wackycy的个人专页

好似好耐未食過一份咁用心整，而且性價比高嘅三文治，忍唔住要上嚟俾返個Like佢！👍🏻香港地而家食嘢越嚟越貴，越嚟越細，仲要唔好食，出街食飯食到成肚氣！呢間小店個名叫Cold Brew Factory而且舖頭細細，以為佢淨係賣咖啡，點知佢自家製既Cold Brew 加$20可以加一份自選三文治～我諗住同女女一齊食，份三文治就比佢自己揀材料，點知佢揀咗比較少會加入三文治嘅鴨胸🤷🏻‍♀️我都諗住啲鴨胸一定又硬又‘’鞋‘’，同埋得兩三塊…一咬落去嗰吓真係有驚喜😲鴨胸好淋，有成六塊咁多，而且生菜都好fresh，法包係軟法包，唔係掉死牛嗰啲～呢份三文治$20喺邊度搵？🥹杯咖啡都係性價比高既產物～我見佢張卡片應該係自家烘焙嘅咖啡，$34嘅House blend coffee濃度適中，係一杯高質素嘅cold brew👍🏻我試過比成$50坐低係餐廳飲嘅cold brew又細杯又淡~呢間小店真係值得推介！…查看更多

假日諗住拉埋老公同阿囡一齊入西貢行下😎☀️點知lunch hour想搵間坐得舒服啲既餐廳都難😵啲枱櫈迫到呢..行到入內街突然見到架電單車泊咗喺街🏍😲望真的原來係一間新開既美式漢堡包店～店入面仲有另一架電單車😆見佢既裝修都幾型格而且畀佢既長薯條吸引就入去試吓啦😋😋😋我就一向鍾情大啡菇漢堡😁見佢仲有加蛋就梗係要會一會佢，老公就想叫多款菠蘿雞漢堡大家share食，唔少得就梗係店主推介既長薯條加手搖檸茶& Iced Coffee🤩😋食物既份量比我想像中大😵😂本來想叫多個水牛城雞翼點知咁啱賣晒咁先未至於眼寬肚窄～講返漢堡先🍔8ozs牛肉夠juicy, 啖啖肉加厚肉多汁既大啡菇🤩蛋既size唔大，可能係鵪鶉蛋，三樣加埋真係令人齒頰留香😋😋😋而老公叫嗰份菠蘿雞漢堡都有驚喜😲烤菠蘿好鮮甜🍍雞肉唔係雞扒，係類似大塊既麥x雞（好食過麥x雞N倍）加咗好香既香草，香脆既口感配埋好夾既蜜糖芥末醬😲味道好有層次，真係要畀個👍🏻佢！而長薯條真係好長🍟唔係炸到乾晒嗰種，脆得嚟仲保留返薯仔既質感，再配蜜糖芥末醬😲👍🏻雖然食完個burger已經好飽，但係我地兩個都係清晒兜薯條😆🧒🏻阿囡就太細未食得，喺隔離得個睇字👀～飲品🍹都要講一講～大大杯，茶有茶味，唔知係咪手搖既關係，同平時飲開既檸茶唔同，多咗份香味～香港好似呢啲咁有heart既小店真係買少見少，有機會入西貢一定會再幫襯😋…查看更多