Koala Bo的个人专页

上次無意中喺元朗YOHO MALL飲咗杯Godiva熱朱古力，一試難忘，所以今次經過奧海城嘅分店，忍唔住再點一杯，期待著飲呢杯熱朱古力嘅滿足。可惜原來同一杯熱朱古力，出自不同分店，不同人嘅製作，可以有如此天淵之別... 真的有點失望，因為確實對它有著期望。這次的熱朱古力味道十分普通，而且很甜，蓋過曬72%朱古力的味道，飲兩啖就覺得很甜很膩，完全沒有第一次飲完一啖會忍唔住飲第二啖嘅滿足感。希望Godiva可以統一下出品品質，希望下次有機會再嚐到令我一試難忘的熱朱古力的味道。…查看更多

Godiva嘅72%黑朱古力熱飲同佢嘅朱古力一樣，價錢一啲都唔平，$50一細杯。（會員有9折）但係呢杯朱古力熱飲係有質素嘅，飲落係真係朱古力嘅味道而唔係只係甜味；質感唔會太濃，唔會覺得好膩。係杯飲完一啖會繼續想飲落去，飲完會覺得滿足嘅熱朱古力。☺️…查看更多

週末嚟到山頂，終於有機會試吓奈雪嘅包點。點咗一鹹一甜，兩個都好食。個人特別鍾意草莓忌廉包，草莓甜嘅，忌廉份量適中，麵包軟身，表面鋪上脆脆，食嘅時候覺得好滿足。骨頭菠菜肉鬆包就餡料十足，鍾意食肉鬆嘅朋友食佢應該會好開心。另外，店舖提供嘅切包服務同埋膠手套都好貼心。…查看更多

之前嚟餃子源都係食餃子同麵食，覺得都不錯，所以間中都會幫襯。是日午飯時間經過，想食飯，就點咗個山東手撕雞飯。手撕雞同預期嘅好唔同，唔知係咪山東嘅做法，唔係條狀嘅，係一嚿嚿的。整體賣想好一般，雞肉有啲乾。下次都係食返餃子開心啲…查看更多

終於試齊三款口味！分別係雲呢拿/原味、抺茶、竹炭黑芝麻。宏嘅roll cake其實仲有好多不同款色同口味，不過呢三款應該係classic。三款嘅蛋糕都好濕潤，忌廉濃厚。三款之中，我比較喜歡原味同埋抺茶口味。原味蛋糕充滿蛋味，日本忌廉又香又滑。抹茶口味都好食，食起嚟唔會有茶嘅苦澀味，仲清新啲。竹炭黑芝麻有好濃嘅黑芝麻味，但係就好似蓋過咗其他嘢嘅味道。我哋買大嘅$30。另外呢三款口味有細嘅$15。一個人都可以一次過試曬三款口味…查看更多

第二次週末嚟到Thai Basil食lunch。簡單點咗三樣野：海鮮喇沙、青咖哩雞、薄餅。海鮮喇沙係翻點嘅菜式，因為呢個喇沙整體好啱我哋嘅口味。特別欣賞佢嘅蝦有分開燒好再擺入去，連蝦頭嘅膏都係好食嘅；油麵軟硬適中；仲有佢用炸頭腐而唔係豆卜，食落更加有口感。青咖哩雞方面，青咖哩唔係好辣，好適合我呢啲唔係好食得辣嘅人。個咖哩裡面嘅配菜都係好食嘅，有烤過嘅薯仔、泰式茄子、秋葵、豆角等，雞肉都嫩同埋淋。另外，點咖哩當然唔少得點埋薄餅。但係個薄餅都真係好食，酥脆，外脆內軟，淨食薄餅都一樣好食。總括來說，我哋都覺得好滿足，食到有心思嘅野食就是開心！…查看更多

為咗想食佢嘅紅棗糕，所以就嚟咗呢度食晚飯。一行4人點了3個小菜+賽螃蟹伊麵+炒菜芯+白飯1碗同埋我最想食嘅紅棗糕。小菜等都唔錯嘅，不過價錢都有番咁上下，例如清炒菜芯$108/碟，性價比唔算高。晚飯有7折，4人埋單8百幾蚊。My favourite:晚飯有木瓜雪耳糖水送。…查看更多

幾個月前，第一次經過呢間湊湊鍋嘅時候，買咗杯大紅袍奶茶，覺得好好飲，大紅袍茶嘅味道令我對佢念念不忘。今次嚟到荃灣，特意走過嚟再幫襯。見餐牌上有大紅袍拿鐵，向店員查詢下有咩分別，原來大紅袍奶茶係用奶粉沖，拿鐵係用鮮奶沖。於是今次點咗用鮮奶嘅拿鐵（少甜少冰），滿心期待，結果係超級失望個樣好似好吸引，不過可能因為啲奶變咗奶泡嘅狀態，同啲茶完全混合唔到。完全冇奶茶嘅味道，個甜度又蓋過咗個茶，啲冰碎溶埋，變咗冇咩味嘅糖水，完全冇諗過會係咁... 之後我哋忍唔住再點返個招牌大紅袍珍珠奶茶，三分糖少冰。這次，大紅袍奶茶嘅味道終於出現返，不過可能真係唔同師傅嘅手勢有異，今次個奶味比較重，個人覺得有點兒嘥咗個大紅袍茶。好懷念第一次飲嗰杯大紅袍奶茶嘅味道，真係可遇不可求。…查看更多

經過門口見到幾吸引，就入去點咗兩杯喺餐牌上面Top 1 同埋Top 2嘅飲品。Top 2 嘅奶蓋烏龍茶，揀少甜飲落都仲係好甜，蓋過晒啲茶味又令到個奶蓋飲落會鹹咗，真係有啲失望...至於Top 1嘅水果茶，完全真係就咁擺啲水果落啲茶到，冇咩味道...如果以呢個價錢，我真係唔推介了。…查看更多

連續兩個週末食越南野，兩次價錢差不多，但芽莊嘅性價比較上星期食嘅WhatThePho 高兩次都有食生牛河，芽莊嘅食材，牛、河粉、芽菜等都比較好。另外，叫咗芽莊炒飯，啲飯好煙韌而且粒粒分明，配料好足，不過我哋就略嫌比例上料多過飯。上菜速度迅速，可能因為這陣子入座人數有限，真係落完單轉個頭就有得食。不過唔知係咪疫情關係，餐廳提供嘅係即棄餐具🍴。…查看更多

午飯時間嚟到PP，經過這家日式餐廳，近期食住家飯為住，好耐冇食過日本野，就揀呢到食個晏。第一次光顧，餐廳內部環境很寬敞，是在門口看到的一部。因應近日堂食規限，人數不多，比較清靜。我們二人分別點了一個烏冬餐和和一個壽司餐。壽司刺身都新鮮，溫度適中，不過就冇咩驚喜。附帶的Wasabi芥末都似乎係預製嘅，唔係啲自家/新鮮磨嘅。烏冬都可以，唔算好QQ，但係都有咬口。白湯味道濃郁。…查看更多

為很喜歡食榴槤的朋友訂了這個貓山王蛋糕，不用打開蛋糕盒就已經聞到陣陣榴槤香氣！不吃榴槤的我主力吃了雲呢拿海綿蛋糕和蛋糕表面帶有抺茶味的忌廉，而朋友們就把整個吃掉，而且超滿足！…查看更多

經OpenRice預訂Business Set Lunch $168+10%餐前麵包是暖的，可惜牛油是溶的。前菜我們選了沙律，裡面有沙律菜、牛油果、芝士、果仁、青瓜搭配芒果乳酪醬，口味清新。主菜選了鴨胸和魚柳，整體味道不過不失啦，啲食材嘅配搭都可以。甜品有兩款選擇，Raspberry Paris-Brest OR Strawberry Coconut Mousse Cake. 個人幾鍾意個 mousse cake, 不過配搭啲lime sorbet 有點意太搶，如果可以搭返另一個甜品個raspberry sorbet 或者配埋strawberry/ coconut sorbet就應該會更開心。最後仲有咖啡/茶，總結呢個午餐。…查看更多