Priyam CC的个人专页

叫咗一個花膠雞湯嘅任食套餐$289呢一個湯底真係冇得彈，當住你面煮花膠同埋雞件。花膠油差唔多一個手掌咁長，而且有四條添。雞件方面佢俾咗雞髀部位，所以食落去完全唔會柴，好滑。煮出嚟嘅湯底骨膠原滿滿，飲完一啖之後嘴唇上便會黐立立咁樣。套餐包埋三款刺身，包括帶子、三文魚、大蝦。三款都非常新鮮，同埋好鮮甜。又飲到花膠雞湯又食到新鮮嘅刺身，不特止，仲食到頂級牛盛般。呢邊有四款牛：頂級牛小排、頂級牛肩胛、安格斯牛板腱同埋雪花一口和牛粒。四款都非常吸引，特別係頂級牛小排，佢嘅油脂非常豐腴，而且口感柔嫩。因為佢喺牛肋骨嘅位置附近，所以食落去油花非常均勻。之後套餐裏面仲有頂級海鮮拼盤五款，裏面有生蠔、基圍蝦、白鱔片、鮑魚同埋蜆。返學非常肥美而且滑溜絲滑，吞咗落去之後仲有貝殼類獨有嘅鮮甜。基圍蝦蝦肉彈牙，鮮甜濃郁，非常之有蝦味。令到本身濃雞湯同埋膠質重嘅湯底再加一陣鮮甜。套餐裏面除咗固定會有嘅拼盤之外，出邊任拎嘅食物都非常豐富，無論係打邊爐材料、蔬菜、甜品、熱食、炸物類。通常都有齊。…查看更多

法式焗蝸牛 $108 經典牛油香草焗蝸牛，軟嫩多汁完全冇腥味。牛油同蒜香完美融合，配合香草嘅清香，將蝸牛嘅鮮味層層帶出。令我最驚訝嘅就係每一架蝸牛下便都塾咗綿密嘅薯蓉。輕輕吸收咗焗蝸牛時流落嚟嘅牛油汁，食落去多一份濃郁嘅滋味。龍蝦湯$92 碗龍蝦湯一上枱，已經聞到濃郁嘅海鮮香氣撲鼻而來，色澤呈深橘紅，質地醇厚，明顯係由龍蝦殼慢火熬煮數小時而成。呢碗湯絕對唔係單靠忌廉堆砌濃稠感，而係真材實料去熬煮出海鮮嘅精華，飲得出廚師對食材嘅尊重。慢火煮紅酒和牛面肉配法包$288醬汁顏色深紅帶紫色，醬汁濃稠得宜，帶著紅酒嘅果香同微微酸度，滲透到和牛面肉每一絲纖維之中。牛面肉質地非常軟嫩，輕輕一切即刻切得開，完全感受到經過長時間炆煮之後，膠質釋放所帶黎嘅黏口感。肉香之中滲住紅酒嘅深度，仲有洋蔥、香草同肉汁交織而成嘅溫潤層次。旁邊配搭嘅法包香脆鬆軟而唔乾，沾上醬汁之後別有一番風味，既可中和濃郁感，又可以將醬汁一滴不漏咁吸收。黑松露醬野菌意粉$158濃烈而優雅嘅松露香，令人未嚐先醉。意粉表面覆蓋住一層厚厚嘅黑松露醬點綴住，視覺同味覺同樣奢華。野菌口感由爽嫩同意粉一齊炒香後，吸收咗松露醬嘅精華，每一啖都散發住森林氣息同土壤嘅濕潤香氣。意粉本身煮至al dente，彈牙但係唔硬，完美掛汁。黑松露醬不會過鹹過膩，而係帶住少許奶香同堅果香，令整體味道更圓潤、層次更豐富。…查看更多

原味豬手 （半份）+ 薯仔脊骨湯（唔辣）$520 豬手炆得非常入味，而且每一啖都係滿滿嘅膠質，外皮依然保持到好彈牙，入口即刻炸開。推薦大家一定要配埋蔬菜一齊食，芝麻葉本身有微微嘅澀味同埋青草味。鹹之中有配一點新鮮嘅味道可以完美咁樣化解豬手嘅油膩。介紹大家一個隱藏食法，餐廳有生醃生蠔，生蠔嘅鹹鮮味配埋醬料嘅微辣一拍即合。生蠔又滑又鮮甜。薯仔脊骨湯嘅湯底非常清澈，而且嗰種鹹香係真材實料煲出嚟。脊骨炆得腍，而且唔會爛晒，用筷子輕輕一夾就已經骨同埋肉分開。咬落去有滿滿嘅肉香而且湯底嘅胡椒仲有蒜頭味亦都好恰當咁樣伴隨而來。海鮮泡菜煎餅$138 煎餅嘅外圈煎得金黃脆口，直落去會有焦香嘅味道。煎餅中間嘅部份就柔軟得好多，有少少彈性，空氣感十足。裏便嘅魷魚夠足料同埋彈牙，條條都好似手指尾咁粗。泡菜嘅味道微辣得黎又有微酸，越食越惹味。…查看更多

泰chill風情2人餐$298 泰式小食拼盤裏邊有三款泰式小食，分別係沙嗲雞肉串燒、沙嗲香茅雞翼串（原隻）、泰式魚餅。食呢一個餐一嚟就已經可以食到三款非常經典嘅泰式小食，非常少有地泰式餐廳係提供原隻雞翼而唔係雞中翼。蔬菜方面，馬拉盞炒椰菜苗嘅醬汁濃郁，椰菜苗淋得黎，但係依然保持翠綠同埋爽脆嘅口感。餐牌加咗一個辣椒佢形容嗰個辣，但只係加咗辣椒粒同埋蒜蓉一齊炒，所以會有辛辣嘅味。經典泰式小菜方面，揀左泰鍋蒸焗鮮蝦粉絲（半份）。粉絲煲嘅粉絲量非常多，而且佢除咗吸咗鮮蝦嘅味道之餘仲加咗醬油快炒。所以食落去非常乾身，而且味道好飽滿。餐廳特別嘅地方，加咗原粒黑胡椒一齊快炒。雖然餐牌都加咗一隻辣椒俾佢，不過黑胡椒嘅辣度相信大家都可以食得到。煮食就揀咗泰式豬頸肉炒河，佢嘅河粉非常特別非常軟糯。油米漿製成嘅扁平河粉，非常有彈性、口感順滑、非常之有米香。餐廳揀咗粗身切出嚟嘅豬頸肉一齊炒，每一啖都係非常大啖嘅豬頸肉。…查看更多

泰式小食拼盤裏面有四款小食，分別係香茅雞翼，泰式蝦多士，紅磚豆腐同埋炭燒豬頸肉。炸雞翼嘅外皮非常鬆脆，食落去嘅時候雞翼嘅肉汁仲鎖咗喺入邊。泰國蝦多士嘅蝦好大條，多士亦都炸得好酥脆。紅磚豆腐係用咗天然嘅植物染色，用咗紅菜頭嘅顏色，佢令到豆腐嘅外皮上左紅包。炭燒沙嗲牛串燒沙嗲醬係微微辛辣，食落去好香滑。中和咗肉類串燒嘅油膩感。泰式椰子鮮雞湯餐廳真係真材實料，有椰子條喺湯裏便。食嘅時候如果想椰子嘅味道更加突出可以連埋椰子條一齊食。裏便亦都加咗幾塊香茅，所以咁落去嘅時候會有一絲清香，同埋香草嘅味道。酒香火焰骨上菜嘅時候會喺紅紅綠綠色彩繽紛嘅火焰骨上面倒上一層酒，點咗火之後非常Instagramable 。睇落去真係好似火山爆發有火焰嘅感覺。綠色同埋紅色嘅指天椒真係有啲辣，但係配埋肉質軟滑嘅豬腩排骨，食落去就會冇咁沉悶。泰胡椒和牛炒糯米河我都係第一次食由糯米整嘅河粉，食落去黏黏糯糯咁樣，非常Q淡同埋煙靭。和牛同啲河粉都炒得好有鑊氣，大火快炒可以食到牛嘅肉香。大家記住趁熱食唔係嘅話糯米河粉會黐埋一舊。…查看更多

二人餐$248烤汁手撕豬蒜爆漢堡用咗燒烤汁黎做調味，燒烤汁用咗美式嘅做法，食落去除咗甜甜地之外仲有燒烤嘅煙燻味道。濃稠嘅醬汁，所以掛到上去啲肉絲度，食嘅時候會濕潤同埋味道豐富。漢堡包嘅餡料加咗好多蒜頭粒，嗰啲蒜頭粒仲係炸過嘅，所以食落去風味十足。安格斯牛肉芝士漢堡嘅牛肉扒煎嘅火候掌握得好好，食嘅時候好juicy。切開，裏面係粉嫩嘅pink 。嫩滑嘅牛肉再加埋芝士片，食落去口感到位。炸魷魚鬚炸得係好脆身，而且魷魚上面灑咗一陣紫菜粉。食落去完全冇臊味，同埋如果外賣咁樣食嘅話佢個炸衣都做得好輕盈所以唔會太過腍。餐廳準備時間好快，而且即叫即整，同埋位置非常方便地鐵站天橋一落去轉過彎就已經到。…查看更多

餐廳開啟深水埗嘅地方，門面裝修得非常之有氣派。鳥海山鐵板餐（二人餐）$1198 入到去叫咗一個人氣之選嘅鐵板燒套餐，佢有龍蝦、鮑魚同鵝肝食之餘仲可以係二人份量！前菜係麻醬沙律，之後就入到去冷盤。冷盤有四種精選嘅刺身：墨魚、根白、白鯛、油甘魚腩。餐廳會同你介紹食刺身嘅次序，令到你可以好好咁樣享受刺身嘅層次同埋味道嘅遞進。活鮑魚可以食到清酒灒落去煮嘅味道，大火之下加清酒可以鎖住鮑魚嘅海洋咸香，同時間提鮮。鐵板燒將鮑魚表面燒得金黃超脆，火候掌握得好好鮑魚食落去仲保持濕潤仲有彈性。活龍蝦做得非常之出色，佢用咗龍蝦膏同埋清酒去煮龍蝦醬。煮完之後浠稠度掌握得非常之到位，龍蝦膏嘅醬裹住每一嚿龍蝦肉。非常之鮮甜仲可以食到龍蝦膏嘅甘香。$1198除咗龍蝦之後竟然仲可以食到鵝肝。鐵板燒高溫之下鵝肝好快咁釋出濃郁嘅油香。自烤過嘅多士成為成道菜味道嘅載體，佢出收咗鵝肝嘅油脂同埋牛油醬汁。食落去會有鹹甜交錯嘅味道。…查看更多

尖沙咀重慶大廈入口嘅隔離有一個隱蔽嘅電樓梯，下便嗰個商場收埋咗好多嘢食。今日嚟試吓呢間越南嘢，位置夠寬敞，所以就算係食飯時間，都唔需要等位等好耐。河內特色綜合河粉$98試左個河內特色綜合河粉，餸菜方面佢有生牛肉，牛腩片，扎肉，雞絲，香葉卷。份量非常足，而且非常大碗。覺得可以兩個人share嚟食之後再叫啲小食都得。 香葉卷唔係好多地方，佢其實就係用香葉包住啲炒過嘅豬肉碎。放湯嘅形式咁樣食更加可以食到佢嘅原汁原味。牛腩片都好慷慨，大大塊牛腩片，加埋牛骨湯底一齊食，味道好濃郁。上湯灼田園菜$22出街食飯，好容易會食唔到菜。餐廳加嘅灼菜都只係$22，加埋一齊食嘅話又健康又夠飽肚 杞子龍眼茶$8熱嘅杞子龍眼茶，裏便有好多龍眼，飲完嘢飲之後仲可以食多啲龍眼。…查看更多

餐廳開喺西貢市中心，好多時大家去西貢嘅度假村又或者係露營嘅時候一定會經過西貢碼頭。大家重新貢碼頭小巴站行10幾步就到呢間餐廳。佢哋有非常豐富嘅食物種類，從飽肚嘅正餐去到小食仲有甜品佢哋都一一提供。陳皮魚蛋配秘製449咖喱汁$12陳皮魚蛋嘅陳皮味好突出，食落去會有陳皮嘅甘香。配埋餐廳秘製嘅咖喱汁，味道好豐富。咖喱汁嘅辣到調校到係香港人嘅中上程度，香辣嘅口味道，而且後勁十足。超值套餐$42今日叫咗一個印尼撈麵，配燒賣套餐。成個餐只係$42非常抵食，而且燒賣加埋都有4粒。小食店嘅嘢食係即叫即整可以新鮮滾熱辣。同一個餐裏面總共有埋手打檸檬茶。成杯檸檬茶份量都好大，檸檬肉被打到散咗，所以飲嘅時候都會咬到檸檬肉。…查看更多

餐廳開係厚福街，約friend食飯就最方便！餐廳環境舒服，枱同枱之間空間感十足，傾下偈上黎都好舒服。火炙半熟三文魚伴紫蘇莎莎 ＄148三文魚好鮮嫩，經過火焰炙烤過之後，有啲charcaol嘅味道，同時又有三文魚嘅肥嫩。紫蘇沙律有清新嘅日式紫蘇葉、對半切嘅番茄仔、洋蔥粒，同埋少少檸檬汁。微酸嘅味道中和左三文魚嘅油膩，食落去好清夾開胃。佛羅倫斯蕃茄燉牛肚＄138 依到經典嘅意大利家常菜都食到！牛肚用慢火燉煮到柔嫩入味，佢吸收晒滿滿嘅蕃茄醬汁，滑嫩之餘又帶有嚼勁。加埋啲濃郁嘅蕃茄醬汁，每啖都好rich。餐廳都好地道咁有提烤過嘅法包去送個牛肚。蕃茄嘅酸甜同麵包上嘅橄欖油好融合，醬汁入面嘅herbs淡淡咁襯托住，成個菜點更加有層次。 牛肝菌露荀意大利飯＄208 意大利燉飯以濃郁嘅牛肝菌作為靈魂，入口嘅時候帶有一種天然嘅木質香同溫潤嘅菇類鮮味。啲飯燉得岩岩好，索滿晒菇香同高湯嘅精華。露荀好清新，食落去有一種綠意同微脆嘅口感。餐廳用左cream同parmasan cheese收尾，大片大片嘅芝士令整體味道更豐富同厚身圓潤。 8oz美國頂級西冷＄318 8oz 嘅份量恰到好處，2個人一邊傾偈，一邊食就好perfect。肉扒厚切上枱，肉香撲鼻，扒嘅表面經過高溫煎烤至微焦之後完美咁鎖住肉汁同油脂香氣。美國頂級西冷嘅質地厚實帶嫩，充滿住肉汁，口感飽滿但係唔肥膩。西冷肉味夠濃，只需要簡單嘅海鹽同黑椒去吊出牛肉本身嘅味道已經好足夠。…查看更多

難得係依區有一間麻辣燙嘅餐廳，好似車仔麵咁，不過配菜嘅選擇多好多，而且配菜嘅份量都可以自己決定！ 首先入左去之後，從消毒櫃中拎一個籃子同夾，乾淨得黎又衛生。你就可以去3個雪櫃到揀你鐘意嘅配菜，種類非常之多，有打邊爐嘅丸類、肉類、豆腐製品類、蔬菜類、麵類等等。依種可以完全自己決定嘅食物類型一定fit 晒所有人，由配料到麵底到份量大家都可以自己控制！ 餐廳嘅特別之處係連個湯底客人都可以自己決定係乜，餐廳嘅湯底係自己炒同煲出黎，佢地嘅招牌藤椒湯底同港式鉥鉥雞撈係其他地方搵唔到架！你仲可以自己撈湯底，調較你鐘意嘅味道。有咁多野可以自己調較之餘，啲醬汁都有自助區，你想隨時加辣又得、加味又得、加toppings又得。 上菜好快，依間揀直係返工lunch必食之選！咁多野可以自己控制，出餐都好夠快。…查看更多

紐西蘭肉眼扒$138叫左一個晚餐套餐，有個扒、餐湯、沙律、甜品。其實依個扒餐嘅份量好大！塊扒有大過一個手掌，肉眼扒整得留淋，非常嫩滑。肉質柔軟、冇根、風味濃郁。叫左個5成熟，切開都真係依個熟度。以冰室/餐室嘅程度黎講，茶舍嘅水準比預期好！配菜方面，你會有炸薯粒、粟米、娃娃菜、菠蘿。如果介意鐵板啲汁加左之後會飛到周圍都係，你可以揀用碟上。雞湯杞子浸娃娃菜$22 好大份加配嘅小食，有4個四分一大細嘅娃娃菜。平時其他餐廳加配嘅小食多數都係細細份，但係茶舍唔係！成棵娃娃菜係齊到。朱古力香蕉蛋糕食完主食同前菜之後仲可以食甜品！甜品仲要係咁豐富嘅蛋糕。食落去真係有香蕉味，而且mouse 到都有埋朱古力粒。除左味道好融合之外，口感上都好配。…查看更多

呢間飲品店開喺旺角行街area嘅中心佢全部嘢飲都係即叫即整，而且你可以親眼望到佢將啲生果或者蔬菜榨汁。之前就聽佢嘅乳酪奶昔非常之出名今次行街經過就即刻試吓。香蕉麥片乳酪奶昔$36 店員整緊杯嘢飲嘅時候，我已經聞到好香嘅香蕉味。佢哋真係真材實料香蕉切粒，然後加入攪拌機去打個乳酪奶昔出嚟俾你。餐廳製作呢杯嘢飲嘅時候，combination 非常之好。香蕉同埋麥片非常之夾，嗰種厚實嘅口感，同埋好實在嘅味道好夾。私心推薦大家一定要加埋碧根粒，香蕉仲有碧根同埋麥片食落去好有營養，而且好健康。加埋乳酪奶昔，簡直就係一個好健康嘅餐點飲完之後唔使食飯飽晒。開心牛油果乳酪奶昔$52 開心果平時大家成粒食嘅話就會好脆，而且硬口。但係加咗入去奶昔裏面之後就會變得好滑順，而且帶有天然嘅堅果油脂香味。成杯嘢飲本身就唔會好甜，乳酪嘅微甜就足夠襯托牛油果Nutty嘅味道。呢一種健康係嘅奶昔非常推薦大家買嚟飲。…查看更多

餐廳設立喺深水埗鬧市之中，但係佢營造到一個好舒服嘅環境俾人喺度飲吓嘢chill吓。有戶外嘅環境亦都有室內嘅環境，戶外嘅環境以木質嘅柔和色調做主題，而室內就有質感嘅石灰牆同埋木枱做主題。環境非常舒服！餐廳座位同埋座位之間都好寬闊，非常適合朋友過嚟傾偈。松葉蟹肉扁意粉$138蟹肉嘅份量非常之多，每一啖意粉都可以同到蟹肉一齊食。除咗蟹肉之外餐廳都加埋蟹籽作配襯，兩種海鮮嘅鮮味非常豐富，意粉變得額外鮮甜。龍蝦明太子egg drop $98非常推薦食呢一款三文治，裏便嘅龍蝦膠份量非常之多，每一啖都食到有海水味嘅龍蝦肉。除咗龍蝦膠嘅口感之外，蟹籽清脆嘅口感同埋鮮甜嘅味道亦都非常之盡責咁樣配襯出龍蝦嘅鮮甜。非常大份量嘅滑蛋滑溜嘅口感食落去好滿足。榛子特濃可可拿鐵$60 可可同埋榛子嘅味道同牛奶嘅味道好融合，好順滑咁樣將可可同棒子帶入口腔裏面。黑芝麻拿鐵$55 叫咗一個比較特別嘅飲品，黑芝麻做飲品嘅底調非常少見。餐廳真係用黑芝麻磨成漿去混入飲品裏面。…查看更多

Jeju set menu B 罈子五花肉 450g + 炸醬拉麵 2-3人 $376 餐廳選用濟州島空運直送嘅五花肉，佢哋會由生嘅肉開始烤。佢哋嘅五花肉食落去肉質特別紮實，肉感細嫩，而且油花亦都好均勻。每一位都會有專人幫你去烤肉，火候掌握得非常好。煎完之後嘅肉會變得Q彈多汁，簡直滿足我大啖食慾嘅願望。非常推薦，大家食肉嘅時候點埋濟州鳳尾魚醬、包飯醬和鹽麻油醬。地道嘅濟州人食烤肉嘅時候都會配襯呢一個醬嚟一齊食。涼拌魷魚亦都非常之好味，有魷魚嘅獨特鹹香配埋韓國辣醬一齊食。鮮甜之餘又有辛辣嘅感覺。蕎麥冷麵$88 冰涼嘅蕎麥冷麵係夏天消暑嘅必食之物！蕎麥麵Q彈有嚼勁，因為啲麵會有薯仔澱粉做，所以咬落去會有「咬」勁。餐廳都好地道韓國人做法地送餐時比埋較剪比我去方便剪斷啲麵 。酸酸甜甜嘅湯底令人一食開胃，鹹鹹地嘅拌冷麵汁又帶黎另一種風味。 接骨木花梳打$30 接骨木花有一種獨有嘅芬香，而且淡淡嘅甜味飲落去清新怡人。冰凍嘅梳打氣泡感十足，輕微嘅酸味可以解一解燒肉嘅油膩。青檸百香果梳打$48百香果熱帶水果嘅甜味，唔會太膩，反而幾開胃。梳打水嘅氣泡感整體感覺係酸酸甜甜、清爽解渴，令人飲完想再飲一啖。…查看更多