chau_ming2000的个人专页

兩個仔考完試係時候鬆一鬆見沙田中心新開左間「一鼎」見佢啲分店都好多like咁就梗係試試佢啦沙田咁多間都食過晒睇下有咩唔同都好去到見到環境唔錯 同圍方牛X差唔多但係空間感大啲亮麗啲一人一鍋我地3大1細叫左兩個蕃茄湯一個骨膠原 一個牛尾（唔記得咩名啦🤣）我地食200天穀治牛係嫩滑啲 無揀錯一鼎牛就比較結實 都唔錯全部都好新鮮呢度既選擇好多居然有羊肉片食仲有海鮮 生蠔 大大隻羅氏蝦 大隻蜆 新鮮魷魚食開牛大X 真係唔慣咁多野食🤣台式小食都有10零種（唔知有冇記錯）我食咗虎皮鳳爪（冇骨）魚皮（好爽！）地瓜薯花枝丸 地瓜丸 鹽酥雞 蒜香香腸片…….太多嘢食，真係要去咗幾次先講得清楚醬料到幾特別居然有泰式酸辣汁平日食開豉油嘅我 全餐都淨係用呢個汁加少少芫荽酸酸地辣辣地真係好開胃仲有一樣嘢 呢度係會有埋手搖飲品可以叫平日一杯都40-$50而家個餐包埋真係有驚喜開咗會員，有個優惠券 諗住叫佢-50蚊點知而家二人同行一人半價 算幾抵…查看更多

今日行旺角出面幾十度行商場最好所以商場都好多人好嘈行左陣一家四口搵餐廳開餐見到周圍都好多人又迫又嘈見到鮨之叫得呢啲名心諗都唔平左為左餐安樂茶飯就是但啦坐低14:15伙記好好提醒14:30前仲有午餐叫左4個餐睇清楚個餐牌以前睇錯居然只係貴屋村一般日式料理少少（老細睇到post唔好加價呀😂）啲餐一到心入面嘩左聲出黎啲份量真係未見過咁足又前菜又甜品我食左個刺身飯真係好新鮮雖然個雞扒要半個鐘先有但堅唔錯有機會下次會再食地方寬敞 又乾淨又舒服 都幾靚仲要又平又好食 真係邊度搵…查看更多

大圍夜晚到左咁上下時間真係選擇唔多唔食炸野辣野熱氣野都幾難🙂‍↕️聽人講有間新既日式餐廳開左仲要開到好夜咁我今晚又收得夜夜地一於去睇睇有咩食去到時一眼個感覺係乾淨 好明亮望一望係小店格局有好多野食既相係牆上面睇一睇佢既選擇真係算好多好快就有得食仲要有湯附送呢個鐘數邊度仲有呢啲野食味道個人覺得好食 對得起個價錢有突問返原來都算新開 開左兩個月左右一個女仔一手包辦晒真犀利👍🏼佢仲好細心會問下啲野食點 有咩需要咁我以為去左居酒屋😂下次會再去試下佢啲小食…查看更多

話說今日接小朋友放學得返40分鐘周圍都爆晒無位行過街市發現有個牌係度就入去搵野食下諗住入到去叫返啲穩陣野食飽就算環境係差啲估唔到都有啲驚喜比茶餐廳出色質素用料都睇得出好過好多地方但絕對對得住個價 $40 咖喱腸仔蛋雞扒飯加多罐可樂都係$6有時男人既浪漫就係咁簡單開心食飽再出發另外見佢仲有個小食牌又燒賣糯米雞咁今次唔記得影餐牌有機會再開多次post補返食飯期間都見到佢地對街坊好友善年輕人應該比多啲機會會再幫襯同老細吹下水都唔錯…查看更多

食開好多年啲野質素都叫保持到但啲會員野又要重新申請申請左仲要消費$500先得有200分比返得3年有效期咁都算啦有比返分今次食烏冬加12件壽司set太太叫左個烏冬set埋單$289但原來佢300蚊用Pay有9折😅算啦都諗住埋左單問佢點入返啲分點知原來要埋單前講攪咁多花臣就唔該叫啲職員醒少少雖然態度真係幾好今次無入分加用PayMe差幾多？咁不如唔好攪咁多收平啲啦真係食餐飯都麻Q煩有邊間餐廳好似你咁特別係特別麻煩呀！…查看更多

又到紀念日帶住兩個小朋友唔知食咩好大喜屋個甜品最後贏左始終個雪糕係哈根大師食過幾次對食物質素都有70-90分刺身 三文魚 螺肉 帶子 係最好 次次都點可能去貨快比較新鮮食過幾次全部蝦刺身都唔合格 所以無食好耐真係唔夠新鮮壽司 手卷今次比返高分佢因為唔會話係放題所以舊飯大到唔合比例小朋友最愛熟食壽司 我就點左火炙三文魚系統 幾好食入口即化 好香三文魚味串燒翠肉瓜係每次必點 自己都整唔到咁靚今次狀態麻麻就無點燒羊鞍係好食 但食完好快收工 太頂肚天婦羅就要食細細粒既番薯仔 食過返唔到轉頭自取熟食+冷盤蒸魚（似鱸魚）係好食既鹵水雞翼就好好好滑 好有以前火車食雞髀個種味道 係唔夠入味（都80% 差少少啦）麻辣小龍蝦 唔敢食都試左隻 味道係夠麻辣但唔夠香 但都幾大隻今次有兩個驚喜1. 有燒廣島蠔 好大隻好肥美 個味好正可惜個人仲意食熟少少 佢應該得7-8成2. 黑椒牛仔粒好好食 好香黑椒味 但偏甜 個人比較仲意最後係寫咁多野既主因多謝一班飲食界既服務員由廚房到侍應都非常勤力係呢個忙到打仗既時間都保持到好好既禮貌收碟係極快帶入同埋單個叔叔又非常禮貌食咁多次今次係最好最滿意3大1細（大仔高過140cm)$1168…查看更多

由於多次節日正日出面食飯都有不愉快經歷係咁迫你食餐啲餐又做好晒做定晒唔好食又貴 又無選擇仲要貴左服務又差左真係貼錢買難受所以好耐無試過正日約齊人做下節食下飯今次約唔到唯日正日啦呢間Club One都食過好多次算近年父母都比較滿意既地方地方闊落 樓底夠高唔會好嘈去到例牌唔叫餐因為食餐好多時散叫仲好似整定咁今晚兩圍每圍食左10個菜8個人一圍食唔晒要打包吊燒雞 好食唔鞋幾香 每次都會食蒸大沙巴 足秤有多 鐵板叉燒 呢個真係好貴 得8小件 $168 小朋友仲意就是但啦薑蔥粉絲蝦煲 呢個有驚喜 好香好入味 但要熱食 一凍就出晒油蒜子浸時蔬 不過不失 有個菜食下蒜片牛仔柳 原本無咩期望 但估唔到幾香幾好食 一啲都唔韌紅燒花膠雞絲翅阿媽次次都叫 係幾好食 真材實料唔係生粉水菠蘿咕嚕肉呢個都有80分 外脆內嫩 翡翠蝦球 普通貨仔 都上得下枱添壽蟠桃呢個大幡桃係小朋友最開心環節老豆都話而家好少咁靚既蓮蓉呢個位由以前明星到而家Club One都有一直幫襯 亦都轉過好多唔同既酒樓最後最滿意都係呢度價錢相對係貴少少 但以佢既食物級數 環境 服務 係出面同等價錢搵唔到中間有個小插曲：叫左大沙巴龍躉 上左一條斤幾既比我 我心諗差半斤咁過份🤔 負責跟我枱既叔叔行過一見到即刻話唔好郁佢住即刻幫我換返 今日全餐飯佢都跟得好足 有交帶真係唔該晒 佢仲話認得我地 我地成日都黎😎最後埋單兩張枱加埋$46xx我地16人 由3000幾-6000幾都食過有折扣有優惠就平啲節日/無優惠就貴啲但我同屋企人講 平時又幫襯下貴時又幫襯下計返都唔會貴好多但呢度又舒服又好食 服務又好（個別事件另計）唯一唔好就係廁所無小朋友尿兜 要入廁格…查看更多

因為屋企有人係印尼人今日生日話想食印尼菜但原來印尼菜選擇真係唔多最後揀左峇里堂呢度就咁睇相好似環境一般我地人多都怕啲位要分開去到原來可以拍枱咁就多多人都唔怕啦叫左巴東牛肉飯咖哩牛腩飯沙爹豬肉飯串燒加多加多沙律口味偏甜巴東牛肉好淋好好食咖哩牛腩都唔錯牛有牛味啦 份量好夠沙爹豬肉都幾好串燒都係偏甜口味羊肉唔騷串燒有肉汁唔柴印尼人表示滿意飯後甜品叫左椰糖雪糕多士同埋珍多冰冰賣相唔錯要留意係只收現金真係差啲出事…查看更多

今日晚餐唔知食咩好路過道睇睇有咩好食啦之前都係用熊貓叫雞煲多雞煲質素好唔錯辣度仲可以同佢地講BB既BB辣都係第一次聽佢又有喎講返今次先門口有個餐牌自取特價40/48/53 每個價位都有3個選擇真係算多小弟因為戒口無得食辣唯有揀其他小菜都有3-4個揀 最後叫左咕嚕雞球飯加6蚊仲多個老火湯15分鐘返到屋企開餐個飯仲係好夠熱 打開睇叫佢多飯真係足料我肚餓mode都食得飽個咕嚕雞球唔係碎濕濕個啲好似乒乓波咁大 有啲大過乒乓波架所以食落唔會好柴 外脆內嫩好好味個老火湯今晚係菜乾豬骨好濃好甜既湯例湯黎計應該都無敵架啦$48+6 抵食…查看更多

上次食晚飯個樓面叫我買多張卡1200幾飲茶都用得我見1000送1000咁咪試下點知去到原來飲茶要11:30先有真係未見過咁晏先有得飲茶既茶市好啦下次先去左沙田飲茶之後個次就12點幾到係樓下等左一陣有位先上上到去真係爆場用二維碼落單都要10-15分鐘先到食物質素唔錯叫左 蝦餃 叉燒包 牛肉球 叉燒腸 魷魚鬚 春卷 馬拉糕 芒果布甸等十幾款野但馬拉糕有酒味小朋友唔岩食同埋個布甸唔叫唔上白等左一陣埋單樓面又叫買卡真係好勤力但人手真係唔係好夠今日再去醒目book定位啦但可能早到一半都未滿（11:45）都係叫差唔多既野食又係等10-15分鐘左右期間又全場爆滿旺過旺角好彩呢度地方大坐得相對鬆動食物質素keep到幾好今次叫左個蛋白炒飯都幾好食咁我地食野都算野加埋等都係一個鐘左右就埋單埋單又叫我買卡我話有啦佢仲想sell我我話仲有16日到期仲買？咁佢就走左等緊張單既時間佢地係度執枱咁都好正常但勁趕咁既款成塊枱布掉埋我塊面度下張枱有兩個客仲坐埋落黎真係接受唔到我張單都未埋又走唔到急都唔爭個幾分鐘攪到成件事錯晒另外要提一提係廁所麻麻地乾淨同屋邨酒樓差唔多小朋友唔方便用我次次都食唔少野4個人上次700幾800今次600幾700仲要勁快交枱但呢度比唔到合理既服務唔該檢討吓…查看更多

今日出開沙田咁之前幫襯開旺角翠園沙田都有咪執囉諗住應該差唔多野10:38拎飛入去去到個感覺真係兩回事1. 啲位勁密2. 好嘈，唔知樓底矮定多人啦3. 食物選擇少，用app落單上菜慢（相對慢）4. 冷氣唔夠，一路食一路出汗雖然佢仲有推車仔點心但都係得三四架 款唔多但鮑汁荷葉飯 柴魚花生粥 魷魚鬚個啲特色野就無啦食物質素就還好啦同旺角差唔多但入去到離開只係用左大約45分鐘一食飽就走人你諗下又嘈又熱 個感覺好侷促真係想坐耐啲都唔得兩大兩細食左$485算食左唔少野啦但感覺真係唔會再去飲茶係要舒舒服服慢慢嘆呢度個環境做唔到…查看更多

要搵到個地方比16個人舒舒服服咁坐真係唔易呢度地方夠大加上食物質素唔錯所以一向都係度過節食飯但一般都會揀平日預祝假日去邊度都係無咩服務要你食餐食餐同食餐我寧願打散叫小菜多過食個啲餐去飲喜酒又係個啲做節又係個啲好難頂今次叫左1. 叉燒鱔 x22. 鐵板叉燒 x23. 蒜蓉白菜仔 x24. 石窩牛柳 x25. 豉汁帶子蒸豆腐 x16. 虎蝦 x107. 星班仔 x28. 薑蔥炒蠔 x29. 紅燒花膠雞煲翅 12位用10. 吊燒雞 1隻11. 大壽包 16個13個飯2罐汽水一喳橙汁自己帶左個蛋糕去分兩枱所以好多都係兩碟每次都會叫1、2、6、10穩定同好食叉燒鱔同鐵板叉燒係細碟左啲同貴啲但係幾好食大人小朋友都仲意虎蝦就好惹味 唔就得係點整 但$68一隻應該都係一款吊燒雞係食過咁多間最好多汁嫩肉 但可能因為咁好細隻石窩牛柳好淋好嫩 夠味得黎唔咸 80分豉汁皮蛋蒸帶子豆腐 無咩特別 下次唔會叫星班仔 一斤左右大細剛剛好 鮮味嫩滑薑蔥炒桶蠔 普通貨仔 叫想食又岩食個翅真係好好食要分開講環保使者請見諒佢個翅12位用都係1780有16碗以上24両翅 濃雞湯配花膠雞湯好好味小朋友都讚口不絕每次阿媽生日都會叫但今次特別滿意最後壽包係最最最受歡迎老豆都話咁靚既蓮蓉出面好少食到差唔多個個小朋友都食一個大壽包個好好味既芒草蛋糕就只係切左兩三件（自帶）用左推廣優惠1000送1000抵到核爆…查看更多

連續第二日係度買早餐例牌沙嗲牛肉麵 腸仔炒蛋 凍檸檬茶/奶茶沙嗲牛肉麵最高分 呢度咁多間算最好食但有個問題係傳統式無分湯上外賣個面淋晒好采小弟最仲意食淋面介意既朋友可能要問下分湯上另一樣要提既係份炒蛋夠大份足料但第一日就好似就咁打蛋炒蛋無發均勻見到少少蛋白但咁樣先知佢用原隻蛋炒第二日就發勻左就無左個感覺莫非星期六用返蛋漿？不過都係好味既杯茶就不過不失啦如果大杯啲就更好啦茶餐廳啲杯仔加埋冰得返兩啖唔係廣告 只係想幫啲做到野既鋪仔講多兩句…查看更多

星期日11:45落去都要等位轉左鋪第一次食之前太太食過讚不絕口今日早少少落去等下位都抵入到去位置比以前大 環境舒適服務員好有禮貌同太太叫左兩個all day breakfast前菜同餐湯（$12 each)好快就到沙律菜好新鮮 柚子粒好甜好夾餐湯係蕃茄湯 太太平日唔係好飲蕃茄湯都表示滿意All day breakfast 都係咁上下野煙三文魚同火腿幾好無咩可以挑剔 價錢就$108+108+12+12呢個價錢質素算合理屋邨位都經常坐滿…查看更多

今日食晏見同事食個賣相好吸引又話個包脆又乜又盛即管試下佢去到無咩人落好order係度等一隻熱狗$38加兩個小食$12先$50真係好抵沙田要質素好少少$50食個小食就得好快手5分鐘左右有得拎返到公司食打開隻熱狗試左啖 真係仲脆架喎個醬夠濃但唔會好咸個薯條係我食過既粗薯條之中最脆今次好健康地揀左粟米粒食過老麥粟米粒就知道原來粟米都可以咁大分別佢個粟米粒好味好多最後結論係沙田呢個位呢個價抵到爛仲要好食唔使等好耐一定會再幫襯…查看更多