minhyundoll的个人专页

今晚又再叫外賣，今次試咗呢間芝加哥串燒，都幾滿意～我哋一人叫咗一個串燒加飯餐，仲額外點咗個炸大八爪魚足，食到好滿足( ´▽｀)我要咗炭燒安格斯牛板腱飯，套餐跟咗一串燒翠玉瓜同一串黑糖雞肉。安格斯牛板腱燒得幾香，肉質嫩滑，炭燒味好出，不過如果份量可以再多啲就更加完美啦！串燒嘅辣粉係另外俾嘅，可以自己調校辣度，幾貼心～翠玉瓜燒得啱啱好，爽口又多汁，但黑糖雞肉串就覺得有啲怪。。。黑糖同雞肉嘅味道唔係好夾🥺感覺如果唔落黑糖，直接燒可能會更好食男朋友就叫咗招牌黑豚扒飯，串燒就同我嗰份一樣。黑豚扒燒得好香口，香口得嚟又唔會太乾，份量仲要夠多，食完真係好滿足！ 至於個炸大八爪魚足送到過嚟都仲係熱辣辣，外皮脆卜卜，入面嘅八爪魚肉質彈牙，大大嚿食落去好有口感，而且雖然係炸，但係食落唔油膩，係值得一讚嘅～仲有跟埋個泰式甜辣醬總括嚟講，今餐串燒餐真係好滿足，味道同份量都唔錯～～😌Btw 唔知點解呢篇食評會被懷疑係試食😵‍💫😵‍💫依家upload埋叫外賣嘅record以示清白，唉～真金白銀買嘅外賣嚟㗎，我都想有得試食🥹…查看更多

有一個星期六嘅夜晚去咗食呢間米線，七點幾去到差唔多坐滿晒，感覺呢間米線店都幾受歡迎～豬頸肉米線（麻辣湯底微辣）呢碗真係有驚喜！一上枱已經聞到陣陣香味，麻辣湯底微辣啱啱好，辣得黎又唔會太刺激。豬頸肉係成餐嘅亮點，香氣十足，燒得好香，肥瘦比例啱啱好，每一啖都超滿足，真係好味到令人想再嗌多碗～😋腐竹肥牛米線（酸辣湯底）酸辣湯底真係幾開胃，酸酸辣辣，成碗湯底係辣中帶爽嘅口感。肥牛片厚薄適中，腐竹都吸收咗湯底嘅精華～🔥日本海苔魷魚燒呢個炸魷魚絕對值得一讚，炸得香脆，外層嘅海苔味好突出，咬落去仲有少少彈牙，外脆內彈🤣🤣魷魚又唔韌～真係幾滿足。呢款小食好適合鍾意炸物嘅朋友🦑麻辣雞腎麻辣味調得唔錯，香麻入味，辣度啱啱好。不過雞腎係淋身嘅，唔係脆口嗰種，對於我呢個鍾意爽脆口感嘅人嚟講就唔算太啱，不過勝在份量夠多，鍾意麻辣嘅人應該會幾鍾意～🙈🌶️小總結✨✨呢間米線店除咗湯底幾有水準，小食款式仲好多選擇，睇到好多其他枱都有嗌唔同嘅小食。整體嚟講都幾滿足～炸魷魚係另一個亮點，下次嚟會再試吓其他小食，想試豬大腸😋～🍜…查看更多

放工之後去咗雞地搵嘢食，見到呢間餐廳嘅餐牌，感覺都唔錯，所以就試下喇～我叫咗個溫泉蛋牛肩胛壽喜燒烏冬。我本身就已經好鍾意食壽喜燒，而呢個壽喜燒湯底真係唔錯，夠濃又甜甜地～啲牛肉仲有濃濃嘅牛味，食落一啲都唔難咬，質地啱啱好！面頭仲加咗好多炸乾蔥，作為乾蔥控嘅我真係大愛，好香好正😍😍另外，我哋仲叫咗個咖喱吉列豬扒丼飯。不過，呢個比較普通，食落就係好普通嘅炸豬扒飯，豬扒有啲薄，可能因為餐廳主要主打烏冬同埋麵，丼飯感覺冇就太大驚喜。所以下次再嚟嘅話，應該都會揀返烏冬試😋小食方面，我哋叫咗唐揚炸雞同椒鹽雞軟骨。炸雞炸得恰到好處，外皮脆卜卜但又唔會太乾，配埋沙律醬都ok唔錯～～整體係值得推介嘅！至於椒鹽雞軟骨，炸得幾香口同脆，但覺得椒鹽落得有啲多，食落稍嫌偏鹹🙈。Btw餐廳始終都係細舖，坐得有少少逼，唔係坐得好舒服，不過都唔大影響～～總括嚟講，呢餐係滿足嘅一餐，壽喜燒烏冬真係有驚喜，係值得一試嘅招牌菜～～不過丼飯稍稍普通，建議叫返烏冬🤣🤣 對於壽喜燒湯底或者烏冬嘅愛好者，呢間餐廳應該係個唔錯嘅選擇～🍜✨…查看更多

又係一個唔想出去食飯，又唔想自己煮食嘅晚上，就叫咗masam嘅漢堡包外賣叫咗一個二人餐再額外加多一個吉列炸蝦小食我哋兩個都要咗經典安格斯牛堡，想講佢外賣都包得好好！！一打開個盒賣相好好，送到嚟個包都仲係熱嘅，溶溶哋嘅芝士加上有肉汁嘅牛，係絕配呀😍😍粗薯條都係仲係熱仲係脆嘅跟餐嘅小食我哋要咗魷魚蝦枝，一條條好長咁🤣🤣脆卜卜，都唔錯，不過係個餡有啲啲細舊額外嗌嘅小食係吉列炸蝦配是拉差檸檬醬，炸蝦炸到好脆，啲蝦肉食落都ok~個汁都好好食！！酸酸辣辣好泰式feel🤩 I like it~~嘢飲我哋兩個都要咗藍橙梳打，幾fresh又唔會太甜😆👍🏻總括嚟講成餐外賣有堂食嘅質素，樣樣都好食😆burger最出色🤩…查看更多

近排多咗嚟土瓜灣食嘢，先發覺原來土瓜灣有咁多好嘢食今次就同男朋友去試咗餃撚店🥟🥟鍾意食沙爹牛嘅男朋友一坐低就即刻叫咗個煲仔沙嗲牛麵，沙爹醬汁十分濃郁，好正啊～加埋個煲仔滾住，熱辣辣，仲更加好食～如果無記錯，好似係46蚊，性價比都OK～🤩爆汁牛肉餅好似都幾多人叫，我哋都試咗一個，果然好好食！入面真係超級爆汁，湯汁香濃～😍😍我哋仲叫咗個韭菜餅，都唔錯，但相比之下，牛肉餅更加出色雙重芝士煙肉餃——我哋揀咗煎餃，呢個好啱我口味，皮唔會太厚，餡料好足，芝士味超級濃，食落去有啲似卡邦尼意粉嘅味道？我幾鍾意～乾撈餃子麵——葱油味道好香，好好食，不過對我嚟講，食到後面有啲膩咗，不過見男朋友食得好滋味🤣！建議兩個人share個麵會更好～滷味墨魚——味道正常，不過我覺得最好嘅係店員會俾醬油、芥末同甜醬任我哋自己落，對鍾意醬汁嘅我嚟講好滿意呢樣XDD下次嚟會想試埋嗰個猴頭菇松草花湯底，感覺好吸引～可惜今次太飽，試唔到🥹🥹漏咗講添，佢個辣菜脯都好好食🤤佢個辣度對我啱啱好😌😌…查看更多

中午唔想自己煮，就喺KeeTa叫咗外賣男朋友叫咗人蔘蟲草花雞湯米線，佢話個米線好彈牙爽口，掛汁，送到過嚟都完全唔會一pat pat咁～湯底有濃郁嘅雞味，好香嘅蟲草花味，見佢飲晒成碗湯🤣🤣我就要咗竹笙椰子雞湯米線，竹笙好索汁好好食😍淡淡清甜嘅椰子雞湯，有一隻雞髀～啲肉雖然唔係話好滑，但係煮到好腍，好正😍我都係差唔多清晒啲湯咁滯😋最犀利係飲完都唔覺得口渴，睇嚟應該真係冇乜加味精～～見個黑糖豆腐花加$3咁抵又試吓結果真係唔錯！！個豆腐花好好好滑，黑糖好似唔使錢咁，俾咗好多🤣🤣超級超級抵，一定要加！！但係因為太肚餓，食米線嗰陣完全唔記得影相。。。所以淨係影咗個黑糖豆腐花🤣總結係大推！…查看更多

今次已經係第二次嚟韓奶奶拌飯食嘢了，就係要 encore 佢嘅牛頸脊拌飯。今次第二次嚟食，原本有諗過揀其他嘢食，但係最後都係抵受唔住牛頸脊拌飯嘅誘惑。啲牛肉好夠腍，而且真係好香好有牛味，配埋牛油同埋拌飯醬撈埋一齊真係好好好好食～我哋仲叫咗芝士辣雞拌飯，都幾好食，辣味適中，再加上溶化嘅芝士，係不錯不錯的配菜方面都有驚喜，包括泡菜同蟹仔。泡菜酸辣開胃，而蟹仔甜甜辣辣嘅味道好得意，食完之後會想再食多幾粒😂我哋仲叫咗個小食，炸薯餅配雪花芝士乳酪醬。炸薯餅外脆內軟，配上雪花芝士乳酪醬，味道非常搭配，好好食。唯一係份量有啲少，$30一塊好似有少少貴，但整體體驗仍然係相當不錯。…查看更多

之前喺 Social Media見到呢度嘅冬陰功煲仔麵覺得好吸引，所以 Save 咗好耐，今次終於食到啦！一上嚟嗰陣，個煲仲喺度咕嚕咕嚕地滾住，熱辣辣嘅感覺真係幾有feel🤣冬陰功麵加埋個蛋，真係絕配，味道濃郁。唯一美中不足嘅係，麵嘅份量較少，而且冇乜其他配菜。不過，泰式公仔麵底好似原本就係比較細啲嘅(?)所以呢個唔算係大問題。至於串燒，我哋叫咗三串豬肉同三串雞肉，兩款都好食，有我最鍾意嘅沙嗲汁😍仲叫店員比多一兜沙嗲汁我哋🤣冬陰功煲仔飯都好惹味，入面有蝦同魷魚。我仲加咗少少串燒嘅沙嗲汁落去，加完更加好食～～煲仔飯仲送咗一碗冬瓜湯同埋一個甜品。冬瓜湯清清地，好解膩，甜品就係椰汁西米糕，都唔錯～因為今次得兩個人食，所以食唔落咁多嘢，但下次一定會再嚟試下金邊粉同埋咖喱麵，好似好吸引咁😍…查看更多

因為見佢情人節餐唔太貴，所以就叫男朋友book呢間情人節餐嘅餐湯係蟹肉海鮮濃湯，我自己真係幾鍾意呢個湯~呢碗湯啲蟹肉都算多，湯底濃郁但唔會過鹹，不錯不錯至於三款小小嘅前菜就稍微差啲啲。黑醋鮑魚個味道唔錯，配合黑醋嘅酸甜味，整體感覺相當不錯。但係芥末籽海螺呢個前菜就有啲過鹹，掩蓋咗海螺本身嘅鮮味，呢點稍嫌可惜。越式帶子反而幾好，帶子嘅鮮甜味配合越式調味，清新又唔會過於濃烈。仲有另一個前菜係芝士安格斯牛肉卷，呢個又係今餐晚餐幾鍾意嘅一個東西～卷入面嘅芝士溶得剛剛好，配上多汁嘅牛肉，味道啱啱好。牛肉嘅肉汁豐富，配合芝士嘅香濃，令人食完已經感覺飽咗一半😂去到主菜西班牙海鮮飯，其實唔係好識評論，因為平時冇乜點食西班牙嘢🤣呢碟西班牙海鮮飯辣辣地。海鮮方面我諗都算多嘅，有青口、蝦同扇貝，扇貝感覺都幾新鮮，口感幾好。不過，食食吓就感覺有少少膩，如果味道上能夠有多啲層次，就更加好了～呢款棉花糖配糯米糍甜品，感覺有啲普通。棉花糖的確係好食嘅，士多啤梨味🤣但係整體感覺唔係好似一個完整的甜品。好似係將冇乜關係嘅嘢擺埋一齊嘅感覺？不過，以情人節呢個價錢嚟講，成餐都不過不失啦但有得揀嘅話會比較想散嗌🤣印象中以前食過一次散叫嘅好似更加好食～～…查看更多