Peter_lovetoeat的個人專頁

尋日晚餐時段走左入呢間泰中意餐廳食，好多人呀差啲冇位🙈除左環境乾淨同空間大，而且啲職員態度都好nice，唔怕坐得耐會比人趕走嘅感覺。泰式海南雞半隻配香茅油飯，海南雞呢樣野真係食極都唔厭，最正就係可以點個自家製醬汁， 再加埋碗油飯~ 嘩！正到冇朋友！啲雞我比滿分，因為好嫩滑！泰式椰子雞湯，加入大量椰奶，仲有南薑、香茅、檸檬葉等等，味道好豐富好好飲。椰汁珍多冰，好大杯，紅綠色嘅jelly好多，每啖都吸到好多😚…查看更多

lunchtime同同事黎呢間冰室試下，堂食其實都幾多人下，仲有啲人排隊買外賣。呢間冰室喺呢區都數一數二性價比高又係地舖，好方便，難怪咁多人幫襯嘅今日揀左豉椒排骨炒麵同熱奶茶，友人就話減肥所以揀左我平時3點3先落單嘅菠蘿包配紅豆冰😂😂重點要講下我個炒麵，除左好大份之外，啲炒麵真正好夠鑊香味！食得炒麵就預左一定係有少少油，但就係要咁先夠正宗港式同夠香夠好味架嘛🤩豉椒排骨啲肉都算多，汁都多，食落唔會有碎骨，同炒麵好夾😋至於菠蘿包我就成日食架喇，不嬲都出名皮脆包軟架喇，做早餐同下午茶我都買過黎食。熱奶茶同紅豆冰都好正宗，兩杯都好飲～😋…查看更多

呢間應該會成為我嘅住家飯天堂，因為啲菜式真係好健康，同埋冇乜點落味精，仲要有靚湯，價錢又抵，冇理由唔幫襯😆呢日晏晝叫咗粟米焗魚柳飯，肉碎炒四季豆同埋蒸肉餅，全部嘢加埋百零蚊有找，仲要跟埋嘢飲同埋靚湯，太抵，質素好高👍個粟米焗魚柳飯份量好大，熱辣辣，最鍾意嘅係個蒸肉餅，都係食咗一半先記得影相😂 冇辦法啦太惹味，送飯一流🤣仲有啊，個樽仔奶茶都真係好好飲，唔會太甜，呢個都係必點！ 呢間已經幫襯咗好多次，次次話要提自己幫佢出食評，但係都唔記得咗，今次終於記得！ 大家一定要去試吓，真係高質👍🫡…查看更多

上網搵下有咩特別啲嘅手工小食，過時過節送禮畀親朋戚友。去到呢度，買咗盒花生酥同埋腰果酥送禮用，一盒十幾廿粒。佢哋食完都話幾香花生味，酥酥脆脆。下次自己都買盒試下食先！另外，去到見到新鮮出爐嘅古早蛋糕，有好多口味，半分、全份都有。買咗半個返去，同屋企人試下個古早蛋糕，初嘗原味，幾香蛋味，唔油膩、蛋糕都幾鬆軟。…查看更多

新鮮椰子製成的港式甜品、飲品店，整間店都是椰子樹及椰子殼的夏日風格。除了椰子甜品外，還新推出了邪惡的香脆炸物、串燒。米麻糬芋泥椰子奶:椰子奶入面有新鮮椰子肉，還有珍珠、小丸子、米麻糬、芋泥，味道濃厚，口感綿密。椰枝甘露椰子凍: 滿滿的芒果及金柚，酸酸甜甜。底下是香滑的椰子凍，味道天然椰香，不太甜，很清新。…查看更多

新派素食，小店裝修好少女風格，紫紫白白嘅色系，枱枱凳凳都好fancy，好有趣。餐牌好多選擇，都係fusion款式，中西泰日等等。食物定價偏高，尤其用料食材都唔係咩特別貴價，主要都係麵筋、菇菌類，份量一般般。炒飯味道比較鹹，食完會口渴。比較特別嘅係素叉燒，外皮香脆，口感煙韌，味道相似真嘅叉燒。所以回頭率一般。…查看更多

點咗杯冰咖啡同Green tea latte，轉咗oat milk，綠茶粉足料，微甜帶點苦澀，幾好飲。咖啡味道香濃，冰涼解渴。題外話：咖啡店外面有好大個空間，但係成日比婆婆伯伯等等非顧客人士佔據，搞到真正顧客想坐又無位坐。其實應該有員工定時定候係出入口攔截，限制一下只可以比顧客使用。…查看更多

九龍城實在太多泰國菜館，都唔知邊間好食，尤其是好多都係泰國人主理，好正宗。行行下，見到呢間好似好平民，價錢都好抵食就入去試試。裝修簡樸，入面仲有隻店長貓貓，好可愛呢。叫咗一碟濕炒河，一碟泰式炒金邊粉，都係45－50左右，同平日lunch價錢一樣，仲要唔駛加一，好抵食。不過就太早關門，我哋星期五諗住坐多陣，但係8點幾已經開始清場，我哋都趕住食完走人。…查看更多

旺角上海街一間頂層的日式料理店，分別有室內及室外座位，地方蠻大。小清新風格，給人放鬆的感覺。主打日本料理中的「一汁三菜」，1份湯品、1道主菜、2道配菜，還有其他小食、甜品及特色咖啡飲品。 一汁三菜主食：清酒醬燒鰻魚原條鰻魚，加上燒汁，魚肉軟嫩，沒有骨頭。配上日本穀米杞子醬油炊飯及高湯，平日很少吃那麼多飯的，也清碗了，不夠的話還可以免費再添加湯及飯。高湯蔬菜凍，透明且淡淡的，入面是各款蔬菜如秋葵、西蘭花、蘿蔔絲，很特別。甜品：紐約芝士蛋糕吃過主菜，追加了甜食－芝士蛋糕，真是圓滿的結束。…查看更多

Very nice view up there, although not directly facing the victoria harbor, still enjoying its good vibes and quiet environment for a romantic dinner/ celebration/ gathering with few friendsA wide range of food choice with decent steak, fish, etc for main course.Price is reasonable with such view and food quality.Order steak for dinner and the steak is just about right and rawness. The dessert is cheesecake. Slightly too sweet, nothing special…查看更多

話說喺重慶大廈隔離開咗個foodcourt嘅地方，入面有好多不同餐廳，呢間專門食夏威夷式嘅蓋飯，底下可以選飯或沙律菜底，toppings有固定嘅，或者亦都有自選，沙律醬汁都係一樣。唔好睇少呢碗嘢，幾大碗，食落原來都好滯，好！飽！肚！不過食完都覺得好輕型，唔會Guilty，好健康嘅食材。不過唯一唔好嘅就係9點已經關門，跟住好快就開始趕人走。星期五嘅夜晚，其實8－9點都仲有人入嚟諗住食飯，而且當時好多客人都未走，我覺得餐廳可以考慮開耐少少。…查看更多

行過聞到雞蛋仔香味，估唔到咁低調地開咗係印尼超市入面，有室內冷氣。之前周不時去筲箕灣食，而家開咗係銅鑼灣，雞蛋仔新鮮即製，真係好鮮香蛋味。朱古力味嘅雞蛋仔，入面有朱古力粒粒，食到一半會有少少甜，雞蛋仔質感保持水準，外脆內軟。下次再食另一款。…查看更多

諗住佢咁鼎鼎大名，應該唔會太失色，點知買咗返嚟，凍咗已經唔太脆口，蛋味無乜，偏甜，入面唔係實心，好空，加上價錢已經唔平，超級失望，以後都唔會食，大伏。總之去隔離小食店仲好食。…查看更多

屹立多年的乳酪雪糕店，有好幾款口味、toppings選擇，無論口感、賣相、份量，佢哋嘅乳酪咁多年嚟都真係無得輸，口感堅挺，不會那麼快溶掉，乳酪味道濃郁，好解渴解膩。不過食一杯都真係好貴，仲比一餐飯更加貴，偶然食下回味下就好了。…查看更多

上次經過見到唔駛排隊，就試試佢啦。見到個餐牌，都係決定試下原味Nepoleon。開放式廚房設計，即刻係你面前製作，拿破崙酥皮脆口，好有層次。入面有士多啤梨同埋custard cream，味道同甜度恰到好處，真係唔錯，幾好食，不過香港價錢實在太貴了，而家都唔駛排隊都可以食到，都係留待下次去日本再食過其他味啦！…查看更多