Krystal_lns's Profile

章魚燒嚟講呢間做得幾唔錯，上菜速度快。可惜道路人較多，等嘅時候可能會唔小心俾人撞到。仲有，記得章魚燒要襯熱食，凍同熱真係差好遠。價錢合理，幾多料，味道足夠。👍🏻…Read More

第一次飲milksha就簡咗龍眼椰椰，杯嘢可以配兩款配料（蘆薈/仙草/芋圓），我就簡咗仙草同芋圓。成杯嘅味道好唔夾，亦都冇龍眼肉食，$4x一杯確實令人失望。下次叫返奶茶算啦！…Read More

平價美食，每次去到必叫：1）蠔仔粥 - 好多蠔仔，肉碎配芫荽好夾2）薑蔥蠔 - 好足料3）煎餃子 - 韭菜餃好脆4）煎雞翼 - 食親都一定係一打起跳5）蒜蓉白菜仔 - 正正常常好入味6）豆豉鯪魚油麥菜 - 有啲油但超正…Read More

呢間cafe對於諗唔到去邊度Hea嘅人嚟講，絕對係最好嘅選擇。雖然佢最低消費係一杯嘢飲，但係絕對公道，好少會限用餐時間，加上有海量嘅board game，一定唔會無聊。…Read More

之前碌下社交平台 見到呢個好靚嘅場景，就即刻約埋一班朋友嚟呢間食漢堡包。比起佢哋嘅麵包，啲擺設同裝飾更加吸引。如果係想食好食嘅burger，相信會有其他更加好食嘅地方。…Read More

呢間餐廳好啱大時大節嚟食，最緊要叫多幾個人一齊share嘢食。餐前麵包好好食，媲美隔離outback。雖然呢間出名食cheese cake，但係佢啲cheese cake太大份，對於香港人嚟講有啲滯。…Read More

之前係晏晝嚟食醬油蟹，發現佢嘅午市套餐幾抵食。當時嗌咗一個海鮮豆腐湯飯，加上一set醬油蟹，已經好夠兩個人食。醬油蟹亦冇令人失望，真係幾入味同幾好食。想食嘅人記得提早打電話預約，之前試過打好幾次都full booking！…Read More

之前約咗朋友嚟呢間嘢用魔術做主題嘅酒吧，本身期望都幾大。啲野食確實唔錯，不過啲嘢食真係太少，同行三位男性朋友食完呢間之後都好肚餓，加上佢提供嘅酒精都只係直接俾罐裝我地倒出嚟，略嫌唔夠儀式感。…Read More

上星期四晚即興同朋友約咗嚟呢間出名食比利時菜嘅餐廳食飯同枱嗌咗星期四有做優惠嘅豬肋骨，海鮮大蝦意粉，菇菇意大利飯，同埋壓軸嘅忌廉青口。同行朋友都大讚青口好味呢間餐廳好多分店，幫朋友慶生嚟講一流！…Read More

呢排天氣真係好熱🫠，放飯經過東大街就忍唔住要買杯奶蓋飲吓。果然茶星人嘅奶蓋係唔會令人失望，唔同分店味道都係一致，有品質上嘅保證。同埋整野飲嘅速度好快🧋！加上充足嘅冷氣，就算天氣幾熱都唔驚啊🥳…Read More