kdde2的个人专页

最近經過太古城，見到呢間泰國菜啲宣傳招牌好吸引🤩原來係全泰國人班底，主廚係30年經驗師傅，八卦問一問，原來好多泰國餐廳都係呢位廚師做顧問起家！雜錦海鮮桶有原隻波士頓龍蝦、鮑魚、青口、大虎蝦等等，夠2-3人食！入邊仲有粟米嗦晒啲汁真係好正跟住呢個酸辣火山骨，真係有驚喜，細份都好大份！排骨好多肉個汁真係相當唔錯！跟住再嗌咗近排好Hit嘅泰北咖喱麵同埋黃咖喱大蝦！ 我想講佢呢個咖喱汁真係撈飯一流！最後一提，平時會覺得正宗泰式奶茶太甜，呢度嘅泰式奶茶唔係好甜，真係啱晒香港人口味！唯一美中不足就係九點收舖早咗少少！不過港島放工過嚟食6點幾7點就啱啱好…查看更多

荔枝角名店「好好運」終於食到喇～一食就連續食咗幾次🤤🤤😎平日經過12:30排滿人，觀察咗好幾日，1:30之後就會比較少人！有次兩點去更加唔使等位！沙嗲牛肉麵出名就好多人知道，今年想推薦少啲人知嘅嘢食。 🤤🤤🤤好好運嘅扒類係好值得大家嗌因為份量超大牛扒煎蛋公仔麵額外加沙嗲汁亦都係比沙嗲牛肉更豐富嘅選擇！同埋佢啲煎蛋全部都係太陽流心蛋，撈埋啲麵食真係超正🤤🤤🤤🤤仲有1:30之後先有得嗌嘅大大份鹹牛肉蛋治。👍🏻👍🏻👍🏻呢個茄汁雞扒炒蛋飯睇相就知真係冇得輸。…查看更多

聖誕節去左元朗食飯，叫咗兩款主食，明太子意粉同鰻魚飯，不過不失，之後就到重頭戲疏乎厘pancake同埋窩夫！Lotus 香蕉窩夫非常之大塊，而且口感係比較鬆軟嘅唔係脆卜卜卜嗰一款，不過都算係外脆外軟，啲cream亦都唔會太甜，非常之唔錯！疏乎厘pancake就略嫌太過於軟綿冇乜質感，真係非常之濕潤，不過都比想像中大份我哋四個人share都夠食，總括嚟講呢間餐廳不過不失冇想像中講到咁好，價錢稍貴，不過質素都唔差！…查看更多

Recently, I discovered a new teppanyaki and tempura restaurant at the Four Seasons Hotel in Hong Kong called "Teppanyaki Tempura Shun." I first came across it on social media, where it quickly gained attention for its fresh ingredients and unique cooking methods.The restaurant features a bright and airy atmosphere, enhanced by ample natural light and beautiful garden landscaping. With two skilled Japanese chefs at the helm, diners can watch them skillfully prepare dishes on the teppanyaki grill, adding an engaging element to the experience. The seating is well-arranged, making it suitable for both romantic dinners and family gatherings.I ordered the mixed tempura and teppanyaki dinner set. The teppanyaki was outstanding, featuring perfectly cooked chateaubriand wagyu that was incredibly tender, paired with a rich house-made sauce and crispy teppanyaki garlic. The seafood, including fresh lobster and scallops, was also delicious and complemented the vegetables beautifully.The tempura was equally impressive, with a variety of options like tiger shrimp, lotus root, and amadai fish. Each piece was light and crispy, with no greasiness, and the sweet and savory dipping sauce elevated the dish even further.The staff were friendly and attentive, providing detailed explanations of each dish on the menu. They checked in at appropriate times to ensure diners had everything they needed, creating a welcoming atmosphere.In terms of pricing, it is slightly higher than average teppanyaki restaurants, but considering the freshness of the ingredients and the skill involved in cooking, it is well worth it. The set menu offers great value, making it an ideal choice for dining with friends.Overall, Teppanyaki Tempura Shun is a restaurant worth trying. With delicious food, a comfortable environment, and attentive service, it meets a variety of dining needs. If you're in search of a new dining experience in Hong Kong, I highly recommend giving it a visit!…查看更多

最近睇雜誌報紙見到中環有間新開Fine Dining餐廳ANIMA by Al ché-cciano，主打日意廚師發辦菜式，就同朋友去試試，分LUNCH MENU & DINNER MENU,今次先試試$1180-7道菜午餐。餐廳第一道招牌菜式，Bagna Càuda賣相十分精緻，份量十足，用咗超過20種由日本山形縣及各國直送的瓜菜入饌，廚師解釋話會就每款瓜菜的特性賦予最佳嘅烹調方法，再配上以鯷魚、大蒜、花椰菜熬製而成的特調醬汁，難怪瓜菜入口暖潤飽滿，伴上風乾帕馬ham，口感層次都好豐富。是日Pasta係秋刀魚意粉，配上大蒜與橄欖油熬煮而成，伴上微辣的青辣椒，配搭好新穎。主菜可以揀烤雞或者燒牛，與朋友各點了一份share 試吓，兩款都係用全港獨家遠紅外線烤爐烤製，特別推介宮崎縣chateaubriand，超細膩油花，肉味香濃多汁，配上濃淡適中的赤麵豉醬汁，好好食。烤雞用上新鮮三黃雞，皮脆肉嫩，充滿肉汁，真係好出色，建議大家兩樣都試！聽講日籍甜品廚師來頭都唔細，係日本三星餐廳做過餅廚，令我好期待，是日甜品係山崎威士忌Tiramisu配自家製咖啡味Gelato，我只可以話呢個甜品太好食了，微微酒香又唔會太甜，入口相當香滑，令整個用餐體驗更滿足。最後，餐廳環境私隱度好高，入門口左轉有間房，有大約8個座位，日籍廚師會席前烹調料理，環境不嘈雜，服務都好好，好適合商務招待客人，好推薦！下次想同屋企人去食晚餐！…查看更多

早幾日去開中環，同事介紹我地食Yakiniku Jumbo ，話係東京燒肉名店，主打以A5和牛嘅刁鑽部位，咁放工就一齊去試試。野原燒 Noharayaki係佢嘅經典原創皇牌菜式，帶焦香及牛脂油香，超出色！必試埋超巨型黑毛和牛壽司，店員會席前幫你燒埋，體驗很好！咁仲食左d燒肉套餐share ，原來食高級燒肉，價錢冇想像中咁貴。最後仲食咗個超級正嘅雞白湯拉麵，用新鮮三黃雞殼熬製而成，金黃色好香濃，聽講每日限量15碗，有機會嚟食一定要試吓！…查看更多

聽同事講深水埗呢間一興粉麵好出名，咁啱經開深水埗做嘢，又唔使排隊就即管試吓佢～突登想試崩沙腩，但兩點去到賣晒，轉食牛腩，估唔到都咁好食！令我更期待崩沙腩！牛腩份量好多，牛味香濃，邊位帶有牛脂，又唔嚡口，鍾意食辣再加啲辣椒油更正！朋友叫咗碗牛三寶，除咗牛腩仲有牛根同牛肚！牛根炆得好軟腍入味，膠質感滿滿。淨紫菜四寶入邊會有魚皮餃、魚蛋、墨魚丸、扎肉、豬肉丸、生菜同埋紫菜，超級豐富，重點推薦魚皮餃，外皮煙煙韌，饀料足，意外地出色！重點係價錢抵食～～經過不妨推薦一試…查看更多

土炮拉麵店「樂麵」最近於將軍澳開設分店，主打日式湯底配港式醬汁，花雕醉雞湯是必點的，以雞白湯為基底，加入自家調製醬油及悅和醬園的花雕酒，甫上枱酒香撲鼻，湯面上遍佈泡沫，原來是每碗拉麵出餐前，師傅會以攪拌棒把湯底、醬油及花雕酒徹底攪拌融合至順滑，繼而放入麵條、雞肉叉燒、鴨肉叉燒及醬油蛋，再淋一圈悅和醬園花雕酒。難怪湯頭入口creamy富濃稠膠質，同時帶醇厚酒香，拌勻紫洋葱再喝一口，更是惹味。有別於坊間大部份拉麵店，店子的拉麵叉燒有豚肉、雞肉和鴨肉叉燒三款。最特別的是鴨肉叉燒，以鴨胸慢煮4 小時後，再炙燒外皮，肉質鬆軟，沒有多餘的脂肪或羶味，卻帶淡淡醬油甘香。慢煮雞肉叉燒以雞胸製成，調味較淡，口感十分細嫩。慢煮豚肉叉燒很大片，呈嫩粉紅色，口感腍滑。將軍澳店亦推出了限定琥珀之味醬油拉麵，湯底以大量沙甸魚乾、昆布、多款蔬菜、悅和醬油及日本萬字醬油熬約兩小時而成，醬油湯底偏甜口帶焦香，清鮮順滑。所用的麵條同樣有特色，除了特製的永樂伊麵，更有聯乘永樂粉麵廠製作藜麥麵，加入自家研磨的紅藜麥製作，現時供應的正是改良後的第十版，麵條腍身滑溜，毫不油膩。除了拉麵，也可來點份秘抽叉燒滑蛋飯，性價比十分高，以脢頭製成的慢煮豚角叉燒炒蛋，鋪滿整個飯面，淋上秘製醬汁，蛋香濃郁嫩滑，醬油香甜，送飯一流。…查看更多

以下絕對係真實食評，首先一入到去 店員都好有禮貌介紹招牌菜，跟住我哋就點咗佢推薦嘅招牌泰式青芒魚，話用盲槽魚起肉無骨炸，好似好吸引，食物好快就上枱，魚肉係凍冰冰，唔係吹涼咗咁簡單，魚肉凍到同行友人都懷疑係咪凍食，跟住問一問店員確定係熱食就同佢講番條魚問題就幫我哋取消咗，事後話係師傅炸完之後放耐左，環擺到咁凍真係似一早炸定，真心超級差！跟住除左個炒河粉係okay正常，生菜包肉碎好乾。明白冬陰功一向濃味，但係重鹹係致命傷，同埋啲蝦肉基本上係無，真係好重口味人士先啱。真係好唔明白點解大家都會大力稱讚呢一間餐廳嘅食物質素，價錢唔係特別平，但銅鑼灣價錢可接受，只係想食返啲正常味道嘅嘢都冇！希望餐廳老闆見到可以有改進。質素咁唔穩定…查看更多

今日同朋友去海港城中庭睇mirror展覽，睇完就去附近搵餐廳食飯，揀咗樓下一層嘅海南少爺。咁啱坐到海邊卡位，環境感覺好舒服，一坐低就開左壺茶，荔枝紅茶飲落好清新。之後叫左個招牌海南雞飯，雞件都幾滑身，中規中矩，有三款醬汁蘸，最鐘意係薑茸，配果碗雞湯都好飲，唔會淡而無味。串燒併盤我哋揀左豬同牛，幾香唔韌唔柴口！不過最有驚喜都係個馬來西亞肉骨茶，由暖爐仔奉上，可以熱辣辣咁食，個湯夠晒味道，藥材味唔會太濃烈，感覺好養生，肉都夠腍身，重點係唔嚡口，會再想食！之後朋友仲想叫多咗個主菜，就揀咗份炒貴刁，唔會太鹹，微辣，好快就俾我哋ko晒！最後，去到星馬餐廳都會想叫番杯特飲試吓，呢杯杏仁奶茶味道好特別，好香滑，嗌少甜就啱啱好喇。另外果杯略微遜色，似雜果賓治。…查看更多

呢間新開嘅和牛燒肉放題店，終於卜到位喇～呢到分A-F套餐，最平嘅套餐$348就可任食2小時，今次揀咗中價錢每位$448嘅Set C,選擇都幾多，包括海鮮、肉類、刺身同小食等等。餐廳用qr code落單，我哋坐卡位仲有新幹線送餐，好方便。先叫咗份舟盛，可以試勻豬牛雞海鮮同埋蔬菜，好豐富！牛肋肉同牛里脊肉油花均勻，好軟腍，牛舌、壽喜燒牛里脊肉都值得一試，每份都附有蛋汁，薄薄一片，我哋配埋碗玉子紫菜飯食，好夾！出面drink bar，salad bar同甜品櫃都好多選擇，好開心有西柚汁飲仲有焦糖布丁同好多雪條食！見到格黎台有小田和牛食，下次會再試吓！…查看更多

呢間新開嘅外賣舖係佐敦文苑街舖面好靚 好文青 似Cafe ，原來賣XO醬蘿蔔糕 、炸糭同自家製豬油渣瀨粉㗎！大大份，超多XO醬，蘿蔔糕夠實淨，超香！個炸糭仲可以配砂糖 或者辣醬，個瀬粉好滑身，不過比較易斷，上邊嘅豬油渣真係好邪惡😈正！…查看更多

深水埗越來越多文青Cafe，今次新開嘅打卡Cafe喺鴨寮街，叫MILK BAR ，裝修係韓國風，樓下有好多打卡位，雖然入邊嘅食物唔多；窩夫即叫即整，好鬆軟同脆身！Blue latte 同士多啤梨梳打特飲打卡都好靚 🍹🍓坐喺門口chill 吓都幾舒服…查看更多

觀塘除咗冰室出名，喺隔離嘅6號冰室都好唔錯！唔寫食評都唔知原來改咗名做6號泰廚！滑蛋叉燒飯，蔥花夠香，蛋又多又滑，半肥叉燒睇相都見到香+腍～好快就食晒成碟！另外呢間茶記最出名嘅其實係蔥油系列，蔥油雞扒午餐肉飯都好食㗎！…查看更多

呢碗就係最近嘅大勢！最近喺網上米線群組經常見到呢碗香格里拉米線🍜經過牛頭角一試 好食 ，食完返唔到轉頭，酸辣湯底夠酸，可以揀加辣，不過呢間四小辣都好強勁，建議大家一開始食bb辣就可以喇樣樣餸都好有驚喜，炸支竹夠脆，超嗦湯汁，豬紅豬潤都好滑溜，係必試items之一，肥牛同豬扒都好食！唯一要挑剔嘅地方就係米線煮得比較淋身🥺不過lunch time 都幾多人，記得預時間去！…查看更多