ข้อมูลส่วนตัวร้าน bubox

公眾假期lunch，環境舒適，食物嘅賣相唔錯之餘都幾好味，又有特色，美中不足係食得有啲趕。飲品都好多選擇，但唔記得影飲品相，其中一杯奇異果smoothie ，放喺上面嘅奇異果都幾高質，抵讚！…ดูเพิ่มเติม

之前幾次經過都要排隊，一直都未有機會試。難得星期六經過，可能因為過咗午飯時間，竟然有位，又算多素食選擇，就試吓啦。叫咗Three mushroom risotto同Deluxe mushroom pizza，個pizza好好味呀，每一樣材料個味都好岀，好新鮮，餅底嘅口感唔錯，整體嚟講係一個好出色嘅Pizza😋😋可能因為個Pizza太好， risotto 就比下去，太鹹，但其實個菇都好有菇味嘅。等嘢食嘅時間有啲長，但都值得嘅～走嘅時候見到有人叫咗大pizza，好長呀，加上用兩個鐵罐墊高咗，好有氣勢😆😆…ดูเพิ่มเติม

星期日下午兩點幾到，因為冇book枱，等咗大半個鐘先有位，但係值得！名副其實一間dog friendly嘅餐廳，每個職員都真心對狗好友善，坐得幾舒服，環境又唔錯。食物色香味俱全，有食啲藝術品落肚嘅感覺。有好多食物款式，素食菜式都唔少，仲要好味😋😋，好滿足！另外最正係有puppy lover，有香蕉蛋糕，甘筍，雞胸肉，可以同狗狗一齊開餐，切得幾精緻，方便餵食，非常貼心。平時狗狗唔太鍾意食蛋糕麵包類，但係呢個香蕉蛋糕就一啲都冇剩。…ดูเพิ่มเติม

喺淘大行過見到新開食肆試業，難得有咁多款素食，有素食飯/麵，仲有素小食👍🏼👍🏼唔肚餓都要試下！由於疫情關係，我哋一坐低，店員就每人比一個紙袋我哋放口罩，真係幾貼心，之後一直嘅服務態度都好好，好有禮貌，抵讚！今次我試咗甜酸菠蘿咕嚕肉飯（全素），朋友叫咗雞絲粉皮，生煎包，紅油抄手。咕嚕肉飯都唔錯，大件夾抵食😆朋友就話生煎包好好味，咁招牌菜，都有信心保證嘅。因為今日實在未肚餓，試唔到太多，唯有留返下次啦～…ดูเพิ่มเติม

去過好多間台灣菜都冇素食，原本都冇乜期望，同事行埋去睇吓個Menu，竟然有三款素食（素菜雜菌煲、麻辣鮮菌素雞麵、紅燒豆腐鮮菌飯），即刻試！由於天氣比較熱，冇試到雜菜煲。紅燒豆腐鮮菌飯幾好味，都算多餸，反而素雞麵就唔係好滿足。飲品方面，胚芽珍珠幾好味，楊桃蜂蜜就一般。60幾蚊一個堂食lunch，幾抵幾好味，下次可以試埋個雜菜煲～…ดูเพิ่มเติม

Lunch之後路過見到中環一間唔太起眼嘅茶寮，推門入去竟然坐滿人，環境寬敞，茶具齊備，感覺舒適。點咗星野抹茶鮮奶同焙茶鮮奶，焙茶鮮奶比較特別，香味濃郁。另外，值得一提，呢到有 vegan muffin 同蛋糕賣，可惜今日太飽冇食到。…ดูเพิ่มเติม

餐廳唔係好大，但keep 住坐滿，星期六中午都好多人。點咗兩個素食set，一個whipped avocado + corn khichdi & wild mushroom curry ，另一個charred cherry tomatoes + aloo gobi ， 兩個都幾好味。最特別係corn khichdi同 charred cherry tomatoes 😋😋個set包咗嘅soba noodle salad都好味，口感唔錯，又唔會太多麵，整體個set令人好滿足，唔同口感同味道都有，好豐富。…ดูเพิ่มเติม

室外嘅座位一啲都唔迫，好適合帶狗狗去，加上店員都對狗狗都好友善👍🏼👍🏼Main course 有幾款素食，點咗classic tomato spaghetti 同avocado pizza。雖然spaghetti 冇咩餸，但spaghetti 本身口感好正，pizza都好好味，好少食到avocado pizza係有一大舊avocado 😋😋另外叫咗mixed berry smoothie 同mango smoothie ，mango smoothie 淡咗啲，mixed berry smoothie 就好好味！…ดูเพิ่มเติม

坐得幾舒適，又有好多素食菜式。同事叫咗個麵食套餐（非素食），我哋再share煎素餃，野菌炒飯，豆素卷同椒鹽花生芽。好少食中菜都咁有驚喜，樣樣嘢都估佢唔到，無論係味道、煮法同食材都好有新意！第一次食花生芽，好清甜，配埋粒花生嘅口感幾特別。煎素餃入面嘅餡好夠味，又豐富，食一隻都好滿足。即使係一個聽落普普通通嘅野菌炒飯，都睇得出廚師係用心製作，唔係就咁將所有嘢炒埋一碟，用了料亦都唔係外面食嘅素炒飯常用材料咁簡單。值得再去～…ดูเพิ่มเติม

平日午餐都幾多人，雖然素食嘅點心唔多，但係有一個素食套餐，總共有六道菜，都幾豐富，食唔晒。套餐當中最特別係竹笙愉耳南瓜羹，口感幾特別，味道亦都唔錯。整個套餐嚟講，菇類佔嘅比例多咗啲，炒飯又油咗少少，菜式方面冇特別驚喜，中餐包橙汁仲有少少格格不入。一開始嘅功夫茶反而值得一讚，令人回味。而素食餐以外嘅點心同炒米粉，都幾精緻，味道就唔知道啦。至於另外叫嘅甜品合桃露（唔係素食餐嘅甜品），甜咗啲，但都幾好味。…ดูเพิ่มเติม

12點到，要等到12:30先可以落單，food court環境一般，好多人行來行去。食物無論賣相同味道都好好，如果係舖頭一定會再幫襯，但呢個food court就唔想再嚟。叫咗一個四項餐，本菇茶杯蒸，南瓜薯餅，野菜天婦羅同埋豆腐胡麻蒟蒻，樣樣都幾好味。…ดูเพิ่มเติม

公眾假期，商場周圍都比較多人，餐廳都差不多滿座，好在啱啱仲有位，而set lunch又有素食，就試吓啦！叫咗南瓜雜菌意大利飯同埋羅勒番茄魷魚扁意粉，餐湯係南瓜忌廉湯，仲有麵包加嘢飲，都係60幾蚊一個set lunch，好抵！最好味係個南瓜忌廉湯，估唔到一個餐湯，咁出色，有驚喜!! 麵包都好特別，口感幾好，反而main course就有啲普通，咖啡都唔錯嘅，滿足嘅一餐😋餐廳環境都幾舒適，以為喺商場畫一個位做餐廳會好嘈，但原來又唔會喎。…ดูเพิ่มเติม

平日嘅室外座位都滿座，勁呀～好在枱與枱之間一啲都唔迫，環境好舒服，仲可以帶埋狗狗去！但今日比較大風，連沙律菜都吹走埋😅咖啡亦好快吹到凍晒。。。咁悠閒嘅環境，如果唔係咁大風，真係可以坐耐啲。食物方面，叫咗一個素 all day breakfast ，一個素burger ， all day breakfast 唔錯，唔係傳統嗰啲嘢，食物亦高質，burger都幾特別，但burger嘅麵包質感怪怪。mocha味道其實唔錯，但實在太細杯！…ดูเพิ่มเติม

終於等到lunch time唔洗排隊嘅機會啦，之前一直想試呢間餐廳，但長期有20人喺門口排隊，而卻步。今日咁啱唔洗等，就同同事分別叫咗江户前天丼同天丼（轉素食）。有擔心過就咁走肉會食唔夠飽，問職員有冇素食，佢建議我點一個天丼，將蝦同小柱魷魚天婦羅餅轉做菇菌，所以我個丼有蛋，4件菇，海苔，都幾好味，又夠飽。原本以為佢得三款天婦羅丼，唔洗點等有得食，但都等咗好一陣先有得食，好在餐廳有特別嘅黑豆茶飲住等。…ดูเพิ่มเติม

未入門口已經見到個餐牌好多牛油果，好吸引，但因為lunch 唔想太溜，今次冇食到。第一次試呢間餐廳，試咗佢嘅taco with mixed veggie and mushroom ，餐廳都好flexible ，所有餐嘅肉都可以轉veggie 。一開始以為rice and beans 好普通，但原來佢個豆蓉做得好好，個味好特別，一啲都唔溜，同啲飯好夾。最特別係Hochata，好好飲，不愧為推介飲品。下次有機會一定會去食牛油果大餐！…ดูเพิ่มเติม