keungchi的个人专页

行開元朗，見到呢間新開的漁吉，鋪頭細細卻閑日都幾乎坐滿，就趁下熱鬧幫襯下。雖然鋪頭細，但乾淨整齊，加上新裝修，環境舒服。味噌湯任飲，味道一點都唔差，鮮香濃郁，連飲了兩碗。要了個期間限定：油甘魚丼肥厚的油甘魚件味道鮮甜，口感飽滿，稍稍燒香的海膽雖然沒有在北海道時食的鮮甜，但一樣味道濃厚，燒香令口感更好，相當多的蟹籽，玉子香而厚實，好大碗，料又多。邪惡雞翅：好大份，粉漿比較厚，不過好好味，又脆又香又惹味，雞翅多汁，不過一定要熱辣辣時食，有一件涼左外面唔脆就唔好食。白葡萄汽水：產地直送，夠氣，夠凍，28元，雖然有味噌湯任飲，還是要了支，還有好多唔同味道選擇。…查看更多

日日落雨都好煩，朋友話食下好野會開心點，選左福丸水產，朋友之前試過，話絕對有質素。交通一般，荃灣地鐵站行過去約10分鐘，9點上到去，地方都幾大，座位之間唔會見到，幾自在，好舒服。先來一杯香梨味冰啤，入口順滑，濃郁的啤酒味中帶有香梨的甜味。要了個二人前；加198蚊要了個鐵板燒龍蝦.甲羅燒：在日本食過，這店的質素有日本的八九成，鮮香味濃郁，送左兩件燒香麵包，配搭一起食，脆脆的豐富左口感又中和左鹹味。刺身的質素相當好，絕對沒有半點腥味，新鮮的鮮甜味，口感又好。特別提一下時令的平鯛刺身：肉質軟實而細緻，相當的鮮甜味。什麼也不用，一樣的好好味。豆乳地雞鍋：豆香味的湯底甜甜的，新鮮的蔬菜，雞件又嫩又滑，沾少少本店自製的胡椒柚子，好惹味。明太子茶漬飯：米飯軟硬適中，茶味唔太濃，清清的味道，加濃味的明太子好夾。吉列黑豚：有點幹身了，不過黑豚肉香唔肥膩，唔喜歡肥豬肉的我又幾中意。燒龍蝦：肉質嫩滑，味道鮮香，沾上煮熱了的蝦頭的糕，必試。另外點了個蝦天婦羅：蝦都幾大只，粉漿薄，蝦肉爽口，味道鮮香。要多了一個浜燒盛合: 帆立貝，蠔，鮑魚，甲羅燒帆立貝大只，鮮甜，嫩口蠔都幾肥美，鮮香，滑口最喜歡鮑魚： 香鮮爽口，肉質嫩口又少少彈牙。最高興的是全部有熟手的服務生幫你燒，朋友間傾下，食下，飲下，快樂之時。…查看更多

前兩日路過葵湧時偶然見到呢間buffet的廣告，二百幾蚊的價錢好吸引，約左朋友去試下，位置在葵湧工廠區，離地鐵都幾遠，朋友熟路搭38號BUS，不過落左車都要行十幾分鐘。地方唔豪華，但乾淨整齊，位都幾闊落，坐得舒服。食物款式都唔少，中的，西的，日式的，蘑菇湯味道濃厚。Pizza餅底香脆，簡單卻好味道。鵝肝多士味道香濃，脆口，唔錯。燒牛肉：香口，牛味濃郁，豆腐蒸魚：，豆腐嫩滑，味道鮮香蒜香豬手：好軟淋，沒有騷味，蒜香味好夾。竹笙鮑片：雖然鮑片唔多，但味道幾好，菜新鮮，竹笙爽口。炒麵好似上海粗炒,味道濃郁，比較淋身，半隻龍蝦是送的，正常質素，200幾蚊的buffet算驚喜。甜品好多款式：蛋糕有三款，幾中意芝士蛋糕，比較軟身，味道剛剛好，唔會太濃烈。涼粉，紫米湯味道香甜，特別喜歡紅豆沙果子，香甜有咬口，唔好忘記了奶凍，味道都有好多款，奶香味濃又順滑。…查看更多

約左朋友在屯門食晚餐，朋友book左緣聚，交通一般，港鐵屯門站都行左10分鐘，剛剛又落雨，有點狼狽。地方都幾大，都算闊落，坐的幾舒服。閑日加落雨都滿座，有點信心。飲品好多選擇，清酒，梅酒都有，朋友要了1664，我要了紅梅味Hoegaarden,都幾貴，出乎意料這裏都有,還要任飲三文魚，油甘魚，八爪魚，鮮帶子，中拖羅，甜蝦，三文魚大腩，希靈魚，象拔貝：剛剛去左北海道的朋友都話甜蝦唔錯，鮮甜濃郁，象拔貝鮮甜，嫩口， 希靈魚一半魚肉，一半魚春，有口感，幾特別。其他刺身都相當新鮮美味，放題有這樣的質素又幾驚喜。燒多春魚：細條但新鮮香口，又沒有腥味。蒜子雞翼尖：少少辣，雞翼尖上的皮肉入口即溶，好惹味，一流的送酒美食。芝麻雞翼：外皮好脆，裏面好多汁，又滑又嫩口，芝麻的香味又好夾，食左好多隻。大蝦，紫心番薯，魷魚花枝, 茄子，南瓜，脆炸三文魚骨：天婦羅粉漿唔厚，唔油膩，較喜歡南瓜，味濃，大蝦唔算大只，幾香口。魷魚花枝有點像春捲，幾特別。脆炸三文魚骨又香又有口感。榴槤炸彈：外脆內軟，中間的榴槤香味濃郁，好榴槤者必食。甜品都好多款式木糠布丁：味道香濃，布丁滑口，有酒店甜品的質素。芝士蛋糕：芝士味濃郁，口感細緻，最後當然是冰條雪糕時間，一樣的好多選擇。…查看更多

約朋友食dinner，朋友推薦心鉄板燒，話相當唔錯，尖沙咀地鐵出行幾分鐘到，8點上到去，地方唔大，閑日都滿坐，心想鐵板燒都唔會平，香港人的消費真厲害，還是真如朋友推薦的物有所值。雖然地方細，但環境唔錯，排氣系統相當好，一點油煙都沒有，又相當靜，雖然唔闊落，但坐的好舒服。要左個兩人餐：海膽凍豆腐：清香的豆腐滑口有質感，豆味濃郁，配日式鰹魚汁更添味道。海膽鮮甜無腥味，味道濃郁，入口即溶，好味道。蟹肉枝豆薯蓉：薯蓉味香濃，配豬扒汁幾特別。煮穴子沙律：穴子肉質軟腍味道鮮甜，配新鮮的沙律菜健康又好味。龍蝦湯：湯色澤淳厚，味道濃郁香鮮，裏面的龍蝦肉爽口彈牙。西班牙紅蝦配紅蝦啫喱：西班牙紅蝦應該是世上數一數二最好味的蝦，這樣的珍寶size即使批發每只都應該要百幾兩百蚊吧，大廚在你面前熟練的把蝦肉去殼煎熟，同步把蝦頭中的精華蝦膏煎香，配上已經煎到香脆的蝦腳，蝦肉爽甜鮮美嫩口，蝦味濃郁，比平時一般的海蝦美味鮮香真的不止5倍10倍吧，蝦膏香濃甘甜, 就連旁邊的香菇，翠玉瓜都變的鮮香。加上廚師出色的控制，絕對是高級美味的享受，蝦啫喱涼涼的，凍食都唔腥，帶有濃郁鮮甜的蝦香味，這樣的味道口感又幾特別。活北寄貝配芝士牛油汁：新鮮的北寄貝肉質嫩口，十分鮮甜，燒溶的芝士令味道更豐富，更美味，想不到這樣的配搭是如此的美味，廚師對時間溫度的把握更值得一贊。鵝肝配黑醋汁：煎到微微焦香的鵝肝，入口即溶，毫無腥味和渣滓，味道濃郁，滿口飄香，用料應該好有質素。日本A4和牛厚燒，牛舌心：如果食材的等級和質素相當好，簡單的烹飪已足夠，我要5成熟，師傅稍稍煎熟兩面，切粒，旁邊調味料是芥辣和岩鹽，本人喜歡沾點岩鹽，牛香味濃郁，配旁邊的日本水菜，濃郁好味又清香，有點中和的味道。牛舌心幹身卻嫩口，少少的岩鹽令味道更鮮香。季節野菜：簡單新鮮的炒菜，味道適中。高菜文昌魚炒飯：高菜惹味，文昌魚鮮香美味，加上流心荷包蛋，雖然已經都幾飽，但還是消滅了全碗飯，味道口感都好好好。紅豆湯年糕伴意式雪糕：日本年糕就是夠天然的那種米香，放在甜甜的紅豆湯中，香香甜甜，口感軟糯雪糕選了鹽味的，輕輕的鹽味帶出好香的雲呢嗱味，口感細緻順滑，味道特別又好味。值得一提的是服務生都好細心，主動添茶唔使講，幫手綁圍裙，換毛巾，加上食物的質素，廚師恰到好處的料理，令人覺得好享受，雖然價錢都唔平，不過真心覺得物有所值。…查看更多

收工返屋企的路上無意間發現這間pizza baby，被佢門口好得意的公仔吸引到。入到鋪頭裡面墙上同天花都畫上和掛上十分得意的裝飾，趣味十足。餐牌十分特別簡單的叫左個pizza和兩個小食飛龍在天餅皮很薄，外面焗到脆卜卜，上面鋪滿材料，芝士味香濃，菠蘿少少帶酸令到口感很豐富。當深海魚遇上薯仔普通的炸魚柳薯角用左個浪漫的名字，薯角新鮮炸好熱好脆，食唔停口。炸魚的粉漿很薄，魚肉很新鮮一點都唔鯹，醬汁有少少酸味帶出魚肉的鮮味。海鹽焦糖雞翼很特別的味道，海鹽的咸味同焦糖的甜味特別夾，雞翼外脆內軟，十分juicy。估唔到無意中發現的鋪頭都會有意想不到的收穫。…查看更多

凍左幾日，終於開始暖返點，即刻約左朋友出街食下野，book左呢間Deerkitchen觀塘地鐵站穿過APM, 行幾分鐘，好方便。在舊工廠大廈的一樓，走廊舊卻都乾淨，餐廳裝修簡單，干淨整齊，唔算大間，桌位都幾闊落，要左個dinner set  餐前麵包都幾香，沾少少黑醋味道更佳。蘑菇湯沒有那種濃烈的菇香味，反而是那種淡淡的香菇的清香味。沙律：沙律菜相當新鮮，義大利黑醋味道出眾，健康好味道法式慢煮油封鴨脾：鴨脾外皮稍稍焦，香味濃郁，肉質少少過熟，不過口感OK，沒有鞋口之感。配菜都是好新鮮的沙律菜，特別喜歡用新鮮紫薯，飽肚健康又好味。散叫加了個四重芝士番茄薄餅：薄餅真的幾薄，非常脆口，芝士味唔會太濃，食得出番茄好新鮮，層次分明，味道融合，又有口感，值得一試。抹茶鮮奶咖啡：比例分配的相當好, 抹茶的清香味，咖啡的濃香味，加上剛好的鮮奶，又香又滑又順口。…查看更多

最近做野比較煩，今晚搵左個朋友傾下，來左里間德國餐廳交通一般，元朗鐵路站行大約10分鐘，朋友話轉輕鐵一個站，行3分鐘就到。餐廳比較細，星期四的晚上，客人唔多，裝潢簡單乾淨，在元朗這樣的舊區來講，靜靜地真是傾野好地方。 朋友話個德國鹹豬手二人餐都幾OK，不過我今天麻麻地，可能最近食左好幾次鹹豬手。要左杯 1664：夠凍，一樣的清新，香甜的果香味令口感順滑，層次豐富。墨西哥香蔥芝士薄餅：薄餅香脆，中間的芝士熱辣辣，味道香濃，芝士中的香蔥更添香味，難得的是三種香味都保留卻又十分融合，更添口感，味道豐富美式燒排骨：排骨相當多汁，肉質爽嫰，醬汁濃味卻豬肉的香味依然，薯條炸的相當香脆，就算冷了還是脆的，沒有淋身，唔錯。飲飲食食傾傾下，特別是對住有質素的食物，還有好朋友，心情自然好返啥，順便一提剛坐定時waiter識的問要杯熱水還是冷水，相當貼心的服務。…查看更多

朋友book左Home Sweet Home晚餐，太子站行幾分鐘就到，交通好方便。鋪頭都幾細間，光線比較暗，唔算好闊落，但整齊簡單，靜靜地又幾舒服。幾個人點了個海鮮拼盤: 有生蠔，大蝦，貝類，青口，主角當然是大大只毛蟹，388元生蠔比較細只，但味道鮮甜，新鮮的咸水味更添鮮味大蝦都幾大只，肉質結實彈牙，毛蟹相當肥美，肉質嫰口，沾醋或鼓油鮮味盡出，蟹膏相當飽滿，完全唔使調料，味道濃郁，滿口鮮香。青口有兩種，大只的肉質肥厚有口感，細只的味道濃郁鮮甜。要了幾個套餐share：前菜好精緻：凱撒沙拉香草手指脆多士：脆多士又香又脆，加生菜口感一流。義大利雜菜濃湯：暖暖的，甜甜的，濃香的番茄味。雞尾酒凍蝦：蝦肉結實爽口，味道清爽。西瓜沙冰：清甜可口。真的是又好看又好味。又好心機，值得一贊。德國鹹豬手配酸椰菜薯條：鹹豬手肉質香脆，有嚼勁，酸椰菜爽口開胃又消膩，相當好的配搭，薯條香口美味。香煎時令原條活魚配墨西哥莎莎：魚肉已起好，相當方便啖啖肉，肉質鮮嫰又味香，配上清爽開胃的墨西哥莎莎，好有中和的感覺，還有好新鮮的沙律菜，好味之余又健康。小野菊杞子花茶：菊花味濃，清香消膩，杞子名目又安神，好美味健康的一餐。…查看更多

朋友約左去元朗的校長燒肉料理，次次去西箐街都要問下人，不過這次系街口剛開口問個lady校長燒肉怎樣行，個lady即答直行轉左第三間就是，好似真的幾出名。地方都幾大，唔算好闊落，但都整齊，坐的都舒服，唔會覺得逼，想不到閑日都這麼爆，怪唔得朋友話都系book定位好點。食物好多選擇：魚肉類，蔬菜類，壽司，刺身，小食類，熟食，湯，甜品，飲料都幾多，中間都好都款韓式飲品，連韓啤都有。三文魚沒有腥味，口感creamy，新鮮的味道。咖喱角香脆唔油膩，絕對有中式大酒樓的質素，炸小雲吞有點菜味，口感唔錯，香芋球軟身香甜，好味。酥炸三文魚：肉質嫩滑，味香不油膩。燒烤幾時都這麼吸引人，熱辣辣，香噴噴，味道濃郁香口，又多選擇，自己煎的餃子好香口，跟外面的餃子店一樣好味，各式牛肉味道香口，口感各有唔同，有的嫰口，有的有嚼勁，有的有質感。蝦都好大只，肉質彈牙，味道鮮香，雞翼大小適中，肉質嫩滑多汁，稍稍焦的外皮更添味道，帶子雖然比較細只，不過味道幾鮮，沒有腥味，肉質結實卻嫰口。順便一提，這裏的爐子上面鋪了一張紙，烤食物時唔會癡底，又唔會太焦，每位加7元，還可以無限次更換，相當細心，好味之余當然更健康。另加左88元任食松葉蟹和生蠔生蠔都幾肥美，雖然唔重咸水味，不過落少少檸檬汁，都幾鮮甜，味道新鮮。 松葉蟹少少海水味，味道鮮甜，肉質飽滿嫩滑，出乎意料有這樣的質素，必食。…查看更多

這日約左朋友去新蒲崗，順便食個dinner，行過景福街，見到呢間滿粥，198元每位，都好似幾吸引，就試下。食店都好細間，桌位之間好似幾逼，不過坐落又OK闊落，環境都好乾淨。海鮮盤：鮑魚，貴妃蜆，肉蟹，兩種蜆，多寶魚，活蹦亂跳的蝦真的是新鮮又大只湯底粥米水，清清淡淡的米香，waiter幫手好小心的落左蹦蹦跳的生蝦，幾好服務。鮑魚彈牙嫰口，味道香甜，蝦大只肥滿，味道鮮甜，肉質爽口。肉蟹雖然不是最肥美的季節，不過都算大只飽滿，估唔到的是肉質非常嫰滑清甜，相當好食。兩種細蜆都相當飽滿鮮味，多寶魚味道比較清而鮮，肉質嫩滑細膩。自選組合推介:黑毛豬腩片：看上去好似都幾肥，滾熟左連我這個不喜歡肥豬肉的人都覺得好好食，爽口香味濃郁，一點肥膩感都沒有，鮮淮山：脆口清爽，味道清甜。櫻桃鴨肉丸：味道有點像貢丸，但比較清，爽口嫩滑，值得一試手打墨魚滑：好有質感，味道鮮，有口感，最後加米飯，蛋漿落湯底中，沸騰攪拌熄火，再加入豬油渣，芫茜，菜䈻，冬菜，蔥花，一起攪拌，美味的海鮮粥完成，鮮味濃郁，口感豐富，入口綿滑，…查看更多

又黃雨，又紅雨，又塞車，搞到個人心情都差晒，朋友約食飯，雖然幾大雨，不過都應承左，因為食野會令人開心點。朋友book左這間福星小廚，話之前幫襯過，想再來一次，不過食店在屯門，交通真的有點遠，朋友話搭西鐵在兆康站免費轉輕鐵去景豐站，落車行3分鐘就到，這麼偏遠的地方都變的這麼方便，真的要贊一贊香港的集體運輸。7點半去到，門口是金港海鮮酒家，不過旁邊又寫左福星小廚，客人唔算多，大約6成滿。涼拌老虎菜:此名還真是第一次聽，幾傳統的涼拌菜，將辣椒、洋蔥、香菜、小黃瓜…切絲後，用醋、香油、糖、鹽來調味，有點麻辣、幾惹味，清脆爽口，相當美味的前菜，又好開胃。濃湯雞煲翅：金黃色的湯入口即令滿口都是新鮮雞的鮮香，味道濃郁，卻又一點都沒有肥膩的口感，真的是濃厚清香又鮮美，好湯底。魚翅口感味道俱佳，足4 兩     168元，不能錯過。生拆避風塘瀨尿蝦肉：瀨尿蝦頗大只，肉質嫰口，味道鮮甜，食得出的新鮮味道，避風塘味道的來唔太辣，又唔油，卻非常香口，又唔使自己用手剝，都差不多有成10只，138元真的太超值，必食。乾坤大蝦煎面：蝦身都幾大只，鮮味嫰口，加了松露令味道更豐富，特別要提一提下面的煎面，一點油膩都沒有，幹身的來非常鬆脆，香口又飽肚，蝦頭用粉漿炸過，特別要提一提下面的通菜天婦羅，幹身香口，一點油膩都沒有，香脆好好味，翡翠炒龍躉球：龍躉球兩面煎香，令味道更好，肉質彈牙爽口，味道濃郁，西芹清口爽嫰，幾傳統的味道。桂花芙蓉蛋：蛋黃已取走，所以一點腥雜味都沒有，只有桂花的清香味和蛋白的香味，甜甜的湯水，清新又好味，（菜單沒有此甜品，要book定先，否則最少要等半小時）…查看更多

日日落雨搞到個人都厭厭悶悶，朋友話不如出街食下野，上網搵左呢間焱手工試下，未到7點上到去，的位好闊落，地方相當乾淨整齊，好舒服的環境。見到268元每位的套餐都幾吸引，要了養生人參藥膳鍋和東方美人鍋，中間用來煮蜆，有waiter搞掂，加點清酒加點湯，滾一滾，火一火，好味的清酒煮蜆有的食，鲜味之余一點沙都沒有。前菜：柚子沙律，鮑撈起手撕雞柚子沙律小小酸，手撕雞帶點辣，爽口惹味，好開胃。龍躉片，海蝦， 鮑魚，黃金蜆，墨魚片龍躉片嫰口有質感，鮮味濃郁，海蝦鮮甜，鮑魚新鮮彈牙，鮮香有口感，黃金蜆大只肥美，整體的海鮮都好新鮮，一點腥味都沒有。頂級安格斯牛頸脊切的大大片但薄身，邊爐鮮湯更添口感，濕潤的肉質嫩滑香口，牛肉味道濃郁非常吸引。手工火鍋拼盤（太極蟹子海鮮軍艦、別蝦我、牛肝菌黑松露餃子、手打安格斯香辣牛丸、三層樓墨魚磚）別蝦我個名起的好，其實是鮮蝦雪條棒，幾大條，啖啖肉的口感，味道鮮甜，手打安格斯香辣牛丸都幾辣，不過的牛味都幾香濃，最喜歡的還是牛肝菌黑松露餃子，皮滑餡香鮮，味道口感都好鐘意。即炸響鈴卷: 炸的相當鬆脆，不過睇落有點油，放落火鍋中即見有油花，不過食落口卻沒有油膩感，雖吸滿了湯汁的鮮味，但豆香味依然濃郁。新鮮時蔬籃：新鮮的蔬菜，雖然只有一藍仔，不過原來都有幾種唔同的蔬菜在裏面。有心思。山楂紫貝天葵：味道比較清淡，少少的酸甜恰到好處，配打邊爐剛好。…查看更多

好朋友book左旺角呢間 Amico 1890聚下，7點零上到去，都有9成滿。餐廳有2層，座位都闊落，裝潢簡單大方，暗暗的都幾舒服，環境唔錯。都幾多酒選，要了支蜜麥沒有普通啤酒的苦味，相當濃的麥香，帶有微甜的蜜糖味，好易入口，味道幾特別的啤酒。義大利風乾火腿沙律火腿鹹度適中配上沙律菜十分清新。美國安格斯肉眼扒好大塊肉眼，外面燒烤到少少的焦香，裏面肉汁保持得相當好，waiter介紹的五成熟相當好。牛肉味道濃郁，十分鮮香嫩滑，油脂令到的肉質柔軟甘香，加少少鹽更加突出牛肉的香味，配菜薯條都好新鮮。千島海鮮薄餅用料十足，有青口、魷魚、蝦加上好多芝士，口感十分豐富，薄餅烤的好香脆。芝士焗青口青口都幾大只，上面鋪滿芝士十分香口，芝士的香同青口鮮甜的味道溶合在一起。…查看更多

最近日日都落雨，搞到個人都悶悶地，都系要出街食下野，搵朋友聚下，book左旺角呢間韓舍，7點上到去，全層都是，地方都好大，的位好闊落，這裏的四人位其實等於出邊的六人位，坐得又舒服又鬆動，睇下都好多野食，有熟食：紅酒燴豬軟骨，日式豚肉炒烏冬，水煮魚，韓川辣雞，泰式青咖喱牛肉，人參雞，豬腳薑 ……..有凍食的蝦和青口，還有唔同的刺身，沙律，壽司，不過我們的主要戰場在燒烤：選擇相當多，雞翼，雞腎，雞柳，牛肉粒，牛肉片，牛仔骨，羊扒，多春魚，秋刀魚，三文魚骨腩，魷魚，豬扒，豬梅肉，還有好多款式，當然蔬菜都唔少。五花肉薄切，相當快熟，有嚼口，一點肥膩的口感都沒有，香味濃郁，用來夾生菜，或就這麼食一樣好味道。雞翼已一分為二，食起上來相當方便，原味的嫰滑香口，辣味的嫩滑惹味。牛仔骨都幾惹味，有口感。牛肉粒啖啖肉，幾嫰口。南瓜比較幹身有嚼口，菠蘿雖然比較酸，不過相當多汁，好有中和左的燒烤的熱氣的感覺，三色椒新鮮清口。蟹粥：粥煲得綿滑厚身，入口有質感，唔會水汪汪，蟹粥味道濃郁，鮮甜，毫無腥味，好味道。日式素翅：相當有嚼口卻又爽口，稍稍的麻油香味恰到好處，鮮香味都幾濃郁。天婦羅：款式唔多，沒有我至愛的蝦天婦羅，不過是新鮮即炸，粉漿都幾薄，熱辣辣外脆內軟又香口，唔錯。此餐廳的甜品也相當吸引，相中見到的只是一部分，還有雪糕，曲奇餅，豆腐花，爆穀，新鮮水果 …….， 甚至還可以自己玩炒雪糕，怪不得門口招牌都要寫：日式，燒烤，甜品自助餐，2百零蚊食足2粒鐘，值得一試。…查看更多