Baby Cherry的个人专页

今日同朋友去咗殿大喜屋食lunch放題，之前都係食過大喜屋，今次就你間高級啲嘅！果然有驚喜海膽杯令到我哋好驚喜 海膽下面鋪滿着蟹子同三文！呢度嘅刺身好新鮮而且好厚身，食落去好正🥳三文魚同埋拖羅都係我覺得最值得推薦嘅，拖羅真係入口即溶❤️呢度有一個虎蝦配啤酒啫喱 好特別值得一試啫喱食落去會有酒味🙂花膠都好大舊 而且加埋啲汁好入味佢嘅天婦羅同埋吉列蠔 炸物來講都算唔錯 ，因為唔會食落去好多油牛舌都可以值得一試，咬落去唔會難咬😛鍾意食甜品嘅我哋，雖然已經食到好飽，但係佢嘅款式實在太吸引，而且細細件每款都可以試吓最開心嘅係雪糕有Häagen-Dazs同埋Movenpick,有士多啤梨同埋朱古力味，都係我最鍾意嘅味道，仲有一隻沖繩海鹽，好特別🥰…查看更多

因為有同事生日，我地又係附近返工，揀左八點半呢個時間，岩哂大家放工後去食餐勁既，同行三個人，已提早訂枱，一去到等左三分鐘到就可以入座，效率很高一坐低就緊係 瘋狂叫野食款式種類都算多，除左可以用紙叫之外，行出去都有雪糕、飲品，一定要留肚食甜品，有榴連糯米糍一般市面上既放題，飲品款式都較少，但呢間有好多選擇刺身先來，有甜蝦，好大隻既新鮮，好好味，冇平時食個隻雪味。三文魚既厚度好均勻呢個燒鰻魚好好味，平時普通出去食都好貴，可以叫多幾次，真係推介。食左咁多肉，可以叫返個冷烏冬中和下。呢度既壽司優勝就係飯細細舊，唔會塞飽客人，可以試更多不同既食物。最後都要推介一下雞軟骨同埋天婦羅，都炸得唔油膩而且好脆其實呢到員工服務都幾好，食物準而快，唔會漏單。廁所又乾淨企理，似商場廁所，有幾格縮短輪候時間。可以再黎呢間再食。…查看更多

趁平日食飯無咁多人又盡時收工即刻約埋三五知己去旺角行下街，行左一陣又到左晚飯時間嚕三個女仔決定去食放题，雖然放题對一般女仔黎講可能吾抵，但勝在方便吾洗諗最後我地揀左十分就腳嘅御滿屋，事關地鐵E出口一出就係，岩哂我呢啲懶人，因為時間尚早，上到去等左1分鐘左右就入得，效率吾錯! 一入門口就見到生果bar，有好多唔同生果可以任夾，侍應亦好識做，我地一坐低就即刻比茶同menu👏🏻雞翼任何一間放题都有提供，每間嘅味道都差吾多，但呢間真係超超超超超超超超超超級好味雞翼咬開之後熱辣辣肉汁流出黎，真係好好味，呢個encore絕對值燒鰻魚冇腥味，燒得好香，可以一試牛油栗米粒都好好味，用牛油做到好香💗生文魚十分足料好有厚度，絕對冇偷工減料❤玉子燒!!!!!差不多每一枱都必叫! 只要出到去寫低枱號同人數就有侍應拎比你，完全吾洗排隊餃子亦係一個不錯推介，餡料豐富，裏面都好juicy 😝最後黎到甜品時間, 奶凍十分正!😝…查看更多

店內環境舒適，而且枱與枱之間距離足夠，沒有局促的感覺。服務員態度很好，又有禮貌，不時過來問候菜式口味，很親切小食青芥四季豆，四季豆配上微辣青芥末，食落味道清香不刺鼻好醒神，入口咀爵时又充满汁陳醋雲木耳，醋汁滲入木耳有微酸，口感醒胃原盅滋補湯，雞味非常濃郁，湯渣亦有雞腳同好幾件雞肉落足料龍躉二食(古法蒸頭腩-魚腩蒸出來的魚油鮮香味得，食落軟滑，還加了蟲草花，很特別的香味；翡翠炒球-啖啖肉，西芹炒得太諗紅茄鮮竹泡青蔬，普普通通一個青蔬菜，配上濃濃食湯浸煮，加上番茄清新，食落健康又營養豐富甜品鬆化久蛋散 蛋散蘸的是麥芽糖混合蜜糖，不太甜又無咁油膩，蛋散鬆化香口飯後加埋甜品，已經滿足到飽。還要特別介紹就係餐奉送養生黑蒜，我都係第一次嘗試味道比我想像中易入口…查看更多

連鎖式集團的食店，本來都沒有信心，能給我再光顧的食店這間應該都是不錯的。裝修沒有改變，原打算今次來會試火鍋，但因趕時間，所以還是選擇食二人套餐。今次都是點左豬大腸酸辣湯底米線，但比上次辣多了，有少少難入口，但味道依然可以。牛展田園番茄湯，牛展滷水味好重，加埋番茄味，兩個味道好夾。川辣口水雞水準冇變，都係雞肉去骨，雖然雞肉比較淡，但點了醬汁一起食，還是很不錯紅油青瓜也夠凍又夠脆口，黃瓜的味道好新鮮。蒜泥白肉，食落不太油膩 而且超多蒜頭整體黎講米線營都幾好食 …查看更多

我是第一次光顧這店，在銅鑼灣鬧市中不怎樣起眼的一間店舖，沒有豪華的裝潢，但環境算清靜，可能今日吾係假日，但朋友說食物水準都算OK。我們就坐下叫菜。大家在煩惱點菜時，看見有一人套餐選擇，價錢又吾太貴，又有龍蝦鮑魚食，就選了這個餐。『上湯波士頓龍蝦伊面底(半隻)』蝦肉爽口，上湯汁唔會好杰，伊麵煙韌！份量剛好『果皮蒸南非鮑魚』鮑魚好爽口煙韌，鮮甜美味『籠仔荷葉蒸雞』嘩！蒸雞鮮味入哂飯度，飯又軟硬適中，比一舨蒸飯冇味，這店算是煮得吾錯『鮮竹野菌菜苗』野菌浸菜苗，愛清淡的不要是一個不錯的菜，湯味濃郁『燕窩蛋白杏仁茶』這很合女仕們吃，又香又滑養顔整體食品都很好。…查看更多

第二次幫襯這店，原因只有兩個，一是在我家附近，二是本人很喜歡食台菜今次去茶木都是吃我最喜愛的蠔仔粥，蠔仔份量沒有上次的多，反而多了些肉碎，但個湯都幾重蠔味！牛肉麵，麵質今次偏厚，牛肉好冧，湯汁很香濃，今次兩個主菜感覺遍另外還叫了鹽酥雞，鹽酥雞也是必吃的小食之一，但炸粉太多，雞肉好細粒，沒有什麼味道，真有點失望今次水準明顯和上次很不一樣，是換了大廚？還是食物品質差了？…查看更多

新店已搬過來已一段日子也沒有光顧，今次邀約家人一起來吃。店內裝修很中國色彩，枱上擺設很優雅，尤其個茶壼，好古代但真是有點過份重，可能係用鐵造餐牌都設計簡單得好金輝煌菜的款式都多樣化，我們叫了些前菜及主菜：涼伴川味麻辣黑木耳，涼伴木耳口感脆脆，配上川味麻辣，味道調配得剛好。日本胡麻醬件鮮山藥，也就是鮮淮山，雖然簡簡單單的一道菜，淋上胡麻醬，感覺爽爽滑滑，又夠開胃招牌蝦多士，蝦肉配上芥末沙律醬，隻蝦都算大隻，食落不覺油膩茶香煙燻雞，賣相麻麻地，但雞皮炸得很脆肉很嫩，煙燻及茶味好重好香濃，感覺煙燻味有少少過火(忘記影想)嚐館冰梅骨，冰梅骨甜甜的，而且肉厚。口水雞、鹵水拼盤、咕噜肉、豉椒炒苦瓜等雖然沒有驚喜，但味道比普通菜館好味食後感：除了食材料新鮮及高檔，廚師功勞也不少…查看更多

今日二人就去了靠近家附近的大阪王將食飯，每次經過都大排長龍，今日見冇咁多人就去試下。座位都算好坐，DIY自選配搭好特別，我們叫了珍珠飯+櫻花蝦蛋+咖哩汁+吉列豬扒/和風炸雞，各一份；還另外可以加配餃子和特飲，價錢都算OK。飯底煮得剛好，櫻花蛋煮得半生熟非常滑溜，蛋超厚身，口感十足吉列豬扒皮脆肉厚，炸雞都炸得很乾身，咬落不會有太多炸粉，咖哩汁不會太咸，餃子煎得都剛剛好，個底還有點脆，食下食下，已經比我食晒飲品最正，勁想推介給各位飲巨峰提子梳打(可能自己特別喜歡提子)，夠冰凍又好味道第一次幫襯都算OK，下次再來會嘗試鍋仔飯，好似幾特別…查看更多

店鋪都算就腳，近在朗豪坊的斜對面，門面看起來不太怎麼起眼，格局和擺放也算普普通通一般般，如果大家要去豪華裝飾，又要漂亮又乾淨，你一定會對這裡好失望。今次惠顧原因，係朋友介紹食物都算吾錯，所以今日家庭聚會就選擇這裡。這店還未開始點菜，就有點失望，原來店內沒有8-12人的大枱，我們只能用兩張小圓枱并埋坐，雖然有點擠迫，但要食舊式打冷店的風味，就要取捨其一除了打冷的食物外，還有其他小菜搭配，都算多選擇。滷水食品不能缺的有滷水鵝片、潮州三寶(鵝腸、生腸、尤魚)、鹵水豆腐等。鹵水鵝味道算突出，鵝片肉質鬆軟，味道很香，鵝腸爽口，蠔仔粥好好味，肉碎與𧐢仔比例得宜，湯底都好鮮甜，還加了些芫茜更香口。蠔餅煎炸得金黃，沒太多焦，蠔仔份量又不算有好多，幸好感覺不太多油食落也不油膩。大眼雞魚都係食潮州菜必食點之一的菜，條魚都算大條，食落都好鮮味，沒有雪味。至於小菜都算有水準，我們叫了穌炸大腸、魚香茄子煲、小炒皇、蜆介鯪魚球，椒鹽九肚魚、菠蘿咕嚕肉等。值得一讚就係蜆介鯪魚球，超好味，像乒乓球那麼大。整體來說，食物質素相當有水準，鑊氣十足價格亦親民…查看更多

有朋自遠方來就帶她去食傳統格局與純正口味既港式酒樓，雖然地方細很擁擠又吵鬧，但又真是有另一番的風味行上長長樓梯已經聽到吵鬧聲，酒樓已經坐滿了很多人，有遊客，公公婆婆，也有一家大細，不過幸運的事就是我們很快找到位子(搭枱)，這裡的特色，重點是用茶盅，真是所謂的水滾茶靚，另一個特點，原來取辣椒醬要自己去攞，如果叫侍應係要另加收費用，所以食客要注意喔！食傳統飲茶方式，原來真是一點也不能慢 (這是蓮香樓的獨特)，慢一點也可能已經比人搶光光，所以要睇實點心車幾時出來，跟住大家都會蜂擁上。可能我們兩個都係女仔，幾經辛苦只能搶到小小點心品嚐，就已經沒有心情再去食。只食了幾款點心如馬拉糕、雞札、牛肉球、燒賣等。馬拉糕像海綿般，很鬆軟香滑，又不太甜。燒賣好像用了肉碎和香菇都算不錯。雞扎都算大大份，魚肚再多一㸃就更好。總結：點心都算企理，雖然不能說算是精品，但舊式風味非常濃烈，最難得是酒樓還能保持五六年代的裝修及設備…查看更多

有朋自遠方來就帶她去食傳統格局與純正口味既港式酒樓，雖然地方細很擁擠又吵鬧，但又真是有另一番的風味行上長長樓梯已經聽到吵鬧聲，酒樓已經坐滿了很多人，有遊客，公公婆婆，也有一家大細，不過幸運的事就是我們很快找到位子(搭枱)，這裡的特色，重點是用茶盅，真是所謂的水滾茶靚另一個特點，原來取辣椒醬要自己去攞，如果叫侍應係要另加收費用，所以食客要注意喔！食傳統飲茶方式，原來真是一點也不能慢 (這是蓮香居的獨特之處)，慢一點也可能已經比人搶光光，所以要睇實點心車幾時出來，跟住大家都會蜂擁上。可能我們兩個都係女仔，幾經辛苦只能搶到小小點心品嚐，就已經沒有心情再去食。只食了幾款有馬拉糕、雞札、牛肉球，燒賣等。馬拉糕像海綿般，皮鬆軟香滑，又不太甜。燒賣好像用了肉碎和香菇都算不錯。雞扎都算大大份，魚肚再多一㸃就更好。總結：點心都算企理，雖然不能說算是精品，但舊式風味非常濃烈，最難得是酒樓還能保持五六年代的裝修及設備…查看更多

之前係銅鑼灣食過呢間漢堡包之後都好回味，難得出咗糧，就約班朋友去食好嘢尖沙咀分店裝修，好有外國feel既感覺，而且鋪頭面積比銅鑼灣個間大好多坐低之後睇完餐牌就出去叫嘢食，跟住店員就比個感應器我地放响枱之後再送食餐過來。超方便推介食品雙鵝肝鱈魚柳漢堡🍔這個漢堡包真係好邪惡，佢裏面夾住兩塊好厚既鵝肝，咬落去好juicy，而且唔會煎得過熟，鱈魚炸得啱啱好，咬落去嘅感覺唔會太多油，肉質好滑再配合埋少少嘅生菜同埋蕃茄，還有加埋塊芝士，好fresh。好另外鱈魚手指配他他醬，可能本身我們都係比較鍾意食魚，所以小食又離不開鱈魚這個魚都同漢堡裏面既有點相似，但加埋佢既醬汁，好美味，外面食既鱈魚通常都會有些雪味，但這個整出來完全食吾到個種味道，真係值得一讚食得出間餐廳有用心去煮食的還有叫左黑松露芝士薯條薯條有別於一般快餐店，薯條炸至金黃色，做到外脆內軟，好香，配合黑松露小小咸的味道，兩樣加埋可以攞到個中間位的味道，而且可以帶出芝士加薯條既香，真係不錯最後介紹Apple Cider食漢堡包當然要配一些有少少酒精含量既飲品啦！這個飲品感覺就普通左少少，因為吾夠凍整體成個環境都好舒服我最鍾意就係佢張吧枱，感覺真係好有外國feel既鋪頭，裝修都睇得岀花左好多心機和心思以這個價錢食到咁既質素及同咁既環境真係好抵…查看更多

今日放工同班同事去一間新開既餐廳，見到openrice亦有一定既好評，我亦都想試吓佢哋嘅牛扒，啲買相好吸引😎入到去餐廳好有歐陸風情既感覺，無論係牆身定天花板都有經過設計，好有心思已經急不及待開始介紹菜式了前菜:焗蠔好少餐廳會用焗蠔做套餐裏面嘅前菜通常都要加錢，呢度個味道都幾好啲芝士好香，而且唔會有腥味，個醬唔會鹹同佢好配南瓜餐湯 蒜蓉包 個湯嘅溫度略為凍左少少，但個蒜蓉包好香而且咬落去好脆蒜蓉味足夠，唔會over咗連骨肉眼扒我叫左五成熟，塊牛扒都煎得好軟，佢唔好落咩調味料只係有少少鹽同胡椒去煎香佢，完全可以帶出牛既鮮味，同外面既西餐有唔同既係，我以前係澳洲食過既一樣，唔會額外加太多嘅調味，蓋過牛肉既鮮味大愛仲有旁邊嘅焗蘑菇，非常值得推介，佢一啲都唔乾身，而且面頭有啲沙律酸酸甜甜加埋個蘑菇好match小食 芝士焗蟹肉大蘑菇因為食過佢嘅菇覺得真係好正，所以再叫一個小食，呢個菇好香芝士味同咬落去唔單止冇乾身既感覺，而且有啲好juicy嘅感覺甜品 紐約芝士蛋糕女生至愛口感好滑，好重芝士味，而且都好正宗，完全唔覺得膩，好想再食多件下次會帶朋友再黎試下…查看更多

今日想食台灣菜，就上左facebook search下，見到『1963土木豆寸』這個名幾特別，介紹d食物都好似幾ok好，就選擇去食。這店現場環境一流，真係用左好多心思去擺設，牆壁的圖案，時鐘及木製成品都彷彿回到六七十年代養生清燉牛肉麵湯汁很香濃牛肉很嫰，麵都好彈牙，每個餐都配上三碟小涼菜，特別開胃。小魚花生炒山蘇，山蘇加上小魚乾吃，原本簡單的菜，突然變得很美味。山蘇很少市面有得買，咬落口感脆又嫩綠。古早味滷排骨飯，滷排骨的滷水汁很入味，排骨連帶軟骨，很有咬口整體係會再來的，因為環境吸引力太強，又沒有壓迫感，很舒服。食物品質量都好味…查看更多