食遍深井美食家的個人專頁

去到門面見一串串燒幾得意！就同班朋友試下新野…點知就中伏了…首先d湯味精多到咸到pk…串雞肉就仲未熟都比客食…真係靠害串燒既份量又少…加野飲又貴…要成$28叫左個小小雜錦串$98蝦一條魚丸西蘭花魚腐菇釀蝦滑蓮藕加個麵底要成$18加杯野飲又$28仲要加埋一一上到枱就覺得小伏，成堆好似廚餘咁…又咸又難食收成百蚊好似食車仔麵餸咁…真係大X活邊爐仲抵食過佢！ 1星 不推介 建議食杯麵！！！！！！！！！！！！！！！！！！！…查看更多

係九龍城附近放工，近近地就去左搵野食，見到間幾得意嘅餐廳名～等等hea原來係間台灣餐廳。台灣嘅嘢食通常俾人嘅感覺係炸同埋酥脆，偏重味，非常岩本人胃口！一行兩人坐低，鋪頭有幾個打卡位！裝飾幾有心機同幾有特色！食物台式滷肉飯台式滷肉飯係台灣好出名嘅美食，去到台灣必點！懷念台灣的味道！鹹鹹嘅滷水汁配埋切粒嘅五花肉非常惹味！佢嘅醬汁雖然冇台灣嘅醬汁咁濃味，但都非常餸飯，滷肉飯不會太油膩! 滷肉飯仲有個精華就係黃色嘅腌蘿蔔！但係佢得半舊太少了！蚵仔煎加蛋蚵仔煎都係台灣出名嘅美食之一，又係台灣懷念嘅味道，蚵仔姐係香港人叫既蠔仔，蠔仔幾新鮮，粉就跟台灣嘅好似有少少不同，但味道都不錯，值得一試，仲有個醬汁撈埋蚵仔煎食先至係絕配！滷水小食拼盤同滷肉飯的配菜滷水小食拼盤有滷水豆腐，滷水豬耳，仲有滷水雞翼！味道不錯，有台灣嘅味道！台式烤肉 牛胸腹肉個台式烤肉係用咗插電嘅光波爐自己烤，個爐都幾得意同幾新潮，可以開着佢慢慢轉，好處就係唔會咁多油煙，同埋好似會健康啲！牛胸腹食落都幾特別雪花油脂分佈幾平均！蚵仔滷肉飯食到一大半發覺都仲係有啲肚餓，所以就叫多左碗蚵仔滷肉飯，炸既蚵仔不會太油膩也不會太乾身恰到好處！配埋滷肉飯開胃惹味！甜品豆腐花仙草芋圓甜品非常清新芋圓咬感，正！飲品冷泡四季春茶總結間餐廳真係尋找到台灣既風味，雖然無台灣嘅味道咁鹹，但我覺得清淡啲同冇咁油膩既料理，啱晒鍾意食得清淡又追求健康既香港人，而我鍾意食濃味嘅都感覺到味道非常足夠。由於近來肺炎疫症肆虐，去不到台灣既朋友可以去食返餐飯就當去咗台灣，解一解相思之苦！…查看更多

有水準的中菜之前同家人係到做節食飯,都覺得依間野有水準!今次再黎幫襯,水準依舊!放工時間7點幾入到去，等左10分鐘就有位~二人同行，叫左幾樣菜同小籠包~稻成小籠包小籠包真係一流，皮簿餡靚，唔可以咬開，一定要一大啖含住佢，如果唔係會爆湯汁口水雞口水雞唔錯，雞肉幾嫩滑，汁就不太辣，調味可以，如果嗜辣既可能會略嫌唔夠入味~一口炸臭豆腐個一口炸臭豆腐上台哥陣真係聞到一陣臭豆腐既味，豆腐炸得幾鬆脆，可以一啖食哂幾過隱~稻成炒飯稻成炒飯幾好味唔錯，幾足料，炒得好香，又唔會太油~ 二人份量來講足夠~總結有水準既中菜，最鐘意個籠小籠包，份量就適中。…查看更多

放假無野攪，朋友約去天后既酒吧傾計。間酒吧既裝潢都幾靚。燈光同顏色都配答得幾好。我幾鐘意個霓虹燈既裝飾！一開頭叫左三杯啤酒同一盤下酒小食風化火腿同芝士肉腸本身淨係諗住飲杯野坐低傾下計就算。三人吹左半日水，但傾傾下見肚餓，見隔離台食拉麵，經老闆娘介紹先知原來店內個廚師係曾經攞過米芝蓮店既大廚黎，煮藝了得。咁講一講當然要一試，就叫左佢地推介三款拉麵。肥牛拉麵食拉麵個湯底好緊要，老闆娘話個湯底係有大廚每日用成差唔多十種既材料同豬既唔同既骨頭去泡制，湯頭真係起哂膠。肥牛半牛熟好有食越南粉既感覺。湯底既調味適中唔會太咸太淡。黑豚花膠叉燒拉麵$138(特盛)個叉燒真係無得輸，半肥瘦得黎肉質鮮嫩，油脂甘香，唔會切得太厚，果然有水準！加埋花膠，溏心蛋，正！特色沙爹復艷豬潤拉麵$78依個拉麵有些少辣，個豬潤好粉好味，辣椒辣得好過隱，食到留哂大汗！總結真係估唔到一間酒吧竟然會有如此出色既拉麵。店舖既裝潢環境，同擺設都非常有心，講究。食物既質素非常好，用料亦都好新鮮。老闆娘既服務態度非常懇切，亦間唔中都會黎傾下計。我朋友第二次黎佢都記得。雖然店舖空間唔大，但咁先家的感覺！有人情味既酒吧，值得番轉頭！黎到除左飲杯酒，亦都可以係到叫主菜食，實會有驚喜！…查看更多

一入門口個bar枱個設計非常吸睛，好醒神！餐廳室內都幾爆下，餐廳內坐滿有好多台客人~ 室內既環境非常寬敞，唔會有好似茶餐廳哥陣壓迫感。牆上既藝術品都非常懷舊，有哥哥張國榮先生既相片。仲有幾位唔太認識舊時既明星~我個人非常喜歡店內留聲機既擺設，好classic 同復古既味道。飲品飲品大部份都係由專業調酒師推介既 signature 櫻桃木煙燻雞尾酒杯雞尾酒非常有心思，首先用個玻璃瓶去焗住D煙，上枱後再打開個玻璃瓶，唔單只酒入面有木既煙燻味，打開後香味亦揮發到四週，香氣怡人。焦糖蘋果綠荼抺茶泡沫打得非常厚滑，蘋果汁既調味亦都非常甘甜入口。非常不錯既特飲。食物頭盤沙律南瓜湯美國SRF和牛西冷扒Grilled USA SRF Wagyu Sirloin(10oz)美國SRF和牛西冷扒果然名不虛傳，5成熟，肉質綿滑，多汁，油脂平均肉味香濃，大廚燒得恰到好處。炸魚薯條Fish and Chips經典既炸魚薯條，薯條同炸魚既份量都非常足，炸得好脆口，配埋沙律，好有飽足感。甜品餐廳既甜品都係由餐廳既甜品師去手工製造。味道都非常值得一試。New York Cheese Cake總結粉嶺的街坊有福了，想食好西未必一定要再坐車出市區。以400幾蚊既價錢可以食到10安士既和牛，真係抵到爆~餐廳既用心及食材既質素，店內既打卡擺設，絕對值得推介。…查看更多

自從官塘市區開始重建後，工廠區亦多左好多大廈重新翻新活化。今次黎到依間新落成既商業大廈，位於官塘區APM既附近~由官塘港鐵站行過去大約5分鐘到，首先由A出口行去apm，再經Apm去到港貿中心落電梯轉右，行過幾棟大廈就到。餐廳位於國基集團中心  4/F 既位置。餐廳有室外同室內選，室外既空間可以望到巧明街既景色。室外 & 室內 環境室內仲有兩間既房可以用作舉辦派對~飲品Okinawa Bay海洋特飲非常有玩味，一開頭好似沙灘般既顏色，攪拌後就會呈獻深海既藍色，非常過癮。Mango Rita 芒果冰沙，好香芒果味，夏天黎番杯冰沙真係爽歪歪~食物一行二人，叫左2個dinner set。分別係 法式紅酒燴羊膝 & 燒牛柳配燒汁伴黑松露。沙律沙律裡混左魚肉碎，味道豐富左，令到個沙律無咁單調。頭盤頭盤係煎帶子，個帶子非常大粒，配上魚子同特別既海膽慕絲非常鮮甜美味。南瓜湯及餐包南瓜湯既味道算不錯，味道比較偏甜，南瓜味幾濃。法式紅酒燴羊膝羊滕炆得非常腍身，亦都無羊羶味，調味亦都恰到好處。燒牛柳配燒汁伴黑松露朋友怕食生肉，要求牛扒7成熟。牛扒雖然7成熟，但肉質一D都唔會鞋，証明牛扒既質素係幾好。甜品食完主菜，當然要上甜品。一見到個Cheesecake就開心，個賣相擺碟都非常有心思。總結餐廳既質素相當不錯，佔地空間非常大，店鋪亦都好寬敞。坐係室外可以望到觀塘既景色，夜晚既時候更加迷人。價錢黎講性價比都唔錯!值得推介!…查看更多

今日路經大角咀探訪親戚~順便路過發掘下呢區既餐廳~四人同行大雨的徬晚，經過一輪資料搜集後，就決定近近地選左依間~日式裝潢既居酒屋~門面(Exterior)室內(Interior)係日式既居酒屋裝潢下，你又點估得到餐廳其實唔只賣日本菜，西菜先係其主打菜。大廚其實係西菜既隱世高手！大廚King對廚藝既追求同鑽研，亦都寧我曾經係外國留學其間，係餐廳做過廚既我大開眼界，不禁要請教一下偷偷師。而King 亦都毫不掩飾咁將所有步驟，所用既材料都一一呈獻。依個亦係我佩服大廚King哥既原因，將「秘技」步驟都show比食客，等食客睇得開心，食得放心。真係唔怕你黎學，最怕係點學都係學唔識！哈大廚King食物意式蕃茄香草焗鱈魚扒闊麵條$128闊麵條煮得恰到好處，個蕃茄既醫汁唔會太酸，調味既平衡度同蕃茄既鮮味都非常恰到好處。最關鍵既鱈魚扒，味道鮮帶點甜，肉厚實。 非常令人回味。太好食!!黑松露菌醬忌廉汁豬膝伴薯茸$148有兩種醬汁，一種係黑松露燒汁，另一種係忌廉汁去中和個味道。首先會用雜菜湯浸左個豬膝，再用松露醬加松露油去煮，加上最後師傅會親自喺客人面前刨黑松露係道菜面，三重嘅松露味道令未食之前已經聞到勁香嘅松露味。一放入口，松露味比想像中更加強烈！啲豬膝嘅豬皮有啲浸過雜菜湯非常之有骨膠原，但入口即溶！薯蓉亦採用新鮮英式薯仔，總之好食啦！可以話就咁用薯仔配松露醬都已經係非常之好食！食到好滿足但又唔會好膩！皇家魚籽醬三重奏１）魚籽醬蟹肉沙律大廚話蟹肉係來自菲律賓既藍蟹，用咗係蟹最有肉嘅位置水撥位，係一整塊起出黎撈入沙律，唔係人地拆整既蟹頭蟹尾。所以肉質厚實，又鮮甜啖啖肉。加埋著仔沙律，非常開胃的開胃菜。魚籽醬來自意大利，味道唔會漬得好咸，就咁擺入口都非常美味。２）魚籽醬溫泉蛋溫泉凍蛋配意大利既魚籽醫，依個日意style 既crossover都幾特別，魚籽醬既既咸味就好似充當左豉油既角色，混合一齊又幾配。3) 魚籽醬配半熟吞拿魚多士吞拿魚刺身就食得多，加埋魚籽醬又係別有一番風味。招牌洋蔥牛尾濃湯套餐/ A la carte 叫一1款主菜+$38就有了牛尾既味道非常香，同腍，而且湯入面好多肉，好足料！師傅話佢用左十幾個鐘頭既時間去燉煮牛尾到腍身，係一度功夫菜。加埋炒焦糖洋蔥，加入湯度，形成一度牛尾濃湯。個人覺得雖然好飲，但我都係比較喜歡飲咸同埋羅宋牛尾湯，唔太習慣飲甜的湯。乾魚籽醬海蝦意大利粉烹飪這道菜大廚King哥話這道意粉無需落鹽，因為佢用左意大利進口既銀魚柳鯷魚提煉出魚油。再用魚油炒香蘑菇同洋蔥，落上湯加淡忌廉，再放入海蝦，意粉，煮到收汁。最後，最緊要既步驟來了，就係係意粉面頭刨上乾既魚籽塊。聞到乾魚籽既味道真係未食都流哂口水。意粉唔洗落鹽食落都果然夠哂惹味。海蝦的彈牙，鯷魚油既咸味同蘑菇既香味，洋蔥既甜味，加上乾魚籽既鮮咸味都令到個意粉回味無窮。「乾魚籽塊」食物中既金磚，價值要成萬幾銀一公斤。師傅話全港只有數少既高級餐廳有入貨，數目不多個十間，非常珍貴。牛油海膽醬焗元貝 (加大版)元貝好多人既食法就係加蒜蒸，但你又邊想到元貝亦可以玩出新意思? 這道菜師傅用左，海膽，洋蔥，牛油，Wasabi，同清酒混埋一齊焗。元貝底下既石春唔只淨係裝飾既用途，加熱左既石春可以幫元貝keep住維持係一定既溫度。食落後，首先係洋蔥既甜味，牛油既香味，元貝既觧味，後面就係Wasabi同清酒既味道，到最尾嚐出海膽既鮮甜味道。不同既味道層次分明，非常豐富。甜品傳統意大利鮮果沙巴翁這甜品亦是一道功夫菜，大廚King教落要張蛋黃蛋白分開，淨攞蛋黃，加糖，加酒，再用熱水坐熱，用機打到蛋黃creamy。係杯到加入生果，再倒入沙巴翁汁，再用火槍燒一燒個面。 傳統意大利鮮果沙巴翁就完成了。聽落好簡單，但係做落真係幾考功夫。總結係一間以日本居酒屋既裝潢既鋪頭，竟然可以搵到可媲美酒店級數既西餐。大廚King對廚藝既熱誠，深入的鑽研，創新既配答，同無私既精神真係讓本人衷心既敬佩。係享用美食既同時，亦都可以一窺大廚既必殺絕技偷下師。餐廳用既材料昂貴，亦罕有。但價錢設得非常親民，超高性價比。 如此用心的餐廳及性價比超高既高級西日菜，值得推廣比懂食懂欣賞的食客幫襯。  絕對值得回頭！…查看更多

又經過大角咀，再次黎到搵食。選左咁多間，都係選擇再幫襯味道不錯的「easyjoe」正門室內裝飾標語室內環境飲品特濃朱古力奶昔店長話朱古力係用熱水坐溶再加冰牛奶現打製成，並唔係一段既開粉沖調。所以朱古力味非常濃郁。檸檬茶冰沙檸檬茶冰沙非常大的一冰，容量差唔多有成1L咁多，非常抵飲，勁消暑解渴。食物泰式香酥軟殼蟹闊條麵意粉賣相有花心機，睇落令人食欲大掁。意粉酸甜中帶辣非常開胃，但對唔食得辣既人黎講可能會有點偏辣。軟殼蟹炸得好脆，好香口。個人口味覺得炸皮調味如果可以再調好點就更加好。片皮鴨醬鴨肉意大利飯食慣意菜既食客應該都對Risotto唔陌生。Risotto係指意大利飯同我地平時食開既米飯不同，Risotto係比較偏向顆顆感強勁，有D似煮到半生熟既珍珠米，帶點些少生米既咬感。這道片皮鴨醬鴨肉意大利飯，鴨醬有D似我地平時點燒鵝哥隻甜酸梅汁，酸酸甜甜既鴨肉幾開胃。店長話Risotto飯係用鴨醬加鴨汁再加淡忌廉去煮。整體既味道都相當不錯。甜品綠茶心太軟朱古力心太軟就食得多，綠荼心太軟就係比較少食。綠荼心太軟一切開，裡面流心既綠荼不斷擁出黎，真係見到就開心。綠茶既味道剛好唔會太過苦澀，流心配埋豆腐雪糕食真係無得頂。喜愛食甜品既你絕對不能錯過這道心太軟。總結主菜及飲品都不錯，泰式既風味配軟殼蟹非常匹配，甜品綠荼心太軟真係泡制得非常出色。值得推薦！！！…查看更多

一上電梯入門口"登堂"既招牌零舍搶眼~轉入大堂後個貯酒間都非常引人注目聽介紹話間餐廳有成萬呎咁大，但一上到去又唔覺有成萬呎~估唔到原來內有乾坤~入面仲有成4-5間隔房~隔房既格局，真係十足十會議廳咁。入面仲有擴音機同投影裝置既設備。每間房都有唔同既主題，傢私既配色都別出心裁。某D房間既風格，比較倫向女性化，用比較素既顏色。而深色系既配色就比較適合一大班男人既聚餐~ 房間吧枱及大廳吧枱及大廳既燈光比較暗，雖然係幾有情調，但略嫌有點黑過頭。飲品服務員話餐廳既飲品都係比較偏淡味，因為唔會落好多既糖水，比較健康。飲品就好似係出面奶茶鋪叫左杯少糖同無糖既甜度，但飲落菜既香味真係好出，烏龍荼既味非常香濃！龍蝦湯龍蝦湯的調味都係偏淡，嘗得出龍蝦既鮮甜，但白蘭地既味道都幾重下。OK~食物威靈頓牛排餐廳既威靈頓牛排絕對係水準之上。牛柳香、嫩、熟度5成，果然係美國頂級牛柳！酥皮亦烤得剛好，外鬆內軟。酥皮入面 仲有塊火腿。調味剛好。可以話係我係幾間西餐廳食過最好食既一道威靈頓牛排。必試！！　不過菠菜既伴碟麻麻，令到這道菜的賣相一般，希望可以改善下伴碟。同其他色相較好的蔬菜作配襯，如果唔係有點嘥左咁好既一道菜。忌廉鮮魷魚自家制闊條麵自家制既闊條麵，咬感幾好，白汁豐富，配埋煙肉奶油菠菜，味道不錯。魷魚味道就比較淡，可能主打健康的關係，比較少鹽少油無味精。甜品橙味雪葩道甜品真係非常驚喜，個橙味雪葩有Ｄ似７仔既思樂冰，但唔係好似思樂冰加色素加糖，佢係真係用鮮橙打成再雪硬佢。嘗一啖就好似飲左一口橙汁，非常解渴。總結餐廳位於工廠區，但晚市都有非常多既人流。個人覺得食物既口味就比較偏淡，可能係因為餐廳主打健康堅持不用味精同少鹽少油既關係。食物既質素唔錯，對比起價錢黎講性價比都幾高。值得一試！…查看更多

一行二人黎到大角咀，一嘗「二世祖」滋味！此二世祖乃是餐廳的名字。餐廳的裝潢風格以暗系色調，幾有cyber感！飲品二世祖特濃朱古力(凍)朱古力味香濃，店員話朱古力並唔係用可可粉沖，係真係將朱古力熱溶，再混牛奶打溶。黎到份量真係幾大枝，朱古力味好香濃，但唔會太甜。減肥人仕飲完都唔會有罪疚感。玫瑰鮮奶(熱)玫瑰鮮奶味道不錯幾清新，奶味正，面上有花瓣。幾好飲！食物薯蓉黑松露雜茹簿餅簿餅餅皮雖然係簿皮但烤得幾脆，黑松露味道幾香濃。芝士香濃，但薯蓉略嫌調味太淡，菇無炒過，無咩菇香味。但整體不錯。莓汁爆脆牛柳配薯蓉個牛賣款有d似威靈頓牛排，但原本既酥皮由薯片麵包糠取替，係幾創新，但係傳統既菜色威靈頓牛排，我都係覺得堅持用酥皮會好食點。牛肉略嫌有d太熟，牛肉既質素算唔錯，肉有點煙燻味。威靈頓牛排係有一度非常難控制既菜色，依間餐廳都叫做還原到6-7成，整體都唔錯。甜品二世祖超級窩夫配雪糕窩夫真係非常大件，店員話窩夫底加左木薯粉，所以食客可食出外脆內q既口感。個窩夫真係唔錯，但我更欣賞佢既手打士多啤梨Cream Cheese ，手打抺茶醬，雪糕。配窩夫食真係一流。總結比起主食我更喜歡甜品同飲品非常高性價比。同出面街外既奶茶鋪閒閒地30幾蚊既飲料，依間餐廳雖然價錢差唔多，但係飲料更大杯，制作更用心。甜品及飲品質素非常有特色，值得回頭。餐牌…查看更多

係中環SOHO區最易搵到米芝蓮推介既餐廳~今次黎到依間米芝蓮既中東餐廳~亦係認証清真食品(Certified Halal Food)。「清真」指的是符合伊斯蘭教規條可食用的食物。晚飯時間都有幾多外籍人士黎享用。餐廳既裝潢OK 主題顏色使用藍，橙，紅配卡其色，有種類似童話阿拉丁既主題色。街景(exterior)室內(interior)吧枱(Bar area)我地今次二人食個晚餐飲杯野。 飲品 (Beverage)因為近來天氣太熱叫左2枝961既 beer消暑。味道OK，但無咩特別。Appetizers (頭盤)見到個Appetizers拼盤上枱後賣相擺設擺得好靚，好colorful。有好多唔同既醫同小食可以品嘗，餸埋Pita bread一流。拼盤既醬同小食:1) Lebanese Hummus 鷹嘴豆蓉好特別食落口既口感有幾分似薯蓉，但比著蓉更綿，落左檸檬汁同醋好幾分似沙律! 2) Lebanese Baba ganoush 熟茄子蓉混蒜加香料，檸檬汁，面頭再加紅洋蔥。口感似茄子沙律。我個人比較喜歡這道開胃小食！3) Zaaluk橙黃色既醬，帶點咖哩香，入面都係茄子蓉制成，亦都係我喜愛既醬其中之一。4)Philly CheesePhilly Cheese粒，芝士有一定既咸度。適合搽係Pita bread 食。5) Pickled Vegetables 鹽漬蔬菜6)Moroccan Cheese Cigars摩洛哥芝士卷，類似春卷既做法，但係入面包滿山羊芝士，正！！7) Falafel 一個用雞肉混入香料洋蔥蔬菜既餅。食落好好食，唔會太咸太乾，不錯!8) Lamb Kefta亦都係肉餅，不過係用羊肉加香料整出黎，羊肉唔羶，好香，真係一試難忘!!!9)    Salad              &10) Pita Bread 主菜 Chicken Tagine & Rice Tagine 的味道不是太岩我，汁是有點酸，似係酸梅哥隻酸味。但雞肉不錯，不會柴。汁都算幾餸飯。飯都係細細粒似小米的飯。我就覺得食落無平時香港食開既泰國米香。Dessert 甜品Baklava Pastrjes摩洛哥Style 焗酥皮糕點。酥皮糕點真係入口即化，依個甜品真係必須一試！無得頂！總結 可以成為米芝蓮連續7年推介既餐廳果然並不是一般餐廳可媲美。 餐廳既服務態度非常好，店員肯願意好耐心咁為我地推介每一道菜式，鋪頭既裝飾有一點似阿拉丁既主題幾有特色，不錯的晚餐體驗，值得一試！！…查看更多

黃昏又路過SOHO區。係中環SOHO區搵食既好處就係可以試唔同既菜式~今次黎到阿根廷式既餐廳鋸扒。餐廳既裝潢比較偏向古歐洲既風格，另外帶有南美既格調。門面(exterior)室內空間(interior)吧枱(Bar area)飲品(Beverage) Luigi Bosca D.O.C. Malbec 2013, Argentina我地叫左2杯 紅酒，老闆話枝酒大有來頭係wind spectator 2015 Top 100 既其中之一雖然本人對紅酒無咩研究，飲得出果香味幾濃，帶酸，還算OK。沙律吧沙律係任食的，最岩鐘意輕食同想食得健康既女仕們。我都唔客氣咁食左3碟沙律。頭盤Bread 麵包連3款醫汁1. Chimmichurri sauce 2.Ketchup3.Yello mustard Provoleta Cheese with Olive oil焗Provoleta芝士，好正，岩哂我依D頂級芝士腔。雖然有D咸，但係伴麵包食一流。芝士腔不容錯過的一道菜。主菜Bone in Rib Eye (750 gm)主菜係烤牛扒，我地叫左Medium-rare，(約3成熟)我同朋友都鐘意食比較偏向生3-5成熟既牛肉 ，因為老闆話哥度D牛係阿根廷進口，係食殼飼料大的，所以無咩羶味。肉眼扒亦都係牛最好食最JUICY既其中一個部位之一。一上枱果然夠生，中間仲係有D血淋淋。不過好彩佢地幫我地分好哂件，唔洗自己舞刀弄叉。牛扒既表面有調過味，落左鹽同黑椒。如果再切開幾塊細塊食會偏咸，建議中間切開一半成舊食會比較合適。牛扒的確無咩根同腥味。三成熟既口感好綿，好嫩。雖然未到入口即溶既地步，但都好JUICY多汁。整體黎講都不錯。份量亦都好大份。建議情侶既客人黎鋸扒都係order一份扒就夠了，但係二個麻甩佬就當然叫二份先過癮。總結牛扒既份量真係幾大份，一份扒夠哂2個人(1男1女)食。味道都不錯，上菜速度都OK，唔會話太慢，侍應生都好熱情講解，可能偏晚既時間比較小客人。比起牛扒我最鐘意既都係個芝士配包，同佢既自助沙律吧。不錯！值得回味！…查看更多

上次同朋友黎食過一次依間正宗西班牙餐廳，今次再帶同屋企人黎食多次~上次係食Dinner 今次係食Lunch 食物小食PADRONES(炸青椒)西班牙既青椒比中國既青椒明顯香甜得多，而且無咁辣。TAPED (小食 唔記得左個英文名)燒魷魚同薯仔，味道唔錯。魷魚好彈牙多汁，配埋薯仔係底，幾特別既風味小食。TARTAR DE ATUM(生吞拿魚配牛油果多士)夏日熱辣辣食番個冷盤吞拿魚唔錯的，生吞拿魚有點像煙燻既味道。MIX SPANISH COLD CUTS(冷凍拼盤，西班牙火腿，芝士，風乾肉腸片，蕃茄多士)我恨左食正宗既西班牙火腿好耐，終於可以食番夠本，芝士亦都係我芝士腔既最愛。PATATAS BRAVAS(辣芝士炸薯粒)上次食完超回味，今次當然要番點!辣芝士炸薯粒真係無得輸GAMBAS AL AJILLO(蒜蓉大蝦配蒜香包)依味菜尚算ok，可能本人比較偏好重蒜味，尤其鍾情中式既蒜蓉蒸蝦。所以感覺這道菜蒜味不太濃，且比較多油係底。雖然蒜味無中式既咁香濃，但個大蝦一定比中式蒸蝦既重蝦味同彈牙啖啖肉。蒜蓉法包都係同樣問題唔夠蒜香同包較硬。ALBONDIGAS(蕃茄肉丸) 個蕃茄肉丸都不錯的，雖然賣相比較普通，但食落幾juicy，個蕃茄汁唔會太酸太濃恰到好處。COCHINILLO燒乳豬個燒乳豬真係好正，皮又香又脆，個乳豬得3個禮拜大，唔同中式既乳豬，西班牙既乳豬係飲奶大，所以食落仲有陣奶香味，好嫩口，但都幾肥膩。PAELLA MIXTA(海鮮雞肉大鍋飯)個大鍋飯依然係咁大碟。份量好足海鮮處理得好，青口同蜆肉都好鮮。CHURROS(炸肉桂條)上次食過覺得都唔錯，再叫多次。食落又真係唔會太甜，甜度岩岩好。就咁食有d油膩，但點左朱古力同雪糕後風味大增。總結今次再幫襯正宗既西班牙菜，食物既質素依舊不錯，主菜既份量好足好大份，屋企人都幾滿意。再一次係依間餐廳享用到唔錯的午餐體驗。…查看更多

係中環SOHO區搵食既好處就係可以試唔同既菜式~今次黎到依間米芝蓮既阿拉伯菜餐廳~係認証清真食品(Certified Halal Food)。「清真」指的是符合伊斯蘭教規條可食用的食物。晚飯時間都有幾多外籍人士黎享用。餐廳既裝潢OK 幾突出到阿拉伯既特色。街景我地今次三人入席食個晚餐飲杯野。飲品Sahala special (green)青檸薄荷梳打，依杯野係無落到甜，岩哂要戎甜減肥既朋友。Sandy Strawberry (pink)士多啤梨雞尾酒，依杯都非常好飲，濃濃既果香，但記得飲前要攪一攪拌。Snow ball (yellow) Snow ball有D似芒果奶昔既味道甜甜地又有D乳酪味。我覺得係最好飲既一個。飲品既顏色非常靚，影相出黎既效果好好。食物Hummus with Lamb  & Pita Bread(鷹嘴豆蓉配羊肉，摩洛哥包)鷹嘴豆蓉好特別食落口既口感有幾分似薯蓉，但比著蓉更綿更滑調味亦恰到好處! 配埋烤羊肉夾麵包都我黎講都算係一個幾新奇既配答。個羊有好香既香料味，所以個羊肉一D都唔羶！Roasted Fresh Fig Salad(烤無花果沙律)個無花果沙律真係非常正！沙律原本就係一個普通既開胃菜，但依間既無花果既沙律真係寧舍出眾！個醫汁真係一個點晴。無花果既甜另外配蜜糖同橙汁醫汁既甜中合埋一齊，再加埋山羊芝士，食完個沙律令人食欲大增。主棻Lamb Tagine & Rice(摩洛哥式燉羊)個羊肉燉得好鬆軟好諗身，個醫汁都唔錯。我都係鐘意佢既羊肉燉得無咩羶味！個飯一粒粒好細粒有D似魚春咁既大小，似我地平時食既小米。OK，但我覺得都係我食開既泰國香米好食。Chicken Kebabs(摩洛哥烤雞)烤雞不錯，整體味道但我會覺得偏乾。甜品(炸香蕉卷)炸香蕉卷配蜜塘Rum酒，最特別既係放酒燒既一刻非常吸睛。Rum酒既味完全入口炸皮裡面甜而不膩。總結米芝蓮推介既餐廳果然有番咁上下，個無花果沙律最令我回味。鷹嘴豆蓉配羊肉，摩洛哥包我都係第一次食。鷹嘴豆蓉非常特別同不錯。服務態度非常好，待應生好盞鬼，又願意為我地推仲同傾計，介紹佢地既特色菜。不錯的晚餐體驗！…查看更多

為左慶祝父親節，同父親提早選左一間係中環既尼泊爾餐廳用餐。間餐廳位於中環既SOHO區，真係有好多外籍人士黎享用。餐廳既裝潢OK 幾突出到尼泊爾既特色。我地四人入席，坐係比較近BAR枱既位置。啤酒啤酒真係非常非常好飲同易入口，連我平時唔飲啤酒既人都吹左２枝，我夠膽講香港無一個啤酒品牌好飲得過佢！尼泊爾藉既老闆話係因為釀啤酒既水係無添加無污染來自喜馬拉雅山海拔5700米以上無人無動物居住山區嘅山泉水，所以啤酒既味道特別Fresh。 頭盤尼泊爾既特色小食 炸脆片~ 個脆片不錯一上碟就要即食，如果唔係涼左就會變淋。脆片仲有配2個醬汁。一紅一綠， 紅的比較辣，綠的無咁辣青檸味重。小食炸茄子~炸茄子雖然係炸品，識煮菜既人應該都知道茄子係特別索油，但係依道菜唔會有種炸完油膩既感覺，外脆內軟，非常不錯。仲有多幾款秘製醬汁。有薄荷乳酪醬，芒果醬，酸甜餃子醬。 我個人推介茄子配芒果醬最答！尼泊爾雞肉餃子尼泊爾雞肉餃子賣相好似上海既小籠包。但不同的是尼泊爾入面包既係雞肉，小籠包既係豬肉。比起上海既小籠包不同之處就係小籠包既湯汁比較多。尼泊爾雞肉餃子既口感比較扎實，雞肉餃子既孜然味好香濃惹味。湯Order左三款湯1) 橙色既南瓜湯橙色既南瓜湯完全係我既至愛，香甜綿滑，又creamy非常好飲 南瓜完全融入湯到好綿好滑 無渣~極力推介2) 紅色既豆湯 紅色既豆湯都唔錯，豆味香濃，有D似中式赤小豆加眉豆煲出黎既湯，但又有羅宋湯既味道。餐廳老闆話係用左十幾種既豆混埋一齊熬制而成，無添加肉類煮，岩哂茹素既食客。3) 白色既磨茹湯白色既磨茹湯就比較淡，調味略嫌不足，但蘑茹味都夠香。烤餅尼泊爾既烤餅，新鮮出爐既餅熱辣辣食，非常好食脆口。浸湯一流。主棻鐵板烤魚鐵板烤魚，老闆介紹左一大輪，可惜本人對魚既品種既英文無咩研究，所以唔知係咩魚。魚係烤既，真係無骨同啖啖肉，連本人不太鐘意食魚同挑骨既人，都食左2大舊。仲有其他主菜1)蕃茄咖哩雞蕃茄味好香濃，雞都好滑，唔會鞋。反而唔係幾食得出個咖哩味，只有濃濃既蕃茄汁味。2)咖哩羊肉咖哩既味道好似無其他印度既咖哩香料味咁重。但個人覺得羊既味道比較重，但係我爸爸就比較喜歡依種羊羶味！3)蕃茄涼拌菠棻涼拌菠棻不錯，幾開胃。食左咖哩濃味既食物，食番Ｄ涼拌野中和番都係不錯的選擇！4)黃薑尼泊爾米飯尼泊爾既米同我地普通既泰國米飯不同，尼泊爾米比較偏乾身同長身，還可以。但我就比較食慣泰國既香米。山羊芝士薄餅個山羊芝士薄餅真係較特別，薄餅上鋪滿哂芝士，身為芝士腔既我真係流哂口水點會放過，點埋咖哩汁食真係一流甜品由於主菜食得太飽，本身諗住唔要甜品。但係老闆既熱情推介極力邀請我地試一試佢地招牌既甜品，盛情難卻，唯有叫老闆只上一杯來一試。甜品係甜椒乳酪，幾特別，酸酸的乳酪配甜甜的忌廉果然不錯。好快就比我清哂！到了稍晚時間，店內既客人走得七七八八。餐廳老闆同我地傾下計，又激請我地去廚房參觀，仲即埸請大廚為我地示範搓餅。埋單後，仲送左枝外形獨特似彎刀既尼泊爾特色Rum酒做禮物，等我唔洗愁送咩禮物比父親做禮物。(果然夠特別)  老闆話係父親節期間消費滿一千蚊老闆會送出價值500蚊既Rum酒做禮物(名額有限，送完即止)總結: 餐廳既食物質素處係中上水平，而尼泊爾既啤酒絕對值得番轉頭飲。餐廳既老闆非常熱情，令到今餐父親節既晚餐添上難忘既一頁。…查看更多