汁扮燒烤，未免太過兒戲左D吧！ 而所謂的烤雞也是用同樣的方法燴熟，不香乏味！記得以前响黃埔工作時，Foodcourt 有檔韓燒真的不錯，柜位有塊大鐵板可將牛肉炒熟配飯，相當美味，同樣都是快餐怎麼這差咁多？ 🤦🏻‍♂️🤦🏻‍♂️ 朋友們要小心了！…查看更多

是日又入嚟開會，當然要先醫肚，見這間牛角以燒肉丼為主打的店賣相吸引，便入來一試……日本的燒肉一向是我們牛魔王的摰愛，干脆点了這個次男坊丼定食，這裡是以快餐形式經營，要先在收銀處点單付款，携號碼牌再找坐位，服務員隨後便把餐送到，相當方便……送上來見到丼飯叠得相當高，其實只是幻覺，烤牛腹肉一片片鋪在飯上，當中有相當的芽菜在內，所以顯得高及豐厚，牛肉並沒有多到，白飯裡亦拌了葱花及碎紫菜，味道還好，反而牛肉並未有燒烤的油香，醬汁是濃郁的，但就是欠缺了牛脂的烤香，可能是因為牛肉是火鍋式的薄切片，並不是平常烤肉的那種厚切片……整體而言索價九十當然有点不值，但一試也無妨…… 咪就係一試咁多囉！ 😂😂…查看更多

今日下午約左入東涌開會，見有少少時間，就順個靚便响東涌食午餐，上去開飯睇睇有乜好嘢，發現到這間麥田有分店响東薈城七樓，就決定入嚟一試…… 久聞這間以羅宋湯主打的專門店，本來已經想揾個機會試吓，今日就啱哂了！😉坐落望望餐牌，見佢有湯餐配麵呀，烏冬呀，一丁呀咁，what? 🤔 羅宋湯不是配餐包最好食的嗎？ 配粉麵似乎又有点格格不入…… 另外有個什麼經典餐，有湯，薯仔沙律，餐包咁，但我又怕食呢個我唔多夠飽…… 👉👈😥最後我点選了羅宋湯+薄牛扒脆豬，湯除即便送上，高身的杯形湯碗睇落似好大碗咁，但其實只是幻覺，好心急即刻忽一羹入口，味道甜美，所有蔬菜都㷛到腍哂，口感恰到好處，而牛腩亦相當好食，腍身之餘牛味亦濃！如果一定要我找缺點的話，我會覺得湯可以杰D, 薯仔不夠，和欠缺了少少辣味！至於個薄牛扒脆豬，睇得出是即叫即制的，整個包算是合格但沒有驚喜，因為湯才是主角啊！對於一個食左幾十年港式/西式西餐的我，區區一碗湯又怎會夠喉，平時我自己在家㷛羅宋湯起碼都飲兩三碗啦！但此餐並沒有提供追加的安排，正價$58一碗就顯得有点不值，店主可考慮提供追加，例如加$20可多飲一碗咁，益吓我哋呢D所謂為食專員吧！😂…查看更多

行經K11好幾次，見到這間話有米芝蓮推介的漢堡一直都好想試，今日開完會返尖東前順路嚟食，叫左個Classic漢堡+ Onion Ring + Coke Zero……罐裝可樂送來係未夠冰凍就先要扣分！洋蔥圈脆口味美，但我個人比較喜歡以前Burger King那種炸䊢及味道…… 漢堡的體積並不算大，但中間的牛肉相當豐厚，一口咬落去的確肉味濃郁，有牛脂香味，用左澳洲21天dry-age 黑安格斯牛肉的確唔錯... 非一般漢堡可比…… 但要四倍金拱門的價錢先食到，扺唔扺就真係唔知，不過試一次也無妨嘅…… 😋…查看更多