dabbxp的个人专页

同朋友左揀右揀，決定食呢間都出名嘅馬拉餐廳！好耐以前食過一次覺得冇咩特別，今次都冇抱太大期望⋯叫左兩個麵加咖央多士，個人唔食得辣，不過都覺得咖哩麵幾好味嘅，係辣左D..白咖哩麵就絕對係我至愛！唔太辣，個湯又好飲，D料都係我口味！😋😋個拉菜上果陣嚇左一跳，嘔白泡咁多泡！😂😂不過我朋友飲左覺得好飲嘅！至於個咖央多士我就第一次試，覺得一般，得D甜味，但又食唔出咩味⋯不過我覺得比我第一次食，今次我覺得係好食左嘅！價錢亦都唔算貴，值得再食嘅！😊…查看更多

同同事約左好耐，終於有時間過泥一試全魚宴！好彩我地早到，唔泥點等位~😌本人鍾意食魚，揀車仔麵就一定係叫魚湯配魚麵！😋個湯有少少魚味，冇咩味精，係幾好飲嘅！魚麵食落麵都彈牙，個味就似魚蛋咁~餸揀左墨魚春卷同餃子，兩樣都炸得好脆，驚喜嘅係餃子皮好薄！幾乎一咬就斷！👍🏼見好多人推介炸薯條，我地都叫左，揀左蟹皇醬，薯條係用魚做嘅，係幾特別，不過咬落有D實，可能咁幼嘅魚肉炸左會老，不過個醬係唔差，唔太鹹，不過就冇咩蟹味⋯整睇唔差嘅！都坐得舒服，裝修都好靚，下次要試佢嘅魚麵撈！好似麵幾好味~ 😆…查看更多

同事講左幾次，雖然睇menu覺得幾貴，但一於跟佢去試下呢間唔似茶記嘅茶記！😆佢入面嘅裝修行白色優雅路線，牆上面有麥兜校長嘅畫！幾特別！lol我地叫左燒春雞配飯、芝心炸雞咖喱滑蛋蓋飯、吉列炸蝦咖喱滑蛋蓋飯！燒雞睇落好似好乾，但食落D肉又嫩！隻雞都幾惹味！仲有沙律伴碟，中和番D鹹味~另外兩個咖喱滑蛋蓋飯，朋友就話比較鹹，D咖喱汁就多左D，炸雞入面夾左芝士同火腿，覺得太膩⋯不過，佢地話奶茶係好飲嘅，茶味夠濃！下次一定要試吓佢個奶茶！💪🏼…查看更多

同事推薦左好多次呢間餐廳，但一向睇樣食飯嘅我見D野食相麻麻，價錢又唔算好平，reject左好多次，今日終於決定俾次機會佢，睇下有幾好食！餐廳係商場嘅地庫，入到去係幾大，仲有個台俾人夾band！餐廳係自助形式，要自己去cashier叫野食，我叫左個芝士焗西蘭花蝦球飯，朋友叫左巨雞髀糖心蛋肉燥飯！我地過左1:40 order仲可以減$6！仲包野飲/湯！D野食上得快嘅！就算我叫左焗飯都冇等好耐！我個飯芝士好夠，蝦球係我鍾意嘅玻璃蝦，飯同餸比例都算合理！朋友隻雞髀都真係好巨！🤣食完我覺得個價錢都對得住D野食！👍🏼…查看更多

之前見到朋友食，睇餐牌又見價錢唔算貴，於是決定去試一試！入到去油煙味唔重，呢度聲稱個爐唔會好大煙，咁個身就唔會咁大味！D staff都好好會講解個位有D咩，點落單，仲問我要唔要口罩套！好細心！☺️呢度係自助點餐，自己用電話掃QR code落單，記得俾埋錢先叫完成order！我掙扎左好耐要唔要㩒結帳，驚會埋左單冇左張枱⋯😂佢地只接受電子支付，夠環保！👍🏼 (雖然我係用開cash.. 😅)另外佢仲有好多醬汁可以揀，有選擇困難症嘅朋友慎入！🤣我叫左個100g牛五花套餐，大食嘅朋友可以叫多D，佢有200g/300g揀！套餐包湯、沙律/泡菜、飯、肉！個餐上得好快，D肉都好嫩！差唔多係入口即溶！😋沙律就鹹左D.. 應該係個汁鹹！湯都好飲嘅！正常海帶湯咁~好在佢夠平，下次可以再試其他！🤤…查看更多

之前同朋友食過一次，覺得幾抵，朋友又話佢嘅魚生飯好食，今日一於就再去食多次！😋今次叫左個三文魚腩碎丼，呢個算係定食，包麵豉湯，個麵豉湯好大碗，又足料！有海帶同蜆肉仔！🤩個丼都唔差，就咁睇以為好細碗，但佢三文魚腩個量都唔少！分分鐘仲多過D飯！lol個人建議加埋D蔥一齊食，咁就冇咁滯胃~個飯仲包左北寄貝同帶子刺身！真係好抵食！佢仲有幾塊紫菜，鍾意食紫菜嘅朋友可以用泥包手卷，不過個人唔食紫菜，冇咩評價，但摸到D紫菜係脆嘅！👌🏼一碗飯一碗湯，兩樣加埋真係好飽！想平平地食魚生丼嘅可以去試下！😉…查看更多

今日lunch time同事帶我地去食台灣野，話幾好食！就去會一會你！😏一去到門面已經覺得好有客棧feel!! 入到去就有懷舊feel!! 連坐嘅枱櫈都好似係古裝世界咁！🤩叫左個紅燒牛腩米粉，湯底夠濃又唔鹹！最重要係，佢係用新竹米粉！🤩冇去台灣三年，好掛住佢D米粉！新竹米粉真係比其他米粉好食好多！牛腩都好「淋」！連平時唔食牛腩嘅我都食曬！👍🏼😋雖然+$10有台式飲品，但鬼叫我窮⋯🥲唯有下次再試啦！💪🏼…查看更多

早兩個禮拜同朋友到訪過，點知佢得一張枱，完全唔似有堂食，所以放棄⋯今日想食壽司丼，就打電話問，原來佢地真係冇堂食！好彩我都係想買外賣，去到叫左個角切魚生飯。驚喜嘅係，佢地個外賣袋上面印左個menu,, 方便下次想再嗌都有menu,, 又唔洗拎多張紙擺屋企！至於個飯，包裝得好靚，係好日式嘅外賣盒，不過可能叫左角切，通常係切頭尾肉，感覺唔夠新鮮，唔知堂食會唔會新鮮D呢⋯而個份量都對得住個價錢嘅！食完都夠飽！…查看更多

經同事介紹話好抵食，放lunch break決定同同事去試下呢個高級茶！😆2點幾去到都要等一陣先有位，入面好多人，證明應該係有料到！入到去個裝修格局、餐具都好high class！同一般點心舖/酒樓爭好遠！坐得好舒服！😌佢有個套餐，$68/位包一個飯同一個湯，另外可以加$10有點心！我同同事兩個人叫左一個餐再加兩個小食，share都好夠飽！叫左個椰子烏雞湯，好飲又足料！鮮蝦菜苗餃好夠熱，個皮都好煙韌！😋蘿蔔糕都好大件！平時去酒樓飲茶都冇見過咁大件！🤩係飲茶當然唔少得杯茶！記得佢有普洱、香片、白桃烏龍揀！我哋一於試白桃烏龍！淡左D，不過好飲嘅！有白桃味！沖左兩壺都仲有味！真係要力推嘅間點心舖！…查看更多

疫情下兩年半冇去日本，好掛住食壽司！同朋友上堂前一於去過下日本癮！😋我地叫左炙燒海鮮丼，最抵係佢+$15轉set，有湯、前菜、飲品、甜品！真係好抵！唔加都對唔住自己！🤩隻蝦好出色！新鮮！👍🏼係帶子同三文魚薄左少少⋯😅甜品係黑蜜jelly~ 都好味！飲品係果茶，surprisingly又唔太甜，好飲！👍🏼整體以日本菜泥講算正常價錢，本來見到個飯以為會唔夠飽，估唔到食完完全飽曬，大滿足！😌…查看更多

同朋友去觀塘上堂之前一定要先食飯！揀咗呢間台灣餐廳，其實都留意咗幾次，今日一於去試吓！我哋六點左右去到，可能仲早，所以唔多人。店內裝修得好有台灣feel，夠靜又夠乾淨，我地整整坐左一個鐘先走，好舒服~我叫咗個滷肉飯，仲有埋湯！D魯肉仲有肥膏，足料！👍🏼我哋仲叫咗個酥炸地瓜條share，真係用番薯整㗎！平時出面食嗰啲一般都唔重番薯味，呢間有好香蕃薯味，正！😋最緊要夠平，抵食又夠飽！最估唔到D地瓜條會咁多⋯下次一定再試其他野食！…查看更多

趁放假約定男朋友去試呢間想試好耐ge泰菜！特登比男朋友早半個鐘，7點去排定隊，點知最後都係等一個鐘，8點先有位。。我地吳食辣，點左一個飯，一個粉同一個菜。本來想點生菜包豬肉，點知坐低之後吳記得，見到隔離枱叫先醒起。。😓😓蟹肉炒飯個人覺得一般冇特別，一定要點魚露。和牛炒闊河粉好出色！！👍🏼👍🏼以為睇價錢佢會只有幾塊牛，點知都幾多塊！而且好好味！幾嫩，又有牛味！😋😋😋下次都想試下大家都話好味ge船粉！非常推薦大家去試下！不過要早少少排定隊。。😅😅…查看更多

好耐冇入沙田，打算同男朋友去睇Pixar展順便食lunch。醒起之前聽過荳子呢間餐廳又見價吳貴又多人推介，一於試下！12:30去到已經吳多滿座！好彩我地都吳泥排隊。我地叫左2個午餐:黑松露軟殼蟹意粉 - 雖然佢同我地講軟殼蟹係即炸，又等左好耐先有得食，但食落吳太熱，有D覺得係翻炸。。反而D黑松露幾香！成間餐廳都好香黑松露味！黃金蟹肉意粉 - 蟹肉主要係蟹柳，但都有少少蟹肉絲。汁係普通白汁加咸蛋黃。之後再點左個甜品:Stone: 外面係芝麻mousse，入面有蘋果粒，柚子mousse。一向吳食芝麻ge我都覺得呢個呢錯！連埋D餡一齊食，芝麻味冇咁勁。。😋😋整體泥講，我覺得係吳錯ge，但冇D人講到咁好。反而甜品係吳錯！但因為價錢平，所以以拍拖想平平地食一餐，都可以考慮！…查看更多