ellenchow的个人专页

中學時期在跑馬地渡過。出嚟做嘢亦曾經住上幾年。那些年愛上了蓮園嘅炸兩。西米布甸。粥。真係一間有心做食物的小店。食物出名，老闆娘霞姐更出名🤣可能我自細習慣了老闆娘直率的性格。抱住有麝自然香心態。我想真係嚇怕咗好多人。講真當然我都驚嘅，不過一諗起好好味嘅嘢食，我又會隻腳不期然地去。已經搬離左跑馬地10幾年。一個月總會跑去跑馬地食返一次，咁多年都仍然保持水準，實在難得。眼見呢幾年好多原本好好味嘅店舖，因為遊客太多出咗名，食物水準每每走下坡。已經食唔番以前細個嘅味道。確實可惜。幸好仲可以喺呢度食到。值得！上兩次食過佢嘅椰汁西米露簡直驚為天人！佢嘅椰汁係新鮮嘅椰汁！超級好味。大家不妨一試。今晚我又去買咗外賣啦。我覺得而家好味道嘅食物。真係要支持！佢嘅炸兩我可以講係全香港最好食。…查看更多

今日去開柴灣。好掛住佢個巨型魚柳包。魚柳包同店員想要茄汁，一位戴眼鏡短頭髮嘅女士走來答。「我哋冇茄汁。 」之前攞嚟食，每次都問佢攞茄汁，不過人哋而家話冇就算啦，可能太耐冇嚟人哋改咗。奇怪就係我出去埋單嘅時候買一支好大嘅茄汁。究竟係有啲咩問題令到佢話冇茄汁。食緊嘢嘅時候聽到佢哋同啲熟客講話唔明點解而家啲人上晒大陸消費，其實佢哋咪正正回答咗呢個問題。茄汁而家真係咁貴？還是食魚柳包唔應該有茄汁？其實真心真係想留港消費，不過你哋咁嘅服務態度真係令到我哋無奈要轉移陣地…查看更多

雖然已經搬離開咗跑馬地10幾年，中學時期喺度渡過。十幾年前亦曾經喺跑馬地住過三年。對於呢度嘅舖頭。始終有一定嘅情意結。蓮園亦係我其中一間轉成入跑馬地食嘅舖頭之一。雖然霞姐直述式嘅答案或者個人風格令到好多人都卻步，講真我細嗰時都怕佢，但我就係由細食到大，所以知道佢嘅性格人夾人緣。總之你快脆叫嘢食唔好扭扭擰擰，其實佢啲嘢真係好味。佢嘅價錢比隔離兩條街嗰間貼地。今日趁阿仔考完試就嚟個快閃跑馬地美食之旅。炸兩真係要必食。水準仍然保持得好好。真係超好味。豬膶粥。牛筋腩。鹹肉糭。。仲有西米布甸，呢個甜品係驅使我成日專登揸車入去買外賣。有啲舖頭做得耐咗或者出名咗做咗遊客生意 ，水準會唔每每下降。例子比比皆是。。呢間舖頭大大話話應該有40年？難得佢保持水準。應該要多多支持。如果大家怕老闆娘可愛嘅坦率性格，建議大家可以買外賣。不過我唔怕我繼續會坐低喺度食。…查看更多

27/2今日下午去買外賣3個午餐。一來個收銀阿姐勁冇禮貌。收錢時未問我就叫我比八達通。我話八達通可能唔夠錢。要比微信。佢聲大夾惡叫我”快啲。阻住晒”疫情下勁冇生意仲可以咁冇禮貌。後來同街坊傾開。原來佢臭名遠播。最過分係返屋企食到最後。竟然發現咕嚕肉入面混有小強🪳。好嘔心。好核突。小強🪳已經溶溶爛爛。。一家四口扣晒喉。食到尾先見到。疫情下仲係咁。。太過份！永遠唔會再幫襯。好耐冇寫食評。擺上嚟係希望大家知道。考慮一下需唔需要幫襯。我自己就永不再食。…查看更多

之前也去過這餐廳，覺得環境不錯‼小朋友見到那飛機很開心！所以見到有團購優惠即刻買左！今日2：00 到達，被問是否用coupon,回答後見到經理一幅不肖的咀臉，心裡已經不好受！入座被安排在一個沒有窗簾而陽光猛烈的窗口位置，由於小女兒睡了，要求經理調位，他回應只可以坐中間枱，我地也沒反謂，但當時還有3 張窗口位及大量梳化位，直覺是有人存心為難！一坐下menu 還未有，那位經理已經要收取coupon,有點看不起嘅感覺！真係貼錢買難受！心想公司安排了團購，無非係宣傳一下，作為負責人應該全力配合，樹立榜樣,何以要擺出呢幅討厭咀臉！問主任有否投訴途徑，佢話可以打返電話黎搵經理！暈‼奉勸老板，如果想生意回復當年勇！就請重視一下呢度咁多客人對服務的不滿！經理不能留！…查看更多

星期日一家人4個大人一個bb第一次去呢度食,打算開開心心食一餐.......結果,勁差!唉去呢度係家人見到oper rice之前Ｄ食評話幾好.我地一星期前訂位,話明有bb只得5 個月要有位放bb車,6:15去到佢地仲未準備好,惟有出去外面坐,經過口時見到有張枱就同我老公講"呢個位好似坐門口,所有人都經過你先入到接待處".........6:30入座啦,原來我地就係坐頭先個位,我同個着西裝嘅男士講"我地係一星期前訂位,而且我地有bb,坐果個位太多人出入.(張枱後面仲有一條樓梯上落),佢返接待看一看後話可以安排另一張枱比我地,點知係坐出去商場......,佢就話一陣有人取消幫我地轉枱,唉...都好過頭先果張嘅,信佢啦坐住先.出去攞嘢食,Ｄ蝦霉嘅唔新鮮,原價$348嘅自助餐竟然冇生食.Ｄ燒牛肉好鞋,攞食物嘅位太窄令到經常人撞人.要左閃右避!!惟一最好食係雪糕同海南雞.到最後個着西裝嘅男士都冇幫我地轉枱,而我就見到餐廳入面有2張枱直至我地走都一直冇人坐過,(6:30-9:30)門口果張就更加冇人坐啦,期間我仲見到6個自由行冇訂位都有位(我聽到佢地講冇訂位)....總之,安排極差,應承話會轉枱又唔跟進.想做多d生意係無可厚非,但收客人$348一位無可能要客人坐喺個商場,搭船Ｄ人行來行去,完全沒有環境氣氛可言.去茶餐廳仲好過......一定不會再去了.......差不多價錢還有很多選擇呢.何必要受氣呢.…查看更多