kosa_law的个人专页

同朋友一齊聚會揀咗呢一間地點方便，而且環境舒服嘅地方一入到去店員都幾有服務不過感覺係服務員好多但其實佢哋都堆喺一邊傾計咁因為真係要揮手叫人 佢哋係睇唔到😂但嚟到都好好服務嘅～～仲會推介吓當造嘅菜式 經理很nice👍🏼整體嘅菜式唔算好特別都係一啲經典菜式咁樣～不過可能今次試得唔多嘅關係姐見到佢啲甜品係幾特別嘅😊有機會再試試同埋環境好加分，裝修係比較年輕同埋得意嘅，都會適合打卡唯一小小嘅意見係覺得價錢偏貴因為例如嗌咗肉骨茶都會可能希望有個白飯但係白飯/椰漿飯係要另外再叫加埋其實都偏貴🥹因為份量唔算好大我哋四個人叫咗五至六樣嘢，轉場仲可以食多幾個意粉(可能我哋大食😂)整體ok嘅!💪🏼…查看更多

當日被求婚嘅地方好值得推介俾大家☺️位於ICC 101樓嘅高層意大利南部菜餐廳，佢哋主打係地中海海鮮，Menu會隨住當時嘅最新鮮嘅海鮮而轉變～📍PERLA HONG KONG (尖沙咀)環境好舒服好優雅，有無邊際嘅海景好靚!!🥹建議加錢選擇埋Wine Pairing💖原因係佢哋會配搭高質嘅白酒/葡萄酒每一道菜之前都會介紹一下酒同菜式，同海鮮真係非常之襯!!每一道菜式都好精緻，而家海鮮好新鮮肉質鮮美✨今次喺呢度我過咗個好難忘嘅回憶☺️我都好推介朋友嚟呢度體驗一下呀~…查看更多

睇到上一個食評話就快結業希望唔係真㗎啦🥹位於大坑嘅呢一間西班牙餐館其實最近大坑夜晚都比較靜（周圍都好靜）但呢間小店依然都坐滿客人證明佢哋嘅質素有保證🔟比較想讚嘅係我最鍾意食嘅Churros!好少可會有Churros Platter有咁多款醬嘅口味可以揀佢嘅churros係偏鬆軟嘅基本上每款都幾有驚喜都各有各嘅好食哎呀希望可以繼續做落去啦！🥹…查看更多

早排同一大班朋友Party試咗和記嘅到會～💛啲相就唔係影得幾靚唔好意思～但到會嚟講食物種類都算多而且特別同有心思尤其個黃金苦瓜，我真係第一次聽第一次食！俾想像中好食😆唔係想中苦同埋炸咗仲有啲甘甜咁～好食😋…查看更多

喺億京地下嘅Cafe～地方唔大，印象中係有四枱左右，位置都算舒服，主要係服務員態度非常友善，仲會同你有講有笑～傾傾吓知道店主係一個三眼仔迷可能遲吓會越嚟越多三眼仔擺設😂好有趣all day breakfast都整得用心紅菜頭整得好食好加分～份量都好充足我哋兩個女仔係啱啱好 :)咖啡就略嫌啡味唔夠，同埋嚟嘅時候啡同奶已經融埋咗～圖中係啱啱到枱面嘅樣不過都可以嘅✌🏻最後有再叫一個窩夫，冇乜特別嘅但係味道都唔錯😊仲有套餐價計返都幾抵食呀！加油加油～…查看更多

📍Latter Cafe✨(灣仔)#試食小日記🗒有時出到灣仔都唔太知道附近有咩靚Cafe ，今次呢個係朋友介紹嘅Latter Cafe☕️ 成個裝修都偏向米白色為主～走日系風格比較推介嘅話，會係佢嘅甜品☺️睇得出甜品係相當有質素，當日去到都有啲賣哂了～🍰開心果巴斯克軟心蛋糕呢個超級推介! 有時都怕Basque會太膩但呢個係啱啱好，唔會太甜，開心果味都算濃～份量得好合理😙☕️Earl Grey Chocolate好可愛嘅熊仔3D造型😍打卡都好推薦呢一杯喔! 用嘅係蛋白餅，唔會過甜一路飲一路食吓佢好加分～唔好以為得個樣，飲落Earl Grey味都重㗎😊整體主食都唔錯份量都合理，真係好推介以上呢兩樣😆 店員都好nice~尤其係當日位男店員超好笑容haha#lattercafe #灣仔cafe…查看更多

我係試業期間嚟嘅希望而家佢哋唔係咁啦🫠之前見到個星空打卡位就吸引咗book位點知唔係成間都有呢個打卡位結果就好失望因為我係為咗個星星位而嚟🥹咁大家如果想有得打卡就記得book位時remark要星星打卡位啦（雖然我唔建議人去試）點解話係惡劣呢事發係叫咗兩杯cocktails啲cocktails出到嚟個質素真係唔係幾好🙈啲朱古力棉花糖浸到好唔開胃飲落直程係藥水味同難飲咁於是我哋就同經紀反映話唔好飲啦佢竟然叫咗個bartender出嚟叫我哋係佢面前講多次 佢要知杯嘢唔好飲同埋佢哋企喺我哋前面僵持咗一陣成個場面係尷尬到我哋即刻埋單走食物係還好嘅 係唯一個慢煮真係唔係慢煮仲要係偏靭難咬總之整體感覺就係😭未試過咁想光速離開一間餐廳寫出嚟係衷心希望貴公司好好改善一下服務同飲品質素🫡…查看更多

等我喺文化中心飲嘢吸收吓啲文藝氣息先🤭Bar Lemna (尖沙咀文化中心)@barlemna#試食小日記🗒 之前都有去過牧羊少年坐落喺文化中心嘅cafe，原來入面連住咗一間酒吧㗎🙊酒吧嘅燈光比cafe昏暗同柔和少少，明顯區分咗唔同氛圍出嚟~無論係裝修、飲品定係食物方面都feel到好有誠意💛如果喺九龍區諗唔到去邊度chill，呢度都係一個好好嘅選擇呀🥂🌿Coriander Mule > 芫荽控會鍾意嘅一杯☁️Zephyr’s Wing > 如果打卡向嘅會建議揀有泡泡嘅呢一杯🌮 明大子康提芝士蟹肉墨西哥夾餅 > 超足料勁好食😋首推呢個🍔 慢煮豚五花迷你漢堡 配 波本威土忌燒烤醬 > 好邪惡個五花腩勁淋勁油昏🤭🍦 鬼佬油炸鬼 配 雲呢拿雪糕 及 朱古力醬 > 基本上有churros喺menu我都會叫，相信好多人都係!另外佢哋keep住仲會有啲live gig/dj show添㗎💛…查看更多

開估啦💖中環好好食嘅泰奶戚風蛋糕到底係邊間～🥹📍Vive Cafe (中環歌賦街)#試食小日記📝有追開香港嘅cake shop嘅可能都有聽過佢哋個名，而家佢哋直頭進駐埋中環做Cafe啦～地方唔算大但好精緻，全店主打粉色系，門口採光度都夠好適合打卡😘今次都試咗好多嘢，我重點推介一啲比較特別嘅嘢先💓🍰cafe限定泰式奶茶威風蛋糕上回講到佢哋係有online shop可以買cake嘅，但呢款係網上係冇㗎～只係中環店先有供應🙊我本身都驚戚風蛋糕會伏但呢間好好!首先泰奶醬係超級多，倒落去每淡都有濃濃嘅醬唔會覺得乾，戚風空氣感充足非常鬆軟，仲有啲焦糖脆脆增加口感😚好喜歡呢個～🥦排毒蔬菜汁其實飲品種類算好多吓～其中好驚喜呢度會有健康嘅蔬菜汁！一般Cafe都好少會做，飲落唔算好苦，心理上好似食完啲煎炸嘢都冇咗邪惡感😆真係唔錯～🐮牛舌三文治用咗油封慢煮牛舌做嘅三文治，食落好油香好軟淋淋，佢仲有啲卷心菜、蔥、芥末汁喺入面，減少本身可能會有嘅油膩感幾加分👍🏼🍝明太子海膽意粉擺碟幾靚同埋份量都啱啱好～食落都好香明太子味，如果啲意粉再煮得彈牙少少會再好食啲🫶🏼總結係甜品相對上係比較出色～但亦睇得出主食上都花咗好多心機😚選擇又多，輕食到意粉加甜品應有盡有，算係各方面都好balance嘅一間cafe! 同埋我都真係會掛住佢個戚風蛋糕🥹一定會再食的～…查看更多

喺太子嘅呢間cafe and bar~入面位置唔算好多，但裝修靚坐得算舒服😊座位唔多所以出餐都算快，試咗幾款主食同甜品，飲品方面唔算好有記憶點，但食物就令我好滿意👍🏼紅酒燴牛臉頰伴忌廉薯蓉係最推介食嘅，煮得好淋好好味Sourdough就還好個配搭普通得嚟味道都係好普通但最鍾意都係佢有Churro可以食!仲要係整得好食嘅唔會係油味重係啱啱好🥰太子嚟講算係一間值得去食吓嘅Cafe聽講夜晚會有酒飲，下次會再去試吓講講吓又想再去多次啦…查看更多

📍 LAB ZERO HONG KONG好朋友籌備咗好耐嘅Cafe終於開張喇! 一開張已經話題性極高，吸引咗好多人嚟排隊🥹#試食小日記🗒 入面主打工業風嘅裝修，天花板一粒粒飄浮嘅白色雲感覺好夢幻☁️一入門口就有一個打卡位，入嚟嘅時候要排隊，但係打卡就唔使😆🍝腐乳卡邦尼意粉雖然係主打甜品，但係佢嘅主食一啲都唔馬虎🥰 都幾多創新嘅菜式例如呢個腐乳卡邦尼意粉，少少辣味多咗層次感，我個人覺得可以再重啲腐乳味🤤🥪大阪燒酸種麵包都係其中一款創新菜式，識落真係有大阪燒嘅感覺，另外帶子夠新鮮同天婦羅蝦都好夾～🍨Affogato比我想像中份量更大，本身覺得價錢都幾高，但係原來佢加咗成粒可麗露落去，本身一粒都已經唔平，所以其實都唔算貴🙌🏻🍧芋泥芋圓牛奶刨冰做開酒吧都知道冰嘅質素係好影響出嚟個成品🙈店長話佢哋特登用日本直送冰，可以令到啲冰口感順滑啲，同埋冇咁易溶～而且非常足料，由第一啖到最尾都充滿晒芋泥，如果專程嚟食冰嘅建議空肚過嚟食😹超飽肚…查看更多

📍room 3 (尖沙咀)新開嘅日式Gastrobar ✿#試食小日記🗒非常建議鍾意食Tea打卡嘅你Bookmark咗先😎店內環境好清幽舒服，日頭嘅採光充足好適合影相，全場主要分咗三個主題區係room 3呢個名嘅意思～如果一大班朋友嚟亦可以book佢哋嘅Private Room私隱度更高🤭room 3 Tanoshi Afternoon Tea Voyage☕️呢個tea set主要係輕食為主，用簡潔九宮格木盒設計，有九款日式小食(當中有兩款新主食)，每樣味道都唔錯👍🏼下午茶嚟講係剛剛好～Sakura Blossom 🌸 Sakura Negroni相比食物⋯新推出嘅兩款cocktails更吸引到我呢個酒鬼😂兩杯都好有日本style，而且超好打卡📸～Sakura Blossom喺foam上面整咗幾朵靚靚櫻花，飲落酸酸甜甜好易入口，果香比較重👍🏼Sakura Negroni都有驚喜，首先店員會等你手機ready就倒水落去木盒度，跟住就會出到好靚嘅煙霧效果🥰(不過之後張枱好濕有少少美中不足嘿) 味道方面比我想像中好，可能夾咗Roku Gin變得好香，透明感顯得杯酒更加有日式簡潔嘅感覺💛整體嚟講，打卡同飲品質素好有保證，😆Afternoon Tea Set亦好適合佐酒，好啱三五知己一齊去chill吓～…查看更多

呢間可以bookmark一吓😆舒服空間感十足一間～ 📍GoodDay Solar(嘉峰匯）#試食小日記🗒 其實每個星期都繼續同緊 @juni_jai 去tea，好多值得介紹嘅Cafe喔🥰呢間好近地鐵站，入到去樓底高而且空間感很好，我哋閒日去人唔多好舒服，閒日應該唔洗book位～出面仲係地盤所以冇乜景觀可以睇到，但一片空地咁冇壓迫感都好好😊提拉米蘇窩夫配雪糕🍦估唔到呢個影得靚之餘都好好食，窩夫係酥脆嘅，成個酸酸甜甜配搭好好～抹茶麻糬Bagel🍃可能本身對Bagel都唔太有興趣（冇乜食過好食嘅，有嘅介紹返😆），呢一個就還好，麻糬分量可以再多啲～西瓜蜂蜜咖啡通力🍉呢個配搭好新鮮，本身都好有期望，但係飲落係OK，唔係話好特別😆但欣賞佢嘅創新！咖啡通力☕️最經典但亦都係最好味，佢嘅tonic夠氣又好fresh，值得再飲☺️總結影相靚又舒服又唔多人，嘢食嘢飲都好，下次可以約我再去😆…查看更多

鬧市中好悠閒嘅🇲🇦摩洛哥風酒吧餐廳，絕對影到靚相！呢間可以bookmark吓，值得一去啊～#試食小日記🗒 📍Subtle Island（旺角）我成日都好懶book位，今次依然係walk in搏有位嘅，諗住呢間咁多人去應該好full點知仲有好多位，所以可以既盡量都閒日去好啲🫶🏼入邊環境好闊落，有分室內同室外位置，室內有傳說中嘅水池係靚嘅不過其實唔係好影到相，因為客人都係圍住坐嘅～想影相都係建議去室外好啲～室內位置好舒服！真係好似去咗度假咁🥹而且服務好好，又Nice~最好笑係服務員表示呢度有10成客過嚟就係為咗打卡😂😂不過唔好以為淨係打卡靚，食物同飲品都好有質素！Espresso tonic將倒淨嘅Tonic放喺旁邊，邊上底飲咗而且又知道佢用邊隻味道，感覺好好🤭Mocha味道都夠濃拉花夠靚～軟殼蟹鹹蛋黃忌廉汁意粉🍝軟殼蟹唔會太油膩啱啱好，鹹蛋味唔係好突出但係意粉係夠al dente🫶🏼泡菜雞肉墨西哥卷🫔呢個係意外地好食嘅，好足料味道好濃郁，食完好滿足嘅感覺！最後食返個tiramisu心情好好～我去過lava效果超好，食落都feel到啲手指餅唔會太硬浸得好淋，好食！（我post條片喺reel先）@subtle_island #其實寫下食評都幾開心#肥妹真係好鍾意食嘢🫠…查看更多

📍 #大安茶氷廳呢間一定要去! 好欣慰最近終於搵到間好滿意嘅Cafe啦💛#試食小日記🗒 我哋3點去到係冇乜人嘅，排咗2個位就到我哋啦，建議一定要坐卡位先有好照片😂入面嘅店員好有禮貌好好人，大讚～試咗檸啡同主打嘅「啡立刻」，檸啡略嫌偏淡味道還好，「啡立刻」係非常有驚喜，估唔到好立克咖啡兩樣嘢會咁夾，唔會好甜啡味又夠濃，首推呢個！另外杏霜卷蛋都好出色，杏霜同想像中一樣係好香，夾落卷蛋度冇違和感～檸茶曲奇都好特別，呢個比較甜少少，入面有啲果乾粒味道好舒服，都係好食嘅！一開始都抱住人氣都唔代表好味嘅心態嚟試，但整體係好驚喜～店員話4月頭開始有鹹食啦，我會再嚟㗎٩(˃̶͈̀௰˂̶͈́)و…查看更多