sarahyeung628的个人专页

朋友一直都說想食雞翼放題Openrice睇話介紹呢間雞翼款式好多 種類多近排有$209 包加一報務 用餐時間90分鐘 就約埋去試下$209 包任食雞翼 汽水 啤酒 薯條 沙律 任食 真心好抵一行五人去食 見款式咁多 就每樣都落小小試下第一盤一上到黎 真係好壯觀 舖排到至少40隻一盤我地仲叫左薯條 triple tuffle 呢個真心推介 可以encore幾次其實咁多款味道雞翼同一時間上碟 識識吓個口感就會開始厭倦 久唔久食啲薯條中和下 可以再繼續挑戰另外，我哋仲叫咗個沙律 不過味道麻麻地可以唔叫見到佢仲有得叫雞煲 不過最後我哋都係食唔晒啲雞翼無謂浪費總括而言，$209包咁多嘢食係好抵食嘅…查看更多

一直見佢門外好大塊橫布 Coming soon最後 終於都開了本以為 新屎坑會大排長龍 好多人去 話曬都係電影大制作 電影都好多人睇嘛…點知見佢開張左一排 都係人流唔算多見佢餐牌 野食係偏向便宜的最平一杯飲品$30 一個🍔最平$65小食都係$30-50左右（不太記得價錢）我地叫左一個雞漢堡 一雪魚漢堡 一杯四季春茶有蒟蒻（$35）一杯係藍色飲品 梳打來的仲有一份雞粒其實個味道正正常常 唔會話有特別驚喜本身我係Transformers迷 我對呢間餐廳係好大期待不得不說佢入邊個裝修係真係好靚嘅 令人有置於宇宙船內人均消費$100買個位黎都算抵但係某程度上 我覺得佢食物嘅選擇太少反而我覺得閂左咁大心機，去裝修到咁靚 應該要喺餐單上都要加多啲食物 多元化啲 例如 ：意粉 焗飯 意大利飯 …或者可以做成一個Set的餐 感覺上會高級啲現在的模式做到好似快餐店咁 也冇限定最低消費咁樣就未能做到利潤最大化 如果有機會我都係會再去呢間餐廳嘅 畢竟佢嘅環境係真係好值得去如果願意花多啲心機，喺食物上邊改良 咁就好啦我都好希望呢間主題餐廳可以長做落去 可以俾到市民有特別的感覺 我都好期待將軍澳中心另外一間Transformers餐廳…查看更多

見到app 有7折Book左晚上去食餐廳位置位於大廈高層 環境清靜喺玻璃窗外仲見到馬場地方唔算大 坐得幾舒服我哋二人食一共叫左5樣野食今餐真係肥仔餐 叫咗好多煎炸嘢一入到去入咗，就送咗一份爆谷小食蜆肉生菜包 $88同平時嘅泰式生菜包唔同 肉碎入邊仲有一粒粒細粒嘅蜆肉 最驚喜嘅係肉碎底下仲有炸粉絲墊底不過個人唔係咁鍾意食蜆肉 個口感似食緊蜆肉鯪魚球咁味道但係都值得一試蘭王蛋蠔餅 $78依個蠔餅份量唔算大 但係都夠飽成個蠔餅形狀似pizza 側邊炸到好脆 圓形邊蠔餅面上邊仲有木魚鬆 食落仲有少少似大阪燒嘅感覺 fushion得黎 又幾夾椒鹽普寧豆腐 $68炸豆腐，出名係喺屋企好難做得靚呢度份量有六件 豆腐做到外脆內軟豆腐入口即溶 外面炸皮加左椒鹽7味粉食落好香口 真心推介隨餐仲跟一碗蔥湯 碗湯味道偏鹹 就咁食個豆腐都已經好足夠蠔仔粥 （2人份） $108最低消費要叫二人份量個粥好大碗 隨餐有跟 菜莆 芫茜 蔥個人唔係咁鍾意潮州粥嘅口感 似湯飯多但都特別的炒蜆 意想不到，係咁大碟仲要係蜆肉大大粒 冇沙👍🏿👍🏿係正常潮洲菜水準最後仲叫左兩罐汽水（$15/1罐）叫左咁多野 2個人係食唔哂的最後埋單7折後$360真心算抵食打冷舖都唔止呢個價…查看更多

經flyday網上預約，星期一至四享用，自助晚餐有折扣（好似係七五折定八折）一早在網上全數付款 晚上6:30去到 餐廳內人數不多呢間餐廳主打係食環境食地區 內裏嘅座位不多同時佢可以享用戶外地方 不過當天落雨 戶外地方沒有開放 連原本戶外BBQ的廚師攤位，也搬咗入嚟餐廳內當天入咗會每人送兩隻生蠔， 一份煙燻三文魚，及一份柚子甜品， 跟一杯Haagen draz雪糕😵‍💫海鮮種類不太多 有龍蝦 青口 大蝦 蜆 刺身種類： 三文魚，吞拿魚 希靈魚 劍魚 滿心歡喜，以為可以食到龍蝦🦞 當第一次拎完兩邊之後 再出去望到只係得啲好細隻嘅龍蝦 職員已經冇再Refill刺身種類味道，正常冇咩特別BBQ烤肉 有燒牛肉 羊架 燒味有叉燒 海南雞飯飲品專區有果汁及汽水甚至青島 啤酒都可以任拎。 如果想飲紅酒就要另外加錢最值得encore嘅就係20:15 會有廚師表演煮甜品：士多啤梨羅曼諾夫士多啤梨充滿酒香 加上橙皮 ，上面再配搭奶油整體嚟講佢嘢食嘅選擇係好少 ，環境係好清靜成晚只有10台人客 如果純粹係想relax一下同朋友傾吓計坐下 ， 呢間餐廳就好適合職員十分有禮貌， 收拾碗碟很快 主動同我介紹個甜品士多啤梨羅曼諾夫係點樣煮…查看更多

間舖開咗好多年每次到東大街首選一定唔係呢間因為個人唔鍾意食紫薯 變相每次都只會係經過見唔入去食喺東大街好多餐廳都試過之後 終於扚起心肝試吓呢一間午市套餐較為抵食， 主食連埋餐飲， 凍飲加$4特飲就加$8今次叫咗一個串燒定食紫薯我係完全冇食過沙律菜都算新鮮 好簡單咁樣加咗芝麻醬 冇加沙律醋串燒係有四串： 雞翼 炸豆腐 燒腩肉 雞軟骨肉串雞軟骨肉串味道幾好 燒腩肉多夠惹味雞翼 炸豆腐，正正常常美中不足嘅係串燒冇醬汁 如果唔食紫薯，又係細食嘅人就會夠飽另外叫咗一個鰻魚飯 一上枱見到條鰻魚好大條，淋上滿滿嘅鰻魚燒汁賣相好吸引， 味道都算正常 佢比出邊嘅饅魚算少骨d 側邊會跟埋紅薑俾你 俾你可以隨時refresh 口腔總括而言， 小本經營嘅餐廳 可以一嘗試晚市價錢就少貴 …查看更多

十一月去完東京 也嘗試了 吉列牛係好難做得好食的食物食東京食完後 一直心癢癢有次行銅鑼灣 發現原來香港也開左 就決定再去試多次估唔到係令我好有驚喜的確 香港既牛 冇係東京食咁靚東京食到既價錢也比香港平少少但值得讚既係 佢提供到5款鹽，4款醬汁（咖哩 wasabi 牛扒汁 蒜鹽汁？）其漬物 也有3款可以係你每食一啖之中 可以refresh口感唔會感到味道厭倦而係東京食到係冇咁多花神的我今次叫鰻魚翼板牛，佢個鰻魚係炸得唔錯的 無奈我個人 比較喜歡食蒲燒多過炸 所以食左半舊 口感會開始fatigue 另外 佢有個煎pan比你 可以比你自己再煎返想要既熟成度 呢個東京也沒有提供到的至於甜品 方面 就普普通通帆船入邊係一個棉花糖雪糕 側邊配有開心果碎第二個個樣係幾靚 係底下有炸麻薯似的？ 呢個口感有少少油億味不太好 總括而言，甜品可以唔使叫😂…查看更多

雖然我唔係鍾意睇足球更加唔會識有咩球隊但係一入到嚟呢間餐廳俾我感覺到好特別入邊會有好多球衣 仲會有一個鳥籠嘅位置俾你座我經常係鍾意喺六點前入座因為呢個時段冇咩人 所以大部份時間都可以坐到鳥籠呢個位當時仲會有午市餐牌 我又可以早啲食晚餐呢間餐廳職員好有禮貌 食物質素都很好 連share食既碟都係充滿足球的風味（ 足球/ 守龍門款）呢間餐廳收費唔貴，但係會有餐湯 麵包 主菜 餐飲其實個份量係足夠食已經係光顧好多次 餐廳位置喺樓上 比較寧靜啲 私隱度高啲…查看更多

大時大節周街既餐廳 都會藉住特別日子加價本身仲喺度頭痕緊聖誕節食咩好俾我發現到呢間餐廳到聖誕節都係仲做緊平時個價錢毫不猶豫就打電話留位我哋訂咗6:00 早咗10分鐘上去，已經開始見好多人都排緊隊我哋叫咗個二人餐$508 （吉列豬扒 豬柳 帶子定食）一開始職員會比一碗白芝麻俾我哋自己慢慢中碎佢然後到上菜 全部都好的骰一份份咁樣坦白講，我覺得個豬柳係好食過豬扒 豬柳個口感會嫰滑好多 炸帶子都係比較罕見嘅食物 出邊好少餐廳願意同你炸 但係原來食落嘅口感真係不太好果然帶子都係適合刺身食咁多年來，佢都保持一貫嘅質素 下次有機會想試吓佢個海老…查看更多

一直都想食芽莊行過海港城見到好多間嘢食都唔啱原來呢度有間芽莊，所以就走咗入去傍晚6:00入邊都仲有好多位 可能係啱啱開始晚飯時間我哋叫咗一個河內蕃茄蟹檬（$88）濱海伴燒牛柳（$95）濱海呢個菜式唔係度度都有 牛柳好大份 米粉佢唔會煎到好硬好痴牙 食落幾有口感河內蕃茄蟹檬 蟹肉湯底好香 又唔會好腥嘅海鮮味 蕃茄味夠濃郁 會令到你有意欲想飲晒成個湯食食吓先發現呢度係窗邊係可以見到海港景色如果下次一定會提早訂位先 依間餐廳用嚟慶祝生日紀念日都不錯…查看更多

星期六返半日工放工後同朋友喺觀塘附近行諗唔到食乜嘢見到路邊有間鐵板燒餐廳 比出邊個價錢牌吸引住就走咗入去食 我哋入到去都成2:00職員表示只有1小時用餐時間，因為3:00佢哋要休息 我哋叫咗兩個鐵板餐一個係三文魚扒（$88）另外一個野菌牛肉（$88）包餐湯 三文魚扒煎得夠香 唔腥 野菌牛肉有好多款唔同菇類同朋友一直傾咗好耐計 唔經唔覺已經過咗3:00 我哋都唔好意思，諗住買單走人點知老闆喺雪櫃拎舊蘿蔔糕出嚟 （當時係新春期間） 當時應該係職員嘅落場時間 老闆問我哋想唔想試吓食鐵板燒蘿蔔糕然後就請咗我哋食一舊 呢間餐廳嘅職員都好好，我哋過晒鐘都冇趕我哋走…查看更多

每次過來坪洲都會嚟呢間餐廳因為坪洲既餐廳選擇的確係少難得見到有一間係日式嘅餐廳 有得俾你選擇坐戶外定係室內喺附近行咗一陣 終於見到有日式座位 就即刻入咗去我哋兩個人叫咗一個炸豬扒飯 一個炸雞扒飯包餐湯 包嘢飲 可能本身我唔係咁鍾意味噌嘅味道 豬扒上邊係搽咗味噌醬 味道有少少偏鹹反而炸雞係炸得好香脆茶水係要自己出去斟的 比較自助式另外我哋加錢叫咗兩件芝士蛋糕 一件原味一件焙茶味焙茶芝士味蛋糕味道比較特別 有種咁香嘅味道原味芝士蛋糕就比較襟食d…查看更多

曾經喺觀塘馬會嗰度飲個杯朱古力 心癢癢經過海港城，見到有呢間餐廳 又諗唔到晚餐食咩 就決定食呢間我哋兩個人叫咗兩個餐 可以加配兩件甜品 主菜方面叫咗一個漢堡包 另外一個就係蜆肉意粉鍾意食漢堡包嘅。我對漢堡包。唔會有好大要求 只要牛肉煎得夠香夠多汁 咁就足夠呢間餐廳係有啲特別 以往漢堡包都係配薯條 呢間竟然係配粟米片 另外個蜆肉意粉辣辣地都幾惹味 兩個人食呢個份量係足夠嘅 見到櫥櫃既甜品做得幾靚 我哋就加咗兩件甜品食芝士蛋糕都OK軟綿綿 但係令到我失望嘅就係紫色嘅甜品呢一個過外皮係好硬 完全好似咬緊一塊硬皮咁 懷疑可能係落得太多魚膠粉？只可以用糖衣包裝來形容 外表係好靚，但係食落去唔知食緊咩最期待嘅就係呢個髒髒朱古力 飲晒成杯，你會好有罪惡感總括而言，除咗件紫色甜品唔好食 其他都好好。下次會再光顧…查看更多

每次行商場經過都見到個餐牌好吸引呢間嘅卷物出名做得好特色 今次終於扚起心肝試一試一行四人去到 大約等咗20分鐘位 職員都好好，講明話用餐時間90分鐘 如果冇人等位嘅就坐幾耐都可以我哋入到去叫咗一個牛肉鍋其實個味道就不相伯仲 同出邊食到嘅差不多終於去到最期待嘅卷物我哋叫咗幾個相對特色嘅嘢：火山 煙花 富士山 超級龍捲風 蜘蛛 最後上菜真係有啲失望佢係將幾款全部同一個碟上 有一刻，真係喺度懷疑唔知自己食緊乜嘢其實個味道都還可以 如果佢下次可以將每一款嘅卷物都獨立分開上嘅 呢個會好好多…查看更多

經Gaia app見到佢有個下午茶優惠買一送一（$298）每次經過商場見到呢間餐廳好靚 難得有優惠就入去試下原來呢間餐廳係屬於glass house好好彩嗰一日去到係冇人 幾乎可以講係包場我哋叫咗個下午茶set 前菜係Parma ham多士Tea set入邊有魚子醬pancake 炸魷魚 蝦多士 炸單骨雞翼 炸雞軟骨 四件cake甜品仲有一件小窩夫坐喺呢個環境食嘢係幾舒服，電子螢幕會不停轉換例如有四季嘅變化，威尼斯人河景，中國長城，草原呢個價錢嚟講係真係物超所值嘢食嘅種類係好多，最後係食唔晒啲嘢味道都還不錯唯一唔好嘅就係未必隨時隨地都有職員喺度招呼你不過佢地都好頻繁過黎睇你食野進度 再去上下一道食物 …查看更多

冇去長洲咁耐，見到開咗好多新嘅餐廳路過一條唔顯眼嘅街 見到有一間係食燒飯團燒飯團平時喺屋企係好難整而家見到佢有自選優惠 一場嚟到就試吓我叫左$60餐 有漬物 湯 飲品 主菜 小食 主菜係燒飯團燒得夠香 個湯係海帶湯 美中不足係味道唔夠濃個豆腐餅煮得好入味呢個價錢來講包咁多嘢食真係好抵職員好有禮貌 見佢會好主動出去門口招呼客人場內又係佢自己一腳踢如果係偏細食嘅女仔 仲可以揀$40 當然份量就會少啲 選擇餐嘅自由度偏大 亦有$80餐份量可選…查看更多