食尚人生的個人專頁

想喺元朗搵宵夜嘅話真係好多選擇，野川拉麵之深燒食堂一到夜晚仲有折，性價比高嘅日式餐廳。🥰除咗主打拉麵之外，串燒、日本料理鍋物等都相當唔錯。首先叫咗刺身盛合共4款包括三文魚6切、甜蝦4隻、活赤貝、北寄貝4片，新鮮鮮甜，尤其活赤貝，而且裙邊位仲會做成小卷食晒每一個部位。🤤串燒方面，燒黑豚肉五花腩串、燒豬頸串味道香濃，肉質嫩滑；招牌雞翼串雙串燒得入味多汁，厚燒牛舌同樣厚實有嚼勁，調味啱啱好，口感極佳。燒象拔蚌，size肥美，帶有獨特海鮮風味加上蒜茸香味。香蒜大茄燒一份香氣四溢，並有蒜蓉及辣味調味，多汁好食。😳餐廳仲有蜜汁燒牛丸串，味道鹹甜適中，牛油蒜蓉焗蜆份量足，蒜香濃郁，配合鮮嫩蜆肉。最後，A4和牛一份都係七八十蚊，肉質細膩帶有油花。深宵食堂嚟講每一道菜都有穩定嘅水準，性價比非常突出🙌🏻…查看更多

去完海洋公園玩完一輪，搭幾個站去到海怡呢邊西村街市樓上食飯。街外人未必知道呢度隱藏住一間好受本地人歡迎嘅泰粵小炒王，蟹點。絕對系海鮮大排檔加泰國菜嘅混合體，慶祝節日一家人嚟食就啱曬，系父親節聚會必選🥰呢度自設魚缸養新鮮海鮮，真材實料保證生猛，招牌白胡椒蟹用鐵板上🦀再淋上白胡椒汁又香又惹味！大大只肉蟹有斤半重，好大只且肉質鮮嫩，巨鉗內以及蟹身嘅肉好好食，蟹膏亦惹味豉椒炒花甲大只新鮮，夠曬惹味，好重要嘅系吐沙吐得好乾淨唔會食到沙。另外仲可以叫啲泰國小食，今次叫嘅燒豬頸肉有焦香，肉質爽嫩，配埋個泰式酸辣汁好好味。仲有2樣嘢強烈要叫，分別系蒜蓉包同芒果沙冰，蒜蓉包香脆好香蒜蓉牛油香；芒果沙冰非常足料，唔系假甜！🥭…查看更多

Mokumoku Yakiton以豚肉串燒為主打，當然仲有刺身海鮮等食材，絕對唔會悶。首先叫咗生蠔，今日嘅係來自日本嘅令和怪物，手掌咁大隻，鮮甜爽口。而串燒方面厚切白金豚肉油脂分布均勻，油脂香氣突出。西班牙黑豚肋骨肉份量都算大份，肉質較嫩配特製醬汁就啱晒。九條蔥卷、豚肉荔枝卷等配搭新穎，蔬果與肉類互補，提升整體層次。皮蛋豬肉卷屬創意之作，皮蛋的鹹香與豬肉的油潤互相提升，令人印象深刻。豬大腸串、豬喉軟骨串則體現到店方對內臟嘅處理技巧，前者香濃而不膩，後者爽脆有嚼勁。沖繩苦瓜帶微苦，適合用作味蕾調劑。最後甜品焦糖燒菠蘿則以焦香突出，解膩一流。值得一提，平日經openrice訂位可享食物8折及酒精飲品買一送一，性價比幾高。…查看更多

喺銅鑼灣搵到壽兵衛，試咗佢哋嘅仙台A5和牛壽喜燒套餐，有專人幫手燒，食得輕鬆又高級。🥰前菜有磯煮鮑魚、水雲醋同蟹豆腐，鮑魚好軟熟，水雲醋酸得夠醒胃。刺身拼盤有油甘魚、帆立貝、赤身同牡丹蝦，全部都新鮮甜甜，牡丹蝦係我心水！茶碗蒸加咗有馬山椒同穴子，滑溜溜又帶點辣香，幾有趣。😳到壽喜燒環節，呢個餐除咗有仙台和牛之外，仲有2塊厚牛舌，燒到香脆，咬落仲有肉汁，超正！A5和牛西冷真係入口即化，油脂香甜，亦可以選擇沾蛋漿一齊食更滑，呢度嘅蛋係可以無限添加。蔬菜種類豐富新鮮，連同同菇類吸咗汁，一樣咁好食。🤤我揀咗烏冬配餐，烏冬吸晒醬汁，彈牙好食。差唔多最後有舞茸菇清湯，清清地兼解膩 甜品抹茶雪糕同密瓜都好清新。壽兵衛嘅服務好細心，氣氛又唔會太拘謹，值得一試嘅關西風格壽喜燒店！🙂‍↕️…查看更多

Room3我會形容為好有自己style嘅酒吧餐廳，以西歐風格裝潢為主。一坐低就叫咗bar tender推介嘅Geisha Story和Emperor兩款cocktail。前者以Gin為基底，加入melon、apple和紅酒，清新易飲；後者以花生+whisky搭配朱古力，味道濃郁且層次分明，適合喜歡複雜口感的人。前菜叫溫泉蛋培根吻魚仔野菜沙律，清爽之中帶點鹹鮮。串燒方面選擇好多，招牌海膽帆立貝串燒mvp，經火燒後更顯濃郁，蒜香燒日本蠔味道突出，蒜香與蠔的鮮味相輔相成。免治雞肉棒配日本蛋juicy。照燒雞腿肉串燒燒得香口，醬汁入味；西班牙黑豚秋葵串燒則肉質軟嫩。主食叫咗松葉蟹明太子冷烏冬同樣出色，蟹肉與明太子的鹹香好夾。另外招牌火炙牛海膽紫菜TACO壽司手卷都好有特色，將日本食材融合在Taco之中，變化多端又好食，最後叫埋甜品好chill🤤…查看更多

今次去左食omakase，14件壽司set優惠價65折後幾抵食，食材新鮮，師傅手藝一流，包廂亦坐得舒服，正題前有幾款前菜開下胃先，比較特別嘅係第一次見嘅八爪魚卵！1. 帶子：新鮮嘅帶子甜味好突出。2. 深海池魚：魚肉細膩，帶有獨特鮮味。3. 北寄貝：爽脆彈牙，鮮甜之中帶海水味。4. 間八：以三色麵鼓做配搭，微鹹鮮味好平衡。5. 紋甲魷魚：軟嫩有嚼勁，輕輕用火燒過一下外觀更立體。6. 赤貝：拍打完會收縮爽口，青檸汁加咗一層清新嘅層次。7. 鮫鰈魚：魚邊炙燒後香氣爆發，油脂同魚味完美融合。8. 鰤魚：入口魚油香氣四溢。9. 金目鯛：以炙燒處理，外脆內嫩，香味撲鼻。10. 拖羅：油花分佈均勻，入口即溶。11. 三文魚籽：三文魚籽爆汁，柚子皮加咗清香。12. 赤鯥：炙燒帶出深海魚嘅濃香，肉質嫩滑，好有驚喜。13. 鯖魚：鯖魚油香同紫蘇嘅清新搭得好好，昆布加深咗層次。14. 左口魚邊：魚油鮮香味十足，係完美嘅收尾最後再加上湯同甜品，個人認為呢餐折後相當抵食…查看更多

趁住肉料理廣佢哋18週年慶，全單8折優惠，約埋朋友去試下佢哋主打嘅飛驒和牛。首先有新鮮蔬菜，爽脆，配上店家特調醬汁酸辣開胃碎飛驒牛他他和牛切成細粒，質地幼滑，似食緊刺身，開下胃🤓厚切牛舌燒肉通常以牛舌起手，牛舌厚度足夠，肉質有韌性，可以點檸檬汁食😚飛驒牛臀骨肉油脂分布好靚，肉質勁粉紅色，適合鍾意肉味油香同時存在嘅人，簡單鹽燒已經好好食😳九洲A4和牛牛排肉腩今日嘅Special Menu有A4和牛揀，呢款亦係屬於油脂偏多，肉質軟嫩嘅部位！整體嚟講食物質素高質🫶🏻…查看更多

炑 割烹，以旬料理為餐廳宗旨，每日都會帶嚟最時令嘅食材，今晚黎到趁住做緊晚市75折優惠，叫咗$1880共14品Dinner menu。開胃菜：北海道松葉蟹配枝豆蓉🥗中間夾雜咗鎮江醋啫喱，突顯返蟹嘅鮮味瀨尿蝦茶碗蒸溫暖滑嫩嘅蛋以及融合咗瀨尿蝦，呢個天氣食真係暖入心刺身：長崎縣嘅深海池魚 割烹特別之處在於可以望見師傅”切割”食材，及”烹調”食物嘅過程。呢碟深海池魚精美，可以由原味>酸汁>wasabi襯托出魚肉不同風味刺身：淡路島嘅針魚屬於銀皮光物魚，細心起晒細骨後將魚生擺成花嘅形狀，搭配酸汁一齊食，食落爽口彈牙燒物：北海道嘅大溝貝即象拔蚌親戚，燒到僅熟後片成薄片，口感軟嫩之中帶爽彈，簡單少許醬油調味已能食出食材嘅鮮美刺身：德島阿波生蠔🦪肥美鮮甜，帶淡淡海水味，口感介乎creamy與爽口之間刺身：富山冰見寒鰤不時不食講嘅應該就係指冬季才有嘅冰見寒鰤，亦即野生油甘魚，分別有背位及腩位2切，腩位更以火炙方式釋出鰤魚油脂，入口即溶而不膩！揚物：沖繩縣海花竹蝦多士🦐呢一道可以話係餐廳嘅招牌，蝦肉大隻鮮嫩，配上蝦膏整成嘅汁+特調是拉差辣椒醬後層次豐富，同時仍能保持多士香脆口感時令刺身：炙燒拖羅用紫菜及大蔥包裹住，連埋燒香後嘅油脂一齊食十分滿足煮物：日本大蜆清湯間場料理以大蜆清湯加上柚子絲及菜之花煮成，盡量保持食材原味及起到清口腔嘅作用目光魚天婦羅師傅建議乾食，比較少見嘅係配咖哩粉，喺唔會過分搶咗食材味道情況下咖哩香嘅餘韻好鮮明京都大菇天婦羅另一種食法則係較常見嘅濕食，配上蘿蔔蓉天婦羅汁釜飯：白飯魚蟹肉三文魚子釜飯🍚白飯魚及蟹肉份量好多，另外再加咗天婦羅碎增加口感，特別要提及嘅係米飯煮得啱啱好，軟熟飽滿帶甜味最後則以味噌湯以及自家製黑糖蕨餅收尾…查看更多

新派中菜食府「唐述Chinesology」，今晚只係同太太兩人食飯，我哋決定叫9道菜嘅「世味人生」。先講總結，感覺就係完美演繹咗傳統中菜嘅創新蛻變。慢煮泡椒蟶子皇：完美平衡辛香同鮮甜草莓醬淮山、柑橘梅子蕃茄、香辣凍花甲：酸甜辣都齊晒，非常開胃金腿雪燕甜豆芙蓉羹：十分滋潤嘅湯羹，加入雪燕脆皮海參、鵝掌：鵝掌近乎入口即化，骨膠原滿滿；海參仲特別整到外層酥脆，非常有驚喜。珍寶珠：玩味十足的雪葩脆磷馬友魚：濃郁又滑嫩嘅魚肉，連魚磷都食得茅台鮮蠔屈雞煲：香氣四溢之餘又保留住食材本身嘅鮮味花膠甘栗珍菌炆飯：飯粒粒分明，花膠入口即溶萬壽薑茶鴛鴦湯圓：好傳統嘅糖水，薑茶香氣溫潤整個用餐感覺到點樣成功咁將傳統同創新融為一體，演繹方式卻沒有一種老派嘅感覺。…查看更多

位於銅鑼灣嘅鮨逸環境整潔乾淨簡約，仲有魚缸新鮮養住龍蝦等其他海鮮。晚市omakase逸套餐$1580含刺身、酒肴、手握壽司共25道菜式😳1. 沖繩 水雲2. 北海道 鮟鱇魚肝，細滑豐腴感3. 北海道 黑梅貝4. 真鯛，中間卷住海膽豆腐，多一分鮮味5. 粒貝，薄切2片口感爽脆6. 北寄貝，厚肉新鮮嘅肉質更為鮮甜👍🏻7. 新鮮龍蝦天婦羅，外層薄脆入面半生熟，再配上海膽+cavier奢華享受😍8. 深海池魚，肉質細嫩9. 赤貝好爽脆10. 鯖魚，喺魚生同飯之間夾住昆布🤤11. 蟹膏豆腐+黑魚子12. 鰤魚帶有油脂香，加了柚子胡椒調味13. 牡丹蝦做咗炙燒 + 蝦膏，半生熟狀態啱啱好14. 令和之怪物，加上土佐醋啫喱突顯鮮甜味🦪15. 九繪魚，比較少見係一種肉質細嫩嘅魚16. 白見貝亦比較罕有，甜味突出❤️17. 黑鯥魚，火炙釋出魚油香👍🏻18. 赤身，卷住馬糞海膽同白蘿蔔苖，層次豐富19. 北海道紫海膽鮮甜🤤20. 磯煮鮑魚燉煮咗6小時以上好軟腍，配搭上蟹膏醬嘅甘香21. 甘鯛立鱗燒外脆內嫩22. 松葉蟹壽司👍🏻拆晒肉後加上醋啫喱同炸紫蘇葉一齊食23. 大拖羅肥美24. 北海道白海膽配淡雪鹽，比上款海膽再濃味些，餘韻喺口腔last好耐😎25. 玉子布丁最後仲有用龍蝦頭以及龍蝦肉煮成嘅舞茸清湯、甜品就係濃郁細滑開心果雪糕以及香甜哈蜜瓜☺️總結嚟講壽司與刺身環節穿插適當，高潮迭起味蕾唔會覺得悶❤️…查看更多

午市價錢食到Dinner咁嘅廚師發辦，榊原的Lunch $668好豐富。刺身方面：北寄貝、赤貝爽甜秋冬限定的北海道鱈魚白子香滑斑馬瀨尿蝦最有驚喜，師傅刻意唔做到全熟，以保留蝦膏嘅半流心質感同樣秋冬限定的鮟鱇魚肝濃郁之後有天婦羅蕃薯以及洋蔥，來自日本，食落比較甜，洋蔥亦唔會有刺激嘅感覺壽司：北海道大溝貝拍打後會呈現收編狀態，令肉質更爽甜膠原鯛甘甜，因養殖複雜係一種比較罕有及昂貴嘅魚。深海池魚亦係少數白身魚中魚油十足日本象拔蚌白見貝鮮甜黑陸炙燒後釋出魚油香大拖羅十足肥豬肉海膽飯拖羅蓉手卷…查看更多

喺T.O.P.入面想揀一間環境靚，食物正嘅餐廳應該非LAB EAT Restaurant & Bar莫屬。Set Dinner 有前菜、湯、main以及甜品，如果係節日慶祝，餐廳仲會準備埋餐桌佈置十分浪漫🥰前菜呑拿魚他他以雪糕cone做容器，鋪滿呑拿魚他他，加上些少蔥花以及黑芝麻做配搭☺️另外仲叫咗好多人都會叫嘅海膽多士幾精緻，有得叫2件/4件/6件餐湯今晚係車打忌廉湯，香濃順滑而且配料都好多主菜叫咗燒安格斯牛肉眼，火喉控制啱啱好粉嫩5成熟，配上嘅牛扒醬汁可以增添唔少風味，配菜嘅薯蓉亦好綿滑，真的不錯🙂‍↕️另外有驚喜嘅香蒜白酒蜆肉意粉，相信好多人睇完黑白大廚都對呢個意粉多咗留意，呢度出品蒜辣味道好足，意粉al dente，蜆肉大粒飽滿冇沙🤤晚市套餐最後仲有甜品係雪糕同蛋糕🍰…查看更多

銅鑼灣螢雪一人前推介，會有精美前菜，黑梅貝、煙肉雪梨、白粟米，然後刺身三款好驚艷，有真鯛配上赤海膽、時令貝類有粒貝、以及最愛嘅拖羅🥰壽司方面又淡到濃，鱸魚配青柚子皮清新，煙燻平政夠晒特別。備長炭燒bb銀鱈魚好夠香又有魚油，再嚟白海膽大大塊淡味清甜，然後濃郁牡丹蝦撈埋蝦膏。而備長炭燒拖羅筋趁熱食，油香滿溢，沒有過多的調味已充分感受到拖羅油脂香。最後則有蔥吞拿魚腩拌三文魚籽杯一人前仲包咗一份主食，最受歡迎的應該就係炭燒巨型30cm蒲燒鰻魚，鰻魚入味而香脆，即使有少少骨都唔驚。…查看更多

銅鑼灣Sushi N嘅招牌Omakase N set $1080，經openrice訂位仲有85折。前菜有黑梅貝等，然後有新鮮牡蠣，今日係來自岩手県嘅生蠔🦪creamy飽滿。刺身有3款分別係甜蝦他他、松露間八、呑拿魚拌醬酒漬蛋黃同炸蔥絲個人最喜愛甜蝦他他，甜蝦嘅鮮甜配埋烘脆咗嘅鱈魚片一齊食口感豐富。🤤和食有非常高質嘅A4和牛，高質唔只牛肉本身，烹調方法亦恰到好處外酥內嫩帶有油脂及牛香味。而下一道白粟米作為間場料理通常唔會太濃味，主要reset返味蕾準備壽司環節。🙂‍↕️舍利酸度適中唔會鬆散，蜜柑鯛帶有水果柑香味、帆立貝海膽奢華、炙燒梳子魚油香嫩滑。中間加插了一道打卡able嘅煙燻銀鱈魚，充滿油脂香同煙燻味😍再之後有鰈魚、炙燒黑鯥、拖羅，連續嘅油脂衝擊，魚油脂感爆棚入口即溶好幸福。當然唔少得海膽手卷，今日係鷗洋水產嘅馬糞海膽🤩最後加上鱲魚湯同甜品共17道菜式cp值頗高😳…查看更多

虎鐵二人套餐，價錢由2000-3000都有，好視乎套餐內唔同菜式而定，今日520情人節就同女朋友黎慶祝下。首先有牛油果海蝦沙律以及黑松露蟹肉海膽溏心蛋，流心程度啱啱好，再加上海膽做點綴，蛋香加上黑松露嘅香氣，頭盤開咗個靚頭☺️時令海鮮今日有鐵板煎日本蠔🦪三大隻日本蠔以及大量蔥蒜做搭配，亦唔會蓋過蠔本身嘅味道，蠔身沾上少少粉，所以煎完出黎特別香脆惹味🙂‍↕️第二款海鮮有原隻南非孔雀鮑魚，size非常大隻而且每人有一隻，用上蟹肉海藻醬，就咁原味食已感受到本身獨有嘅鮮味以及爽彈口感，鮑魚肝亦一同上碟，味道濃厚鍾意內臟嘅人唔好錯過🤤原隻活龍蝦🦞用上牛油煎再配上海膽醬，龍蝦嘅新鮮度無話可說，鮮甜肉質爽彈，配搭上亦唔會過份搶過主角風頭，擺盤亦賞心悅目🥰套餐有熊本縣A5和牛厚燒，唔食牛嘅可亦都可以轉伊比利亞豬柳，火喉啱啱好，豬都可以煎到內嫩，不過咁啱呢嚿豬嘅脂肪偏多食落會少膩刺身帶子豆腐魚湯，用咗啱啱嘅龍蝦殼一齊煮，魚湯呈奶白色完全無腥味，而帶子亦有一定質素虎鐵signature嘅黑松露三文魚籽海膽杯炒飯，再飽都要食埋呢個鹹鮮味爆棚嘅炒飯，相當有誠意亦打卡able😍最後甜品係鐵板梳芺厘芝麻口味雪糕。想坐鐵板位一定要早啲book枱！…查看更多