fatsecret的個人專頁

有邊個女仔唔鍾意花，所以呢就約埋好姊妹一齊去好靚嘅花花Cafe食嘢影相！我哋book咗平日中午去食嘢平日中午去到呢相對地就舖頭冇咁多人咁就容易影到多啲靚相你睇吓佢哋嘅位有一排窗所以呢影來就會好光猛，同埋有勁多花花喺舖頭超靚未入門口已經會見到！ 叫咗兩款嘢飲一款呢就係蝶豆花綠茶，高薪杯仲要有兩層漸變色打卡勁靚另外一杯呢就係 White House cookie cup , 超得意係用一個曲奇嘅杯裝啲牛奶入去另外呢仲叫咗兩款食物一款就係紙醉金迷淨係睇過外表都知佢靚啦外邊有好多好靚嘅食用花入邊有蝦又有青口最正嘅係佢嘅面沈咗金箔即刻好華麗另外呢個咁靚嘅外表你真係估唔到啊佢個名就係叫做來自地獄嘅意粉，真係好辣㗎！ 一放喺枱已經聞到 tabaaco 嘅味道入邊仲加左煙肉～ 超值得同朋友一齊影相加食嘢❤️…查看更多

平時比較少去呢一頭食嘢咁啱同同事喺呢頭做嘢經過見到就揀咗呢一間餐廳去到嘅時候係三點幾竟然仲可以嗌午市套餐超開心叫咗一個牡丹蝦刺身定食一嚟到有啲喜出望外嘅感覺整體刺身都好新鮮而且牡丹蝦真係大大隻又新鮮除此之外仲有兩件三文魚，帆立貝，海膽，北x背，吞拿魚同埋八爪魚！套餐仲有埋沙律麵豉湯蒸蛋碗飯大大碗一個人食一定夠飽另外仲叫咗個清酒煮蜆都非常之出色湯嘅味道就偏甜帶有酒味另一個午市套餐就係豚肉壽喜燒定食套餐都係配咗蒸蛋麵豉湯沙律同埋飯壽喜燒鍋都相對地比較大個一個人食一定夠飽而且入邊嘅配料10分豐富豆腐南瓜冬菇粉絲旺菜豬肉正！仲叫咗一個溏串雙子雙色卷一碟有六件分別分咗三件帶子三件係燒嘅三文魚最後仲揀咗一個串燒嘅拼盤都幾抵食入邊有豬頸肉雞翼翠玉瓜冬菇蝦同埋菠蘿即叫即燒整體食物全部都好食而且價錢都好合理…查看更多

以前喺Poly讀書成日都會嚟食嘢但係通常一大班同學仔嚟share嘢食呢通常都係嗌啲cheap野今日再去食返要啲以往冇食過嘅嘢首先就係佢個環境一樣都係咁樣冇變過我哋兩個人食買咗好多嘢食但係呢幾樣嘢食就係最好食㗎真係頭先一個叫做加多加多嘅物體我以前從來冇食過原來佢係一個沙律嚟嘅下邊有菜上面係串燒醬嗰啲汁再加幾片蝦片同埋蛋片唔係講笑真係好好味雖然個賣相唔係好靚之後都係必食嘅食品就係佢哋嘅海藍雞叫咗半隻雞份量最鍾意就係點佢嘅薑蓉同埋佢哋嗰啲豉油雞肉滑嫰超正最後叫咗個星洲炒蘿蔔糕份量超大而且好夠味食呢個蘿蔔糕已經夠飽啦所以就冇再額外嗌嗰啲粉面飯…查看更多

好耐都冇去過九龍去咗又一城行街順便諗住食嘢行到見到依XP唔使等位就衝咗入去食午餐座位寬敞而且開陽唔使怕同人坐得好貼一點幾入去仲有午餐食叫咗兩款嘢食一個係韓式炸雞嘅泡菜石頭飯另一個就係Pizza兩款嘢食都係即叫即整都係等咗大約10分鐘左右呢個飯超級好食呀一來夠熱啦二來佢調味得好好而且你可以自己再加辣醬因應自己嘅辣到另外呢款呢就係三文魚嘅Pizza件數來講呢都比較合理不過呢款呢相對地就會快飽啲因為個Pizza其實都係麵包底但係佢個味呢就超級之正同埋夠多芝士兩款餐我哋都配咗嘢飲一個呢就係配咗一杯叫ABC嘅果汁令一杯呢就係以芒果橙蘋果汁有得配果汁都幾好因為而家啲果汁都幾貴:(…查看更多

前晚唔係好舒服所以好耐都冇食過炸嘢好返第一時間就衝咗去食MOS Burger因為太耐冇食過啦咁就簡單啦一人一個餐大埔間MOS Burger呢嗰啲錯位呢都有分開少少唔會俾你坐到密質質我呢就揀咗炸蝦堡 揀咗Wasabi醬配埋北海道南瓜薯餅之後呢仲要埋一個凍嘅抹茶latte 咁就係Perfect啦而另外果一款呢就係牛肉嘅漢堡包咁就飲可樂啦但係呢一樣要加呢個北海道南瓜薯餅冇食過嘅朋友你一定要推介你去食呀因為呢個薯餅呢係超級好食平時啲薯餅食完會有漏嘅感覺而呢一個係唔會有㗎…查看更多

已經好耐冇去過泰國所以呢特別掛住泰國嘢食所以今日嘅午餐呢就去咗食泰國菜而家諗住佢堂食會平啲啦點知都冇平到嘅午飯時間照入去食午市套餐叫咗一個泰式豬髀飯另一個呢就叫咗炸雞扒金邊粉兩款都係午市套餐所以會餐湯係一個蘑菇西湯唔飲湯嘅話呢就會有沙律有少少怪不過唔緊要啦有得飲都好過冇嘢食方面呢個豬髀飯呢都尚算可以嘅不過豬肉嘅份量就相對比較少可以睇吓幅圖另外一個炸雞嘅金邊粉呢就覺得佢上菜嘅效果唔係太好個雞扒擺喺啲湯麵上面就林晒我就額外呢加咗$20飲呢個奶茶係泰式奶茶好出名紅色logo嗰間叫咗佢少冰效果非常好另一個就跟返餐飲凍奶茶自己加奶加糖…查看更多

因為想食到啖啖肉所以就揀咗呢一間冰室入去坐低食午餐叫咗一個暗然銷魂飯係餐廳嘅王牌美食就係有叉燒啦同埋蛋同埋豉油份量夠大另外仲叫咗個個薑蔥集扒飯入邊呢就包括有香腸啦午餐肉啦雞扒同埋豬扒最好食就係塊豬扒夠口又夠大肉又夠實我哋就覺得豉油同埋薑蔥唔夠所以額外就問咗服務員再俾我哋飲品方面呢一個就係配凍奶茶一個呢就係配熱可樂薑檸檬 其實都係第一次入去呢間餐廳度食飯原來係要自己手動喺QR code度落單同埋最特別嘅地方呢就係有啲新鮮出爐嘅食品例如菠蘿包蛋撻雞尾包呢啲一差唔多夠鐘出爐佢就會有廣播勁得意最後買單嘅時候原來我哋分開咗點啲嘢食冇嗌套餐服務員好好佢特登幫我哋轉返做套餐可以平返少少…查看更多

上星期去咗尖沙咀行街行吓有啲攰搵個地方想坐低飲杯嘢尖沙咀咁多人想搵個地方坐都真係唔容易去到K11最後搵咗呢一間餐廳相對地係最小人同埋陽光充足而且座位歡堂最後我哋嗌咗兩杯咖啡一杯係榛子咖啡一杯係奶泡咖啡然後加咗一個是日精選手作蛋糕問咗店員佢話個蛋糕係朱古力焦糖味嚟到嘅時候滿心歡喜但係原來個味道有少少出入完全食唔到焦糖味有心形拉花白色杯個杯就係榛子咖啡另外一杯玻璃杯嗰個就係cappuccino ~ 個蛋糕就係你頭先講嘅焦糖朱古力味佢相對地個奶味就比較偏重同埋個朱古力味比較出同埋佢哋餐廳啲員工唔會不停過嚟騷擾你又話執呢樣執果樣可以一直好休閒咁樣坐傾偈好舒服…查看更多

好老實我係住新界嘅咁唔係新界所有地方都識去㗎嘛我覺得超香園呢個舖頭地點真係超級之偏僻驅使我去嘅原因就係因為佢啲嘢真係好好食因為新年期間去咗朋友屋企玩朋友喺新年之前就已經落order訂咗佢哋嘅蛋捲同埋鳳凰卷喺佢屋企食過之後就覺得真係好出色要親自去買咁啱今日去咗元朗所以就順便去啦但係原來真係唔識去所以再去搭的士嘅朋友有提我記得佢之前呢一定要打電話order咗先因為我去嗰日呢其實天氣好差我諗住唔買所以之前一日冇打電話但係我又覺得我咁順路去到元朗都唔買真係勁戇居所以出發前先打電話問有冇貨好彩係有貨嘅一入到去就見到啲姐姐好努力咁樣卷緊蛋捲冇花冇假真係佢哋親手做嘅雖然係好食不過都幾貴仲要每人限買兩盒我個friend仲起初叫我幫佢買埋真係唔使旨意幫人買呀自己都唔夠quota我有問過姐姐鳳凰夾心係乜嘢口味但係我唔記得咗😂😂當晚即刻開咗嚟食真係好好味好鬆脆同埋好香蛋味…查看更多

最近天氣凍所以特別鍾意食酸菜魚香港好多地方可以食但係呢好唔好味就見仁見智啦今日係今個星期好凍嘅其中一日又落晒雨咁樣都特登去幫襯點知去到嘅時候係4:36pm老闆話截咗單跟住我都同老闆解釋我係特登過嚟食嘅佢好好接受埋我哋最後一張堂食嘅單佢就話我哋要即刻叫嘢食同埋俾錢最緊要嗌咗個魚先咁於是我哋就揀咗一個正常嘅酸菜魚之後呢就帶咗呢個黃金軟殻蟹同埋回鍋肉叫完嘢食即刻俾埋錢坐低大約10分鐘左右啦酸菜魚即刻嚟到真心好食過出邊嗰啲幾百蚊好多倍分量足夠兩個人食入邊嘅魚肉唔散仲好厚而且配料都好足好多有木薯粉有蓮藕萵筍青瓜芽菜最緊要係個湯夠味又香當然唔少得入邊有酸菜啦食咗三份一左右回鍋肉就來到啦嗰碟回鍋肉一放低超級之香回鍋肉啲肉夠厚 味道又香又夠辣兩樣都食咗差唔多一半嘅時候黃金軟殼蟹就到la全部嘢食都係即叫即整熱辣辣呢個黃金軟殼蟹非常之值得嗌性價比好高第一件數多第二真係啖啖肉啲炸粉唔會過厚而且嗰個鹹蛋黃味超級之正果然係火炭返工嘅人先識去嘅餐廳唯一不足之處呢就係餐廳嘅環境呢比較簡陋同埋枱數都好少…查看更多

沙田都好多選擇不過唔係樣樣都好食好食嘅話又會好貴所以如果要食呢就唔可以直接去沙田新城市廣場因為嗰啲選擇通常都好多人咁啱我去嘅時候係下午茶時間所以就揀咗去Cafeholic 食下午茶左右佢哋下午茶嘅選擇都叫抵食同埋好食我就揀咗一個T9& T11香煎雞扒煎雙蛋厚多士配湯通粉你可以睇到下午茶餐嚟講份量都算多質量都算好卡邦尼煙肉忌廉意粉呢一個我覺得超級之正因為呢佢個汁又多又煮得夠入味配埋嘢飲都係幾十蚊咋不過呢就要早少少去攞位囉因為通常一下午茶嘅時間都比較多人我哋去到都要等30分鐘先有位…查看更多

知道自己要去尖沙咀食嘢特登問吓朋友有冇推介我的心水呢就係想食辣嘢但係尖沙咀嘅辣嘢呢其實選擇唔算多朋友們都推介呢一間所以就特別去啦Menu嚟講呢就係得呢兩張紙因為我去嘅時候呢仲係午餐時間所以就可以揀自選嗰個系列佢哋啲坐位呢有少少近但係如果想食辣嘅話呢一入去就知道冇去錯餐廳㗎啦因為呢餐廳嘅辣味呢一入去就已經聞到呀同埋呢餐廳除咗本地人食之外呢都有內地人喺餐廳入邊食緊你會聽到有普通話嘅人講嘢啦我哋兩款嘢食呢都係揀咗自選兩款都係配飯嘅圖2嗰個呢就揀咗麻辣嘅小辣入邊有羊肉片五花腩片牛柏葉而令一款呢就係揀咗孜然嘅小辣入邊有雞件豬粉腸豬頸肉食落口呢兩款真係有唔同個麻辣嗰款真係辣啲嘅兩款都配咗飲可樂我哋大約3:00入去嘅但係入到去坐低冇幾耐佢就已經叫人埋單話要結數係呢樣比較唔好囉其他整體都唔錯…查看更多

好耐都冇食過咖喱今日突然想食咖喱就衝咗去新港中心嘅coco 咖喱屋因為六點冇得食堂食所以4:30就衝左入去叫咗吉列豬扒奄烈咖喱飯豬扒夠曬大塊最鍾意佢哋個奄烈咖喱飯D 旦唔會太熟呢個辣到我揀咗做普通同埋鍾意佢個份量好足漢堡奄烈咖喱飯呢一款個假呢就揀咗第二辣食物都唔太過辣咖喱汁啱啱好夠撈晒成個飯佢個漢堡扒肉夠厚 有兩塊 ❤️兩個都揀咗四選二做套餐所以就會一人一杯嘢飲一個叫咗奶茶一個叫凍檸茶兩個飲品都唔好飲過奶茶係港式的奶茶凍檸茶就太過苦澀四選二嘅第二日就揀咗甜品甜品就係雲呢拿雪糕佢哋啲雪糕呢預先不定放喺個鐵碗度喺冰箱入邊雪，所以好鬼凍通常未食完個嘢食已經要叫佢拎定出嚟放一陣先再食就差唔多整體價錢好食同埋鍾意呢一間餐廳夠大坐得好舒服…查看更多

勁耐冇食過上海野所以同朋友就揀咗食鼎泰豐喺尖沙咀食我以為得一間鼎泰豐點知原來佢哋有兩間今次就去咗從來冇去過嘅美麗華分店美麗華分店都幾舒服大部份都係卡位我哋食大約下晝2:00所以人都唔算多一定要食嘅就係原味小籠包叫完大約等10分鐘左右就已經有得食啦唔算等好耐而且又夠熱佢哋嘅小籠包完全係保持到水準起唔太厚然後裏面嘅肉汁又多肉又夠鮮味朋友仔未食過呢個今日就介紹佢食呢一款係洞悉嘅頭盤份量較多而且味道都好好佢覺得呢個野好得意因為佢從來未食過另外仲帶咗個荔芋小籠包特登叫佢、後上咁就可以當甜品咁樣食啦其實我仲帶咗個菜肉雲吞擔擔麵不過太心急食咗唔記得影相四樣嘢兩個人份量就剛剛好如果下次再嚟食我諗我都會過嚟美麗華分店因為個感覺舒服啲同埋餐廳睇落去乾淨啲…查看更多

成日經過呢間野都冇試過終於同朋友食咗第一次嘅晚市因為早去所以呢入座嘅時候呢都唔多人環境都算乾淨整齊叫咗個原味小籠包肉汁湯都算多個皮有少少口但係即叫即整所以食落口都係熱辣辣嘅叫咗個鮮肉小雲吞份量都幾多同埋佢哋係晚市優惠價錢所以都幾抵食跟住叫咗個小菜就係甜酸生炒骨佢哋呢度啲嘢食都幾好全部都係即叫即整所以一上菜嘅時候全部都係熱辣辣嘅味道甜酸適中而且肉多所以好抵食仲叫咗個乾撈粉絲生蝦煲呢個係超級好食因為啲粉絲勁入味上面有幾隻蝦啲蝦都幾大隻兩個人食都覺得夠晒飽因為勁大煲最後仲叫咗個甜品呢個係服務員姐姐推介我哋食嘅因為佢話呢個係超級好食我想想叫第樣就打因為佢推介所以就叫左真心無推介錯…查看更多