larghetto_largo's Profile

舊同事們聚餐，初頭諗住食番以前年年食收爐飯既將軍澳某酒店既自助餐，不過見佢食物質素每況越下，把心一橫，建議食豪d去遠d食雅苑座，最後大家一致栽定我呢個選擇係明智既😎🤓唔覺唔覺，原來上次食雅苑座已經係大學年代，當年都係跟朋友食，只係知道雅苑座係傳統五星級酒店餐廳😂之後都周圍食過唔同嘅自助餐，對於鍾意食龍蝦🦞既我黎講，印象比較深刻既係hotel icon, 既新鮮又任食，但下下食成千蚊都幾貴，所以有時會係一田買d冷盤過下口癮先😂今次見到雅苑座有8折，同事生日又有原個蛋糕送，一於揀佢😏見到一籮龍蝦，真係心心眼😍，食完再食，挪左幾round, 食左5隻😋佢有d有紅膏，有d冇，但全部肉質都新鮮有咬口，長腳蟹🦀️都係啖啖肉，兩項回本之選☺️每人憑碟旁張“The Greenery”卡仔可以換一份煎珍寶帶子配鮑魚（再下面有相）海鮮檔仲有好多選擇，不過冇quota試曬，只係試埋麵包蟹，不過比較之下，唔知係咁啱呢round係咁定點🤔麵包蟹肉質冇咁豐厚鮮甜烤牛扒配以三色椒醬汁，肉質鮮嫩香口，可以淺嘗烤鴨🦆基本上片一塊冇一塊😂好難得見到幾塊，味道同大眾化既烤鴨店不相伯仲，平時係主菜時顯得特別好食，而家同其他野食平分秋色傳說中憑卡人手一份既煎珍寶帶子配鮑魚（各一隻），見到佢係一煲汁係到煮，唔怪得咁入味，不過老實講同罐頭鮑魚整熱係差唔多味😂都好食既好奇貪得意食左幾串爐端燒——燒蝦🦐同紫薯🍠，味道同居酒屋差唔多人流疏落既湯麵檔，不過其實佢d材料好有誠意，有瀬尿蝦、蜆，d牛肉睇落都雪花均勻，不過真係冇quota 叫，留畀真大胃王試食刺身同壽司🍣都係即叫即切即燒，肉質鮮嫩甜品百花齊放，應有盡有🍮🍨🧁🍰🎂，當然仲有Hagen daze雪糕🍦而最有儀式感係佢有一個特大佢地餅店FineFoods拿破侖生日蛋糕，有興趣既食客可以排隊影相兼挪一份食，而當月生日既仲每枱有原個生日蛋糕🎂，盡顯老牌五星級酒店餐廳氣派👏🏻👍🏻之於其他甜品，相信FineFoods出品都毋須點評了😋加個三層架直頭可以自製優質英式下午茶🤣基本上我哋成枱剩係食以上較吸引、回本菜式已經好飽，冇quota 試熱食，不過就以上食過同見到比較特別既食物而言，雅苑座既自助晚餐可謂全方位完勝，既有任食海鮮，又有刺身壽司、爐端燒、烤鴨、甜品，水準仲拍得上人地專門sell果樣菜式既餐廳，唯一可惜係冇生蠔🦪，不過都真係已經性價比高，值得推介👍🏻👍🏻👍🏻😋😋😋…Read More

盛夏中午，同大老闆一齊食飯，直接skip左cafe、茶餐廳、outdoor餐廳，見到價錢合理，環境cozy，就揀左呢間西餐廳。餐廳set lunch $128起，我starter揀左雞肉牛油果烤麵包，main course揀左8安士烤紐西蘭肉眼扒，老闆揀湯同香煎三文魚，我地每樣食物賣相都幾唔錯，不過我唔好意思影埋老闆份餐😂。味道方面，無論雞肉牛油果烤麵包定肉眼扒都好好食，喜出望外😋麵包香脆，但唔會太硬，配埋雞肉牛油果，味道香濃開胃。肉眼叫左7成熟，肥肪同肉分佈均勻，肉烤得生熟、軟硬適中，牛味十足😁老闆都話佢個餐唔錯。因為食得一個鐘，冇特別叫埋甜品，有d唔夠飽，不過有野飲包底。凍檸茶就正常味道啦。總括嚟講，餐廳價錢係西貢區都合理，加埋味道、環境，整體用餐體驗相比其他市區直頭係性價比高👍🏻👍🏻👍🏻（特別係我之後係觀塘食左間又貴又唔好食既意大利餐廳🫣下次細講）…Read More

Cafe選址係煩囂既街上可能想鶴立雞群，冇competitors, 但係周邊冇其他娛樂、商場配套，即係佢一係做街坊客，一係做朝聖打卡客，真係好考cafe既功力。Cafe畀人既第一印象就係繁市中既綠洲，一入去聞到木系香薰味，配上乾花、植物、木系傢俬、波希米亞風裝潢，視覺、嗅覺上既吸引係有，加上以生命之花、壇城唐卡做裝飾，係幾有洗滌心靈既感覺，不過正如之前食評咁講，餐廳以食物行先。同朋友聽完職員推介，朋友覺得冇特別eye catching item, 隨便叫左latte，我諗住一場黎到試下佢地強烈推介既yogurt 杯同特飲。朋友表示杯latte係正常latte, 冇乜味，我既特飲都係，正面d係佢應該好天然，冇落糖漿/人工調味。yogurt 杯算係比較好食，擺盤上都見到cafe既用心，不過特飲同yogurt性價比都麻麻，兩杯野已經$150。食物性價比不足，多數靠環境/用餐體驗搭救，可惜原本坐係cafe比較chill既長枱，後來因為要讓畀幾人客，要搬枱，戶外位係面向有巴士駛過既大馬路，其實只係適合打卡，唔適合用餐，所以如果坐唔到長枱位，都冇乜食環境可言🫣總括嚟講，去開呢頭可以黎打下卡，如果要有回頭客/做街坊客就要係食物、價錢、用餐體驗到再落d功夫。…Read More

原本諗住食lunch，後來淨係趕得切飲杯野🥺就揀我喜愛既抹茶——久九小山園糰子黑糖抹茶牛奶💖佢既外型好有富士山feel, 而抹茶🍵加上糰子🍡仲有木系碟、傢俬就充滿京都風味。抹茶🍵配糰子🍡係一個係京都流行左幾百年既配撘，以前京都local tour 既導遊帶我地行花見小路，會發現茶屋既燈籠🏮上面都會有糰子圖案。個配搭經過幾百年既演變，變成現代fusion 版😆市面上賣matcha latte 既cafe真係多不勝數，但係我欣賞NN Coffee 既用心，保留左呢個穿越時代既配撘。味道方面，糰子Q彈不黏牙，甜度適中；matcha latte 奶味、茶味都唔會好濃，走清新路線。Menu 其實仲有正餐，不過好似會轉menu就唔影曬，下次有機會早d黎想試佢個龍蝦🦞意粉🍝😁…Read More

遇爾係巧明街接過傳單，見到佢地既set lunch 賣相都幾吸引，決定去試下，係OpenRice 訂位晚市有9折，就prepaid左兩個豪華燒肉套餐，分別係$288 M7澳洲和牛set同埋$208豚雞拼盤set, 都係照價9折，另收加一。兩個set勝在一次過滿足晒三個願望😍，又可以燒海鮮、又可以燒肉，仲有刺身，擺盤都好有和風，適合打卡。海鮮係兩份上埋一碟，侍應會教埋點燒，鵪鶉蛋可以撈埋落蟹膏或者分開燒。蟹🦀️膏燒完好香好好食😋，鮑魚、帶子、魷魚🦑都好新鮮👍🏻和牛、豚肉、雞肉賣相都好吸引，不過燒上黎好考功夫，同樣地證明工欲善其事，必先利其器。細火爐係好可愛，適合一人二人燒，不過d火相對一開就好大，d肉一係燒過龍，一係燒唔熟，加上d網冇抹定油會痴肉，真係要平時燒開肉功夫好好先得，如果唔係再好既食材都會曬左🥺刺身都係大路款，都係新鮮好食。晚市慢慢燒，好治癒☺️個set主食可叫烏冬、拉麵/白飯。叫左傳統中好好味既烏冬、拉麵，味道普通。餐廳環境幾有和風，可以幻想下自己去左京都湖畔🤣…Read More

近排想食辣，係觀塘試左兩間川菜店既水煮牛肉，今次試第三間，真係冇比較冇傷害。之前冇試過川婆婆其他分店，所以唔知係呢間分店定全線分店都係一樣味道，只可以話呢間完全唔合乎我對「川菜」既要求。睇落雖然好似好大碗好豐富，望真d，d汁一睇就知冇乜辣椒味，花椒連個影都冇，牛肉白雪雪。食落口，d辣椒粉似公仔麵既辣椒粉，牛肉好鞋唔入味。唯一特別處係有少少少少薯粉，可惜個汁得個辣字，唔香亦唔麻，白飯要另加$5，更加唔洗諗包飲品。佢唯一好在就腳，係工商廈區、近地鐵又近大商場，不過真係可一不可再，寧願食十二味平d環境又靚d，或者追求似川菜會行遠d去辣尚癮。…Read More

正如之前川菜食評提到，我心目中好食既川菜唔一定要勁辣，但要有夠香、麻。近排同一位來自四川既師傅傾計，佢都係話四川人唔係食好辣，但要有麻，佢話湖南人食得仲辣。佢推介老四川，於是諗住黎朝聖，但原來已經轉左手。為左可以同之前食既川菜餐廳比較，叫番水煮牛肉，一上菜，睇落色、香都唔錯，牛肉入口有少少花椒香、麻，要咬埋花椒，味道先更出，如果可以再煮得入味d就好。白飯相對細碗，有d唔夠送菜。下次再試下其他菜式。…Read More

川菜作為四大菜系之一，真係博大精深，同樣鍾意食辣，但鍾意既口味都好個人化。大學年代同朋友食開每月由四川挪原材料既紅磡聯記川王，亦都會北上去深圳食川菜，對我地黎講，好食既川菜，唔一定係有好多辣椒既死辣，但要有花椒既香、麻。食過十二味幾次，無論係水煮牛肉、口水雞、土豆絲等，都係色、香俱備，味道欠奉，形似、神不似，只有辣、未夠麻。川菜既麻，大多靠花椒，十二味奇怪之處係，明明有花椒，但唔入味，就算咬埋花椒，都唔係好夠香、麻，每次都係有d失望，不過叫做係個整潔餐廳食都辣野止下癮。…Read More

前排食完，一直心思思想再食，不過今次發現原來打邊爐個湯底真係真係真係好重要，亦都要夾個人口味。上次叫左招牌湯底——清湯同麻辣，今次侍應介紹話酸辣會辣d，麻辣麻d，就叫清湯同試下酸辣，點知對酸辣好失望，可能印象中既酸辣係太2酸菜魚果隻，但係呢個酸辣就真係冇乜特別，食到辣味，但味道層次唔豐富，我寧願捨辣取麻。今次主打牛肉拼盤（牛舌、牛肩胛、牛小排）同羊肉卷，都係肉同油脂均勻，有牛肉、羊肉香，唔會有筋，鞋唔鞋就靠自己睇淥既時間啦。青檸梳打出呼意料咁好飲，叫左兩round, 好過叫有色素糖漿既特飲。烤羊肉串依然係必叫之選。叫左娃娃菜同油麥菜各一份，都好新鮮。…Read More

💖半島既英式下午茶食評一直好壞參半，而我係呢幾年入面，隨住愈試愈多各星酒店、西餐廳、cafe既英式下午茶，只可以話半島帶畀我既用餐體驗係最多元化，性價比最高，亦都令我成為佢既忠實fans. 💖先講menu，半島英式下午茶會大約每季轉menu, 有d聯乘主題，甚至只係得個幾月，就好似今年復活節主題係我喜愛既Peter Rabbit, 由3月中出廣告，過兩日打去已經去到4月尾、個主題完結前所有weekends full booking, 唯有不惜平日請假黎朝聖。定期有變化既menu吸引唔少半島fans、主題fans、外籍遊客/商務旅客。💖鹹點同甜點隨住季節同主題係外形或者食材上有變化，每次食都有新鮮感，例如簡簡單單既「經典青瓜三文冶配忌廉芝士」，外形上試過傳統既長方形同蛋卷形，聖誕期間仲有聖誕樹🎄形😍；又例如迷你漢堡包，復活節呢round既餡係海蝦、蟹肉，聖誕節果round係漢堡牛肉。所以好仔細咁品評每件鹹點甜點既味道for自己記錄係ok, for其他人參考價值不大，因為大家唔同時期會食到唔同野。個人認為食半島鹹點甜點個focus可以係欣賞廚師既創新同埋精細工藝，可以係框架內利用不同食材同心思為食客帶來視覺同味覺上既新感受。💖唯一不變既食物係scone，正如我之前其他食評提過，scone都係一樣好考廚師實力既點心，冇任何花巧外形可言，食客鍾唔鍾意，全憑口感同味道取勝。老實講3-4年前我同朋友都覺得文華東方既scone係最好食，但近1-2年再去果度食，已經冇左以前一入口就心心眼既感覺，我地都唔知係我地口味變左定佢地換左廚師，取而代之，我地都一致認為半島既scone成為我地心中榜首。半島既scone, 大小、軟硬度適中，可以得心應手、保持優雅咁查到cream/ jam，唔會好似之前食評提過有間查查下成個散左。味道方面，scone本身奶油味香、唔會太甜，加埋cream/ jam, 味道恰到好處。之前staycation試過take away D scone, 番屋企隔日叮番熱依然唔會乾粉👍🏻。💖環境方面，個人係好鍾意歷史文化建築，半島大堂樓底高，一排排既柱樑加上巴洛克風格既裝飾，仲有拱窗，令大堂更顯氣派，身處有近百年歷史既一級歷史建築到食維多利式下午茶，更有氣氛。💖氛圍感亦都係整個用餐體驗既加分位，聖誕節、過年呢d大節日，有大聖誕樹、半島聖誕熊、桃花，巧妙咁凝聚左在座既食客，大家會有個joint attention, 望住聖誕樹用餐、一齊出去影相。主題下午茶亦都相關小紀念品，例如Peter Rabbit填色簿、Bulgari明信片，雖然都唔係咩貴重野，但感受到酒店既心思，因為呢d野本身都係bonus. 💖現場樂隊亦都係重要元素，唔少五星酒店/西餐廳都有現場鋼琴演奏，而半島有4位樂師小型orchestra, 分別演奏鋼琴、小提琴、大提琴同埋長笛。演奏既歌曲以西方音樂為主，由巴洛克/古典音樂例如歌劇中耳熟能詳既詠嘆調，到流行音樂例如家傳戶曉既迪士尼動畫歌曲都有，試想像下，Canon in D / Colours of the Wind 由敲擊樂、弦樂、管樂合奏帶黎聽覺體驗自然更豐富、有層次。不過疫情/後疫情階段好似唔係每次去都有齊4師live band🥺希望佢地可以日日full team 💪🏻。💖至於抵唔抵食，其實都好睇果次用餐想focus係邊，如果focus 飽唔飽，半島個下午茶係飽既，但係如果要好似食buffet咁食到12成超級飽，可能要揀d可以refill/ semi-buffet既酒店/餐廳，但個人經驗，有semi buffet既下午茶，可能會因為用左d quota 食周邊野，個下午茶set即場食唔曬，如果take away就要keep到食物新鮮度。如果可以refill既下午茶set, 可能會因為太飽而滯左，要揀個啱自己食野份量同飲食模式既下午茶。如果以上幾個💖point唔係重點，咁真係有好多其他更抵既選擇。💖💖💖💖💖💖💖💖💖💖食Peter Rabbit 主題點少得帶埋Peter Rabbit🐰黎打卡😆侍應見我咁鍾意Peter Rabbit, 送左本Peter Rabbit x The Peninsula Bear 既填色簿😍。換上聖誕裝、好識擺pose既半島熊🐻，可以排隊同佢影相😍除左食物，每年聖誕樹裝飾都有唔同…Read More

上次食上環店，今次食跑馬地店，兩次都係因著唔同朋友慕名而來。向來都好鍾意食和食既我，食完兩次結論係覺得碗拉麵名過其實。朋友叫雞白湯拉麵，我上次都有叫，唔知係咪上環店太多人等位，d肉解凍唔切，上環店食雞肉中間係冰既，朋友今次跑馬地店正常，佢覺得整體味道都唔錯。我今次叫海鮮雞拉麵，d肉終於正常溫度，不過湯底好好好鹹，好彩可以狂添茶。跑馬地店環境係幾舒服，可能冇乜人。服務方面跑馬地店明顯優勝，叫安排座位、落單、上菜、加茶、埋單都隨傳隨到，女士洗手間更體貼女士需要配備周全。可惜餐廳重點係食物，食物未算出眾，cwb拉麵街隨意一間都有得fight。上次滿懷期待又加蛋又加雞塊，都係正常味道，不過不失。…Read More

雖然係川菜餐廳，不過都有好多粵菜選擇，朋友移民回港探親，就一齊回味下粵菜、點心。貢品炒飯蟹肉、蝦肉用料充足，有蟹味，夠鑊氣，但偏鹹。幾樣點心賣相雖然普通，但味道都好唔錯，原來係由前澳門五星酒店主廚主理。我地揀左甜包（唔記得左全名）、鮮肉小籠包、燒賣、叉燒腸，仲有芝麻卷，兩樣甜點都有驚喜，平時煉奶花生醬揸麵包就多，原來用黎做中式包都夾到，趁熱食特別好味。一向唔太鍾意芝麻食品，大家叫到就試下，黑芝麻卷質地綿軟，甜而不膩，配上芝麻粒，口味香濃，都值得一試。餐廳內裝修雅緻，午餐full house都唔會好噪，適合聚會，會再encore, 下次試埋川菜。…Read More

同朋友都係晏晝戰鬥力好d既人，所以齊齊晏～晝～打～邊～爐～細個既時候會一齊揀食buffet/放題，以量取勝，近年重質不重量，寧願單叫都想試d自己想食既野，今次就試下呢間，果然不負所望😆我地揀左招牌清湯同麻辣湯，侍應話d湯已經夠味所以唔使點醬，試飲幾啖，果然好濃味，似當年好興既藥膳湯底，之於係咪健康，打得邊爐就無謂深究。食物主打係牛肩胛&塔拉上的快樂卷（羊肉）。牛肉係比羊肉有咬口，但羊肉因為更細塊更薄，真係細個普通話書講既「涮羊肉」，一涮就要既起即食，都好夠羊味。蒙古馬奶酒，雖然有38度，但都好易入口，口感creamy, 味道有少少似Bailey, 唔似五糧液果d好中式白酒咁啃，不過空肚飲係會有d揦胃，但食住打邊爐飲就好有feel. 先倒d係小酒壺度醒酒，再倒入酒杯，唔覺唔覺好快飲左半支，如果雪左先飲更正😋原來呢隻酒係蒙古好出名，有好多呢個造型既紀念品，都幾得意。烤羊肉串，超級超級超級推介👍🏻三色蝦滑，味道中規中矩。建議叫d薯粉，好吸湯底味。整體好好食，送左coupon, 希望快d 再黎食。…Read More

雖然Odelice有幾間分店，不過食親都係The One分店，如果日頭係度食，窗外陽光滲入藍白主調既餐廳，不失有南法風味，不過夜晚燈光昏暗，但又唔係romantic 既效果，唔係好啱打卡，咁就專注番食物。叫生蠔可以包兩杯野飲，生蠔睇落幾大隻，食落唔算多肉，有海水味，配上白酒，係幾鮮味。主廚拼盤有煙三文魚、意大利火腿、炸黑松露磨菇球、鱈魚醬、雞蛋沙律、燒番茄、酸種麵包，整體都好好食，係開胃頭盤之選。是日精選餐湯味道不過不失。兩杯飲品可以叫酒精或非酒精飲品，咁既然食生蠔，就叫白酒襯托下，白酒清甜易入口唔黏喉。套餐以外叫左蜆意粉，蜆都新鮮有肉冇沙，係典型忌廉汁意粉。原本係牛脊肉配鴨肝，可惜冇曬鴨肝，用大蝦替代，有d失望。牛脊肉生熟程度拿捏恰當，易切易咬，入味唔會「鞋」，配埋蒜粒更帶出肉香，整體味道中規中矩，冇乜驚喜。大蝦煎完唔算大，但都叫有肉，都夠香既。香煎三文魚，份量都係好配合法國fine dining 既，茴香加上檸檬汁提升三文魚味，薯蓉都好夠綿滑，整體唔錯。火焰橙酒可麗餅，可以話係頭盤以外的驚喜，侍應即點火即淋酒上餅，睇得又食得。雪糕算多牛油，唔易溶，可以配上可麗餅切件入口，幾有咬口，加埋香橙，甜度適中，係呢次用餐幾好既結尾。伴碟雕花士多啤梨可見廚師用心。…Read More

係唔同時段食過餐廳既唔同餐，性價比最高應該係平日lunch, 唔使加$38都包salad bar, 不過有時夜晚想食salad 同飲野都會照加salad bar. 今次再encore 朴葉味噌牛柳定食，因為佢賣相吸引，鄉土料理風味濃厚，好似係日本高山地區圍住火爐燒野食咁😂可以一次過滿足晒打卡、烤肉&食三個願望。牛柳切成薄片好快熟，冇特別調味，主要係靠菇同蔥帶出肉既鮮味，加埋日式伴菜，佐飯之選。上次同今次同枱叫定食，不過冇share 食，味道都係唔錯既。因為自助落餐，都冇乜service, 不過見佢salad bar refill 都幾快，菜、甜點就快冇都即刻refill, 甜點refill左唔同味，味道不過不失，都會食完再拎，當然唔可以同五星酒店比較。飲品算幾多款，冷、熱、自家製都有。以前食過美人鍋同美人框御膳，都係幾好食，可以再encore 。…Read More