samhui0508的个人专页

以前聽人講呢間野既燒賣好好食，又平又抵，所以行過都會試下，而味道同價錢真係幾合理既。最近買左幾次，發現一個幾嚴重既問題，就係幾次都數少左！！！唔係1-2粒， 係4-5粒！！點解會知？ 因為次次買都用大兜裝，好奇點解突然用細兜可以裝得曬。 數數下，哇 ！買25蚊燒賣， 個收錢哥哥仔都話夾20粒，點知數返先得15粒。 可能買25蚊比較少見啦，你少夾而夾錯，但你同事開口提埋幾多粒啦喎，咁都有錯？最嬲係，大佬啊， 就算我買20蚊最少都16粒啦吓。 你先夾15粒？ 有冇搞錯啊，好心夾野個位女士認真少少數得唔得，次次係你負責夾野都錯，一係又試下我畀少啲錢得唔得？ 今日又買，好野！ 買25蚊，又係得15粒，又係同一位女士夾，真係好野！ 大家買既時候都可以數下！…查看更多

最近放假同朋友經過附近，發現多咗間coffee shop。係門口望入去係全白色既牆身，畀到人一種好簡樸既感覺。咁岩有少少肚餓於是乎就同朋友入左去試吓！因為本身都唔太識飲咖啡，於是店主就推薦左我地試吓手沖咖啡。飲落發覺同平時飲開既coffee有少少唔同，多左啲果味，味道幾特別，朋友都話下次可以再試吓。 之後都有再叫bagel 食，味道唔錯。整體黎講係一間唔錯既coffee shop，特別係手沖咖啡，門外漢既我都覺得不錯，識入既朋友一定要黎試下。…查看更多