yuetyuetli的个人专页

觀塘店嘅裝修非常韓式，仲有韓式嘅小木屋包廂，座位闊落，私隱度非常高。因為呀仔好鍾意食菠蘿，所以我哋叫咗個 #菠蘿豬肋肉拼牛肋條 ，原隻菠蘿上鋪滿美味嘅豬肋肉、牛肋肉，口感清脆，不膩不乾，而且十分入味。 吃完肉後，店員為我們把剩下的菠蘿切片以方便燒，服務周到。#外裙肉 是燒肉愛好者的必選之物，油花分布均勻、大口咬下，肉質柔軟，肉味香濃，想一試再試。#和爸爸享受啤酒造型飯團整個外型可愛的餐盒成功俘虜了呀仔嘅心，內有兩隻大雞髀、兩件紫菜蛋卷、三嚿大飯團🍙，飯團上有芝士🧀火腿，非常美味😋。#辣炒泡菜豬肉內有口感Q彈嘅韓國年糕、結合軟嫩的五花腩，年糕和五花腩都吸收了香泡菜的香辣醬汁，超入味👍 惹味到不得了！甜品方面， 有 #棉花糖朱古力迷你班戟 ，內有士多啤梨粒、藍莓🫐、迷你班戟，班戟口感香滑鬆軟，配上朱古力漿，非常可口。我哋仲叫咗兩杯特飲，士多啤梨果茶、玫瑰奶凍特飲 ，味道清甜，冰凍解渴，非常推薦！小朋友食完就急不及待跑到playhouse玩波波池，呢度有滑梯同各式各樣嘅玩具，絕對係小朋友嘅天堂，小朋友專心玩，家長們專心食✌️。推薦！順便一提，佢哋竟然有小朋友口水肩提供，真的非常貼心！…查看更多

由一歲開始，我哋每年都會訂個好靚嘅卡通立體蛋糕畀呀仔，等佢開心一下😊。今年媽媽想佢過得有意義一啲，決定要 #自己蛋糕自己整 😝。 我哋去咗炑八親子餐廳參加 #炑八烘焙工作坊 🥰，呀仔揀咗佢最愛嘅🌈 #百變彩虹蛋糕 🎂。 今次係我哋第一次一齊整蛋糕，冇諗過呀仔會咁雀躍😍，一着上圍裙，就蛋糕師傅上身😝，流露出滿滿嘅自信😎。由導師姐姐介紹材料、打忌廉、攪拌、篩麵粉，仔仔都非常投入，每一步都好認真聽導師講解。仔仔喺導師嘅指引下，自己親手將蛋白同蛋黃分開，仲成功打出唔跌嘅忌廉✌️。整好餅底後，將佢放入焗爐大概半個鐘，（等待嘅時候可到炑八playhouse玩😝）再加上士多啤梨做裝飾，彩虹蛋糕就大功告成 🫶🏻🥰。呀仔最鍾意喺蛋糕上用忌廉擠花、再用士多啤梨做裝飾，整得好有心機🥰。過程中訓練到呀仔嘅耐性、集中力、手眼協調、小手肌、聽指令，係一個非常好嘅體驗👍🥰。整完蛋糕，呀仔又急不及待跑去playhouse🤪波波池、砌積木實在太吸引🤩。一個價錢又學到野又有得玩，非常化算🥳。到咗晚上，自己切番自己親手整嘅蛋糕，滿足感係最大🥰。工作坊每個月都會換主題，有蛋糕🎂、麵包🥯、甜品等等。真係好吸引，所以我哋決定下次再嚟玩。…查看更多

近住農曆新年，真係好忙，好不容易搵到個空檔，相約最好嘅朋友，嚟西環Chill and Grill聚聚。 我哋已經唔係第一次嚟，就係鍾意呢度嘅環境好闊落，剛入門口已見到一棵金葉樹，佈置得充滿新年氣氛。 見到隔籬枱點咗個 #重量級燒烤拼盤 ，超級豐富，所以我哋都忍唔住叫返個。雖然餐牌寫住二人份量，但係份量足夠四個人食，而且質素好高！入面有：頂級西冷 250克、燒虎蝦兩隻、燒豬扒、燒黃油半雞。 西冷肉質嫩滑，油花分布平均，有彈性，肉味濃郁；虎蝦肉質鬆軟、彈牙，味道清甜： ；不得不提黃油雞，油香肉滑，口感鮮嫩，意想不到的美味！二人餐包咗兩個 #蕃茄忌廉湯， 香濃又滑，冬天飲完熱笠笠，特別滋味。有湯點少得配埋 #蒜蓉包，原來呢度嘅蒜蓉包係整條切片上，外脆內軟，充滿蒜蓉鮮香，一啖脆脆嘅蒜蓉包，一啖熱騰騰嘅忌廉湯，好幸福呀！每次嚟呢度，我哋都要叫 #黑松露薯條 、 #香辣秘製XO醬雞翼 ， 秘製XO醬非常入味，微辣得嚟夠香口，將成隻雞翼嘅鮮味提升。一啖雞翼一啖芒果沙冰，簡直係人生一大樂事！ 最後，我哋仲買咗盒焦糖蝴蝶酥返屋企慢慢嘆，淡淡的焦糖味，鬆化香脆，送禮自用，都好推介！…查看更多

呢間餐廳，喺蘇豪區一帶，喺海旁附近，環境好好，入到去餐廳燈光柔和，座位闊落，坐喺落地玻璃隔離氣氛一流！一坐低就叫咗杯wellcome drink ，Mojito + Long Island Iced Tea識食梗係要配埋生蠔食啦！所以叫咗 #新鮮日本生蠔味道比較清甜，口感順滑，鹹鮮甜美，用嚟送酒，簡直一流！我哋再叫咗個 #烤魷魚配檸檬汁又係一味送酒佳品， 魷魚先甜彈牙，好有嚼勁，配上檸檬汁，非常開胃！另外超級推介呢個 #加泰羅尼亞龍蝦沙律原隻大龍蝦，好size佔滿整隻碟，配上先蔬菜、蕃茄仔賣相一流之餘，口感清新而不膩，餐廳仲好細心幫我哋起咗肉，下次嚟我都會再叫！個龍蝦真係堅好味，我哋忍唔住叫多個龍蝦菜式， #龍蝦燴扁意粉 都好正！龍蝦肉清甜鮮嫩，意粉入口彈牙，配埋個龍蝦汁，非常入味。然後再嚟多個 #烤肉眼扒配忌廉蘑菇汁 ，烤至五成熟，啱啱好，油脂豐富，分佈平均，肉質非常嫩滑，口感軟腍，鮮味十足。當然唔少得 #意式香辣肉腸薄餅 ，薄餅面頭鋪芝士同辣肉腸，估唔到辣肉腸嘅辣油同香濃芝士一齊焗起嚟嘅口味咁惹味！薄餅嘅批底硬脆，鬆脆帶焦香，非常推介！食西餐當然少不了甜品，cheese cake入口鬆軟，綿柔、奶香醇厚。最後幾多杯凍檸茶作結，總括係一個非常愉快嘅用餐經歷，不論環境、服務、食物質素都非常高，非常推介大家去試吓！…查看更多

出面凍冰冰，圍住個爐暖笠笠嘅感覺好爽！當天打邊爐特別正，趁着呢幾日搵到急趕，立即搵間覺得舒服，食物又有油質素地方嘆下！最後我哋揀咗尖沙咀醉金渦，呢度裝修好有心思，有門口上2樓，要經過一層下花牆，仲有啲古董花樽，佈置得高貴有格調。呢度有圓枱、卡位、仲有貴賓房，私隱度極高。貴賓房仲有得唱卡拉OK，所以我已經密謀下一次成班friend🤣玩。我哋二話不說叫咗美國安格斯牛頸脊套餐價，可以揀兩個湯底，我哋揀咗老火湯底、麻辣鍋。老火湯底入邊有：娃娃菜、豆腐。麻辣鍋入邊有：辣椒、大蔥 等。嘢食方面，呢個餐包括：🍶清酒鮑魚配肝醬鮑魚口感爽彈，入口煙韌有咬口、配上肝醬非常入味。🐠黃金炸魚皮香口好味嘅炸魚皮，外層鹹蛋醬黃金色澤、鹹香味鮮，炸魚皮脆卜卜，特別惹味。🐄極品四色手工丸包括：蝦丸，墨魚丸，豬肉丸，牛丸手打特別鬆化，肉味深濃，食過番尋味。🥩美國安格斯牛頸脊（超級推介）肉味濃郁，肉質好有口感，油花相對較少，入口鮮嫩、有彈性。超推介！🦞海鮮拼盤（至愛）餐廳落足本錢，海鮮大大份，有蟹、帶子、生蠔、象拔蚌帶子Size大粒、厚肉；蟹、象拔蚌肉質超級鮮嫩，生好肥美而且鮮味濃郁，令人欲罷不能！不得不提，呢度嘅 #自家現炸響鈴 ，非常特別，鬆化酥脆，最特別原來呢度係點糖食，別有一番滋味。仲有野菌拼盤、同自選火鍋配料兩款，我哋揀咗日本雪場蟹柳、豬潤，同樣非常鮮味，值得推介！…查看更多

最近聽朋友講話源自日本九州佐賀市嘅YAKINIKU KAKURA真係可以食返日本燒牛肉嘅味道！😍就即管嚟香港嘅第一間分店試吓，試咗先至相逢恨晚！嚟到見到呢度嘅裝修非常日式，樓底高、空間感好大，而且通風系統非常好，食完絲毫燒肉味都冇👍🏻👍🏻，單係呢一點已值得一讚！另外，座位坐得好舒服，而且夠寧靜，有足夠私人空間，唔會侷促，令人放鬆。嘢食方面，午餐價錢$118起，性價比超高！我係燒牛控，當然揀咗兩個 #黑毛和牛 餐😏，分別係： 黑毛和牛大判燒盛盒 、 黑毛和牛大判燒US牛板腱肉。Lunch set包埋有白飯、沙律🥗、餐湯、甜品🍮、餐飲。首先要講講👇🏻#大判燒!黑毛和牛西冷#海外店限定店員主動幫我哋燒 #大判燒! #黑毛和牛西冷 ，服務殷勤周到，只見店員放上爐面，每邊爐幾秒就完成，因為我哋叫咗3塊 ，所以店員幫我哋試唔同嘅熟度，夠晒周到！黑毛和牛西冷上枱大大塊，粉紅色肉質，霜降雪白分布平均，食入口有棉花糖嘅綿軟感覺，肉質細緻雪嫩，真係入口即溶！沾上溫泉蛋一齊食，幼嫩感覺昇華，蛋黃香加上肉香，簡直絕配，此時此刻令人覺得自己身在九洲😌！#黑毛和牛大判燒US牛板腱肉牛板腱肉肉質軟嫩、緊實，有嚼勁，而且細嫩多汁，富含油花，烤後特別香😍！甜品方面，係杏仁豆腐、呍呢嗱味雪米糍嫩滑嘅杏仁豆腐，綿密細緻，有入口即溶嘅感覺，仲有濃濃嘅杏仁味！再加埋粒雪米糍，大滿足！呢個價錢有呢一個享受，無論環境、服務、食物質素方面都超晒班！下次一定再幫襯！…查看更多

前幾日邊爐癮起，去咗吉仔食全新北海道帆立貝鍋，呢度新裝修，環境唔錯，位置好闊落，坐得好舒服，最啱用嚟打邊爐！嘩！大大粒北海道直送嘅帆立貝，肉質有彈性、鮮甜肉厚、而且夠晒嫩滑！仲有優質穀飼肥牛😍，穀飼肥牛經特別切片，完全唔會韌。食完停唔到口！再加埋極尚鮮味配料，好似芝士竹輪同蟹棒，超級滿足呢～邊食邊飲啖冰凍汽水，好爽！而且堂食都係$49起咋！抵到爆！兩款招牌湯底、極尚鮮味火鍋盛盒！冬天食完暖笠笠，正呀！…查看更多

放工班識飲識食嘅fd帶咗我嚟TST Oasis Bar & Grill有佢哋喺度，食呢一方面我根本唔洗傷腦筋，我哋叫以下幾道菜，經典水牛城雞翼大size雞翼，配上橙黃色牆汁，賣樣超吸引，皮香肉嫩，加上微辣嘅嫩滑口感。墨西哥芝士粟米片粟米片非常香脆，上層嘅香濃芝士，絕對係一款令人停唔到口嘅小食！而且仲配埋牛油果醬、酸忌廉醬、番茄莎莎醬，同一個菜式，食到三種滋味！炭烤頂級穀飼肉眼上枱見到肉眼扒嘅格格紋已令人心心眼，煮至五成熟切開粉紅鮮紋，油花豐富，入口軟腍，口感肥美嫩滑。炭烤澳洲M5和牛肩肉香濃嘅炭燒味，令人咪入口已垂涎三尺，上枱已切好一片片，肉質粉紅透嫩，口感結實，味道豐富，配埋忌廉焗薯、野菌蔬菜簡直係Perfect match！冬陰功海鮮扁意粉冬陰功係我嘅至愛，估唔到呢碟意粉落足海鮮料，大大粒帶子、鮮蝦、青口等等。肉質鮮嫩彈牙，冬陰功味濃，一定要叫嚟試吓！…查看更多

聖誕就到啦，正所謂未嚟到先興奮，約埋好姐妹plan吓有咩節目，嚟到土瓜灣嘅 CIN CIN ，呢度樓底好高，座位寬敞，而且全落地玻璃，環境開陽，室內座位超有情調；室外座位夠晒chill，坐喺度好舒服、好relax。食物無論係賣相、味道都好有水準，覺得自己係食緊一件高質嘅藝術品🥰！食物方面，我哋食咗個聖誕限定set呀～頭盤 #北海道刺身帶子配柚子珍珠上枱已經覺得好吸睛，上層係柚子，酸酸甜甜，非常開胃。下層係晶瑩剔透嘅帶子刺身，肉質細嫩清甜，入口超軟滑，有種唔捨得將佢吞入口嘅感覺🥰。仲有個 #意式鮮活龍蝦什菜千層伴鮮海膽，鮮活龍蝦肉質細膩鮮甜，頂頭仲有鮮海膽，入口濃郁、軟滑，非常鮮味。到我好鍾意嘅 #法國魚子醬椰菜花濃湯 ，用雲石杯盛載，面頭有幾粒魚子醬，好有風格。而且傳來陣陣魚子醬香味，入口creamy、香滑圓潤，冬天飲暖意在心頭🥰。我哋仲食咗三個主菜：#香草開心果焗澳洲羊柳羊柳上鋪滿開心果碎，煮至五成熟，肉質超嫰滑！！而且完全唔羶，開心果碎嘅外層為軟嫩嘅肉質加添左口感。再沾點迷迭香燒汁令成件事更昇華，旁邊配埋波菜苗、小甘荀、青豆蓉，Perfect ！ 超推介！#法國白鱈魚柳配日式味噌伴烤大蔥，賣相一流，非常精緻，香鱈魚外皮烤至薄脆，肉質細膩、實而有彈性，非常香滑，而且油份適中。配菜有機露荀，令口腔煥然一新。#澳洲M5 和牛西冷配紅酒汁伴芥末薯蓉，煮至五成熟，切落去肉質軟身、纖維厚、鮮嫩之餘有咬口，肉味濃郁，肉汁豐富。底層嘅芥末薯蓉加入咗芝士，更加香濃嫩滑。真係欲罷不能！ 女士相聚，點會少得甜品，#傳統法式蘋果批伴意大利雲呢拿雪糕賣相真係成幅畫咁🥰，底層係法式蘋果批，入口仍然暖，酸酸甜甜，配上上層嘅雲呢拿雪糕，一凍一暖，當酸酸甜甜嘅蘋果批踫上清新嘅雲呢拿，口感煥然一新，滋味甚是。Cin Cin @cincinbistro土瓜灣新山道32號地下A號舖聖誕限定供應：12月24及25號18:00-20:00 及20:30-22:3018:00-20:00時段仲有85折優惠可以優先訂座！唔怕去到冇哂位電話：28869010…查看更多

呢幾日feel到秋涼，秋天最好梗係打個邊爐啦！一講起打邊爐，就諗起《牛大人台灣火鍋吃到飽》決定續間分店試渾佢，今次去左尖沙咀店，同樣係掃QR code點食物，方便快捷！湯底方面，個個都話 #台灣鳳梨雞鍋 好食，我今次都唔執輸！嚟呢間食個 #極上和牛套餐（$308) 就唔小得 。#澳洲和牛M5牛肩卷呢個非叫不可，我鍾意佢脂肪少，味道濃郁。#安格斯一口牛肉粒有入口即溶嘅感覺，肉質軟腍，口感鮮嫩。#封門柳肉 鮮美滑嫩、牛味濃、仲好juicy！#美國PRIME極級肩里肌油花分布均勻，紮實嫩滑，口感嫩度適中，比較Q彈。#牛媽祕制滷水 口感彈牙，非常入味。除咗喺app入面揀食物，醬料區仲有唔同嘅配料，任君任揀！飲品區亦係精粹所在，必飲自家製嘅冷泡茶， #桂花烏龍、 #菊花普洱、 #白桃烏龍 ⋯⋯ 等台式紙包/罐裝飲，正呀！我哋仲叫咗杯釀製手工啤 “流水落花”，邊食邊嘆，好chill 呀！ 甜品方面有 #台式甜品仙草凍 、 #Movenpick 雪糕揀，填飽埋個甜品胃，大滿足！識嘆識食嘅你，一定要去試下😌📍牛大人 Master Beef地址：尖沙咀加拿分道20號加拿芬廣場2樓呢幾日feel到秋涼，秋天最好梗係打個邊爐啦！一講起打邊爐，就諗起👇🏻👇🏻《牛大人台灣火鍋吃到飽》決定續間分店試渾佢，今次去左尖沙咀店，同樣係掃QR code點食物，方便快捷！湯底方面，個個都話 #台灣鳳梨雞鍋 好食，我今次都唔執輸！嚟呢間食個 #極上和牛套餐（$308) 就唔小得 。#澳洲和牛M5牛肩卷呢個非叫不可，我鍾意佢脂肪少，味道濃郁。#安格斯一口牛肉粒有入口即溶嘅感覺，肉質軟腍，口感鮮嫩。#封門柳肉 鮮美滑嫩、牛味濃、仲好juicy！#美國PRIME極級肩里肌油花分布均勻，紮實嫩滑，口感嫩度適中，比較Q彈。#牛媽祕制滷水 口感彈牙，非常入味。除咗喺app入面揀食物，醬料區仲有唔同嘅配料，任君任揀！飲品區亦係精粹所在，必飲自家製嘅冷泡茶， #桂花烏龍、 #菊花普洱、 #白桃烏龍 ⋯⋯ 等台式紙包/罐裝飲，正呀！我哋仲叫咗杯釀製手工啤 “流水落花”，邊食邊嘆，好chill 呀！ 甜品方面有 #台式甜品仙草凍 、 #Movenpick 雪糕揀，填飽埋個甜品胃，大滿足！…查看更多

前排難得二人世界，搵個地方食吓好嘢！我哋去咗呢排勁受歡迎嘅《牛大人台灣火鍋吃到飽》好難得先book到位㗎，我哋當晚去到已經全場滿座，好多Walk in客食唔到！所以大家記得早啲book 位！呢度點食物掃QR code就搞掂，方便快捷！講返啲嘢食先，佢啲湯底全部好吸引，喺選擇困難症之下我哋揀咗 #藥膳牛蒡鍋，湯底充滿芫茜，對於我哋呢個 #芫荽控 嚟講正啊！難得嚟到，梗係揀極上和牛套餐（$308) ，好牛嘅你必選！ #澳洲和牛M5牛肩卷 #安格斯牛小排 #手切封門柳 M5和牛牛肩卷薄口感軟熟，脂肪量較少，味道較濃郁；安格斯牛小排肉質鮮美滑嫩、油花分布均勻；封門柳肉油花較少、而且牛味濃、好juicy！呢三樣真係不得了，我哋不停encore encore再encore ！足以回本！跟餐每人送兩粒  #澳洲M9和牛牛丸 ，睇落冇咩特別，但原來食落口真係零舍唔同！爽口彈牙，咬落去超Juice，而且牛味濃，好想再食！#糖醋甜不辣 外層有少少脆口，內裏係魚肉，酸酸甜甜，開胃有好味！ #瓜仔雞水餃 🥟 入面有青瓜、豬肉做餡了，口感爽脆！正呀！Btw, 千祈唔好忘記醬料區都有唔同嘅配料（丸、蔬菜……)任揀！ 飲品區真係令我瘋狂，佢哋嘅自家製嘅冷泡茶：#桂花烏龍、 #菊花普洱、 #白桃烏龍 ⋯⋯全部都係我嘅飛佛！另外我哋仲叫咗兩杯釀製手工啤 “流水落花”啤啤佢啊！仲有其他台式紙包/罐裝飲品用君選擇。PS:要讚下佢哋嘅安排，因為每次嚟到嘅食物都係細細份，跟人頭上，一定食得晒！啱晒女士們，一定唔會浪費食物！讚讚讚！PPS: 建議大家甜品一定要揀  #台式甜品仙草凍，超級足料！忽然覺得自己好似返咗去台灣！真係好正啊！牛大人 Master Beef地址：觀塘鱷魚恤中心5樓全層…查看更多

好耐冇同朋友出街食飯，趁有機會，相約幾位好姊妹嚟到荔枝角站#d2place The Salted Pig 嘆番餐！呢度佈置得好有格調，環境時尚、有特色，座位寬敞，係聚會嘅好地點。首先我哋叫咗個 #招牌燒雞胸沙律呢個係沙律控必叫菜式，入面有：燒雞胸肉、烚蛋、煙肉粒、粟米、青瓜、菲達芝士；雞胸肉嫩滑味美，口感彈牙，沙律菜多重口感，新鮮味美。招牌菜 #豬肋骨脆粒·波本酒楓糖醬 當然唔少得，豬肋骨外層薄脆，內層鬆軟，配埋楓糖漿簡直一流！係必叫之選！同行友人係安格斯粉，立即叫#安格斯牛肉芝士漢堡配薯條上枱見到厚厚嘅漢堡，已經流晒口水，一啖咬落去，有齊安格斯、煙肉、芝士、蕃茄、蔬菜……多重口感！一啖漢堡，一啖薯條，再一啖凍飲，人生一大樂事！不得不提 #墨西哥芝士新豬肉薄脆呢個份量超足料了，有種食極都食唔完嘅感覺！薄脆上面有新豬肉、番茄沙沙、牛油果醬、橄欖、純素車打芝士，一啖有齊薄脆、爽口、軟滑香濃嘅牛油果🥑，芝士嘅鹹香味，令人食唔停口！最後仲忍唔住口叫個非常邪惡嘅瘋狂！香蕉雪糕新地香濃嘅忌廉配上軟滑嘅朱古力雪糕，香蕉味濃郁，仲要勁大杯，真係超正！a21q…查看更多

自從疫情開始，就好少出街，趁住有啲緩和，相約好友去堅尼地城嘅 @chillandgrill 聚聚。 餐廳門口設有有蓋茶座，門外已感受到假日氣氛。餐廳內座位寬敞，裝潢盡顯心思，最愛歐洲皇宮後花園中嘅大鞦韆，指定打卡位！食物方面，叫咗以下款式：木燻挪威三文魚最初係被餐廳內嘅煙燻味所吸引，一問之下原來係木燻挪威三文魚！煙燻後仍能保持油潤口感， 肉質柔嫩，絕對係色香味俱全！ 海神海鮮籃名字非常特別，原來籃入面嘅海鮮係由天婦羅方式炸，有魷魚、生蠔、三文魚、蝦同係日新鮮選。返枱仲係熱騰騰。外薄脆內鬆化，炸粉原來加咗紫菜碎，滋味甚是！ 美國封門柳係牛橫隔膜肌肉，每隻牛得一條。肉味比較重，入口軟腍，口感細緻，令口腔充滿牛香。西班牙海鮮炒米粒麵聽聞呢個係招牌菜，西班牙海鮮飯就食得多，米形意粉真係第一次食！估唔到口感比西班牙傳統海鮮飯嫩滑，入口比較濕潤，冇西班牙個飯咁乾身。海鮮方面，有大蝦、青口、魷魚等等，非常新鮮，口感一流！配搭朱古力曲奇奶昔、芒果鮮果沙冰，簡直係完美嘅選擇！…查看更多

天氣轉涼，又想食烤魚​，今次嚟到尖沙咀嘅《烏蠅館》，呢度裝修簡單時尚，坐得又舒服。叫咗一個《泡椒烤多寶魚》，熱辣辣嘅多寶烤魚上到枱上，大量蔥花放在魚上，加埋雲耳、窩荀等材料，真係呢個賣相都刺激左我嘅味蕾，可能我個人比較鍾意食蔥。先講條魚，份量都幾大，足夠兩個人食，魚肉入口夠亂，少少辣，夠醒胃。叫埋《日本黑豚肉》黎加料，豬肉夠嫩，用烤魚湯底嚟食，基本上都可以唔使用醬料嚟點綴，入口都好juicy。唔夠飽，叫多個《四川寬粉》，試吓新口味，寬粉入口煙韌，吸了湯底的味道，十分滋味。…查看更多

個個都知我係飲茶控又係B Duck迷，所以帶老公去左呢間以B duck做主題既茶樓，呢度真係我杯茶。一入門口就見到古色古香嘅中式茶樓裝修​，再加上B duck做主題，真係非常之吸睛，用咗好多時間嚟影相打卡，未食先興奮。叫咗個《必食二人餐》，真係好有噱頭，大大碗嘅龍蝦車仔麵，有半隻波士頓隻龍蝦，夠大又夠肉，我真係冇食過龍蝦車仔麵，當然仲有其他配料加埋先叫做一碗稱職嘅車仔麵，例如生菜，豬皮，滷蛋。我老公個碗就係《招牌車仔麵》，豬皮、魷魚、雞中翼、魚蛋、蘿蔔、雞翼尖、豬大腸再加埋滷水蛋，非常之豐富，岩哂大食之人。《蝦餃》一上枱，就十分之吸晴，賣相又可愛，入口蝦味重，蝦餃皮十分煙韌。《沙嗲金錢肚》係我老公最愛，沙嗲味濃，牛肚夠爽夠煙韌。最後黎一杯凍檸茶​，估唔到中式茶樓都有凍檸茶叫，真係十分之驚喜。…查看更多