foodiecouple_ms的个人专页

天氣仲涼涼哋 特別想食返個熱辣辣嘅飯♥️ 就同朋友去咗呢一間韓奶奶拌飯 食返個超足料熱辣辣釜飯😆 釜飯選擇都算多 而且有午市優惠 $68超仲包飲品👍🏻我哋揀咗一個特級牛頸脊拌飯同一個蟹膏蟹肉拌飯😍 因為唔係午市特選 所以會包括咗前菜同飲品 前菜都好豐富 除咗泡菜 仲有鵪鶉蛋同海帶湯😜 枱面有教學點樣食拌飯 牛頸脊勁足料 肉多過飯🤣 有牛味好腍好好食啊 拌飯仲有鰻魚照燒汁 蔥 芝麻同雞蛋 所以每一啖都好香👅 蟹膏蟹肉拌飯蟹蓋好吸睛 打開撈埋特濃蟹膏 蟹柳絲 蟹籽 蔥 芝麻同牛油 每一啖都勁邪惡🤤因為見到佢哋小食價錢都好抵 所以我哋都試咗自家製炸薯餅配雪花芝士乳酪醬同埋秘制泡菜醬拌餃子🥟 薯餅好特別 炸到非常香脆 加上芝士同乳酪醬唔會好膩 好惹味😍 餃子外皮同樣香脆 入邊係粉絲 落咗泡菜醬少少辣辣地 味道好match👍🏻 飲品除咗普通可樂 仲有其他韓國飲品 整體唔錯 有興趣嘅可以試吓🌟…查看更多

元朗小店唔止多 質素仲要好高😍 今日就比呢間湯底好特別嘅米線店吸引住入左去試 一試果然冇令人失望😚 價錢超抵食 CP值勁高👍🏻同朋友揀咗膠原豬骨雞湯同埋惹味炸醬干撈😝 雞湯揀咗試米線 干撈就試紅薯粉😋 仲可以自由配搭勁多小食 我哋一共揀咗5個餸 分別有惹味炸豬扒 惹味炸雞扒 川味豬腩肉 黑毛豬肉條 同炸鮮蝦雲吞🤩 全部小食即叫即炸熱辣辣架好好食 調味好惹味🤤 川味豬腩肉好有驚喜 好淋好入味😋 雞湯唔會好鹹好好飲 整體質素好高🫶🏻Lunch仲可以以優惠價加配特飲 我哋揀咗芝士奶蓋炭燒鳥龍奶茶同炭燒烏龍黑糖珍珠奶🤩 估唔到米線點都有咁吸引嘅台式飲品 小店果然充滿驚喜🌟…查看更多

元朗小店就嚟多到要開一個特輯🤣 今次去試嘅係呢一間個名已經充滿特色嘅台灣小食店😝 入座後睇menu都嚇左跳 估唔到小店可以做到咁平嘅價錢😳 $58起就食到1個主食 2個小食同1杯飲品👏🏻 我哋主食揀左試滷肉飯同羅東肉焿湯米粉 兩個煮食都有充足份量 男仔食都會夠飽😀 滷肉多汁入味 米粉辣辣地 開胃好食😋 小食我哋揀咗香酥甜不辣 台南鮮蝦卷 鹽酥一口雞粒 台式芋泥肉鬆蛋餅同埋炸台灣香腸😚 小食可以加錢轉蛋餅真係好開心 芋泥好好味🤩 甜不辣 鮮蝦卷 鹽酥雞同台灣香腸即炸熱辣辣好香 台灣香腸仲加咗蒜 非常用心好惹味😝 套餐只要加$20就可以食埋甜品 係迷你仙草芋圓🤤 入邊嘅材料除咗芋圓 仙草 仲有紅豆同水晶🤩 食得非常滿足開心🌟…查看更多

今日lunch去Yohi Mix食飯 經過竟然見到開咗新加坡過江龍Jollibean 即刻決定買飲品同糖水返Office同同事慢慢食😆第一眼見到佢哋有芋圓就勁想試 所以揀咗一碗三色芋圓豆腐花😍 就算拎到返Office晏啲食一樣咁好食 糖水另上 芋圓非常煙靭 而且口味濃郁夠突出👍🏻 清楚食得出番薯同芋頭嘅味道 唔錯😋 豆腐花都好夠滑飲品就揀咗樽裝木瓜雪耳雪梨豆乳同埋抹茶紅豆小丸子豆乳🤩 從來都未見過豆乳可以有咁多款口味😛 揀嘅木瓜雪梨雪耳好啱冬天飲 感覺好滋潤 雖然飲落似糖水 但係入口都仲有豆乳嘅香味👍🏻 抹茶紅豆個杯豆乳味會冇咁濃 但係一樣好飲😋 另外佢哋有3款熱飲供應 分別係好立克豆乳 / 即磨咖啡豆乳 / 9 °微甜濃豆乳 適合秋冬天氣轉涼嘅時候飲 下次都要試吓😆最後忍唔住試埋爆餡芋泥吐司 返到公司食都仲保持到口感🤩 入邊勁多芋泥 仲加咗肉鬆 以後想食糖水又多咗一個好選擇🌟…查看更多

見到呢間樂天成日都咁多人，今日下午茶排隊都入嚟試下，點知真係好巴閉，食到成肚氣，貼錢買難受！😡一開始入座落單，個女店員見到我哋舉手示意見到會過嚟，點知去左2台落單都仲未肯行番過嚟😤 唯有叫過第二個！然後落單當然係落錯單啦，叫凍檸茶，嚟左凍奶茶⋯⋯叫人換個樣已經好唔情願！😖跟著嚟杯凍咖啡，一嚟到白色已經心一沉，飲落得奶零啡味🙁 叫人換過杯，個啊叔第一句話，係咁架啡嚟就轉身走人！我哋即刻叫住佢，話得奶味！ 佢就話呢度啲咖啡係咁㗎啦，你試下先啦😒 我哋表示試左啦，啊叔態度極差咁話，我日日都飲架！係咁架啦，咁你想點啊？嘩！我都冇諗過飲杯嘢都要受氣，你食埋我個份啦！…查看更多

之前已經食過尖沙咀分店 覺得CP值幾高🩷 所以今日同朋友去元朗食lunch 元朗分店環境好好 好光猛好舒服 仲有大大張梳化位👍🏻朋友好鍾意食泡菜 所以我哋叫咗一個泡菜炒黑毛豬配飯同一個粒粒魚籽與三文魚蛋黃醬飯圈👅 黑毛豬份量都幾多 泡菜食落好惹味😋 飯圈非常吸引 啖啖都係三文魚蛋黃醬嘅香味👍🏻一場嚟到梗係要食埋窩夫做甜品 我哋揀咗芒芒夏日芒果窩夫 窩夫好好食 唔會好實好飽肚👍🏻 芒果好清新唔會太甜 果然好食😜最後唔少得兩杯鮮果特飲 揀左人生迷芒的芒果沙冰同清爽爆汁西柚檸檬梳打🤣 芒果沙冰感覺好足料🥰 西柚梳打夠清新 同韓國食品好夾 好爽⭐️…查看更多

繼續發掘元點餐廳😜 今日去左好多分店嘅湊湊火鍋 試下佢哋新推出嘅半自助lunch set☺️ 價錢由$78起 就可以食到台式lunch 前菜 滷肉飯 水果 甜品 真係諗起都開心🤣我哋揀左試老壇酸菜魚小火鍋同經典紅顏花膠雞小火鍋🍲 落完單即刻出去睇下有咩食 前菜有香辣杏鮑菇同魚皮都好出色😍 我哋食左3碟🤣 另外醬料選擇都好豐富吸引 有我最愛嘅菌菇醬同xo醬😆 另外仲有無限任添滷肉飯！😜主菜上菜好豐富 一個鍋可以揀配烏冬或者飯 我哋都揀咗烏冬 因為出邊已經有滷肉飯任食🥳 仲有兩碟滷水拼盤👍🏻 酸菜魚份量都幾多好惹味 花膠雞湯底好濃 好多雞👌🏻見佢哋店外仲有台式飲品店 我哋叫左2杯試下 分別係百香果綠茶QQ同美人烏龍珍珠奶茶 唔會好甜👍🏻 食飽仲有水果同甜品食 呢餐lunch 真係好豐富🌟…查看更多

之前已經去旺角分店影佢哋嘅得獎拉花咖啡 而家元朗開咗分店當然要去試吓😍 元朗分店人流比旺角少 所以真係好舒服 簡約設計令人好放鬆☺️同朋友叫咗兩個主食一個小食share嚟食 分別有Caesar Salad 牛肉煙肉漢堡同埋牛油果莎莎醬薯條🍟 Caesar Salad沙律菜好新鮮 好食嘅正常發揮🙌🏻 牛肉煙肉漢堡推介 漢堡好厚好Juicy 生熟程度啱啱好👍🏻 配嘅芥末醬味道好好 漢堡包亦都有加熱過好香😋 仲配左勁多香脆薯條🤪 牛油果莎莎醬薯條因為個嘴太吸引所以叫 香脆嘅薯條點埋牛油果醬好開胃好好食😋另外主打梗係要試吓佢哋嘅咖啡 叫咗一杯Orange Mocha同Charcoal Latte🥰 本身係想睇佢哋嘅拉花 但係咖啡質素一樣好高😍 Orange Mocha唔會太甜又有好香橙味🍊 Charcoal Latte咖啡一樣好出色👍🏻 每杯咖啡拉花都好高難度好用心 鐘意飲咖啡嘅你一定要去試吓🌟…查看更多

要數近期人氣爆燈嘅生煎包店 一定非劉興記莫屬😆 開業短時間內開左6間分店 今日我哋一於去元朗分店試吓😚 lunch hour去食 果然已經座無虛席🙌🏻 而且仲有唔少人買外賣除咗單點食物 另外仲有套餐 包埋飲品價錢都幾抵食👏🏻 我哋叫左2個套餐同2款單點食品：📌Set S2 麻醬手撕雞絲粉皮＋生煎包2隻真係要講咗生煎包先🤣 食嘅時候真係要好小心 一咬噴晒啲肉汁出嚟👅 生煎包底脆脆的 值得一試👏🏻 另外都要讚吓佢嘅麻醬 同平時食到嘅唔同 帶少少鹹味 非常惹味🤩 粉皮係細細卷嗰一款 可以沾到更加多麻醬 好正😋📌Set S3鮮雞湯小雲吞12粒＋生煎包2隻小雲吞size真係好小 一口一粒😚 湯底唔會好鹹 清清地唔錯👍🏻套餐仲可以配豆漿📌酥炸小雲吞12粒炸小雲吞又係另一種食法 相比之下我覺得炸小雲吞比較出色 炸得酥脆好味😋📌手工豆沙鍋餅好香口 豆沙餡料唔會太甜 兩個人share就啱晒🌟…查看更多

YAKINIKU KAKURA係元朗新商場Yoho Mix開左分店啦😍 主打和牛由日本九州佐賀直送既燒肉店 之前食過唔同分店嘅晚餐 無論牛肉質素 服務態度定係環境真係好高質 而且價錢合理👅 今次同朋友去咗元朗食lunch仲抵食🤩Menu上有唔同部位嘅牛肉 另外仲有海鮮同其他肉類選擇🤤 scan qr code落單 同朋友叫咗兩個lunch set再加左一款肉 午市仲配白飯、沙律、餐湯、小食、甜品及餐飲😱 $118起‼️‼️‼️我哋揀左黑毛和牛大判燒盛合同牛舌盛合🤩 黑毛和牛大判燒盛合有3款黑毛和牛 分別係一塊鹿兒島A4和牛西冷大判燒 鹿兒島和牛裏腹小排同鹿兒島和牛背末脊肉😍 呢度店員好好 可以幫你燒大判燒 點半熟蛋食真心perfect 😚 另外兩款和牛油脂分布平均 入口即溶 唔使調味料都勁好食🤩我同朋友都好鍾意食牛舌 牛舌盛合就啱晒我哋 一份入邊有十幾塊塩味上牛舌同蔥塩味牛舌😍 牛舌燒完都仲好爽口 加上鹽味真係超正🥹 lunch仲可以以優惠價加配肉 我地加左$58就有一份US牛腫柳小排😚 真係好抵食 雖然冇和牛嘅油脂咁勁 但勝在肉味夠🙌🏻午市配白飯、沙律、餐湯、小食、甜品及餐飲 另外加$20可以配乳酸梳打 試咗青森蘋果都幾好飲🥰 食飽飽仲有杏仁布甸同雪米糍做甜品😍 杏仁布甸超香濃口感幼滑好好食 成餐飯都勁高質 大飽口福🌟…查看更多

元朗教育路 究竟有幾多美食？😆 今日同朋友試咗喺千色匯嘅間台灣小店😚 餐廳都幾多座位 午市套餐仲可以優惠價加小食同台式飲品 好抵試🥳Scan QR code order 我地試左2款麵 分別係小胖蔥油雞排乾拌麵同小麵攤麻醬雞排黃瓜乾拌麵🍜 麵質十分彈牙 口感100分😍 雞排炸得酥脆唔油膩 蔥油口味唔會好鹹 整體好惹味😚另外加左一份台灣香酥骨做小食 面頭加咗炸蒜 好香😋 香酥骨炸到勁脆 好食👍🏻飲品方面試左珍珠烏龍奶茶同埋鴨屎香手打檸檬茶🍹 珍珠好煙韌抵讚 鴨屎香檸檬味特別出眾 茶味香濃 值得一試🌟…查看更多

同朋友慶祝生日 揀咗教育路呢一間cafe🥰 Lunch Menu仲要好抵食✔️ 我哋揀左2個lunch set 1個小食同1個甜品share食☺️揀左蒜烤澳洲西冷扒同all day breakfast 套餐😚 lunch set包左沙律/餐湯蒜烤澳洲西冷扒配有機生菜 煎蛋同埋薯餅🤩 牛排揀咗五成熟 處理得啱啱好 好腍多肉汁🤤 all day breakfast非常豐富 有鮮果乳酪 煙肉 德國腸 薯餅 沙律 班戟同炒蛋 睇到都流晒口水👅 每樣都好好食 真係女仔大愛😘小食揀左蜜糖芥末炸雞翼 有三隻口味可以揀🙌🏻 雞翼炸到非常香脆👏🏻 甜品揀左草莓芝雪山 店員好好人 喺碟上面幫我寫咗Happy birthday🥰 呢個甜品仲要好邪惡 有croffle, blueberry cheesecake 士多啤梨同雪糕🤩 第一次一個甜品可以滿足咁多款口味👏🏻 特別個藍莓芝士蛋糕都幾好食🫶🏻lunch set做可以用半價加飲品 我哋揀左dirty coconut 同菠蘿梳打🍍 Dirty飲得多 呢杯飲落仲有椰子味幾特別🤭 菠蘿梳打賣相靚靚 飲落清新 整體感覺唔錯 值得一試🌟…查看更多

Yoho真係好多餐廳🥹 今日同朋友食飯就揀咗呢一間食多國菜餐廳 菜式選擇非常豐富😍 泰國菜越南菜印度菜應有盡有 目不暇給🤩 仲要餐廳環境超大 有好多大枱大卡位 啱晒一大班朋友過嚟gathering👍🏻越式軟殼蟹米紙卷🦀每次都會叫嘅菜式 新鮮蔬菜配上香脆軟殼蟹 好fresh😋泰式柚子鮮蝦沙律🥗超級推薦大家試呢個沙律😍 加咗大量蒜頭紅蔥頭 醬汁非常惹味🤤 大蝦好爽口 配埋啖啖柚子肉 好爽好開胃☺️泰式生蝦🦐大大碟 有八隻 蝦肉爽甜🤩香炸蟹肉粟米餅🌽炸到非常香脆味 每一啖都勁多粟米好正👅 而且都食到好多蟹肉好足料👍🏻牛油雞咖喱🐥食唔到辣嘅朋友可以食牛油咖喱雞🥰 唔辣又好味 雞件都多酥油薄餅🍕點咖喱一流👍🏻 非常酥脆 好抵食🌟…查看更多

Tera一共有3間分店 今日就去左Yoho分店 終於可以試吓佢哋嘅疏乎厘pancake啦😍 呢度嘅店員非常友善 12:00入座率大概五成 仲可以選擇座位🤩 我哋揀咗比較特別嘅榻榻米 幾有特色👍🏻呢到每一款甜品都非常吸引 最後決定叫咗一個set lunch同2款甜品同朋友share嚟食😚 set lunch已經包咗餐湯/沙律 主食同埋飲品🤩 我哋揀左香煎比目魚配墨魚汁意大利飯 嚟到真係每一粒飯都比墨魚汁包住🤪 好濃郁 飯粒有咬口 2個人share食剛剛好👍🏻 套餐仲可以揀$42內嘅飲品 揀嘅latte都唔錯㗎😚重頭戲當然係甜品 我哋叫左伯爵茶疏乎厘pancake同金莎牛角包窩夫😍 pancake好香蛋味 好fluffy 🙌🏻 旁邊仲有粒粒麻糬同杏仁脆片 好豐富🤤 金莎牛角包窩夫朱古力控必選 本身就好鍾意食牛角包 加埋cream同朱古力一齊食好邪惡👅 呢個價錢都幾抵食啊🌟…查看更多

係yoho食完lunch 經過見到呢間茶飲店勁大間 好吸睛😍 而且仲有多款台灣小食 就同朋友叫返兩杯嘢飲同一個小食試下😆 呢度最好嘅地方係有好大個area可以坐喺度慢慢飲下野 唔會一定要拎走飲架😎有見及此 我就叫左杯特飲慢慢飲😆 揀左一杯髒髒可可冰山同楊枝甘露西米 🙊 髒髒可可冰山真係好邪惡 勁大杯朱古力 上面仲加左雪糕🍦 夏天飲真係透心涼 仲有半條繽紛樂😋 朱古力控必試😛 如果鍾意芒果嘅朋友就可以楊枝甘露西米 一樣好足料 好似食緊糖水咁😚另外叫咗一份QQ腸 即叫即整 超香😍 熱辣辣嘅QQ腸 一啖一粒好正啊🌟…查看更多