President Snow的个人专页

本來父親節想book晚飯，可惜太遲book，只有中午，仲要得返一個booking,立即book咗🤣🤣食物好好食，好有特色，而且味道不錯，父親同母親都食得好開心😀父親節仲有禮物送俾爸爸，真是太貼心🥰🥰服務好好😌期待下次試吓佢嘅晚飯😋😋😋長者可以免茶芥😃😃😃 Respect! 🫡…查看更多

真係好激氣！即日6:00打去問有冇位，佢話8:30有位，咁唯有等2.5個鐘啦，當行吓街，點知8:15先打嚟話無位，話啲客唔走，同埋啲客嚟緊，咁我同我朋友夠嚟緊啦！我哋都勁肚餓等佢，出面仲要落勁大雨，行晒雷，然後啲食店勁多人排隊囉，搞到我哋好無奈咁等咗半個鐘去食另一間快食餐廳。咁我打去時應該直接講無位，我哋咪去第二間食，等到8:15先同我講話無位，係咪太過份呀？或者可以同我講，我而家係waiting list,到時候未必一定會有位，咁我都無咁嬲！之前食過呢間，啲嘢都算好，多選擇，所以先諗住帶朋友再嚟幫襯，點知⋯太失望啦！完全不能接受！安排太差！…查看更多

今日想去深水埗食嘢，有人又話想食日本嘢，咁咪search吓有咩食，點知搵到間新開嘅日式店，於是提議去試一試。間店唔係好大，都有一台人食緊（但我估係老闆朋友，我見佢一直係咁同佢哋飲酒，打晒招呼，又問老闆一唔一齊去旅行咁）佢哋啲食物都ok呀，雞亦好特別，一字骨，但有佢自己嘅串法，牛舌有啲啲‘銀’，可能近脷底位置，不過佢嘅汁好得，比較特別，我覺得好似有魚露同檸檬汁。另外茄子🍆好ok,唔係好似平時串燒店嗰啲，上面加蒜蓉就算。最唔like 就係隔離班abc,有條女愈講愈大聲，（佢應該飲多咗）好似驚死無人知佢講英文咁🙄不過老闆同店員都好nice嘅。最唔好唔可以碌卡，要俾cash,差啲唔夠cash😅（但可能係新店）我明嘅，新店，黃店，加油！💪🏼會再幫襯，希望有改善！（特別係唔好太嘈，影響生意嘅abc朋友!)…查看更多

喺open rice 無意中發現咗呢間鋪，可能佢唔喺深水埗嘅旺區，所以無咩人知。間鋪佈置好有特式，牆上面2個poster好似關公咁，但留意返，佢哋係叉住啲食物，同埋佢哋個menu好似中國日曆咁，中日合壁，好特別。食物方面，製作好認真，食落口你就知同其他燒烤店好唔同。牛舌上面加咗啲薑蔥，好野味。紫蘇雞腿肉一送到嚟就香噴噴😌，勁香！佢個炸蠔都好好食呀，炸得好好，我食過有啲好多炸粉，佢唔會，剛剛好，外脆內軟，啲蠔都大粒㗎，無縮水。😋牛肉飯上面嘅牛佢哋有燒過㗎，好香，但好有肉汁。老闆話佢哋啲食物全部都無落味精，係自己整汁同醬料上去，咁我返到屋企又真係無口渴嘅感覺喎。呢間店寫收10點，但原來8:30去到，佢哋都話要聽日喇，好彩我同朋友7:30去到，老闆話係收10點呀，10點走人呀嘛，咁都要有時間去埋數，執嘢（如果我老闆都係咁就好喇🤩）老闆好好人呀，佢無趕我哋走，仲送多杯🍶俾我地飲，叫我哋慢慢食!佢推薦我哋食佢個茄子🍆呀，下次去試吓先！…查看更多

上網見到話呢間餐廳🍴好抵食，好有驚喜，所以同朋友去試吓。本人自己比較鐘意食滑啲嘅肉，但驚和牛會比較肥膩，佢又無晒牛柳，所以試咗佢嘅牛板腱，都ok,但唔係我平時鐘意食嗰啲滑嘅牛肉。（如果要比較，我覺得金鳳嘅牛排🥩好食啲，不過可能係牛嘅位置唔同關係）仲試咗佢2隻珍寶蠔，真係好大隻，手掌咁大隻，食咗一隻新鮮蠔，真係好鮮甜😋，$68做緊特價真係好抵食，另一隻試咗燒嘅，上面加海膽（要加$10，本人鐘意食海膽，覺得都抵食）可惜海膽唔新鮮，有陣臭味🤢🤮（試過唔新鮮海膽嘅人一定知道係咩味）但overall 間餐廳係ok同抵食嘅。一開頭入店個女店員服務好好（可能係老闆娘）佢menu 由頭介紹到落尾,無停過口，想問嘢都唔敢 disturb🤭由於第一次嚟，佢又有湯，又有沙律🥗，仲以為個牛排餐包埋飲品，點知朋友叫嘢飲時個女店員有啲串，扮晒嘢話‘咩話？‘你想講咩？‘（但朋友只係好有禮貌咁問係咪有埋嘢飲）然後我直接問係咪個餐有埋嘢飲，個女店員有啲串話無，要另叫，重點有啲黑面😑做壞晒佢開頭咁好嘅服務👎🏼，差！…查看更多

好難食，從來都無食過咁難食嘅放題！嗰日明明5點15入去、我哋係食早鳥時段，喺出面未入嚟，職員都話食早鳥時段，但入到去坐低咗，有個女服務員就話唔係早鳥時段，咁咪問佢囉，7:30前交台就係早鳥時段嘛，食2個鐘，7:15交台，點會唔係早鳥時段🙄炸魚皮淋，唔脆，刺身唔可以點要幾多件，每次只可✔️最多5款，數量佢話事，仲要俾錯，waitress 唔知自己講緊咩，奇奇怪，總之差，唔好食！好多食物都唔新鮮，唔會再嚟食👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼…查看更多

送刺身，很新鮮，特別是海膽😋如果想追加，可加$48任食燒物選擇好多，牛肉，牛舌好好味，入口即溶，雞肉都好好味，可能我燒得太好🤣金菇啲汁有啲咸，但都ok, 不見議燒蜆，燒完會好乾，食唔到，一係就燒帶子，蝦，好鮮甜泡飯值得一試，唔係好大碗，怕飽可以2,3個人share一碗，試吓味，幾好食😃服務唔錯，除咗一開頭點食物送嚟慢（可能漏咗）但之後都好快，話就話食2小時，但唔係繁忙時間，都唔會趕你走，俾時間你食同傾計，服務好好👍🏻可以再去…查看更多