angelw的个人专页

同朋友去D2 Place 食dinner, 今次試D2 place 呢間金鳳，平時食開太子分店，D2 place 呢間新裝修環境幾好，坐位都多，但係繁忙時間都要預返等位。我地都鍾意食牛，叫咗一個美國牛小排餐+貴族牛扒餐。最中意就係呢到既紅湯👍🏻同埋熱辣辣軟綿綿既餐包仔😍之後就到牛扒上場， 淋汁時候既治治聲真係港式扒房獨有。份量一如以往地多，肉夠厚又juice ，薯菜係薯角，好食又無咁易淋。最緊要係食完個身都冇油煙味。 👍🏻…查看更多

返工附近呢間鐵板燒店一直想試，今晚book左枱試特大海虎蝦（二人前）。套餐包括9樣食物。首先就有個開胃沙律，之後其他道菜都係慢慢即燒。🌟4種刺身 - 一共有四款刺身，賣相好精緻，第一款配左梅子啫喱做調味，味道帶梅香好特別。🌟鮑魚 - 即開即燒鮮新鮑魚，口感彈牙可新鮮，不過味道個人覺得咸左少少。🌟特大野生海虎蝦 - 大大隻海虎蝦鐵板即燒，蝦腳都燒到脆卜卜，食落勁香蝦味。🌟澳洲M9和牛 - 肉粒彈牙，肥瘦岩岩好，加埋炸蒜片味道岩岩好。🌟清酒煮蜆 - 蜆肉大大粒，清洗得夠乾淨無沙，個湯底清酒同蜆肉既鮮甜好夾，好飲推介。👍🏻🌟炒飯+野菜 - 食到最後既炒飯好有驚喜，金黃色既炒飯，炒到每粒珍珠米都有蛋包住，干身又有蛋香。…查看更多

約左朋友食飯，想食下中菜又想食海鮮就搵到公司附近呢間中菜館。樓上鋪要行一層樓層上，有老人家要留意下。食物方面兩個人叫左4個小菜，每碟既份量都多，唔想浪費就預返人數叫菜。⭐️ 豉椒炒大蜆 - 一上菜見到份量好多，蜆肉新鮮，大部分蜆殼都開晒口，蜆肉都無食到有沙，洗得夠乾淨。豉椒味夠濃，有鑊氣。 ⭐️ 蒜蓉粉絲開邊蝦 - 開邊蝦新鮮、有鮮味。表面佈蒜蓉，蝦底就放滿粉絲，量多幾多，賣相又夠靚。⭐️ 紅燒脆皮乳鴿 - 得兩個人又想試多啲款，所以叫左一隻乳鴿share，乳鴿燒得皮夠香脆，味道不錯。⭐️ 雙喜小炒皇 - 我自己好中意食腰果，特別叫左小炒皇，腰果炸得夠香脆，食到停唔到口。 最尾仲送左紅豆沙，口感起沙唔太甜，飯後甜品岩岩好。…查看更多

天氣一凍就想食啲暖笠笠既野，朋友話想食烤魚。搵搵下搵到荃灣有間新開烤魚店。 店內空間好大，外面仲有戶外坐位，岩食煙/有竉物既朋友。餐廳選擇好多，有烤魚、雞煲、小食、 燒烤。烤魚再有3款魚揀，可以根據個人喜好，份量選擇。 我地一心黎想食烤魚多啲就order左1. 青椒海鱸烤魚 +萵荀2.麻辣魚皮。✨1. 青椒海爐烤魚+萵荀魚面放滿青椒同青花椒，個湯好夠味。魚身有炸香左，條魚厚肉，淡淡肉，份量都多，兩個人食好夠。 因為我地唔想浪費，所以無叫太多餸，萵荀一份夠兩人分，新鮮爽口。個湯底叫左小辣，不過都幾麻，怕辣既可能要叫再小辣啲，或者叫多幾杯凍飲。餐廳會放定枝湯俾你，隨時加湯。✨2. 麻辣魚皮 魚皮爽脆，份量夠多，麻辣比想像中辣，幾過癮。…查看更多

約左朋友收工睇戲，見未夠鐘入場。想食少少野醫肚。 見到門口menu 好豐富勁多選擇，有burger、有和牛丼、有pizza、意粉、甜品，二話不說坐底先揀餐廳環境整齊，選擇好多，本身想試和牛丼，但驚食唔晒咁多會浪費，最後揀咗1. 草莓拿鐵2. 鰹魚芝麻雞翼3.肉桂富士蘋果日式鍋夫。1. 草莓拿鐵奶香幼滑夠creamy，飲落有少少草莓肉，唔會太甜，岩我中意少甜既人。2. 鰹魚芝麻雞翼鍾意食雞翼既人唔可以錯過，外面脆卜卜有鰹魚同芝麻香，入面勁juice，有肉汁。份量夠有5隻，一班人食都唔怕唔夠share。我另加左薯仔沙律同個湯。3. 肉桂富士蘋果日式鍋夫外觀好吸引，打卡一流，切開入面勁足料。有兩層蘋果肉。蘋果同肉桂好足料，唔甜，加埋面頭啲cream，味道好夾好出色。…查看更多

之前行街都有留意呢間餐廳，門口既裝修好有特色，今晚朋友提議決定一試。餐廳除左裝修有懷舊茶記風，連餐具都精心設計過，好有心思，打卡一流。是日晚餐叫左4樣野。🌟1.咪走雞 一上枱係一個雞頭大盤，打開之後有荷葉包住成隻雞，餐廳會準備手套隔熱同打開雞。雞肉入味又夠滑，份量幾多，可以3-4人share都得。🌟2.椒絲腐乳通菜 份量好多，通菜唔老，有腐乳香。🌟3. 發記大香腸發記大香腸上枱係有個架吊住，好得意，真係似燒味鋪咁。餐廳有準備膠剪俾客人剪開條腸，方便人多share。🌟4.懷舊蟹膏蝦多士即叫即焗蝦多士，賣相好靚好吸引，食落味道更出色。多士夠熱夠脆夠香口，蝦肉又多，佈滿多士面，加埋蟹膏醬，味道好夾好出色。👍🏻…查看更多

本身book左18:30 但係泊車遲咗，店員好有禮貌，等左一陣就有位。鋪頭裝修設計好有特色，門口有個mini bar。一坐底就俾啲好靚餐具吸引左。坐底就即刻有壹靚茶，嘆住茶慢慢揀食物。食物方面我哋叫咗天天海南雙拼、火焰椰子海鮮冬陰功、雞油飯、青檸汁明爐魚。🌟天天海南雞相拼配雞油飯一次過可以試晒兩款雞，海南雞好滑有雞味，而炸子雞就香口。份量都幾多，夠2-3人份量。我地簡左雞油飯，都一樣出色，雞油香而不膩。🌟青檸汁明爐魚我同朋友都鍾意食魚，特登試吓明爐魚。青檸汁酸酸甜甜好開胃，條魚都多肉唔會腥。🌟火焰椰子海鮮冬陰呢個火焰椰子冬陰功好有驚喜，上枱既時侯店員會點火，燒完岩岩好夠熱飲。椰子🥥睇落細細個，但入面好足料。食物份量好夠，滿足既一餐。 …查看更多

行過K11 art mall 地下，比呢間餐廳既裝修吸引左。似酒吧又有啲文青feel，餐廳中央仲有一棵樹既裝飾幾特別。坐底之後先睇menu ，食埋選擇好多，最後揀咗羊扒同龍蝦意粉。平時出面餐廳都會有礦泉水或者檸檬水放枱面俾客人飲用。 而呢間餐廳準備咗備長炭水，平時我都係聽過朋友講備長炭已好處，未試過飲，幾特別有心思。🌟Lobster pasta 🍝 試咗must try龍蝦意粉，意粉口感好彈牙同平時食到嘅意粉唔一樣，然後發現條意粉係中空好特別，加埋濃郁嘅蕃茄汁👍🏻 好食。🌟Grilled Australian Lamb Chump Cap W/Melon and Mint Salsa 羊扒面頭嘅奇異果🥝粒salsa酸酸甜甜好開胃，而且出奇地配合到羊扒又唔覺騷。🌟Ginger Touch 🍹最後試咗杯Cocktail ，味道獨特，幾清新，好有薑味。…查看更多

今晚收工仲要有zoom online lesson 決定買外賣返屋企食快靚正攪掂。然後就決定試吓屋企附近吹間海南雞喇沙外賣專門店。🕖7點左右到達目的地，門口己經有幾個人等緊外賣。環境整齊清潔。 📃餐牌有摻摻、飯、撈麵、預食。另有半/一隻海南雞單買選擇。外賣餐廳黎講，款式算幾多。趕時間太心急，我都睇漏左另一個menu仲有馬來西亞肉骨茶飯、油酥餅同其他小食✨海南雞喇沙摻摻 - 外賣有分湯唔會整淋晒啲麵，雞既份量多，湯底濃仲有兩粒魚旦係入面。✨南乳雞翼拼香茅豬扒飯 - 份量又係大大份，好味又飽肚。 ✨沙嗲牛肉串 - 沙嗲汁好多，岩重口味人士。✨森巴通菜 - 份量多，甜甜地都幾好食。整體感覺不錯👍🏻價錢合理，份量多，快靚正之選。…查看更多

平時搭巴士收工成日經過呢間Pizza地舖一直好想試，今晚收工就決定去試下。舖頭位置喺向街地鋪，容易搵而且好近荔枝角地鐵站。鋪內裝修簡約，坐位闊落唔侷促。鋪頭主打Pizza，有好多款色花多眼亂。紅魔鬼同辣肉至尊pizza都想試，但係可惜今晚得一個人食唔到咁多，唔想浪費食物，我就揀咗忌廉煙肉MANCINI超粗意粉🍝同凍士多啤梨拿鐵🍹試下。忌廉煙肉MANCINI超粗意粉🍝除左pizza 餐廳都有好多意粉選擇。 扁意粉彈牙有口感，軟硬適中，忌廉醬creamy 有啲似卡邦尼意粉，配料足淡淡肉。 凍士多啤梨拿鐵🍹甜度適中，唔會太甜，岩我呢啲平時飲野要叫少甜既人。而且好Creamy , 飲飲下仲飲到有士多啤梨🍓粒粒，口感幾豐富。…查看更多

每次食日本嘢都第一時間諗起活一線今晚叫咗三文魚他他沙律、刺身、海膽壽司、蟹膏壽司、鰻魚壽司及清酒煮蜆。清酒煮蜆蜆肉大大粒，有口感又新鮮。三文魚他他沙律平時係要預早訂，今晚好好彩，竟然即叫都有得食。 …查看更多

成班人gathering諗咗好耐想打邊爐，最後揀咗嚟鍋霸，任食火鍋食物嘅選擇都好豐富，飲品係自己雪櫃拎，而且每一台會送鹹蛋黃魚皮一碟。環境方面都乾淨，座位闊落坐得都舒服。…查看更多

1. 三文魚漬。牛油果。天下當有三文魚牛油果同蔬菜，感覺好健康。柚子醬油配搭清新。2. 吉列豬扒烏冬吉列豬扒即叫即炸，而且唔會太厚炸粉。另外，烏冬湯底有幾款選擇，我試左黑松露湯底，唔流，不錯。…查看更多

一行四個人慶祝生日，叫咗秘醬酥炸魷魚、秘製吞拿魚牛油果他他洋蔥、經典龍蝦扁意粉、特濃野菌燉飯、巴馬火腿芝士佛卡夏薄餅。每一樣食物都好有心機，尤其經典龍蝦扁意粉，手工意粉口感一流。 …查看更多

放假瞓醒落街搵嘢食，然後見到新開咗呢間搵食工房，餐牌幾吸引，裝修簡潔就決定試下。叫咗個瑞士雞翼撈麵，雞翼夠入味，但略嫌撈麵少少鹹。不過金黃色多士好有誠意，夠熱夠脆。…查看更多