Clement CLY的个人专页

最近幾鍾意去觀塘海濱😜 今次同朋友又係嚟海濱匯，呢度環境都幾寫意，呢間餐廳出面有草地，可以揀戶外位置😀我哋叫咗兩個Brunch Set1️⃣$188 8安士紐西蘭肉眼扒配薯條+（$15）是日餐湯牛扒上面有一格格坑紋，賣相好吸引✨ 今次叫咗七成熟，肉質好鮮嫩🥩，油脂分布平均，唔會太油膩👍🏻 其實我覺得牛扒點蕃茄汁都幾好食😜另外，我好鍾意佢嘅薯條🍟 薯仔味好香，而且份量都幾足夠，兩個人食真係好滿足想講一講佢個湯，係好香濃嘅蕃茄湯 🍅 感覺上佢都幾新鮮，如果鍾意酸味嘅應該會鍾意呢個湯2️⃣$138 蟹肉巴馬臣芝士蕃茄忌廉汁通粉（$35）自家製甜品估唔到呢個通粉幾有驚喜，蟹肉味好濃🦀 ，蟹肉份量都俾得幾足，佢個芝士蕃茄忌廉汁非常之惹味，同通粉非常夾👍🏻佢個甜品係芝士蛋糕🍰，紅莓醬酸酸甜甜同蛋糕好夾，令到個甜品唔會好膩📍 Flames (海濱匯）…查看更多

週末同朋友去咗觀塘海濱散步，行到去差唔多到牛頭角覺得肚餓就決定喺附近食飯🍽️ 第一次去呢個新地方海濱匯，裝修全部都好新淨，應該係最近新起嘅，店舖唔算太多，啱晒我哋可以靜靜地食飯👀 我哋揀咗食西餐，入到去餐廳都係好靚嘅裝修，而且坐得幾舒服，可以遠眺海邊🌊我哋叫咗兩個Brunch Set1️⃣ $158 意式辣肉腸薄餅🍕+（$15）是日餐湯佢係好大塊嘅辣肉腸，好少可以每塊pizza都鋪滿一大塊辣肉腸，出面食開嘅通常都係好細塊嘅辣肉腸，所以覺得呢間性價比都幾高👍🏻 一開始食落去唔算太辣，但係食食吓原來都幾辣🌶️ 不過辣得來都幾惹味，值得推介😋另外佢個餐湯係西蘭花湯🥦，飲落去覺得好清新，有一種蔬菜嘅草青味，非常鮮甜2️⃣$118 香草紅酒汁燴牛面肉配黃薑蕃茄飯+（$35）自家製甜品佢嘅牛肉係超級腍身，唔使點樣咬就吞到😋 有少少入口即溶嘅感覺，第一次食牛面肉🥩，俾我感覺真係覺得幾好佢個甜品好有驚喜😃 係佢地自己整嘅tiramisu🧁我個人覺得非常之值得加錢，佢同傳統喺出面食到嘅tiramisu係好唔同，感覺唔似一個蛋糕，對面嘅忌廉餡好似布甸一樣咁厚，底部係好香濃既味咖啡味☕️ 📍Mano(海濱匯）#香港 #觀塘 #觀塘好西 #觀塘美食 #香港美食 …查看更多

放工同同事去咗旺角食晚飯，呢間餐廳地點好方便，旺角站E1出口行過去5分鐘都唔使👍🏻 座位非常闊落，環境都好空曠，仲見到佢哋有啲聖誕裝飾添，坐得好舒服🙌🏻 啱晒同朋友或者屋企人過嚟食飯1️⃣日式麻醬豆腐沙律 我最鍾意涼涼地嘅食物，胡麻醬豆腐真好好食😋 成個醬汁同豆腐好夾，配埋沙律其實係一個好健康嘅頭盤🥗2️⃣芝麻雞翼、明太子雞翼雞翼外層炸到好鬆脆，兩款雞翼各有千秋，明太子雞翼裏面係好香濃嘅味道，明太子鹹鹹地之餘仲帶有微微嘅辣味，而且雞翼裏面嘅明太子份量都幾多👍🏻芝麻雞翼反而係食佢雞翼外層，芝麻味夠香，肉質鮮嫩，係一個唔錯同朋友一齊分享嘅小食😋3️⃣午夜牛郎呢個名好搞笑，同同事都估咗一陣裏面係咩嚟😂裏面有三文魚、牛油果🥑同埋芝士🧀呢款卷物好特別，外層好似炸過咁，咬落去脆卜卜，非常之有口感🙌🏻4️⃣蜘蛛呢個名應該估唔到係咩嚟，但係一上菜就覺得同佢個名都幾夾😂 裏面有炸軟殼蟹🦀、青瓜🥒、牛油果同埋蟹柳 原來係用咗炸軟殼蟹扮蜘蛛腳🕷️ 個造型都幾特別，而且軟殼蟹尺寸都幾大，食落去好足料呢兩款卷物擺喺同一個碟上面真係好似一幅畫建議大家同時叫兩款卷物一齊打卡一定好靚👍🏻📍古今…查看更多

星期日同朋友約咗去銅鑼灣食飯，銅鑼灣有好多唔同嘅嘢食，嗰一刻想食粉麵，經過佢門口俾佢吸引住所以揀咗呢一間，食完覺得味道同質素都係水準以上👍🏻 一開始入到舖頭，店員比我感覺已經好親切，我哋因為實在太肚餓，叫咗兩個麵、一個下午茶餐同埋一個小食😂1️⃣$40 南乳豬手米粉配茶走呢個係我朋友叫嘅，試咗啖覺得豬手好食、南乳好入味，有兩件豬手大大件，我鍾意佢炆得好腍，覺得好有骨膠原嘅感覺😂 2️⃣$68 招牌雙沙河配凍檸水呢碗湯底好濃郁，牛腩浸係湯入面有一種好似牛骨湯嘅感覺👍🏻 佢嘅餸嘅份量都真係唔少，絕對夠食。我鍾意佢嘅牛腩炆得好腍，好入味😋 食落去好似入口即溶咁，輕輕一咬就食到，越食越想食更加多😂 3️⃣$42 吉列魚柳下午茶餐、配西多士、薯條、紅豆冰（+$12）值得一提嘅係上餐後，店員見到我哋有西多士同薯條，主動問我哋要唔要茄汁同埋糖漿，呢個服務態度非常好🫶🏻 我自己鍾意食佢嘅西多士配埋牛油成個感覺好邪惡😈 好鍾意呢個配搭真係好好食🤤4️⃣$30 香茅雞翼呢個雞翼外表炸到卜卜脆，一咬落去好爽🙌🏻 佢本身嘅香茅味食落去真係好香，好鍾意呢一種調味，食落去鹹香味十足，而且佢有五隻，份量夠食，絕對係可以同朋友分享嘅小食📍 九運來粉麵世家…查看更多

尖沙咀真係好多火鍋店，今次約咗朋友去食😍入面座位都算多位，坐得舒服。店員態度親切，一入到去都好好笑容😃呢個湯底真係好特別，第一次試呢種先擺咗材料後煮湯嘅火鍋，火鍋入面有龍蝦、青口🦪、東風螺、鮑魚、花膠、仲有螺片等等，全部海鮮望落去都好新鮮，真係好足料。另外材料仲有蔬菜，包括有蕃茄同埋娃娃菜。店員首先將所有配料撈埋一齊，擺得好有心機✨，然後落埋湯去撈埋一齊，所有材料都吸晒個湯，真係好好味😋令個海鮮既鮮味更加突出。建議打邊爐前先飲湯，試吓湯底嘅原味，個湯底真係好清甜，龍蝦味濃，所有海鮮都好爽口👍🏻仲試咗佢嘅牛頸脊，牛味濃，肉質一啲都唔鞋，20-30秒灼一灼就食得😋椒鹽粟米條好惹味，我自己本人係好鍾意食粟米，粟米本身既清甜再加上惹味既椒鹽，成個味道岩岩好，越食越上癮😍最後仲食咗醉胡爐五寶丸、蔬菜拼盤同埋響鈴，都係淥一陣就食得啦，啲湯令到佢哋嘅味道都提升咗👍🏻…查看更多

同朋友期待咗好耐嚟呢度食，果然冇令到我失望🥹佢嘅黑松露和牛他他超級好食，好少食生牛肉嘅我一啲都唔覺得腥👍🏻👍🏻👍🏻今次佢俾咗龍蝦我哋，啲肉質好靚，食落去都幾細緻😃灼燒紅酒鵝肝松露汁和牛壽司超級好食！！超推介大家都去食😽😽😽…查看更多

大角咀有好多韓國餐廳，李家絕對會係會想再食嘅一間，今次係第二次嚟食，依舊叫返我最鍾意嘅半半炸雞，呢次叫咗芝士🧀同蜂蜜蒜蓉味，最鍾意係佢啲芝士粉好濃味，而且撒得好均勻，最鍾意芝士味👍🏻蜂蜜蒜蓉味佢係真係有原粒蒜蓉喺度，食落去特別惹味😋另外晚市有套餐，叫咗韓式炒豬肉，少少辣好惹味，豬肉份量都算多，兩個人食啱啱好🙌🏻…查看更多

朋友一直叫我過嚟買，每次經過都覺得好貴，今次終於過嚟試吓😃 原來真係貴得有原因，真係覺得好好食👍🏻今次叫咗兩個原味一個開心果味試吓，佢係拿破崙焦糖千層撻🫶🏻 個人鍾意開心果味多啲，佢嘅味道好濃郁，鍾意開心果嘅人必食！！！…查看更多

香港其中一間好食嘅拉麵星期六去到唔算多人，一個人食都唔會尷尬😂入面有十幾個位，唔算好迫侍應服務都好好，一嚟到就俾咗杯熱茶👍🏻坐吧枱會仲可以望到廚師煮麵1️⃣$138極濃·雞白湯拉麵⭐️⭐️⭐️⭐️呢個拉麵我會話係可以飲湯嘅拉麵🍜雞味好濃但係唔會鹹😋出面嘅拉麵係鹹到唔會想飲湯呢個係好似煲咗好濃好濃嘅雞湯咁唔會鹹值得一提嘅係佢嘅炸牛蒡超好食👍🏻👍🏻👍🏻好似食薯條咁好脆好香😍Total有兩塊雞胸加一塊日本叉燒2️⃣$48鹽燒雞中翼⭐️⭐️⭐️雞中翼味道中規中矩雖然Menu推介，但係我覺得可以試其他小食😂天后區有好多嘢食，想我發掘嘅可以留言同我講。📍 金鶴拉麵（蜆殼街）#香港 #天后 #天后美食 #香港美食 #日本料理 #日本菜 #拉麵 #燒雞翼 …查看更多

happy Friday同事請我飲嘢佢哋揀咗呢一間有乳酪飲嘅外賣飲品店我自己鍾情於芒果，每次叫嘢飲都會叫芒果嘅嘢今次叫呢杯係芒果乳酪奶昔🍼🧋芒果味好濃，有淡淡嘅清甜味，而且乳酪酸酸甜甜，佢嘅味道都幾豐富，下次會再叫嚟飲👍🏻…查看更多

係app叫咗外賣送上屋企，叫咗少食多滋味二人餐，食咗兩個經典芝士牛堡、香芋丸、芝士脆蝦棒，全部食落都幾唔錯，夾埋都只係$106。另外仲叫咗個洋蔥煙肉燒烤牛堡，覺得比經典芝士牛堡好食。👍🏻👍🏻👍🏻…查看更多

同朋友商量咗好耐到底食啲咩去到利東街咁啱就見到牛角發現佢嘅午市套餐好抵食只係80幾蚊就可以任食自助吧嘅嘢例如有漢堡、台灣腸👍🏻而且可以自己整牛角飯😂 最開心都係可以自己任加紫菜🫶🏻🫶🏻🫶🏻而且仲可以自己拎甜品，甜品嘅種類都有好多，有蛋糕有啫喱，一定食得飽…查看更多

喺金鐘嘅一個名貴商場難得有一個比較平嘅嘢食🥹每次過嚟食一定會叫既包一定係Smoke shack 🍔覺得佢好食過麥當勞好多呢個包裏面有芝士漢堡配香薰煙肉、櫻桃辣椒粒、仲有佢特別嘅醬汁覺得佢塊漢堡好有肉汁、好Juicy😋 成個包有微微嘅辣 雖然佢係連鎖店，但真係幾好食👍🏻…查看更多

覺得呢間西餐好抵食，位置喺何文田近旺角附近，距離地鐵站要行一段路🙌🏻叫咗美式烤豬肋骨，雖然係骨但係都幾多肉👍🏻而且BBQ醬嘅味好香仲叫咗佢嘅蟹肉意粉食，意粉嘅汁好濃好香，蟹肉份量唔算少，不過我覺得可以再俾多啲😋覺得值得一提嘅就係佢嘅甜品，士多啤梨牛角包配雪糕，佢嘅士多啤梨味好香，配上甜嘢食嗰度有種酸甜酸甜嘅味😋…查看更多

平時諗唔到食咩一定會食呢間！因為佢真係平靚正😂 每次都鍾意叫佢嘅pizza黎食同埋鍾意食佢嘅雞扒焗飯😋😋 上面嗰層芝士好濃味，而且肉質都幾鮮嫩，好鍾意食佢嘅雞扒另外佢嘅三文魚意粉都唔錯三文魚肉質唔算係好粗糙，可惜意粉味道唔算好濃，希望可以有多啲味🥹…查看更多