oliviayung的个人专页

嗰日帶咗個口罩出街， 侍應見到我病就安排一個入啲嘅位俾我坐，話驚我冷親。另一個侍應哥哥， 斟咗杯暖水俾我，然後成六點都俾我叫下午茶餐。 其實真係好窩心。 ❤️❤️可能平時食其他冰室侍應服務太差… 呢間冰室啲侍應簡直係清泉。…查看更多

嚴重圖文不符， 於外賣平台叫一個韓式炒牛肉，點知黎到，個盒好細，份量少，完全唔係menu 嗰張相個食物盒。 細細一杯已經要收人60蚊，其實性價比好低。 十分失望，不會再試了。 …查看更多

食cafe 食得多，發現唔係咁多間嘅食物係真係配得上俾錢消費食。 ( 好多間d 意粉唔夠自己整得咁好食) 但呢間個意粉，係真心，高分。 蟹肉虎蝦蕃茄意粉，聽講係手工意粉， 真係好食。 煙靭度適中，掛汁，每一啖都食到 蟹肉，蝦肉，蕃茄嘅味道 。 比例啱啱好，味道啱啱好，味道有層次感。 避風塘大啡菇，香，而唔咸， 陣菇味係味蕾到停留咗一陣，雖然係炸物，但完全唔係味精味。…查看更多

未見過咁奇怪嘅經理( 著馬甲戴眼鏡有頭髪嗰位） 午市上去食飯，想叫餐牌上嘅餸，個經理又話呢樣嗰樣唔叫得，廚房唔會幫你炒，無時間幫你炒，但又指d 貴嘅小炒俾我地。咁我就好奇一問: 點解呢d 菜有時間炒，嗰d 菜又無時間炒呢？個經理停咗一停，話: 我話係咁就係咁啦！其實想請問一下呢位經理，你係覺得客人真係咁傻，毫無logic , 定係覺得客人俾你兇兩下就過到骨呢？ 希望你可以改善一下呢種服務態度。最後想補充一句，餸菜好好食，其他員工服務態度好好，但與呢位經理無關。 …查看更多

如果唔係咁好食，又咁黃，真係唔會去咁多次。但獲獲新鮮獲獲甘，一向d員工態度已經唔係好，都無所謂，語氣起碼係可接受。今日呢個員工又系又mk，真係壞過凱婷。首先，去到，非繁忙時段，裏面有好幾個吉位，我兩位，未人齊，但我話我會見住野食先，唔會走數，朋友五分鐘內到。呢位壞過凱婷嘅員工話唔得，要我34度企係門口等到身水身汗都唔俾我坐低。唔緊要，可能係有規矩，我黎食野我一定會遵守。外面身水身汗等咗一陣，另一個員工叫我入去，我話我未人齊喎，佢叫我照入，我先知原來係無呢個rule. 想問，呢位mk員工係咪呢度老世？ 仲有，我朋友到咗，入到黎見到我，同呢位mk員工講咗聲有位了，就走入黎，咁你地要量體溫，可以，咁咪叫住我個朋友囉，話先生要量體溫喎，咁咪得。 呢位mk員工話，hello hello hello hello hello ，現場又嘈，你淨係講hello鬼知你想點呀？ 男士要叫人先生，女士要叫人小姐。你點做服務行業？語氣仲要系到好似d客係你債仔咁。 …查看更多

菲力牛扒好嫩，呢個價算好好。 有酒，有炸海鮮，上咗二樓食，有少少外國pub食野嘅假象。如果唔限制用餐時間，會係一個好好嘅放鬆地方。一樓酒煙味有d大，所以坐二樓就好啦。大啡菇凍得濟，唔知係咪冷盤小食呢？…查看更多

完美還原便當，隔夜嗰種🤦🏼‍♀️成個吉列雞扒便當，全部餸都係凍⋯⋯似係係雪櫃拎出黎再翻熱嗰種連白飯咁簡單嘅嘢都整得唔好，又凍又未熟⋯⋯員工hea就吾洗講啦，呢樣野個個都知🙄🙄🙄🙄…查看更多

叫咗個60蚊嘅卡邦尼意粉，貨不對版，忌廉汁黎嘅⋯⋯加咗勁多料都好難食，究竟係點煮先做到咁？😂😂😂某某間意式餐廳大概30蚊都好食過佢⋯⋯講真有d嬲其他野食都係麻麻，得個樣，但真係唔好食⋯⋯猶其是嗰個 粙子蜜糖雞翼⋯⋯好唔夾😣除名！…查看更多

35蚊一大碟真係無呃称，牛角包外皮又夠脆，個set仲有薯角食到你飽。男朋友食得好開心，咁我就開心了🥳 ⋯⋯但炸猶魚圈粉皮較多，餐具吾太衛生，仲有舊餸係上面，睇到我都吾敢用⋯⋯下次黎嘅話要自備餐具或用消毒濕紙巾。…查看更多

個個都話華嫂係必去，但我覺得其實都係普通冰室⋯⋯只係宣傳做得幾好。又多人排隊，排咗一個幾鐘入去，服務係一般般，食物水平又未好到值得我排咁耐，香港地大把其他選擇啦…查看更多