anthony904's Profile

昨天晚上堂食佢個黯然銷魂飯，一上枱啲叉燒又薄又多肥膏（記唔睇圖片），之前食佢啲叉燒係又厚又淋（我懷疑同之前食嘅叉燒質量係完全唔同級數），我睇到立即叫服務員講返太多肥膏，個服務員仲同我講話我叫咗肥叉（肥係正常嘅類似呢啲說話），我心諗我咩都冇講過，嚟到新一碟嚟到雖然好過之前，但係都係太薄，好似食肉片，依家嘢越嚟越差，真心幫襯唔落，好似換過一批新嘅差嘅叉燒返嚟，平時環境差，逼你搭枱，趕你走都算，一開始食啲叉燒好食到唔停到口，不停推薦畀人，而家連啲叉燒都差過大家樂，忍無可忍先上嚟俾個負評你呢間餐廳…Read More

話說朋友睇完影片分享網站channel 條片話想食呢間拉麵店，咁一間店去到冇人理你，得個妹妹店員做嘢，安排差，入到去坐低冇人理你自己搵menu搵筆搵紙，點完餐之後都唔係好安落，周圍望，見到個伯伯搵個日本老闆娘話佢想點餐，點拉麵要用紙圈住，奈何張點拉麵紙濛到，我以為自己800度遠視，個老闆娘好不耐煩又黑面，叫妹妹店員幫吓手，其他食客已出聲幫手，拉麵到左食緊，我對面個客人走左（我朋友坐我隔離），之後有人送貨嚟，個老闆娘一嘢就搬箱貨喺我對面，心諗有冇衛生常識，我未食完🤬🤬🤬🤬，我嬲到冇食晒，我叫我朋友去畀錢，我大聲講：垃圾！一啲衛生常識都冇！ 我懷疑個老闆娘識聽，我望到佢想打我咁樣總之，呢間店唔洗去，加一服務費總共$220，完全唔洗再去，體驗一次就夠，$100以上拉麵大把選擇。嗰啲影片分享網站channel 片根本係廣告，講到幾好食，幾咩好咁，我本人食落去同佢哋啲片完全唔同！…Read More

首先唔好意思先，冇影到食物相，實在太難食已經幫襯左有成兩年，湯底水準一直下滑，但估唔到差到咁我哋一行兩人入去食$99套餐分別叫咗龍蝦湯麵，湯麵一到望落去知道有問題，眼望湯底已經很淡，食落去啲麵有怪味，龍蝦湯冇龍蝦味得死鹹味，塊叉燒薄過塊mask，最後勉強食晒啲麵，唔想浪費食物已經向店員即時反映質素非常差希望佢哋改善我臨走望到佢哋有買自家品牌即食麵，我即時諗起佢哋會唔會用自家品牌即食麵嚟招呼客人經過兩個鐘後啲胃氣不停出來，戴口罩關係我可以完全聞到即食麵嘅味道真心失望，用即食麵水準收我$100，唔怪得冇咩客人食…Read More

今晚同老婆食晚餐，想食日本湯麵，睇間鋪門面同menu幾好，咁入到去，發覺入面俾我感覺同茶餐廳冇分別，啲阿姐有口音同枱面唔太乾淨，我同老婆叫咗炸天婦羅湯烏冬套餐同埋韓國泡菜豚肉石鍋飯。首先，天婦羅湯烏冬個湯底完全冇味，天婦羅都炸得麻麻地，戲肉來了，個韓式泡菜豚肉石鍋飯一嚟到就聞到浸燒焦咗嘅味，然後發現個鍋底啲飯完全燒焦晒，唔係普通飯焦，真係燒燶咗，食咗一陣發覺完全冇味，即使有柚子汁做調味， 豚肉又乾又硬，我就同個侍應阿姐講個飯燒燶咗成陣燒焦味，下次叫師傅小心啲，之後個阿姐同我講使唔使畀碗白飯我再送，我就再同佢講“唔洗，成浸燒焦味仲食到咩。埋單成$231真心食茶餐廳都好過食佢，完全唔值，唔推介呢間餐廳！…Read More