jo_e的个人专页

荃灣越南法包Banh Mi Holic，今次已經係一個月內第三次食嘞🤭第一次幫襯食越色法包，入面有5種唔同扎肉，加埋酸蘿蔔、芫荽、蕃茄、鵝肝醬，加上包包面脆內非常軟，好食到唔停得口😋第二次食香茅豬肉法包，個豬肉鹹咗啲🥹今次第三次都係食返特色發包，老闆好好人，我落單話要多鵝肝醬多芫荽，佢真係不計成本咁樣加俾我🥰經開荃灣嘅朋友仔可以去試吓👍🏻…查看更多

今日去本舖見唔使排隊，就買咗啲糕點試吓😜馬豆糕，馬豆只有面嗰陣有，入邊根本就係一舊冇椰汁味嘅粉糕😫紅棗糕，簡直差到一個點！冇紅棗味不特止，感覺食緊得個甜字嘅一舊粉😣椰汁紅豆糕，只有輕微紅豆味，又係唔好食😣芝麻卷，完全冇芝麻味，又厚，真係食咗一件就唔再食😤好老實，啲糕根本好似完全同一個味咁樣，質感已經唔好，又偷工減料；真係唔值得特登去排隊買！…查看更多

隆重介紹：老坑車仔麵🍜+🐷豬油渣麵🍜唔洗我多講，老坑出品一向以新鮮靚料做賣點👍🏻老坑為咗照顧我哋呢班餓鬼粉絲（因無晚市）依家朝9晚5開設🐷豬油渣麵🍜（呢個麪係老闆娘家傳秘製，同英記係各有特色，各有千秋）＋車仔麵🍜（推介豬大腸同冬菇）超級入味😜仲有外出根本食唔到嘅新鮮煎釀三寶，用全鯪魚肉釀製😋😋即叫即做鮮味十足👍🏻仲有茶檔咖啡奶茶檸茶檸水，🥤☕️大家有時間一定要去試下🥳…查看更多

同事話想食，於是立即行動，早一星期前book位，都要waiting list😅最終當日下午來電話有位。去到6:45，D阿姐係咁chur 你叫餐前小食，以為有好多選擇啦，點知只係花生同雞肝😤跟住又立即上「刺身船」，船有：加拿大海膽、三文魚、鱲魚、八爪、帶子，評價：全晚叫做最好的食物！跟住又立即上「蝦多士」，係幾好味，但D阿姐係咁叫你食多碟啦，咁好味，啋佢都傻跟住又好chur咁上雞煲，D雞好嚡又勁咸食完雞煲又好chur咁上火鍋，個花膠湯有陣怪味，D海鮮完全唔新鮮！牛肉又好似雪咗幾日咁十點左右又chur你上甜品～～芝士蛋糕🍰即係叫你快D埋單呀！總括：成晚唯一最可取係獨立包裝嘅自己飲品！呢個「家嫂」完全唔掂！…查看更多

平日想食一客梳乎厘班㦸都要排餐死🥞尋日響荃灣千色𣾀茄子的店唔洗排隊以$38價錢食到呢個由日本雞蛋、材料等製成一嘅班戟🥞可能因為用日本雞蛋所以蛋味比較淡，但整體係好味㗎👍🏻外皮香脆、內裡鬆軟丶甜度適中😋加上店家的人情味，提醒我雖然製作需時，唔好行咁耐先返嚟呀！最多15分鐘好返嚟嘞，如果唔係個🥞會下榻就唔好食嘞😘配搭店家自製萍果雪梨無花果茶🍹清潤順喉，簡直順氣養生👍🏻小店用心認真，值得支持💪🏼…查看更多

一向對海皇印象不錯，但這間分店真的好難食😫炒米粉：又凍又硬,仲要有鑊屎😫難食到完全食唔到入囗!叉焼腸：皮厚又係凍嘅😡叉燒有異味!皮蛋碎牛粥:唔熱唔凍😡😡牛肉極少!皮蛋只有兩粒😥環境:阿姐收嘢慢,地方都幾亂同有D污糟😫服務:派餐阿姐好搞笑,問攞包豉油佢問我要黎做乜？😳但收銀阿姐服務態度極好,要給她一個讚👍🏻唯一好在冷氣有咁大得咁大,慕求令你未食完已凍到走😝縂之食物質數真的出奇地差😡😡😡😡…查看更多

以往都一向有叫開外送服務、但今次之後應該唔會再叫了外賣送到溫度仍然足夠，滿心歡喜開盒嘆番件雞先，咬一囗，又乾又羶，但明顯溶雪做得差，咬落仲有血水D雞槌炸到燶哂，好嬲呀羶到食咗兩件都忍唔住吐出來希望佢地可以回復番以前水凖啦…查看更多

一直都好欣賞欣兒，現正佢開店一定要支持一下！今天買咗煙肉味、冧酒味同麥提沙味，再加一盒6in the box 給朋友。一食停唔到囗👍🏻冧洒味食完洒味依然留在囗腔，煙肉味咸咸的好好味，麥提沙更加係有層次！曲奇不太甜和油，超級好味呀😋…查看更多

晚飯後和友人途經此店，見門外章貼是鴻輝記姊妹店，試下先！先點蕃薯糖水，見到有黑點浮面，問店員黑點是什麼配料？店員回答：「淥湯丸時的黑芝麻漏出來的！」😱網友話此糖水好夠薑，呷一口，完全未如想像中夠薑、只得甜！蕃薯質素亦欠佳，失望！餐牌有自家製雪糕就每口味點了一球，士多啤梨、朱古力、芒果和雲喱嗱味跟牛X公司近乎一樣😅但荔枝和菠蘿味出色👍…查看更多

昨晚第二次光顧, 食物依然保持水準, 服務態度倒退了 !先講食物, 小蘢包多汁肉鮮, $25 四隻屬超值 ! 奶湯小糖菜, 湯鮮菜嫩,好味 ! 酸辣湯雲吞簡值絕配 ! 炸銀絲卷比外間出色, 炒鱔糊唔會太鹹! 唯獨高力豆沙香蕉比較失色! 唔加香蕉, 豆沙減甜會好味好多!我們一行8人, waitress 只給我們六人枱, 媽媽提出將鄰枱拍埋加大, 一個戴眼鏡男waiter說 : "加個位坐逼d咪得囉 !" 吓?! 咁都得 ?! 個場又唔滿, 又唔係無位 , 點解食餐飯要逼住食先 ?! 叫佢落單有擔天望地, 極唔耐煩咁, 個女經理又唔管吓d下屬, 大家都懶懶閒咁,成枱食完嘅碗碟又當睇唔到唔收, 食物幾好都死啦 !…查看更多

是日百寶開張三週年, 一於去趁下熱鬧先 ! 店員一於以往醒目勤快, 以最短時間安排顧客入坐, 雖然是夜全場爆滿, 招呼一點都無怠慢, 值得一讚 ! 先來近期百寶熱賣:半打生蠔, 鮮甜爽口, 難怪每枱必order ! (哎呀, 忘記影相!)再來刺身拼盤 , 此店用料刁轉, 用上坊間少用於拼盆的日本和牛, 希靈魚作其中兩樣材料, 二人份量只收 $98 !!!! 實在太超值 !火窩主打都係牛肉拼牛舌, 招牌蕃茄餃同炸响鈴 ! 當然唔少得胎菊蜜啦 !飲飽食醉返屋企做元帥, 人生夫復何求呢 ? …查看更多

百寶象拔蚌乾水稱, 真係抵過出面好多舖頭喎 ! 切條食好新鮮呢 ! 不得不讚老闆連配料的都用靚嘢(雖然牙膏), 攻鼻程度達8級呢 ! 魚生厚切大大片, 新鮮好味!店內自家製蕃茄餃係我至愛, 每次必食 !炸嚮鈴都比其他舖頭好食, 必定係個酸甜汁令整體變得不平凡 !另外, 石蠔都係推介必食 (百幾蚊半打 ! 超抵!) , 不過最好預訂呢, 賣晒就無得食了 !飲品推介 : 店內自家製胎菊蜜, $48大大, 非常清甜解暑呢 !店舖唔收加一, 服務慇勤, 環境舒適清潔 !…查看更多

食物唔駛多講啦，一貫大件夾好食，想講係服務態度好有問題 !我入到去都未坐底, 有個四眼阿姐就好悔氣咁催我落單，我話轉頭先, 佢就真係轉一轉頭就又催我 ! 我話蕃茄蛋走牛肉，佢好惡咁話無得走，跟住碌大眼咁"bilibala"一大堆廢話，煩到我求期叫d配料併手搞麵 ! 佢寫完一大輪，好悔氣咁問我食乜麵 ?! 哎 ! 我講個時你又唔聽 、掛住响度嘈 ! 哎 !食物質數好，但俾四眼阿姐嚇到我食乜都無味啦 ! 唔係淨係我話佢架 ，後尾搭檯果位小姐都話佢勁趕客呀 !…查看更多

想幫襯左好耐喇，奈何地點不太就腳，今日媽咪路經買左雜錦曲奇、綠茶紅豆燕麥飽同埋菠籮合桃提子飽 ，終於有機會一試喇 !雜錦曲奇以杏仁曲奇同杏仁咖啡味最好食，幾他亦唔錯 ! 完全唔油，但超鬆脆!綠茶紅豆飽的豆沙餡好起沙、甜度剛剛好，店方已預切成薄薄一片，細心 !菠籮合桃包味道好清呀，個菠籮皮一d都唔(陋)，好味 !如果大家去開荃灣不妨支持下吖 ! 俾學員一d鼓勵嘛 ! 自己食得開心、又可以幫學員重建信心，共創融洽社會嘛 !…查看更多

偶然响open rice見到呢間的食評，發現店主奉行健康飲食，即管膽粗粗試下 !店主Sam好好人同健談，我去訂糕時還請我試食同試飲 ! 又向我介紹小店的食物全都係自家，全天然健康 , 連綠茶都係自家泡製 ! 令我好感動 ! 因為店主注重食物要天然健康，顧及食客 !好，即管訂購了招牌 "豆腐蛋糕" 及其他8款糕點各一件，返屋企等待明天新鮮出爐並由Sam親自送上的美食......Sam好好人，不單親自送貨 ! 就連食客感受佢都顧及埋，每個餅盒都係由佢親手繪畫架 ! 真係令人未食都已興奮 ! 有機豆腐蛋糕($28) 定了兩盒呢 ) 真係好好味 ! 清香的豆腐味、蛋糕超鬆軟但又唔多覺有大量發粉，令我不期然吃掉一整盒呢 !其他8款糕點($5一件) : 芝麻沒有想像中儂味、桂花同馬啼都清香無比、椰子沒有人工化的香料味，只有淡淡椰香，正 ! 紅豆好像食緊固體紅豆沙、千層同眉豆就不過不失 ! 全部都無一般街上買到的一味死人工甜，只有淡淡天然香甜，真材實料值得一讚 !Sam還送了一支擰檬意米水俾我飲，令我悶氣全消呢 !…查看更多