angiewwww的个人专页

成條街啲韓國餐廳都要排隊，見呢間唔洗排就入左去，原來有佢原因！服務差到喊，仲好意思收加一！入到去同佢講兩位，店員掛住傾計，原地不動隔左陣先係咁易指左張枱，叫我地自己坐。因為第一次黎唔知佢係寫紙落單，張紙又放響角落頭，我咪嗌佢過黎囉，當我講曬食乜後，佢一句write down the number，然後轉身走左去！燥到我癲，一入黎又唔講，我開始落單果時又唔講！之後野食黎，不過不失，係啲飯爛左啲囉，比無牙既食就岩，同埋啲野食都少貴。嗌左兩個飯，加埋一都240。當我地一食完啖爛飯，短時間內就派左3個店員埋左枱4次，收碗，收杯，抹枱，執餐牌，務求趕到你走！想飲多啖水杯都收埋你！大佬，又唔係坐你一個中，食左半個中姐，仲趕過快餐店，真係趕客！…查看更多

大坑係發掘美食的好地方，鐘意呢度旺中帶靜，，呢次揀左the social house的西班牙菜！自家製麵包，每日新鮮製造，配橄欖油食一流。Mango & Pomela Salad估唔到芒果柚子再加芝士脆片個味可以個夾，又甜又鹹又有果香Sauteed Gambas Tiger Prawns蕃茄焗過，有焦香，西班牙臘腸惹味，仲有蒜香，味道有層次Roasted Spanish Suckling Pig主角菜，肉超厚，又juicy，層皮好脆，味道淡淡地，唔似中式死鹹Tiger Prawns Angel Hair麵身有咬口，蕃茄汁一樣出色…查看更多

行到金巴利道街尾原來有間西餐，餐廳昏暗，幾有情調，好啱情侶黎慶祝。Sea urchin & toro海膽好大塊，拖羅蓉好creamy，魚子鹹鹹地好fresh，一大啖咁食好滿足。White wine blue mussels眼見以為好大隻啲肉質一定好老，但竟然好嫩滑，白酒汁好香。Sea urchin black truffle spaghetti 好creamy既意粉，黑松露好香，海膽令到成個意粉更creamy。Fried tilefish with caviar好少食tilefish，肉質實淨。魚子醬好香好好食。Cappuccino gelato甜品好靚，除咗Gelato，碟上其他野都用朱古力整，擺得又食得！…查看更多

第一次嚟戲曲中心，原來入邊有餐廳，仲有間幾高質既中菜！裝修靚，環境清靜，啲碗碟又干淨，好岩同家人黎食。夜晚叫左幾樣餸，每碟份量大，每款都足料，有誠意。蜜汁叉燒，厚切而且肉好嫩，食落去啖啖肉，好juicy，一啲都唔干，味道調得幾好，甜甜地又唔會過咸，值得嗌！海皇羹清清地又有鮮味，有蝦，韭黃，幾好咬口。鴛鴦胡椒局中蝦，呢個菜幾特別，用咗大量胡椒，香味十足！蝦大隻又新鮮，配埋啲汁幾夾。金瓜炒米粉，好足料，每啖都有餸，有蝦，蝦米，南瓜，椰菜，肉絲。最後仲叫左咖啡糕做甜品，味道清新，有咖啡味得黎又唔會死甜同好漏。…查看更多

難得的開心星期五！約了好朋友在觀塘吃晚飯，最近想吃健康一點，清淡一點，所以選了觀塘的Aloha Dessert Cafe 森泰遠甜品餐廳。 觀塘站一出超近D4出口，入到餐廳門口，佈置溫馨，兩位女侍應很友善，剛好是晚上六時半，她親切地招呼我坐下來慢慢看餐牌。環顧四周，我最喜歡面向觀塘道的窗口，可以坐在吧枱靜靜看風景，在繁忙的觀塘屬難得消閑之選。我和朋友一人叫了一個晚餐套餐，我選了豬串骨配墨西哥烤餅芒果沙律加了薯菜$168加一。飲品及沙律在自助甜品吧自己拿，非常乾淨衛生。今晚餐湯是紅菜頭粟米湯很清甜。沙律方面枝豆、粟米、薯仔、蘋果都很清爽，還有我喜愛的中華沙律！我朋友點了三文魚扒配薯菜（即薯角），超香噴噴的三文魚，燒汁濃香，本身三文魚醃得略淡味，但斟濃香醬汁配合剛剛好，薯角非常香脆！我的豬串骨夠晒煙韌醃得好夠味，下次會試烤餅芒果沙律，今次薯角都好滿足！甜品我哋食咗木槺布甸同蘋果蛋糕，木槺布甸都不錯, 蘋果蛋糕我最欣賞蘋果薄片賣相很美很精緻，小小的一件滿足女生第二個胃。…查看更多

好朋友生日當然要食好少少啦！今次帶佢黎漁獲浜燒，食完佢都盛讚！而且店員態度勁好，勁耐心同我地介紹有咩好食。特製黑松露炙燒平目魚邊沙律有勁慷慨嘅黑松露醬，食落每一口都有好香嘅黑松露味！沙律除咗有沙律菜之外，入邊仲有牛油果，唔少得主角平目魚邊，有超香既魚油味，好正。刺身盛合五款刺身每一件厚切又新鮮，每一啖都好滋味，特別係海膽，濃濃嘅海膽味超級新鮮！食浜燒之前嗌左枝鈴鹿川，飲番兩杯賀一賀佢二人前浜燒盛盒店員會過黎響你面前一路燒比你食，可以話有得睇有得食！蠔勁fresh，燒完都有陣海水味。蟹腳鮮甜，蝦肉紮實，食得出好新鮮。而鮑魚呢，燒完都係咁嫩，一啲都唔會似食擦膠，最後就係帶子，好鮮甜。生燒鰻魚飯出乎意料之外嘅鰻魚飯！朋友本身想食少少飯飽下肚，點知發現呢個鰻魚飯可能係香港數一數二整得好食嘅鰻魚飯！鰻魚燒到好香口，鰻魚塊皮係脆架，都係第一次喺香港食到，而且啲汁調教得好好！…查看更多

響太子行完花墟，想響附近食啲野先。一入去店員就提供消毒比我地搓手，餐廳都幾注重衛生！加上以串燒店黎講，餐廳空氣流通，食完唔會搞到成身都吸曬啲味，抵讚！蒜蓉包蒜蓉包烘到好脆口，但一啲都唔乾，麵包上面鋪滿好香既蒜蓉醬，發現原來最出色嘅係側面焗到林晒嘅蒜頭，了埋出黎再放上蒜蓉包真係一流！牛肋串啖啖肉！唔會燒到好老，肉質嫩而且食落有好香既牛味，推介！仲嗌左豆腐，外層烤到脆卜卜，好似平時燒嘢食燒豆卜咁，但係佢呢度就係入邊仲有埋嫩滑嘅豆腐，感覺幾特別！翠玉瓜非常juicy嘅翠玉瓜，味道清新，食串燒嗌下蔬菜即刻覺得健康啲！海蝦海蝦好新鮮，唔係雪藏嘅，肉質好實！芝士墨西哥薄餅外皮香口脆薄，入邊超足料，有滿滿既芝士，但食落又唔會漏，鍾意芝士既必食！黑松露野菌雞肉意粉意粉好creamy，加埋非常慷慨嘅黑松露醬，令到每一啖都有濃濃既黑松露味！…查看更多

打邊爐最重要就係個湯底，特別係呢度除左多款比你揀之外，仲有酸菜冷鍋魚比你揀，岩曬中意食酸菜魚又中意打邊爐既人！個酸菜魚鍋真係好抵讚，魚既份量十足，而且切到好薄，啲肉質亦都好爽嫩，絕對同出面食川菜既有得比！而個湯酸辣味恰當好處，唔食得太辣既都岩食。店員好貼心，介紹飲左啖湯，食埋啲魚先開始落其他野打邊爐，免得啲魚老曬。美國雪花肥牛牛肉超靚，又厚切，烚完之後肉質勁嫩！又有牛味！酥炸響鈴新鮮炸起，大舊又脆，索曬啲湯，好食。洛神花茶清甜解渴，帶有少少酸味，開胃又消滯。…查看更多

同朋友兩個人都唔係話好食得大辣，但偏偏對川菜情有獨鍾，因為酸而麻既感覺相當頂隱。太多野都想食，所以就叫左二人餐，份量十足，並冇因為係套餐而減少份量，可以話係捧住個肚走！涼拌小木耳非常清新既前菜，醋酸味好開胃。雙椒皮蛋豆腐同平時既食法有啲不同，中間既係幫你撈左既皮蛋豆腐，啲醬料相當惹味。酸菜桂花魚桂花魚切片，肉質相當嫩滑，湯味濃又唔會過酸，小小辣調味，入面仲有紅薯粉。野菌雜菜煲有菌類，生菜同西洋菜。特別一提西洋菜好出色，一啲都唔老，而且係炒得最入味既菜，好食！紅糖糍粑最後係甜品，似麻薯糯米糍既質感，出面幾香口，入面仲有紅豆，點埋紅糖醬一齊食，唔會過甜，味道好夾。…查看更多

位於金巴利道既Moshi Moshi面門好靚，簡樸得黎帶有日本味道，響門口睇完餐牌之後就決定同朋友一試！店員介紹既梅酒，清甜易入口。日本巨峰梳打清新，唔會過甜，正！剌身拼盤加拿大海旦，份量十足又大塊，食落好鮮甜，一啲異味都冇，推介！而活帆立貝質感好有texture ，食落一絲絲咁。中拖羅厚切好滋味，又冇筋，有入口溶化嘅感覺！拼盤仲有赤海蝦，三文魚，三文魚籽同油甘魚，價錢非常公道。浜燒盛拼盤甲羅燒由滿滿既蟹膏，蟹籽，蟹肉填滿，味道十分濃郁！仲有燒帆立貝同燒聖子皇，兩個既味道都好鮮甜，燒既時間控制得好好，肉質好鮮嫩！而燒蟹腳就灑上左少量鹽調味，蟹肉鮮味好出！燒雞皮係好邪惡既燒物，但食落一啲都唔覺油膩，反而脆得黎好香口，送酒一流！而燒鰻魚好厚身，食落軟綿綿，上菜時仲keep住暖，所以特別好食！…查看更多

火鍋撚店內裝修充滿老香港情懷，加上cyber-punk風格，一班後生仔女飯聚打卡一流👍🏻湊巧今天朋友結婚週年紀念日，約齊三五知己來晚火鍋之夜！我們選了原隻鮮雞胡椒豬肚湯底，湯料份量十足，胡椒味濃厚，軀風之選！新鮮和牛賣相討好之餘，味道亦滿分，牛肉脂肪比例完美，肉感十足。另外即炸鮮響鈴、鹹蛋炸魚皮也是推介；象拔蚌刺身亦屬上乘之選， $288小份也有六人份量！黑松露鯪魚滑fusion水準之作，我們還追加多一份！餐廳在晚上9:30後搖身一變成night pub，有多款味道的水煙及cocktails提供，場地音樂亦由流行曲轉成舞曲，不用轉場晚飯飲野直落…查看更多

我未曾係香港食過串燒燒烤，因為覺得好貴，大陸¥1已經有一串，香港就賣$20！但朋友就唔會返大陸，而又好想食串燒，唯有陪佢食一次香港串燒！旺角火車站一落黎，一橫落數十間餐廳，我記得有一兩間食串燒，於是行過去睇睇，剛好未有需要等位，店員又好熱情咁招呼我們進店，兩人半推半就下坐低左！望見一頁兩面的點菜紙，就知款式多，價格亦同我心目中差不多。因朋友少食串燒，就由佢點菜。串燒離不開肉，海鮮，蔬菜，而呢到竟然有安格斯牛，$50一串，約有4粒，價格高但物有所值，口感軟熟，濃濃牛油香，好想食埋朋友個串！而厚切牛脷亦相當吸引，前後點了4串，燒得剛好，唔會太乾，邊𡁻牛香就一直湧出黎，無得頂！燒鱔魚相當有驚喜，好彈口，可想而知鱔魚是十分新鮮，配上特製燒汁，一串我自己食哂，朋友無得食！粟米好甜，燒到好香，有少少燶，簡直完美！我肯定下次係香港想食串燒的話，必定會再次光臨安安燒！…查看更多

尖沙咀其實都收埋左好多好正既餐廳響樓上，今晚就食左鮨一，一間好熱鬧既日本餐廳。G One Salad入面有幾款角切左既魚生，魚生粒Size同厚度都合適，大大粒係滿足既，再配埋沙律醬，好fresh既生菜同蕃茄，清新又開胃。痛風丼一個好豐富既丼飯，飯上面鋪滿左吞拿魚碎，魚子，海膽，仲有一隻好濃郁既蛋黃，值得一提既係呢度啲飯會事前調左味，所以啲飯都幾好食，再配埋滿滿既魚子同吞拿魚碎，每一啖都好滿足！A5和牛剌身丼除左平時覺得燒和牛好正之外，原來當剌身食又有另一番風味！生食既和牛食落原來有啲似食梗魚，口感軟熟之如，亦食到牛既香味。…查看更多

生日當然要揀間好啲既餐廳慶祝下！今晚兩個人揀左Tora Dinner Set for Two People，可以話係menu入邊最豐富既Set黎！Engawa Salad好開胃既一道前菜，沙律汁酸酸地，配上油脂豐富嘅左口魚裙邊，滋味又醒神！剌身三點有帶子，大蝦，貝類。剌身非常新鮮，厚切，好有滿足感。黑松露海膽蒸蛋第一次食響鐵板燒用水蒸嘅雞蛋，雞蛋蒸到半熟，蛋黃係流心嘅，再配埋海膽，味道更加濃郁，加上黑松露既點綴，每一啖都好香！北海道北寄貝係一道花臣嘅菜式，店員會點火，北寄貝鮮甜，肉質好嫩，師傅手勢好！燒鮑魚配蟹肉紫菜汁鮑魚幾好咬口，蟹肉紫菜汁再加啲魚子，味道清新，幾fresh!龍蝦配海膽汁龍蝦肉實淨，肉質一啲都唔霉，證明真係好新鮮，配埋海膽汁味道十分濃郁。和牛三文治配溫野菜師傅建議我和牛唔好好似平時咁食得過生，咁我就信師父，果然冇信錯，燒得恰到好處，保持到和牛嘅肥美，又唔會過生，配埋烘過既三文治好好食！側面嘅溫野菜都燒得好好食，冬菇好Juicy，日本南瓜好甜！Daily Special Soup龍蝦大蜆清酒湯，師傅落咗小小辣，幾惹味。海膽炒飯可以話係呢餐飯嘅另一個高潮！以為食到尾聲會係一個好平凡嘅炒飯，點知啲海膽同魚子鋪到個面滿曬，仲多到漏落碟！Souffl Pancake最後甜品係食pancake配上芝麻雪糕，芝麻雪糕十分濃郁，奶味重，成餐飯非常滿足！…查看更多

磯野水産至岩黎慶祝，因為浜燒響香港又未至於周圍都有得食，所以幾special下，而且呢度啲裝修好似居酒屋咁，店內熱鬧得黎真係好有氣氛！今次Order左個磯野浜燒貝類盛盒，入邊有四款貝類包括時令貝，北寄貝，鮑魚同文蛤。全部都好大隻，但店員燒完之後一啲都唔會似食擦膠咁！除左保持到肉質既鮮嫩，仲好Juicy添，啲汁好清甜！平時鍾意食左口魚群邊既，一定唔好錯過呢度既火炙吞拿肉腩筋壽司！輕輕燒過好香，食落仲有啲油脂流出黎，唔係道道有得食！海膽炸豆腐幾搞鬼，豆腐剛炸好，熱辣辣，外脆，配埋海膽，又脆又軟既感覺幾有趣。黑松露明太子玉子燒，份量好慷慨，黑松露落足料，每啖都有重重既松露味！最後甜品叫左四式福餅同椰子雪糕，椰子雪糕真係好出色，椰奶好香，真材實料！…查看更多