kkaily.foodie的个人专页

中環商業區搵到間西餐廳，9成都係couple😆 入到去燈光柔和、播住lofi音樂，氣氛浪漫又不失格調，難怪咁多人揀嚟約會！我哋嗌咗限時$699六道菜晚市二人套餐1️⃣ 🥩 澳洲M8和牛他他軟滑嘅和牛他他，下面配咗3塊脆口麵包，每啖都好溝足！2️⃣ 🍄 野菌忌廉湯香氣十足，bland到好均勻，暖胃又舒服。3️⃣ 🍝 低溫慢煮雞胸扁意麵配冬陰功醬汁冬陰功意粉係my fav，呢度應該係10少辣程度，而且配咗雞胸，食落感覺健康啲～ 4️⃣ 🦆 紅館姜母鴨 & 法式香草焗蝸牛配薯茸姜母鴨肉質好冧，點埋個汁，甜甜嘅橙味令我哋食到尾都唔怕膩。至於焗蝸牛就要配埋作個薯茸食，食落口感加分！5️⃣ 🍰 芒果拿破崙 & 鮮果芝士撻甜品都唔失禮，拿破崙酥皮香脆，夾住酸甜芒果同忌廉；芝士撻有藍莓同青提，食落酸甜平衡～6️⃣🍹 水果茶香氣清新，淡淡嘅水果味，唔怕太濃瞓唔着😂📍紅館 (中環)中環干諾道中50號地下B號舖…查看更多

今次嚟到銅鑼灣鳥熟成，主打熟成肉類串燒，除咗雞豬牛，仲有羊、鴿等～ 限時優惠每枱仲送2隻鴿全翼，以下精選咗5款個人推介😋🐖 本地活豬玻璃肉 $32最驚喜係呢款，玻璃肉係豬頸肉嘅一部分，相對比較稀有嘅一個部位，食落肉質爽口又有油香，燒得啱啱好，真係食完會諗住再encore！💯🍗 三黃雞腿肉（4件）$68小腿+大腿各兩件，大腿仲配埋紫蘇葉，香氣爆棚！雞肉嫩滑，紫蘇葉令味道更有層次，食落唔膩，好有記憶點👍🏻推介！🍆 明太子翠肉瓜 $18上枱熱辣辣，翠肉瓜爽口多汁，明太子鹹香濃郁，無諗過原來可以噉樣夾埋食。👅 特上厚切牛舌芯 $68厚身又爽口，燒得啱啱好，雖然貴啲，但肉質食得出真係值！🥩 慢煮特選和牛三角肉 $88牛味濃郁，油香四溢，我覺得唔點芥末都已經好好食～ 如果怕肥就可以試佢個封門柳，會無咁肥，肉質較有咬口。🍸 萬歲樂 加賀梅酒 $55梅酒香甜濃郁，加咗冰都飲到好濃酒味，飲完仲有淡淡梅香留喺口腔，配串燒食好舒服～其他：熟成黑安格斯封門柳 $68日本產鰻白燒 $48新鮮鳳梨 $18荔枝豚肉卷 $28紐西蘭羊架 $58青森縣產 蘋果汁 $35三黃雞腿跟腱 $32最後想讚吓餐廳除咗提供濕紙巾，仲有牙線，幾貼心💖📍鳥熟成 (銅鑼灣)銅鑼灣軒尼詩道525號澳門逸園中心10樓…查看更多

呢間入到嚟發現唔止係餐廳，仲有應援活動、live music party，同埋戶外270°嘅啟德靚景🌃！🍗 雞脾肉（2串） $40雞肉好滑，肉汁鎖得實，加少少鹽就夠，送酒一流。🦀 明太子鱈場蟹肉忌廉烏冬 $128忌廉汁加少少明太子，鹹香十足，蟹肉份量唔吝嗇，烏冬掛汁力強，食落creamy。🍕 活着pizza大板燒薄餅 $158pizza 邊位燒得香脆，抵讚👍🏻 餡料足料，熱辣辣上枱幾正。上面落嘅木魚碎同燒汁，令朋友話食落有章魚小丸子嘅感覺。🍊 甘夏蜜柑柚子黑椒拿破崙配柚子雪葩 $88甜品幾有驚喜，拿破崙層次鬆脆，柑同柚子酸酸甜甜，再配埋雪葩超清爽。🍹 特調飲品Joypolis Sports ($88)入面有菠蘿、百香果、柚子，酸酸甜甜，好 refreshing嘅mocktail！🥃 Hungry Tiger Hidden Dragon ($118)：因為落咗Vodka、Gin、Tequila、Rum 同 Cointreau，酒感強勁，但加咗檸檬同熱情果Balance返個甜味，所以唔怕好易醉。餐廳室內好有party feel，戶外又夠晒chill，咁啱呢日撞正SEVENTEEN 演唱會後party，周圍都係應援物，隔離枱又有人慶祝生日，餐廳啲員工一齊唱生日歌🎂，感受到氣氛好好。如果一大班朋友約埋玩完Joypolis再上嚟食嘢，簡直係一站式吃喝玩樂嘅體驗。就算唔玩Jopolis，都可以直接搭𨋢上嚟餐廳食嘢／參加不定期舉辦嘅活動！下次搞party諗活動場地就唔使咁辛苦啦🔖😌📍 餓虎藏龍 (九龍城)九龍城啟德承啟道38-39號啟德體育園運動健康中心4樓…查看更多

今次揀咗間西班牙菜，因為心思思想食paella同飲Sangria😍🐟 盲鰽魚海鮮西班牙飯 $158大推！魚肉超滑無骨，係我理想中食到嘅魚質，再配埋蝦、蜆等其他海鮮！飯粒吸晒海鮮精華，味道鮮甜，一啖接一啖。唔好俾佢隻細碟細呃到，滿滿一碟食落份量好足😋🥩 烤西班牙豬鞍扒配日式薯蛋沙律 $188豬鞍扒肉質厚實但唔乾柴，帶少少肉汁香。旁邊除咗有薯蛋沙律，仲有煮熟嘅蘋果粒，配埋一齊幾refresh。🥣 餐湯：海鮮松露忌廉湯忌廉湯香滑，入面仲有三大隻青口，落料無手軟。🥗 沙律：青提子沙律清爽開胃，青提子好甜，再加埋沙律菜醋加醋，做前菜幾啱。🍹 升級飲品Sparkling Sangria（+$88）西班牙鮮果特飲（+$15）一杯係帶氣泡版嘅水果酒，而另一杯係mocktail，就算晏晝想唔飲酒都可以享受 sangria 嘅果香，飲落比較甜啲～ 佢仲有其他款嘅mocktails，有杯紅石榴嘅好吸引，下次想試埋！🍩 是日甜品：Churros（+$28）即炸外脆內軟，perfect ending！見到隔離2枱都嗌apple crumble，好似都好吸引，搞到我明明食飽晒都未夠喉噉，唯有留返下次試啦！😛📍 Still (紅磡)紅磡馬頭圍道63號啟岸1樓06號舖…查看更多

有晚放工後陪同事去咗呢一間GD嘅應援Cafe，成間餐廳周圍都充滿着 GD 應援嘅打卡位📸。同事影得好開心，食完應援menu仲可以影相喺社交平台打卡，免費拎埋個應援包！而我最期待嘅係佢個waffle ，點知雞翼同意粉都有驚喜😆🍗 秘製醬汁香脆雞翼（6隻） $118雞翼好大隻，外層掛滿秘製醬汁，酸酸甜甜，我同事話外皮好食。🍝 煙鴨胸蕃茄忌廉扁意粉 $128我哋本身無乜期望，純粹好肚餓所以揀咗個意粉，點知一上枱就聞到好香，尤其係個煙鴨胸。而且醬汁creamy，意粉又掛到個汁，睇得出唔係啲hea cafe，拍得住西餐嘅級數！🧇 火龍果窩夫配自選雪糕 $118一上堂藍紅顏色有啲震撼，窩夫外脆內軟，雪糕可以揀雲呢拿或者朱古力，配埋一齊食好滿足🫶🏻🌱 餐廳強調自家製、無添加，環境舒適，有打卡 vibe，仲生酮食物仲可以外賣，經同事推介試完，覺得可以save低之後嚟中環lunch嘅選擇。📍 Green Waffle Diner (中環)中環擺花街43號地舖…查看更多

呢間主打0味精湯麵嘅中環小店，位置唔多，但係誠意十足，湯底濃郁唔怕死鹹，而且配料唔手軟！係我同朋友都好滿意嘅一餐👍🏻🐟六游三鮮魚湯上海麵湯底濃郁帶點海鮮味，材料好足，有雞胸、蝦、蟹肉碎同埋墨魚等，而且麵條吸晒湯汁，啖啖鮮味。好彩佢哋自家熬嘅濃湯，又無味精，所以放心飲多兩啖都唔怕鹹到要飲水。🐔六游雞湯上海麵呢碗配料雖然無咁多，但係朋友讚佢嘅雞湯底都好正，唔似魚湯咁濃郁，啱晒佢呢啲想食得清啲嘅！🥢 莎莎豆腐望落去普通，但係調味出色，用蕃茄、洋蔥配上滑豆腐，食落好fresh，熱辣辣食佢超正！📍 六游 (中環)中環蘇豪嘉咸街45A號1樓…查看更多

最近喺尖沙咀搵到間大方得體嘅中菜，呢間海港城嘅「八十里」主打高級川滬菜，裝修典雅，坐得舒服，仲有多角度維港海景😍，想同屋企人食好啲／約咗重要人都係個好選擇！👍🏻下次我會考慮再嚟呢間同屋企人食飯，推介！✨ 點心前菜拼盤成餐飯最難忘嘅一道💖一共有三款，龍眼蜜黑毛豬叉燒、陳醋一口海蜇花、宇治蘿蔔絲酥餅。叉燒入口已經食到蜜糖味，海蜇爽得嚟醋味啱啱好，而蘿蔔酥外皮又輕又酥脆！🥣 湯羹今次揀咗兩款湯，食得辣可以揀酸辣湯，但我個人就鍾意雪燕冬瓜湯，湯水清甜，尤其夏天飲落好舒服。🍗 主菜松花口水雞嘅雞肉滑嫩，辣味香濃但唔過火；至於安格斯牛肉粒麻婆豆腐，麻味相對比較重，好啱鍾意食辣嘅人士。🍜 鮑魚開洋蔥油拌麵鮑魚比想像中大隻，而且好彈牙，蔥油味好香，麵條超吸汁！🍮 甜品酒釀小湯圓有淡淡酒香，湯圓細粒煙韌，唔怕太膩；至於養生棗皇糕，甜度適中，口感軟糯，食完一粒仲想再食😝。📍 八十里 (尖沙咀)尖沙咀廣東道3-27號海港城海運大廈2樓OTE201號舖…查看更多

喺長沙灣搵到間個名無「食字」嘅泰國菜，聽講係附近街坊嘅飯堂之一，我哋喺餐廳都見到唔少街坊會嚟買外賣加料，但位置唔算多，所以食飯時間建議大家最好早少少嚟～🥢 泰式豬頸肉炒飯 $85豬頸肉配辣汁呢個好食應該不言自明，呢度炒飯粒粒分明，唔會太乾或太油，成碟清晒無難度😌🍜 泰式濕炒河 $78蔬菜同埋海鮮都好足料，而且河粉唔會太油，醬汁收得剛好。🦑 泰式烤魷魚 $149魷魚好大份，每件入口都好滿足，記得配埋酸酸辣辣嘅醬汁。🥗 泰式柚子沙律 $79清爽開胃，柚子酸酸甜甜，而且好多隻蝦，頭盤嚟講都幾足料。🥭 芒果沙冰 $48超大杯！芒果味好濃郁，好似食緊芒果咁甜，質感幼滑，炎熱天氣飲一杯即刻降溫。🥤 凍龍眼冰 $35龍眼肉大粒飽滿，refreshing之選，冰涼透心，餐後飲落好爽口。📍 美味的泰國菜 (長沙灣)長沙灣元州街162號地舖…查看更多

呢間韓國菜餐廳坐落喺 Sugar+ 高層，環境幾有格調，窗邊位仲望到海景，menu 走韓國傳統+fine dine嘅路線。今次lunch menu試咗以下幾款：🦪 海鮮脆餅🥟 小口釜山鮑魚湯餃子🦑 烏賊伴麵每款都好精緻，我自己就比較鍾意伴麵，麵條彈牙，帶少少辣香，食落幾開胃。🥣 Deul Kkae - Juk呢個係成個餐個人最鍾意嘅一項，佢係用韓牛、蜆肉同自家米煮咗 15 個鐘以上嘅粥，煲到好綿滑黏稠，好有韓國傳統味道，食完好掛住釜山…🐖 30+小時慢煮濟州黑毛豬五花🍗 蔘雞手打免治肉漢堡卷五花肉脂香味重，但食落唔覺肥膩；漢堡卷有微微藥材香，味道幾特別。🍚 釜山自家農田珍珠米飯🥗 時令特色釜山伴菜🥣 海帶湯上枱前已經聞到米香，軟硬適中，可以按個人喜好再加唔同嘅配菜。海帶湯亦都唔錯，繼上一道肉之後有解膩作用。🥞 糯米年糕窩夫餅配栗子奶油將糯米壓至窩夫形狀，幾有趣，隔離嘅cream cheese鹹鹹地，口感同味道好新奇！📍 OOULI (銅鑼灣)銅鑼灣糖街25-31號 Sugar+ 23樓…查看更多

今次試咗中環呢間泰國菜，座位之間都幾闊落，幾適合朋友聚會或者收工食嘢chill吓，菜式選擇都幾多，淨係主菜都十幾款！今次嗌咗炭燒雞串沙爹、蟹肉炒飯等，其中個人最鍾意以下：🥗 炭燒封門柳沙律配米粉跟特色醬汁封門柳燒得幾香，肉質唔會太腍，但有咬口。底下嘅米粉吸晒酸辣汁，可以按個人選擇落多或者少，味道清爽又解膩。女仔應該會幾鍾意💕🐟 炸原條紅鯛魚配青芒果絲沙拉個人覺得泰國嘅烤魚好好食，尤其係啲香料味，見到呢度有炸鯛魚就即刻嗌咗！一上枱好搶眼，成條紅鯛魚炸到金黃香脆，魚肉嫩滑，配埋酸酸地嘅醬汁同埋青芒果絲沙拉，食落唔會覺得油膩。如果同我一樣鍾意食泰式魚嘅，推介！🍨 泰式街頭椰子雪糕好有泰國街頭 feel，椰子味天然清香，甜度適中。加埋粟米粒、椰子肉同花生，口感豐富，食落唔 heavy，趁夏天梗係要嗌多啲雪糕做飯後甜品😌。🍸飲品 呢度cocktail 嘅酒味唔算好濃，mocktail都好refreshing，weekend/收工嚟飲吓都幾唔錯👍🏻📍 BKK (中環)中環鴨巴甸街35號PMQ元創方A座Staunton地下SG09-SG14號舖…查看更多

呢間荃灣小店外觀低調，但入到去就好似穿越到日本昭和年代，木色裝修加上昏黃燈光，帶少少懷舊味。坐位唔多，最好嚟之前記得book位。🍛 明太子奶醬蛋包飯 $120賣相好吸引，蛋皮好薄，切開時入面嘅蛋依然好嫩滑。炒飯粒粒分明，略帶蕃茄香，配上淡淡嘅明太子奶醬，感覺唔會太膩。🍲 奶油味噌野菜燉雞腿肉 $84雖然係燉雞腿肉，但唔怕嚡，而且仲有唔同蔬菜，有紅蘿蔔、西蘭花等，仲吸晒奶油味噌，食落都唔怕太邪惡。🥤 日本蜜瓜梳打 $28（加雪糕+$10）蜜瓜梳打再加雪糕，飲落有少少似蜜瓜雪葩，推仲大家嗌的話可以加埋雪糕，但食完嘢先飲就會易溶，有需要可以請店員後上！🍮 焦糖雞蛋布丁 $54呢度嘅布丁焦糖面入口唔怕苦，布丁質地滑得嚟都算偏實淨，幾適中，唔會膩。📍 ADO洋食屋 (荃灣)香港荃灣享成街8號香城大廈地下5A號舖…查看更多

Sepoy Mess 係一間英印fusion餐廳，裝修走摩登路線，二樓雅座坐得舒適，有唔少特色cocktail，同朋友傾偈、小酌兩杯都幾唔錯👍🏻🥩 Tenderloin Skewers牛柳串燒熟度啱啱好，肉質嫩滑多汁，帶微微炭香，配香料汁更加惹味。🍘 Arancini Tikka Chaat中間係一個炸薯波，外脆內軟糯，下面係酸乳酪醬、香料粉、鷹嘴豆、石榴等，味道同口感都好豐富。🍛 Chicken Tikka Masala + Butter Naan咖喱醬汁濃郁香滑，雞肉入味又嫩，naan熱辣辣，好香牛油味，沾滿咖喱醬食超滿足。🍮 Sticky Toffee Pudding成餐飯最鍾意嘅一道菜！口感帶點煙靭嘅布甸，質地綿密，上面加咗一大球雲呢拿雪糕，再淋上暖笠笠嘅焦糖醬，每啖食落都幸福感滿滿，食完成餐有個完美ending🥰🍸 Tulsi Sour & 🍹Salted BerriesTulsi Sour 加咗羅勒茶（Tulsi tea）入酒，仲有蜜桃，飲落甜甜的，而面頭嘅泡泡就係由蛋白組成；至於Salted Berries 則是用莓果酸甜撞上鹹香，仲有啲黑胡椒嘅辣味，飲落層次幾特別。📍Sepoy Mess (尖沙咀)地址：尖沙咀柯士甸道西1號ELEMENTS圓方金區演薈廣場頂樓R008號舖…查看更多

喺ELEMENTS搵到間輕奢中菜選擇，裝修偏優雅路線，卡位有足夠私隱度，亦有唔少4-6人枱，啱晒同屋企人／朋友坐低慢慢食，嘢食方面係fusion中菜嘅感覺～🍲 花膠撈麵 $1582大嚿花膠份量好足，滑嫩且膠質感足，湯汁掛麵能力好高。🍛 咖喱雞煎米粉 $138米粉邊邊位煎到香脆，點埋咖喱汁，香濃惹味，無諗過會夾得嚟！而且唔算太辣，雞件食落都幾滑～🍵 生薑黑糖薑母茶 $39飲落暖笠笠，薑味濃郁但唔會太辣喉，黑糖香令整體味道更柔和，冬天飲應該會更加正。🍹 夏日百香（第二杯推廣價$8）百香果酸甜開胃，飲落好清新。推廣價第二杯只需要$8。📍嚐 (尖沙咀)地址：尖沙咀柯士甸道西1號ELEMENTS圓方火區1樓1005-1006號舖…查看更多

想同朋友聽住歌歎晚餐？今次搵到銅鑼灣呢間餐廳星期一至六都有live band駐場演奏，裝修偏歐式高貴路線，而且氣氛好chill，再加埋高質嘅嘢食，都幾正🥰 我當晚拍片send畀另一個朋友，已經吸引到佢話想我同佢再去😂🥑 鱘魚子蟹肉牛油果卷 $108見openrice熱門所以嗌嘅～ 擺盤好靚，用料新鮮。上層牛油果軟滑，下層蟹肉鮮甜，配上微鹹嘅鱘魚子，口感層次豐富，幾啱做前菜／小食！🍟 炸粗薯條配黑松露蛋黃醬 $58有冇人明，唔知點解聽live band就好想食薯條😂 呢度啲薯條夠粗夠脆，同埋熱辣辣上枱👍🏻🍽️ 一人餐 $428🔸鵝肝醬伴鮮雜果白酒啫喱：鵝肝醬香濃，白酒啫喱帶少少酸，再用生果嘅甜味中和返，作為開胃前菜唔錯。🔸蟹肉龍蝦湯：湯底濃郁，蟹肉新鮮，而且份量唔手軟，好飲。🔸煎羊柳伴時令蔬菜配紅酒汁：羊柳煎得啱啱好，肉嫩而且無羶味，紅酒汁略甜帶果香。🔸焦糖燉蛋：焦糖脆面+滑溜蛋香，唔會過甜，完美收尾。🍓 Fruit Combo (Smoothie) $88由香蕉、橙、菠蘿、yogurt打成，質地濃稠滑身，個人覺得香蕉味偏重，之後先會飲到橙同菠蘿。當晚表演有8成都係廣東歌，勁啱心水，不過有啲舊歌我未必識，但都好好聽（尤其係自彈自唱「今生今世」嗰位～）！🔖小貼士：Book枱前可以去IG睇吓當晚有咩表演者，Live Band 係7:30至9:30，至於open mic就通常9:30開始，2個鐘左右～📍Zinger (銅鑼灣) 銅鑼灣駱克道491號京都商業中心10樓…查看更多

今次搵咗間尖沙咀居酒屋同朋友chill吓傾吓偈，佢主打多款菜式，有串燒、海鮮、TACO等等，有榻榻米區亦有普通座位，餐廳氣氛都唔錯，啱晒同朋友聚一聚。🔥 蒜燒厚切牛舌芯（1串）$50🥬 生菜豚肉卷（1本）$32🥓 蘆筍豚肉卷 $35呢度嘅串燒水準唔錯，牛舌彈牙唔韌，生菜豚肉卷味道簡單，但口感爽脆有層次。豚肉捲住蘆筍，食落清新中帶鹹香。🦐 吉列童星蝦（2隻）$68打卡一流！鍾意食點心麵嘅可以食返童年回憶，同時又有新嘅感覺！炸得香脆，唔會太油👍🏻🦀 蟹味噌甲羅燒 $78 （法包 +$18）蟹味噌好濃郁，鹹香味再配埋酥脆法包，好滿足～🍳 芝士醬厚燒玉子 $98厚身嘅玉子燒，面頭係流心芝士醬，再加埋火炙效果，好邪惡～🌮 海之幸TACO $78🍗 特選雞脾肉（1本）$32🐟 三文魚層層疊 $138🍲 雞白湯烏冬 $88🥔 成人薯仔沙律 $68飲品🍑 白桃梳打 $52🍓 巨峰梳打 $52📍樂酒場 がくさかば地址：尖沙咀白蘭軒道1號麗東大廈地下H & J號舖及閣樓…查看更多