chungreeny的个人专页

禮拜日去沙田搵亞妹食飯, 佢地帶我地黎呢間話之前食過過ok嘅! 四個人叫左:海哲燻蹄 – ok, 幾好味!順德拼盤: 有炸鮮奶, 煎餅同埋一個炸卷共三款! 都好味, 係份量細左少少, 每款得兩至三件蔥油雞: 啲雞肉幾滑, 幾好味同做緊特價$58/隻, 抵食!芥蘭爽肉煲: 呢個用個好大嘅煲上, 好惹味, 好香口, 啲芥蘭好爽!小籠飽: 呢個好難食, 啲肉怪怪的!埋單~$380, 係一個不錯嘅地方食晚飯小菜!…查看更多

訂左7點半, 準時到達, 話埋緊單, 結果等到成8點先有得入座, 好在啲朋友都準時到達, 企係出面吹水都唔覺得等左好耐! 入座時話暫時坐住先, 因為張檯係其他客要拍檯用, 有其他檯會轉俾我地! 好彩之後轉左檯,因為原先張檯位置喺中間路口, 非常嘈同埋啲侍應出出入入! 跟住, 三個人叫左個沙律, ribs, 墨西哥薄餅及一客炸蠔及每人一杯飲品:沙律: 保持水準, 新鮮!Ribs: 我覺得麻麻地, 今次燒得比較乾同埋上檯時已經唔係好熱, 如果唔係即刻食, 凍左仲難食!墨西哥薄餅: 呢個係兩塊薄餅中間夾住啲餡, 幾好味, 幾清新! 炸蠔: 呢個係推廣, $28/3隻, 都炸得幾香脆!埋單原價$9xx, 半價後差不多$500, 如果以原價去食以上嘅野, 真係幾貴! …查看更多

之前有人話想食片皮鴨, 所以訂位時已經預留左一隻, 另外叫左個四人餐$688, 啲餸都幾啱食同埋幾多款: 有三款前菜包括醉雞, 海哲同埋上海烤麩, 三個份量都唔少, 味道也不錯! 跟住有個湯羹, 呢個我覺得一般, 比較淡! 再黎有小籠飽. 呢個ok冇咩特別! 跟住有個白玉蝦, 以為淨係得蝦仁, 上菜先知原來仲有幾隻黃金蝦, 呢個好好味! 仲有個松子桂花魚, 呢個酸酸甜甜嘅汁好正, 好開胃! 終於, 到隻片皮鴨出場, 期待已久…結果幾失望, 因為啲皮好韌, 仲有片得麻麻地, 有啲連住好多肉, 有啲得塊皮! 當大家吃嘅速度已經放慢時, 仲有三個餸未黎: 蟹肉西蘭花, 茶樹菇烤肉同埋個炒鴨肉鬆, 呢幾樣都好味, 唯一我食個口蟹肉西蘭花好鹹, 之後再食就正常, 即係炒得唔平均就上碟! 仲有要讚吓個烤肉, 雖然好肥, 但係好入味, 入口即化, 送飯一流! 最後甜品—豆沙鍋餅, 埋單5人$11xx! …查看更多

噚日過黎灣仔, 約左個朋友食lunch, 佢帶左我黎呢間食意大利餐, 餐廳分開上下兩層, 我地上左樓上, 都幾大, 啲位幾寬敞, 中間仲擺放左梳化加埋個壁爐, 咁啱出面天氣凍冰冰, 入到黎就即刻覺得暖立立! 而且,當時人客未太多, 成個環境氣氛都好舒服! 跟住叫野食, 佢地有lunch set, 我地叫左一個pizza set, 一個意粉set, 諗住share 黎食, 先黎個菠菜煙肉湯, 好香濃, 好味! 跟住黎個pizza, 餅底都好脆! 仲有我鍾意食嘅白汁意粉, 呢個餐係雜菌跟蝴蝶粉, 啲雜菌好好味, 配埋個汁一啲都唔heavy, 仲好健康, 最後加埋個咖啡同甜品, 埋單兩人240。 …查看更多

噚晚約左幾個朋友黎呢度食飯團拜, 呢兩個月已食咗呢間三次, 雖然位置隔涉左少少, 太子站行去15分鐘左右, 但貪佢訂左位唔洗等, 座位空間尚算舒適, 啲野食又幾好味! 之前兩次都係打邊爐, 今次就淨係食小菜:椒鹽瀨尿蝦 – 叫咗三隻斬件椒鹽, 啲肉好肥美香口! Yummy Yummy!蒸鮑魚 - $48隻, 都幾大隻, 都算鮮甜, 但有少少韌……胡椒豬肚雞 – 係佢地招牌菜之一, 第一次食呢個菜, 個豬肚裏面包住隻雞, 幾得意, 上嘅時候會用個爐即時煲住黎食, 湯同豬肚都好好味, 不過胡椒味多啲就更正!半隻乳豬 – 肥廋適中, 啲皮脆卜卜!仲有叫其他幾個小菜, 埋單 ~250 一位, 最後飽到食唔哂, 要打包走。…查看更多