Cyinki的个人专页

📍沙田 禪 ZEN by Tera木系裝修Cafe，有卡位/吧枱同大枱，但張枱有啲細。𓇠 平日二人前 $428 𓇠套餐包味噌湯/$42以下飲品、頭盤x2、小食x1同主食。蟹籽蟹肉沙律醬汁微酸開胃，沙律菜新鮮爽脆🥗加上車厘茄同櫻桃蘿蔔片，味道清爽。小食揀咗明太子玉子燒，明太子醬帶鹹香，已切開2件方便進食，有紫菜絲同蟹籽，玉子燒口感較厚實，蛋汁多啲會更好味🥚主菜有南蠻炸雞白咖哩烏冬：湯底可揀白咖哩/番茄濃湯🍅旋風形薯蓉鮮忌廉好Creamy🌀攪勻底下咖哩🍛加埋牛肉碎好飽肚，有洋蔥蘑菇，稻底烏冬彈牙，掛上濃稠咖哩，味道甜辣，必試！炸雞約有6件🍗炸皮唔會太厚，但唔夠脆，點酸瓜蛋黃醬食可以解膩。另一份主菜係美國安格斯牛肉月見蛋丼🍚橙色蛋黃好誘人😍飯面舖滿燒過嘅薄切牛肉🥩帶粉紅色，肉質嫩滑，仲食到炭燒同油香，將蛋黃撈埋珍珠米一齊食好幸福🥰最後追加一份伯爵茶奶凍（+$28），表面有伯爵茶葉同糖漿，奶凍滑溜🍮伯爵茶味濃郁，甜度剛好。飲品叫咗豆腐花咖啡（+$6）同泡沫咖啡，前者有少少豆味無咁苦，底下𢳂到有滑嘟嘟嘅豆腐花碎，幾特別😌而後者咖啡香氣更加突出☕️▪️類別：#yinkifoodie_cafe 🔺味道：4/5🔹服務：4.5/5🔸環境：3.5/5 …查看更多

📍荔枝角 Ganto新店位於新地標—瓊林街83號1/F，1月中先開張，買完雪糕可以順便喺梯級式園林廣場打卡🌳📸𓇠 Small Double $43 𓇠一月主題係「賀年」 🧨試味揀咗2款新年限定口味—鹹蛋黃桃酥&桂花酒釀丸子🍡前者帶鹹蛋味同沙沙口感，後者清新。（PS 大米味好受歡迎🍚下次都想試）豆腐紅糖：上次想食但賣曬嘅人氣口味，係豆腐花版雪糕，覺得豆味可以再出啲👀桂花酒釀丸子：入口係清新桂花香🌼但唔太覺有酒味，入面有煙韌麻糬🍡PS 先比錢，後試味，有堂食企位同杯裝雪糕買🍧▪️類別：#yinkifoodie_dessert🔺味道：4/5🔹服務：4/5🔸環境：4/5 …查看更多

📍上水 整餅人烘焙 Andy Bakery𓇠 熱香餅豬柳蛋 $18 𓇠 新出品！係最近大熱嘅港版Mc Griddles🤩星期日大約2pm去到，見麵包櫃無以為白行一趟，點知轉頭見到店員捧住一盤出嚟😍未食已經聞到好香牛油同楓糖味🍯由兩件厚熱香餅夾住煎蛋🍳芝士同豬柳。熱香餅煎到金黃色，口感鬆軟🥞豬柳本身有黑椒，帶鹹香，味道鹹鹹甜甜，又唔油膩！呢個配搭好難唔好食😋私心覺得芝士熱溶啲會更吸引同好食🧀每人限購2個，出爐時間：9am/1pm/4:30pm，不設買三送一優惠。〰️總結：認為無論味道、賣相、價錢都係整餅人完勝！▪️類別：#yinkifoodie_bakery🔺味道：4.5/5 (整餅人) 🔹服務：4/5🔸環境：3.5/5…查看更多

📍上水 發記7月29號last day😢呢間係我飯堂之一，性價比超高嘅街坊小店，好唔捨得😭希望後會有期🙏🏻𓇠 常餐：番茄濃湯牛肉螺絲粉配火腿奄列跟牛油方包 $48 𓇠牛肉同螺絲粉嘅份量都超多，食唔曬🙈有勁多番茄粒🍅應該落咗唔少茄膏先咁鮮紅色同濃郁，但酸咗少少🤏🏻仲有少少洋蔥🧅同西芹粒，係酸版羅宋湯😂跟餐有牛油方包同火腿奄列，轉厚多士加$1，建議轉！而且厚/薄同價。多士好軟熟同好香牛油味😋火腿奄列一大片，但煮得太熟，無乜蛋汁🍳 𓇠 常餐：四川擔擔麵配酥炸豬扒跟牛油方包 $48 𓇠一坐低姨姨就會問你要唔要例湯，今次係紅蘿蔔節瓜豬踭湯，無味精，好清甜，我飲曬成碗😋炸醬要自己撈勻，辣度屬於BB辣，食到花生味🥜有芽菜。麵量超多，自問大食嘅我都食唔曬🙈素麵會索曬啲湯，姨姨好好人，問我使唔使要麵湯👍🏻豬扒分開上，已切件，我影咗陣相仲係酥脆，帶少少肥膏🐷𓇠 招牌酸辣魚湯米線餐 $48 𓇠大大碗米線🍜份量足，女仔可能食唔曬😂湯底可以揀麻辣/唔辣，餸就有豬扒/雞翼/牛腩/魚片/肥牛。而每碗米線都有芽菜、豆卜、金菇、雪菜同鮑片。我叫咗BB辣，魚味就唔太食到🐟面頭有啲辣醬食到嘴會發麻🌶️但酸度唔夠。米線同魚片好滑，但要小心魚骨。而炸雞翼就有4件🍗肉質嫩滑，可惜浸喺湯到個皮已經淋咗，介意可以叫另上。𓇠 星洲炒米 $48 𓇠發記其中一樣最受歡迎嘅食物～好多客人都係叫呢樣。炒到金黃色好吸引🤩有少少咖喱辛辣🌶️加咗蔥、洋蔥、芽菜、紅椒、叉燒、蛋、火腿同蝦仁🦐去炒，好惹味😋飲品：奉送熱飲，個人好鍾意飲佢杯奶茶☕️甜度適中，唔落糖都唔會澀，茶味同奶味平衡，口感順滑。PS 要讚佢哋食物不但大份抵食，而且服務好好，姨姨好有耐性落單，係小店獨有嘅人情味👍🏻所以好多熟客幫襯。▪️類別：#yinkifoodie_港式#yinkifoodie_noodles🔺味道：4/5🔹服務：4.5/5🔸環境：2.5/5 （街市熟食中心比較逼）…查看更多

📍觀塘 Ganto新開的一間工廈小店，售賣多種口味手工Gelato，大受歡迎。被一月主題「茶」吸引而去😍一共有6款茶味雪糕，日本有7個抹茶濃度，Ganto都有3個，分別係10%、15%同20%🍵 除咗茶味，仲有其他特別口味（Sake🍶Tiramisu、Crème Brûlée🍮），眼花撩亂的話可以先試味。平日1:30左右去已經有人龍，多數係附近打工仔😂不過都係排咗10分鐘左右。見到無曬抹茶3號同豆腐有啲失望😢但一場嚟到見到雪糕櫃仲有少少抹茶3號，就問有冇得試下🙈老闆好好人，𢳂咗啲比我（即係匙羹上墨綠色個啲）𓇠 Small Double 抹茶2號、玄米茶 $40 𓇠有4個Size，Small Double (130g)份量都唔少👀Gelato質地幼滑細緻，但易溶要快啲食🍨2球深淺綠色雪糕好治癒💚玄米茶味好少見，試咗味就決定揀佢～味道有驚喜！好清香，比較淡味，要食呢個味先。抹茶2號濃度有15%，都好濃厚，滿足到抹茶控，唔會太苦澀，味道比抹茶3號平衡，但無咁回甘。但建議抹茶控直接揀抹茶3號（20%濃度），暫時係香港食過最濃郁！質地濃厚，帶回甘🤤$40有呢個質素真係超值😆PS 開放時間不定，要留意社交平台story。另外有售杯裝雪糕同家庭裝（500g，3種口味）🔺味道：5/5🔹服務：4.5/5 （小店歡迎試食，提供紙巾）🔸環境：3.5/5…查看更多

📍粉嶺 Basic Needs Cafe 兩夫妻開嘅小店，門口有個牌寫住「咖啡入去」，只得10幾個座位，牆上貼滿寵物相片同印有語錄嘅卡，環境舒適。𓇠 茄蓉雜菌煙三文魚意粉 $55 𓇠份量好足，煙三文魚捲成一個花，配菜有番茄蓉🍅翠肉瓜粒、大啡菇同本菇。意粉煮得啱啱好，唔會太軟或硬，掛到汁，仲食到淡淡蒜香味🧄𓇠 黑糖薑味焙茶鮮奶 跟餐$25 𓇠雖然拉花只係普通一個心🤎但味道唔錯，幾重薑味。而且焙茶粉同牛奶blend得好好，飲唔到粉粒，好順滑🥛PS 逢星期三休息🔺味道：4/5🔹服務：3.5/5🔸環境：4/5 …查看更多

📍旺角 Happy Roller呢間喺卷蛋界好出名🤩旺角同觀塘都有分店，旺角店係一間傳統麵包舖—開心餅店，每日都有現貨買(留意@happyrollerhk story)。𓇠 丸久小山園抹茶生乳卷蛋 $148 𓇠好好彩買到最後一條現貨，唔好彩嘅係前面買咗最後一條4色😟隔日先食，一條可切開4-5件，蛋糕體依然鬆軟、綿密濕潤，少氣孔👍🏻抹茶忌廉用上丸久小山園青嵐抹茶粉整成，食落好濃，帶回甘，忌廉都好幼滑。另外用上稀少糖同少油配方整成，食完都無罪惡感。抹茶控好滿意🍵非抹茶控屋企人覺得苦😂〰️總結：性價比幾高！下次要買開心果牛乳🥛焙茶味☕️PS有得加錢要麻糬，附有乾冰同膠袋，可以留電話自取。▪️類別：#yinkifoodie_matcha #yinkifoodie_bakery #yinkifoodie_dessert🔺味道：4.5/5🔹服務：3.5/5🔸環境：3/5 …查看更多

📍尖沙咀 Tea Express Bar by Jdrink呢間茶飲店位於3/F Kiosk，幾年前試過佢嘅抹茶芝士丸丸，一直念念不忘🍵今次試焙茶🤎𓇠 焙茶芝士丸丸 $42 𓇠呢杯比抹茶芝士丸丸更濃！奶蓋充滿鹹香芝士味，焙茶鮮奶入口香濃順滑☕️最底係小丸子，口感煙韌🍡份量依然同幾年前一樣咁多，食唔曬🙈 店舖有匙羹比客人自取，建議大家拎羹食奶蓋同小丸子🥄因為吸管比較難吸到小丸子🫡PS 商場有枱櫈可以坐底飲▪️類別：#yinkifoodie_drink #yinkifoodie_hojicha🔺味道：4.5/5🔹服務：3.5/5🔸環境：3/5 …查看更多

📍上水 珍苑麵家珍苑屹立上水多年，2014年曾經結業，15年重開，結業消息一出，平時多人食嘅珍苑更加大排長龍。星期六1點幾到好多人排，雖然舖頭有2層但堂食位好少，所以要等好耐，由等位到碗麵嚟到差唔多要一個鐘🫠不過落單個陣都講明要等耐少少。𓇠 雞翼水餃麵 $48 𓇠湯底鮮甜，係清清地嘅蔥花同大地魚味。雲吞同雞翼各3隻，幼麵好彈牙！鳳城水餃係招牌！自己包，餡係蝦、荀絲同豬肉，名符其實嘅皮薄餡靚🤩滷水雞翼脹卜卜，有雞鎚、雞翼同雞翼尖，肉質嫩滑，炆到淋曬入味，平時唔鍾意食雞皮嘅我都食曬😋PS 自助斟水，仲有懷舊玻璃樽可樂🥤原本12/3結業，但提早28/2光榮結業，祝老闆一家身體健康，好好休息，享受退休生活❣️▪️類別：#yinkifoodie_港式 #yinkifoodie_noodles 🔺味道：5/5🔹服務：4/5🔸環境：4/5 …查看更多

📍佐敦 Gelato-go想試呢間Gelato好耐，因為好多人話正宗又好食～𓇠 開心果一球（杯裝）$40 𓇠唔使諗直接要開心果味，但食落同我想像的Gelato有好大出入。雪糕好重奶味，而且好快溶，正宗嘅應該係有嚼口，好似香口膠咁？！雪糕有少少開心果碎，但入口奶味比開心果重，同埋偏甜。另外可以加$2要cone🍦PS 可以試食，大家可以試岩口味先買～Btw 大家有冇食過邊間Gelato推介？▪️類別：#yinkifoodie_dessert 🔺味道：2.5/5🔹服務：4/5（外國店員好Nice，任試唔嬲）🔸環境：4/5 …查看更多

📍粉嶺 譚仔三哥三哥粉試新品，MMA米線🤣𓇠 煳椒肉骨湯米線 $47 𓇠湯底聲稱加入肉骨茶，但我覺得同普通煳辣差唔多，最少叫五小辣，但辣度唔夠，似十小辣，最正係陣胡椒味一直留喺喉嚨🌶呢碗米線有好多配料🤩包括4塊切件嘅黑胡椒豬扒，鬆軟入味🥩仲有第一次食嘅爽口白雲耳，同埋脆卜卜嘅油炸鬼，我鍾意浸一浸湯先食。重點係獨子蒜，有驚喜！外表同蔥頭好似🧄煮到淋曬。味道無平時蒜頭咁濃烈同辛辣，口感好似淮山。另外我加咗$8竹笙，超索湯！值得一讚係米線煮得爽滑，岩曬我口味😋Btw依家煳辣湯底無咗榨菜🤔PS 粉嶺中心分店環境寬落，坐得舒服😌▪️類別：#yinkifoodie_noodles #yinkifoodie_港式🔺味道：4/5🔹服務：4/5🔸環境：4/5 …查看更多

📍新蒲崗 Valerie中秋節快樂🎑2/7一開售就上網訂咗Valerie月餅😜𓇠【香港小兔】九件裝月餅禮盒 早鳥價$398 𓇠限量珍藏版禮盒圖案超靚，印有香港夜景，繁華都市，萬家燈火🌃聚居獅子山下的小兔玩燈籠🏮撐起兔頭慶祝佳節🐰有三種口味：流心奶黃、流心伯爵茶、流心宇治抹茶，各三件🥮流心奶黃：濃郁咸蛋黃味，無翻熱都好流心🤩流心伯爵茶：用上斯里蘭卡茶葉，充滿濃郁伯爵茶香同佛手柑清香☕️流心宇治抹茶：以京都宇治抹茶粉製作，鬆化的抺茶外皮包住自家製宇治抺茶內餡，甘醇香濃，帶回甘🍵禮盒附有2個茶包：係香港品牌茶澤 — 桂花烏龍 、 普洱(熟茶)或日月潭紅茶茶包，配月餅食可以消脂去膩👍🏻PS 最後有翻熱方法，下年可回購，試下焙茶味🌝▪️類別：#yinkifoodie_bakery #yinkifoodie_matcha🔺味道：5/5🔹服務：N/A🔸環境：N/A …查看更多

📍 上水 一鳴屋台料理居酒屋feel ，吧枱對住廚房，木系裝修，有兩層🤎食拉麵為主🍜有5種口味，其中一款係神秘湯底。一坐低侍應就主動提供凍檸檬水比客人🍋𓇠 香菜叉燒拉麵 $78 𓇠芫荽愛好者必食！我仲要埋多蔥💚湯底呈青綠色，濃厚但唔會覺得油膩。芫荽醬完美融合咗豬骨湯底，估唔到超夾！比普通豬骨湯底清新🍜配料可揀叉燒/豬軟骨，我揀咗叉燒，有2大塊，半肥瘦，點唐辛醬更惹味😋麵條揀咗太麵同硬身，拉麵掛到湯👍🏻溏心蛋有半隻🥚木耳絲爽口，荀要額外加錢😢𓇠 芒果菠蘿乳酸梳打 $28 𓇠原本想叫青蘋果白桃乳酸🍏但賣曬🙈店員推介呢杯，話好受客人歡迎。飲落酸酸甜甜，如果有果肉就更好🥭🍍如果想再重口味少少，枱面有乾蒜、辣椒粉、辣油、白芝麻、七味粉比客人自己調味🌶PS 聽講呢間嘅小食，例如御好燒、鰻魚玉子燒同炸雞🍗都幾出名，但今次無食到，下次有機會再試！▪️類別：#yinkifoodie_noodles #yinkifoodie_🇯🇵🔺味道：4/5🔹服務：4/5🔸環境：4.5/5 …查看更多

📍上水 佳運餐廳上水街市熟食中心入面有好多間餐廳都好出色，例如之前介紹過嘅林德記。而今次呢間深受街坊歡迎，尤其係學生，最受歡迎係碟頭飯同雲南米線🍜（仲使乜食譚仔個(碎)豬軟骨闊麵）🤭𓇠 紅燒豬軟骨米線 $41 𓇠叫咗酸辣中辣，湯底清得嚟帶麻辣，平時食開三小辣都覺得辣，食完嘴唇發麻🥵米線份量十足，米線爽滑。有三大舊豬軟骨，煮到淋曬好入味😋而本身每碗米線都配有芽菜、花生、韮菜、蔥、芫荽同酸菜。值得一提係佢嘅酸菜好大塊！同其他米線舖唔同。PS 碗米線一嚟到，用原子筆寫嘅落單紙浸咗入湯🖊️如果可以改善呢點就好。▪️類別：#yinkifoodie_noodles🔺味道：5/5🔹服務：4/5🔸環境：3/5 …查看更多

📍沙田 東京淺草炸雞專門店 來自日本神奈川嘅過江龍🇯🇵日賣過萬件炸雞🍗同銀咖哩同一個集團。有多款定食、拉麵、炸雞同小食（炸薯角🍟雞軟骨選擇，最近仲新出咗漢堡扒🥩𓇠 秘製芝麻蒜蓉炸雞丼 $49 𓇠第二次食，今次叫呢個炸雞丼上舖滿大量椰菜同蘿蔔絲，堆成一個小山丘⛰雞塊有六件，比上次脆。芝麻蒜蓉醬好食，重蒜味🧄但唔夠多，要自己後加麻醬，因為椰菜絲同蘿蔔絲都無調味。PS 枱面有樽麻醬，用嚟撈飯/點雞食好好味！〰️總結：呢間雖然係過江龍，但性價比超高！價錢相宜，而且炸雞超脆，仲有唔同醬汁配搭😋▪️類別：#yinkifoodie_🇯🇵🔺味道：3.5/5🔹服務：3.5/5🔸環境：4/5 …查看更多