sheunggggg的个人专页

同家人下午五時15分入座，一入座我哋分別叫了常餐，下午茶餐及晚餐幫我哋下單的姐姐已經好似未瞓醒咁，常餐A有雞翼同豬扒揀，同佢講要雞翼，佢竟然覆我問係唔係要雞脾(吓！？)之後問佢嘢飲要加幾錢，佢問我係唔係要加茄子(吓？！）之後常餐同下午茶都陸續嚟到，都未有事發生。一直等，五點九晚餐其中一個餸到了，之後我哋問佢可唔可以俾飯我哋(個餐有包湯同飯)，點知佢話6點先有飯(吓？！)咁我哋就問佢，咁你而家上咗餸又唔飯，要人哋等3個字先有得食飯，啲餸都凍晒啦之後佢竟然問我哋係咪要飯，可以而家買(!!!!!)真係火都嚟埋，一開始落單，餐牌營幕無寫晚餐係幾點開始，而個職員同我哋講可以叫晚餐，所以我哋無為意，都算！但係你要咁守規則6點先出飯，如果而家要就要俾錢額外買的話，咁個餸你又唔6點先上？之後再同個收錢阿姐講，佢當然都係好似其他職員咁嘅態度唔俾飯我哋，之後我哋就話唔要啦咁，取消啦。佢發脾氣咁收走咗後，仲要即刻黑面，一句唔好意思都無講，再喺度同其他人話我哋！好啦，個下午茶同常餐食完啦，就出去埋單走啦，問佢係唔係只收咗常餐同下午茶錢，佢仲要好寸咁話，”唉俾張單你睇喇！點敢收多你哋吖！ “態度勁差!!轉身走門都未出就又出言喺度鬧我哋！真係勁離譜！食完之後勁嬲，好奇上OpenRice 睇吓到底其他人對呢間嘢係有咩評價，先發現原來佢態度都原來係一直都咁差，更有其他人都有被呃錢感覺的經驗！🤬🤬🤬以佢哋食物質素收呢個價已經唔係合理，再加上佢哋好似係咁想屈人錢同毫無服務態度可言，真係唔明白點解仲可以生存。…查看更多

本身好少寫食評，但呢間新開的真的忍不了Order了一個黑蒜味嗰個拉麵個麵一嚟，係香的，但感覺係味精香味一試個湯，味好稀硬麵，但一啲都唔係硬，似係，似係普通軟硬的程度而且我未食過個拉麵係落菜做配菜而唔係紫菜，仲要係平時阿媽都會炒嗰啲菜.....結論係，我覺得，如果我買一包拉麵返嚟煮，都應該會好味啲，俾錢會俾得開心點…查看更多