mikeydotnet的个人专页

肉隨砧板上龍蝦？需要鐵板上雖然起了觸鬚，但仲係非常新鮮燒龍蝦固然好味，但都不要忘記介紹呢一餐星期六七點都好靜，值得book爆佢～海鮮沙律先燒幾隻大鳳尾蝦拼到日本果茄沙律上，爽口蝦蝦連同沙律喚醒了往後的美食日本蝦夷鮑最值得留意係海鮮相當生猛！下板之前鮑魚仲係會郁，板燒鮑魚加上鮑魚肝汁，爽口不韌，啖啖有口感龍蝦生猛之極猶如上演屠龍大戰！真係掙扎至最後一分鐘，燒龍蝦尾肉彈牙，再配上蝦頭膏校成的醬汁，物盡其用兼好味鱈魚白子外面焦脆，入口即溶，沾一下醋汁要放入口啦，不過小心好熱～煙燻吞拿魚腦天乾柴烈火的蒿燒吞拿，魚額頭上面的少許肉入口油香，再散發出煙燻香味鵝肝櫻花味的鵝肝漢堡，賣相猶如甜點，從視覺上已經是一份滿足A4和牛肉眼最靚的牛 永遠都是三成最對味！牛香味美當然不在話下，伴碟鹽漬昆布口感特別，都係亮點之一湯，炒飯，甜點清新舞茸清湯，搭配白飯魚高菜炒飯。白飯魚經醬油漬再炒至乾身，係乾到有少許硬。另在其上加一隻燶邊太陽蛋～ 最後甜點有焙茶雪糕，下配蘋果香蛋卷以及砂糖烤多士片…查看更多

從前有個來自四川嘅阿婆最拿手就係煮家鄉菜。。。於是乎就係香港開了一家小麵店，由一碗小麵，到開枝散葉愈做愈大，到今日係觀塘老店附近開了一間更大的希望可以接更多的客，或者係一檯更大的客觀塘lunch 如戰場，唔駛等，有位入你就贏。繼酸菜魚，水煮小菜等等之後，牛肉粉都係川婆婆最新的嘗試除了有特色部位，用上100%本地新鮮牛的堅持亦係進入競爭的武器今日就來碗牛肉薯粉嗦一嗦先牛頸脊，牛胸爽，牛爽腩，吊龍，紅薯粉 ($73 三拼，另加一款牛$18 = $91）只有本地新鮮牛先做到如此美味，先呷一口牛骨清湯，清香，完美，配牛的一定要跟呢款湯底，顯出原汁原味胸爽最特別，爽脆的口感令你覺得唔太似食肉爽如豬皮但有少許奶香。白白的很出眾。牛頸脊一口軟糯，帶點紅，好好品嚐吊龍每一絲都係驚喜，識食的你只要一口就明白佢的美味爽腩可能有點瘦，但入口柔軟，輕鬆咬下酸菜魚 （$68）每逢打風落雨 寒冷天氣 酸菜魚絕對係恩物一口酸甜的金湯可以講哂你知上菜好一陣子都夠哂暖大大碗，仲可以五蚊加碗飯鯇魚片滑中帶點爽脆，而且份量也不欺場從一而終，酸菜，海帶絲，寬粉都不吝嗇呢個就係由佢地第一間舖開始食嘅味道同埋都係美中不足，辣度係固定的辣左少少從此觀塘食飯，希望可以等少一陣位仲可以多一個比一大枱客開心些牙嘅選擇…查看更多

以前讀書時侯，好鍾意一大班朋友仔一齊食吓點心吹吹水，果陣通常落咗堂或者宵夜果陣食～龍點心夜茶嘅出現，就比返我青春時代嘅感覺。歎世界燒賣拼盤俄式羅宋燒賣 - 一口咬下去就有點辣辣的，羅宋湯湯頭加上少少tabasco 的味道，喜歡羅宋湯的不妨找回熟悉嘅味道黑蒜帶子燒賣 - 淡淡的蒜香，黑色的燒賣皮，再搭上一隻小小的帶子，帶點特色，配搭有點新奇芝士墨魚燒賣 - 有黑自然也有白，墨魚滑搭上內裏的芝士夾心，雖然不及羅宋以及冬蔭功的爆汁，但芝心仍然有一股爆炸的力量冬蔭功泰辣燒賣 - 一口咬下去比羅宋更辣一點，酸辣的湯汁灌入口裏，感覺比泰式冬蔭功更濃一點，不嗆口但提神泡菜蒜辣燒賣 - 辣味不算很重，少許失望的一顆，青色的外皮比較特別而已黑松露珍香燒賣 - 淡淡的松露香氣下面是滿滿的蝦滑燒賣，對比普通燒賣沒有那麼膩大澳蝦醬鮮魷卷 ． 鳳尾蝦多士蝦醬鮮魷卷名乎其實係「蝦」醬，蝦仁粒比例比魷魚更多！當然了大澳蝦醬的味道是有一點，只係炸得太透，皮有點硬扣少少分。或者可以點個醋都好。鳳尾蝦多士皮薄，蝦靚，仲要擺耐D都keep住脆口。三塊係有點不夠鰻魚荷葉飯後來怕不飽加點的蒸飯，點知好有驚喜，香烤鰻魚上面加了金箔，加強了高級感。鰻魚厚厚的很飽滿下面亦有幾大份的蛋炒飯底，絕對要兩個人先食得哂XD白灼蘭花苔灼一份菜都來點特別的，西蘭花苔鮮香，然後師傅將大大把的姜蓉淋上面，最後我地將豉油倒落去，講真，比炒菜更香更惹味，仲更健康。桃氣寶藏冰賣相挺可愛的台式牛奶冰，綿密的口感帶著絲滑，慢慢溶掉。頂上有些粉粉的餅乾點綴，滿滿的少女心很搶眼～最底下也有白涼粉，椰果粒粒提升了口感。不夠牛奶，爆珠嗎？可以再加哦，夏天挺合胃口羊肚菌燉水鴨 · 南北杏菜膽燉豬肺下著大雨刮著風，第一樣自然想到的是湯水，一濃一淡，水鴨湯滋補，豬肺湯滋潤，火喉也很猛，點心快吃完才攤凍到可以喝的溫度～蟹粉菠菜香蝦餃 ． 松露野菌晶瑩餃餃餃新意思，用啲鮮色的餃子引人入勝。翠綠的前者仲有加了三文魚籽，賣相搶眼吸引，而且仲幾好味。後者紫色都很討喜，而且菇菌香氣亦係好難抗拒，一口一粒意猶未盡。香濃黑芝麻糊小小的中式糖水，只是一小口就感受到烤芝麻的深邃，唔可以同糖水舖比但亦係上品。…查看更多

行山，走累了最想吃一碗餐蛋麵，但在東平洲，都是要來碗花甲麵才是王道。普通的一碗麻油出前一丁，加入了附近打撈的新鮮花甲，花甲的鮮甜配上麻油的香氣很搭。成就了島上的一大特色。食完一丁意猶未盡？仲有椒鹽鮮大尾魷，酥炸的香味，以及大尾魷獨特的嚼勁，出面已經好難搵到。…查看更多

一生懸命，用上一生時間，專注做好一件事同樣地一碗好吃的拉麵，都係一輩子的心血牡蠣沾汁麵濃厚的沾汁麵，加上濃厚的火炙廣島蠔口味有點重，但深燧，充滿層次，海水味道，被焦香味蓋過了。愛吃蠔豉的你，一定會喜歡，愛吃生蠔的，都會被其焦香吸引。不常吃沾汁麵的我，亦大感滿足。…查看更多

天寒地凍，有咩好得過一碗熱湯？有點猜不透，韓國炸雞店，炸雞不算太好食，但其他韓國料理竟然是出人意表的美味🍲魚介湯鍋 （$238）炸雞店點解小弟首推魚蛋鍋？ 其實唔係太講得通… 但係凍冰冰的日子大家都領教過，有時一碗清清的熱湯就正正係我地想要的。一邊滾著的串串拼盤，昆布魚介清湯都係無限添加，各式各樣的魚糕串，唔係甚麼山珍海錯，但係一口已經感動人心。🥩滷水五花腩（$288）鍋燒厚切的腩片，就算是滷水亦很清淡，暖暖的很好吃，但記得要包點菜一起吃，來個正式韓味食法。🥚韓式牛肉蛋捲 （$128）蛋捲玉子燒下面是蛋汁以及醬燒牛肉，牛肉唔算突出但蛋香較濃。🍖驚喜二重奏 （$258）鐵板韓式牛排配招牌炸雞，但係鐵板太小，亦都令牛排翻面比較吃力，另招牌炸雞有點過火，肉不太夠以及較乾，要另一盆蜜味乳酪粉炸雞幫補一下，失望之作。🍗蜜味乳酪粉炸雞（$188）可能係因為我不太喜歡這種比較乾，瘦的部位，大約係雞架雞翼左右。剛才的招牌麻麻地，上了粉亦幫不了多少，番薯條好像更好吃。🍹芒果菠蘿mocktail ($128)吃炸雞亦少不了酸甜開胃的芒果菠蘿特飲，解膩，好味，下次要加點酒精才行，很搭很好喝。…查看更多

✨黎到聖誕，一年快將終結點都要吃好一點～今年就來個割烹吧✨✨おまかせ　聖誕　献立 （$1980）✨✨Wake me up - 以梨子香檳🍾 加上草莓粒粒, 薄荷配的welcome drink, 呢一杯cocktail 入口帶點清甜，甘甘地的氣泡感🫧，岩哂歡樂嘅聖誕節✨蒿燒鰹魚 日本香菜 最中餅 - 禾稈草的煙薰香味，充斥著這一口傳統的「日式三文治」！燒至微香的鰹魚刺身，加上自家製的美乃滋以及香菜，少少地一口滿足✨A5 黑毛和牛牛舌 九条蔥 清湯 - 凍凍地來點暖口的，牛骨清湯加上京都合時的九条蔥，牛骨淡淡但係香濃的蔥香味，再加入切了花紋，一口幼滑的牛舌～幸福呢✨前菜 四味（小八寸）帶點聖誕特色的擺盤，帶來日式風格的聖誕✨梭子魚壽司海苔卷 - 行政總廚大谷老師的精心燒制，梭子魚焦香搭配著秋去冬來的氣息，夾著海苔吃吧。✨北海道毛蟹 海膽 蕪菁 奶油汁 - 海膽刺身之下搭配著毛蟹肉以及蕪菁拌成的沙拉，由鮮味的海膽提味至沙拉的底香✨靜岡巨峰葡萄浸漬 - 小小花園裏來一個味道的小轉變～巨峰提子的甜味刷一下味蕾，因為下一品是肉哦✨慢煮鹿兒島薩摩和牛 - 好吃的肉肉都該細心調理，慢煮減少對肉的纖維組織的傷害，亦令和牛味道變得完美✨鱈魚白子揚出 賀茂茄子 坂本菊花汁 - 白子係鱈魚的生殖腺，食了男生進補，女生滋陰，咬一口滑如浮雲，揮之不去。配了炸香的茄子，然後以菊花汁中和一下油膩。✨A5 黑毛和牛牛柳三文治 - 「而今」名物之一，厚切的頂級和牛牛柳，燒至完美，夾上剛剛烘好加了芥末的方包，一口難忘，無法自拔，記得加埋肉醬品嚐～✨勝山 祥龍獻瑞 2024 金箔 純米大吟釀 - 金光閃閃迎接新一年，揮一揮杯子就如星河。這一杯清酒可謂打得又睇得，但米香，酒體同埋酒精度較重，反而較適合濃味菜色。農曆新年，配上味道較重的賀年菜可以配搭得更好。✨海膽熱狗 - 主廚領銜主演的モドモド時間！ 一大板頂級海膽，半隻半行，一隻一行，置於海苔白飯之上，每一啖都係幸福的味道，口感鮮美，欲罷不能。未食已經想再もどもど😍✨生牡蠣 令和の怪物 - 喜歡生蠔的小弟，友人，同埋睇緊呢度嘅你，呢款日本狂熱品種你唔會陌生了吧。小弟只係第一次食，日本海的味道絕對能與歐洲出品媲美。加上櫻花，蘿白茸，美味しい😋✨日本水柿伴柚子 雪花冰 - 係食啲濃味的之前先清一清口，水柿爽甜再加上雪花冰的口感，連我自己當初都將佢誤會了做甜品。✨A5黑毛和牛寿喜焼 旬野菜 - 另一個重點，亦係我揀呢間的原因之一，就是這道寿喜焼。師傅先以牛油脂燒香起鍋，先做關西風味，油香四溢的壽喜燒，再來加入醬油製作，濃郁甘甜的關東風味。味道難分高下，東西各有千秋～野菜方面有甜度達16度的高糖度蕃茄，牛蒡，以及野生舞茸，係牛脂，寿喜焼汁的加持下，鮮香美味✨長野縣越光米 赤味噌湯 漬物 - 對於米飯，都是一絲不苟！每一鍋米都是於準備寿喜焼時為客人準備，以陶鍋煮熟，連不太吃米飯的小姐，平常晚飯半分的小弟，都忍不住要添上一碗飯，赤味噌湯濃厚，帶少少澀味，正好去掉油膩感。✨聖誕限定甜品🎅🏻 - 聖誕節點可以少了甜品？全球最小的「天之驕女」蘋果，蓋上冰糖，做成結冰的樣子。草莓聖誕公公配上牛乳奶凍餅，賞心悅目，為白雪紛飛的聖誕節來個精美的總結。…查看更多

鬧市內，工廈裡有得食，有貓玩仲要食物都高質【西班牙燒烤醬烤大豬肋骨】($148)BBQ short ribs 唔算難搵到，但係做得有心機嘅地方真係唔多。呢間嘅出品，醬汁唔多，但係烤肋骨都係fall off the bone，肉質嫩滑好吃，配上烤雜菜以及薯角，一流。可惜貓貓有點忙，想摸下貓貓，都係帶定罐罐啦～…查看更多

做得foodie，最怕嘅除咗嘢食唔好味，愈食愈珠圓肉潤，仲有啲咩？。。。係食嘢食到你窮呀 !【自選三餸飯盒】($35)疫情反覆之間，好多人因此失去收入，環境艱難，人人自危，大家都被迫忍耐，自選兩三餸飯就成為了當紅炸子雞。呢一晚，叫了少飯，再選了三個餸，先來中間健康一點的豆卜蒸雞，雞件多汁，滑溜，有點雞油但算清清地。然後左邊有招牌菜欖角一字骨，酥香入味，欖角味濃而不算膩，不錯吃。加上右邊最邪惡的椒鹽炸豬扒，雖然外賣到家有點腍，但仍然鬆化香口。坊間出現了兩三餸飯的攻略，而我就一於少理，優雅地佬去。但係要守住一大原則，兩三餸飯都係自私食好了。約女性朋友食兩三餸飯，後果自負。🤭…查看更多

春回大地，除了百花盛開，都係屬於美食的季節。《炭燒安格斯封門柳》($398)精緻的越南菜，香港確實不多。燒到三成熟的安格斯牛柳，起片後的顏色令人食指大動，加入了越南的特色香菜醬汁，以及常見的烤小蕃茄，金不換，除此之外，亦有一條燒牛骨髓，以及一整份越南濱海組合。雖然是兩人份量，分享用的主菜。但是醬汁的開胃，完美蓋過牛柳的飽肚感。而牛骨髓更為精彩，燒香之後帶著牛油脂，跟隨著越南的傳統濱海一起吃，兩人份，甚麼會不想ask for more?…查看更多

【即叫即炸 招牌椒鹽豬扒飯】($78)呢一味椒鹽豬扒飯，豬扒鬆脆而大塊，生炸至金黃通透，再加入炸香蒜蓉辣椒蔥花，避風塘風味炒法，配上鎮店的黃金蛋香炒飯，每一粒呈金黃色，乾身，乃是師傅巧手炒香，鑊氣滿瀉，上到碟係香噴噴的完美之作。不過係比較大份，一個人勉強先食得完。【金飯仔沙嗲三寶】(加配價 $38)等佢炒飯需時，叫多份沙嗲食下先，簡單地道嘅白灼牛柏葉，豬皮，鮮土魷，加入佢地嘅秘製沙嗲味道升級，香濃而充滿著辣度和溫度，如果個汁再杰啲，整個沙嗲牛麵，冇得輸！…查看更多

三餸車仔麵（濃香沙嗲湯底）醬燒豬頸肉・滷水鴨腎・滷水豬大腸・油麵想講呢間雖然唔係專做沙嗲，但係佢個沙嗲湯底真心正。香濃，帶點辣同埋好香花生味，配上掛湯嘅油麵是一絕餸方面我選了醬燒豬頸肉，滷水鴨腎同埋豬大腸，燒豬頸肉肥瘦剛好，外賣到家，下了湯，都不失爽脆～配同樣爽爽的鴨腎，以及炆至入味的豬大腸，滷水汁的甜味同沙嗲濃香成了一個對比～比較少吃的一個配搭，但偶然總會遇到點驚喜。…查看更多

三個大男人，不知不覺地食左三個鐘快樂仲要不知時日過。就係呢一煲開始。【麻辣肥腸雞煲】其實呢一窩只係小辣但係雞肉足料，唔會有薄薄嘅雞殼雞背，仲有肥美嘅豬大腸雞油，加上豬油嘅混合，夠哂麻甩，恨不得嗒一口冰凍啤酒。豆腐火腩飯，係一個男人嘅浪漫。肥腸辣雞煲，係一班男人嘅浪漫。【烤串】我地揀左牛肉同埋豬腩肉串，牛肉有點乾，預左，不過加上孜然粉火烤，神級。豬腩肉串，更加是大滿足，肥瘦適中，有口感，值得一挑。啤酒，又來一口。【火鍋】食完雞煲都摷到個底乾哂咁滯，再黎個簡單嘅火鍋，清清地，加點大蜆，加點桶蠔，仲有白鱔片。蜆肉大隻又新鮮，桶蠔隻隻都係肥美嘅白鱔薄切，灼幾下就熟透，入口彈牙有鮮味。咦，啤酒唔夠飲添～…查看更多

下雨天，其中一樣想吃的就是生煎餃子。【生煎鍋貼】一大鍋，剛剛出鍋的上海鍋貼，正正吸引著我的眼球。二話不說用10塊錢買了三隻，胖胖的，飽滿的，裏面是香口的豬肉韮菜餡。簡單地洒點紅醋，或是甚麼都不下，直接吃，最好吃。…查看更多

話說早排入長洲遲左出門，結果走左班慢船，搭下班快船，落左船班朋友就話黎呢間嘢度等。一落船收左msg, 突然就諗，我朋友入面有人係隱藏版foodie黎，岩呀，係佢。 通記沙牛米通。長洲名物之一但出奇地唔駛點排隊。米通煮得比爽口，介乎通粉同埋米線之間，沙嗲湯都有濃郁花生香，牛肉反而有點似係陪襯。重點係，落單一定要講清楚係米通。…查看更多