delishcindy的个人专页

香港人搵食最識捐窿捐罅，只要好食，就算開在再難搵嘅地方，都會被找到。講到四川私房菜相信好多人都聽過四姐，樓上鋪，店面不大，裝修樸素，但是門口用揮灑嘅毛筆字寫出來的招牌“四姐川菜”，就如食物的出品一樣，看起來豪邁又有內涵。今天跟無辣不歡的朋友一齊來，識食嘅佢揀咗四款好岩我哋口味嘅食物，講真每道菜都睇得出主理人四姐的真功夫，川菜的韻味在家常麻香中一一體現。▶️夫妻肺片($88)夫妻肺片系四川的傳統名菜，而在四姐這裡，紅油和醬油的比例調配非常好，不太辣但是夠香口。▶️重慶口水雞($88)雞肉鮮嫩不柴，香料有層次，調味恰到好處。雖然紅油豐富，但係不覺肥膩，吃完亦不口渴，抵讚！▶️沸騰水煮魚($308/大，$248/小)要食最正宗嘅川菜就一定要食四姐嘅招牌沸騰水煮魚，魚肉嫩滑之餘，搭配試秘制嘅辣汁，海量豆芽配搭嫩滑魚肉，簡直系一流啊！▶️川式椒鹽蝦($168)用香蔥、胡椒、鹽等調味，哩碟椒鹽蝦炒到金黃香脆，蝦的頭部觸鬚及腳都處理過，連殼整隻吃，酥香鬆脆惹味，再配上椒鹽，十分惹味。 現在回味都想食多次啊！總結：就算在樓上鋪，平日午市亦幾乎滿座，可以一試再試，中意川菜的萬勿錯過！…查看更多

尖沙咀最美的天台餐廳，非Kaboom莫屬。從剛開業時的全露天東南亞度假風，到現在的露營帳篷，上到去真系wow一聲。適逢到訪當日晚上是颱風前夕，用餐途中經歷驕陽和暴雨，但有結實嘅帳篷遮風擋雨，全程冇濕身仲見證職員們好efficient嘅處理，真系值得一讚~▶️Kaboom Special Prawns ($118)惹味嘅一道菜，蝦肉份量慷慨又大粒，口感彈牙新鮮，值得一試！▶️Go Big Go Kaboom ($278)香草燒春雞原隻上，適合分享的一道菜，好有氣勢。雞肉好香嘅香草味，趁熱食會更juicy。▶️Stone-grilled Grass-fed USDA Prime Ribeye Steak ($358)朋友好中意食牛扒，medium熟度剛剛好。入口有嚼口但又唔會韌，肉味濃郁，油花剛剛好，點埋個特製醬汁，夠滿足！▶️Damn Pissed Off ($108)必點的一“盤”飲品😂，餐廳有創意，將浴缸作為杯，再在cocktail上打上濃密嘅泡泡，加埋隻黃鴨，賣相精緻到我相信一定系大部分女仔中意嘅一款飲品。▶️Jambi ($58)由蘋果汁和青瓜味蘇打水調製嘅非酒精飲品，加上少許檸檬汁，口味清新，非常適合女士。同朋友飲返杯嘅好選擇，收工不妨來個happy hour啊！…查看更多

中意四圍食下午茶嘅我，最近見到尖沙咀K11 musea嘅哩間五武士推出咗和風下午茶，以九宮格呈現，面朝維多利亞港，一邊欣賞美景，一邊享受美食，每張枱面還有一個鳥居作裝飾，打卡真係一流！▶️九の春下午茶($488/2人)唔好睇少九宮格分量唔算多，但已經包含先付、燒物、慢煮、炸物及甜點幾款，餐廳會因應當日最新鮮嘅食材調整內容。✨油漬菠菜✨三文魚籽伴青瓜粒吞拿魚他他✨燒日本青椒及蘑菇✨冷蕎麥麵✨燒牛肉日本水菜卷✨日本大蔥燒雞粒✨紅豆白玉丸子✨蜜糖脆多士✨水信玄餅今日嘅每款食物都冇失望，食完吾會太飽肚之餘，味道配搭非常豐富，每小碟都有唔同嘅口感同風味，整體搭配非常平衡。其中我最中意當然系有顏值有實力嘅水信玄餅，晶瑩剔透好似水晶球咁，食之前沾上黃豆粉，入口清涼甜美，相信冇任何女仔可以抵抗。吞拿魚他他亦十分出色，吞拿魚切至細粒，浸漬入味，食得出吞拿魚肉嘅新鮮，再配上底層嘅青瓜粒，面層系香口嘅三文魚籽，清新得嚟又美味。每個下午茶餐還配兩杯飲品，可以選擇啤酒、cocktail及mocktail。啤酒系本地手工少爺啤，相信中意飲啤酒嘅人一定識，出名創新口味，又可以突出啤酒本身嘅特性。✨Samuri Plinser突出日本青椒嘅風味，吾辣但係香氣十足，非常特別！✨V-Punch哩杯mocktail有多種水果風味，不過味道偏淡，有提升空間。…查看更多

以實惠omakase而出名嘅巧壽司，其實a la cart都一樣有驚喜！今日同朋友到訪，特別想試佢嘅壽司set。其實我一直都好中意坐吧台，可以見到師傅席前準備食物，再奉上桌面，特別有儀式感。▶️牛油果松葉蟹蟹肉沙律($78)作為開胃小菜特別合適，松葉蟹蟹肉好澎湃，清新得嚟又開胃~▶️巧· 特上壽司盛合($228)一個盛合有十款壽司，可以滿足你十個願望，赤身、中吞拿魚腩、油甘魚、北寄貝、赤蝦、墨魚、時令鮮魚三款、玉子……款款都咁新鮮。我最中意拖羅同甜蝦，超級新鮮又好味~▶️蔥粒吞拿魚蓉手卷($38)蔥粒同吞拿魚蓉係最佳搭配，魚蓉嫩滑到好似融化在口中一樣。▶️北海道三文魚籽手卷($48)大大粒三文魚籽波波，澎湃到食完想再食。▶️三文魚鮫腩($128)三文魚鮫腩燒至外脆內嫩，非常juicy，記得趁熱吃。▶️鹽燒雞亦($58)雞亦控表示去到邊都會吃雞亦，正~…查看更多

餐飲界的秘密花園，講嘅應該就系哩間在朗豪坊內的the pont吧！環境實在無可挑剔，入內仿似系被綠色植物🍀包圍，從牆紙、地磚、植物，到裝飾用的畫作🖼、打卡鞦韆，甚至是餐桌上的小元素，令人仿似置身森林花園，與朋友來個飯聚☕️最合適不過了！▶️西班牙風乾火腿配烤菠蘿($90)菠蘿酸酸甜甜，配上鹹香的火腿，一啖入口幾重滋味，是很好的開胃前菜。▶️意式番茄焗魚柳拌意粉($108)話說餐廳推出新的午市套餐，選擇都好多元，從沙律、麵飯、到肉類都齊全。而且可以追加湯、甜品等，更可以半價加配特飲，非常抵食！▶️白酒煮青口($108)非常creamy的白汁😋▶️法式莓莓吐司配雪糕($79)賣相精緻，上面凍冰冰的雲尼拿雪糕消暑一流，如果吐司可以再熱一些，冰火兩重天就更完美喇！▶️凍玫瑰咖啡(跟餐半價配$21) / 雨後陽光($44)天時暑熱飲杯凍飲系常識吧！非常推薦玫瑰咖啡，高顏值味道也可以~餐廳佔地大，店內位置闊落，繁忙時間都有可能有位架，逛完朗豪坊最岩食野補充能量，行過不妨一試！…查看更多

講到頂級家具品牌相信大家都聽講過Cassina，店鋪位置在中環，最特別嘅系佢貼心地設有一間意大利Cafe，讓人可以坐在由設計師們精心設計的家之上享用意大利咖啡及美食，而且系全球第一個Cassina Cafe。內籠設計以橙紅色為主調，坐椅設計獨特，特別系門口位置的藤椅特別有設計師風範。▶️Avocado Mini Toast ($68)好中意哩個菜色，多士細細粒，焗至香脆，一啖size，入口剛剛好。牛油果做成果蓉，加上車厘茄做點綴，作為小吃很合適。▶️Open Sandwich with burrata Cheese, avocado and cherry tomatoes ($98)超喜歡的一個toast，burrata cheese整體是比較淡味的芝士，可以嚐到原汁原味的濃郁奶香，與牛油果和車厘茄非常match，淋上少許沙律醋，好滋味～▶️Greek Yoghurt Bowl ($68)造型100分的乳酪杯，打卡必食之選。乳酪味道比較清淡，但淋上了蜂蜜，令整體味道平衡又清甜，靚得嚟又夠曬健康。▶️Chocolate Chips Cookies ($30)有時吾想食太多野，淨系食塊曲奇其實都都好滿足，而哩塊曲奇更系超足料，職員會焗返熱再送上枱，入口煙韌，邪惡之選～▶️Dirty ($52) / Chocolate ($50)賣相精緻的dirty，以高身酒杯呈現，分層明顯而且令飲咖啡好似品酒咁，有意思～熱朱古力就正常發揮。食完個早餐記得行過隔離睇埋名師設計的家具，每一件都是精品，每一件都有故事，記得睇埋啊！…查看更多

同朋友聚會每次都好中意揀美滋鍋，中意佢地點就腳，粉紅裝修適合女士打卡，食物質素也從不令人失望。而今年美滋鍋更推出任食火鍋放題，120分鐘任飲任食都系$218起已經可以享用6款小鮮肉放題，再加上超過60款火鍋配料及小食飲品。至尊套餐更有美國安格斯封門柳、美國PRIME牛下肩胛、美國安格斯牛三角、澳洲M6+和牛前腿心，豐富到不得了，更有不同時段優惠。▶️至尊放題套餐($238/小童，$348/成人，$308早割及午市，$328/夜割)一坐低就送上敬贈的時令刺身拼盤，包括三文魚、帶子及北寄貝等，每檯還送上蔬菜綜合盤乙份，有heart。湯底當然少不了我最愛的鎮店美人鍋，湯底包含滿滿膠原蛋白，食之前要先飲一碗。點餐用ipad夠方便，肉類方面我最喜歡美國安格斯牛三角和澳洲M6+和牛前腿心，肉味濃郁，吸滿湯汁。海鮮類選擇良多，有我最喜歡的竹籤蝦、沙白等，其他配料多達60種，睇到眼花繚亂，兩小時的暢飲暢食，真的非常滿足！最後值得一讚系佢有小童遊樂場，家長就放心吾洗擔心小魔王阻住食吾到野喇！…查看更多

深水埗嘅咖啡版圖日趨飽和，競爭越大，就越睇得出一間餐廳嘅實力☕️。雖然周邊舖頭已經換咗幾轉，但仍然屹立不倒嘅，Loop Kulture就系其中一間🏬。店鋪行木色環保風格，樓上有一個小閣樓，被改裝為chill chill露營風🏕️，樓下除咗cafe，還有動物友善嘅食物同其他自帶盛器嘅物品出售🐶，非常環保。今日一早同阿女嚟食個brunch，吾需要同人爭位，又可以chill住食。▶️西班牙薯蛋配巴馬火腿($78)別睇少佢細細一碟，其實裡面內容都吾少，以沙律菠菜做底，將薯仔切成薄片，煎炸至脆口，上面系鹹香嘅火腿，再嚟兩隻煎香嘅太陽蛋，切開蛋漿湧出嚟，真係不得了！▶️肉桂維也納($45)非常特別嘅一杯飲品，熱的americano上面系凍cream，再撒上肉桂粉，入口首先感受到凍嘅奶油，之後系熱咖啡，非常有趣！▶️特濃可可鮮奶($46)本來以為系普通一杯朱古力奶，上台才發現店家超有心思。不僅用玻璃罐裝好，而且是新鮮製作，味道濃郁，小朋友最愛！食完一個元氣滿滿嘅brunch就可以帶阿女大戰玩具街喇！…查看更多

同朋友gathering最適合食火鍋放題，坊間嘅任食火鍋五花八門，但講到選擇多同質量好，一定非牛站莫屬。今次同朋友再戰牛站，因為佢新增乳鴿任食，系全港首創乳鴿任食嘅台式火鍋，中意食乳鴿嘅我更加唔會錯過！湯底選擇高達十款，我哋就點咗麻辣同椰子雞嘅鴛鴦鍋，配合唔同食材各有滋味！任食牛方面最吸引嘅系SRF極黑和牛和封門柳，而且牛肉嘅任食款式良多，2號餐只要$288就可以任食SRF和牛、封門柳、牛板腱等，更加有多種在香港唔系間間餐廳都食到嘅食材，例如水蓮等，都算系value up！最後不得不提自助吧選擇真系多到不得了，開胃前菜、台式小食、丸物青菜、雪糕雪條、冷熱飲品，睇到都覺得開心！中意飲啤酒🍺嘅朋友更加要注意喇，啤酒任飲，要啤啤佢又幾好喎！…查看更多

低至$48即可享用午市高級燒肉，咁抵可以去邊搵？和牛燒肉一郎就推出咗午市燒肉套餐，份量足，真心超抵食！相信唔少人都知道和牛燒肉一郎嘅晚市燒肉放題，牛肉靚到不得了之餘，任飲任食，每次都好滿足咁走。如果想低預算食返餐好，午市就岩晒你！價錢由$48-$138，由豚肋肉、雞腿肉、牛舌、牛肋肉、燒肉拼盤任君選擇，甚至連份量都可以按需調整。雀仔胃可以揀100g，想滿足d就揀200g。▶️特選燒肉拼盤($138/200g，$88/100g)燒肉拼盤可以一次過滿足雞牛豬三種肉類。每種肉都大大件啖啖肉，點埋個特製燒肉汁，正啊！▶️特選牛肋肉($138/200g，$98/100g)牛魔王表示必食特選牛肋肉，200g滿滿一碟，視覺上已經系盛宴。放上網燒至兩邊微焦，內裡粉嫩，入口牛味濃郁。另外+20即可享沙律同飲品放題，+48仲可以食埋雪糕甜品！…查看更多

講到食物顏值與味道並存嘅cafe，一定少不了哩間位於太子嘅tuned。每次經過總是full house，開業咁耐以來人流一直無減。今次帶住一定要食到嘅決心，剛開門就過來。裝修系白色同木色嘅簡約風格，牆身掛有趣味掛畫。大概到12:30小店已經滿座要排隊，想來的大家記得要早D喇！▶️無花果合桃石榴果黑醋沙律($105)分量超慷慨，內容超健康嘅沙律，大大一碗足夠四個人分享。無花果鮮甜得嚟，有脆口的合桃同石榴增加口感，酸酸甜甜作為前菜再合適不過了～▶️煙肉三文魚班尼迪蛋($98)上台時“哇”一聲嘅班尼迪蛋，淨系顏色已經好吸引。煙肉炸至香脆，上面有pink pepper，突出整個菜色的味道。切開班尼迪蛋，蛋漿湧出來超正！▶️合桃脆脆卡邦尼粗管通粉($118)粗管通粉熟度剛剛好，煙韌又吸滿濃郁醬汁，合桃脆脆同煙肉碎令pasta入口香脆，中午時分餓底推介。▶️鮮芒果熱情果蛋白脆餅(85)之前來tuned都沒有這道甜品，今日嚟見到有新野，即刻試下！超超超推介，蛋白脆餅前所未有地脆，就算上面有一球雪糕亦絲毫不改變口感。鮮芒果及熱情果醬令味道清新，充滿夏日風情，來到千其吾好錯過！▶️朱古力鮮奶咖啡($45)/焙茶鮮奶($40)Barista超用心製作打卡able咖啡拉花。個人好喜歡焙茶鮮奶，味道香醇，又可感受到焙茶的香濃。…查看更多

中意食印度菜嘅過來看喇！尖沙咀諾士佛台一向是美酒佳餚的聚集地，今次到訪嘅哩間印度Spice bar & restaurant，裝潢充滿印度風情而又不失雅緻，夜間還有多款酒類供應，非常適合收工嚟個happy hour！▶️Grill Beef Fajitas ($239)熱辣辣用鐵板送上嘅fajitas系我一向嘅最愛，可以揀雞或牛，而牛魔王嘅我哋就揀咗牛。鐵板最底層系燈籠椒、洋蔥等食材，索滿肉汁。牛肉表面炙燒至微焦，裡面呈鮮嫩的粉紅色，食客可以根據個人喜好靠鐵板熱力煮至心儀熟度。伴碟還有印度薄餅、番茄粒、guacamole和sour cream等等，包住一啖入口，好豐富！▶️New Zealand Mussels ($165)非常出色嘅一道菜，醬汁調味真係滿分。青口肉大大粒，肉質肥厚。醬汁非常適合用paratha或者naan點住食，酸酸甜甜好開胃！▶️Butter Chicken ($149)一場來到食印度菜冇理由吾食返正宗料理，哩個牛油雞就系出色之作，跟薄餅更是絕配，雞件份量足，無骨啖啖肉，微辣微甜，朋友同我都好中意！▶️Butter Naan ($45)烤至香酥的Naan是印度菜的必食項目，每次為咗食曬D咖哩都一定會點烤餅，而牛油烤餅更是香氣十足，十分吸引！▶️Masala Tea ($50)對印度人來說，masala tea是香料和家的味道。話說小妹N年前曾經到印度出差，masala tea當時深得我心，可謂一飲鍾情，至今難忘。香料味道是整道茶的主角，一般會用壺裝住，保持熱力，讓每一口茶都洋溢著香氣。▶️Strawberry Mojito ($65) / Cranberry Juice ($65)賣相一流的straberry mojito，無酒精更適合女士午間飲用。酸咪咪的風味更是夏日恩物，岩曬現在熱到溶嘅天氣！📍SPICE Restaurant & Bar尖沙咀諾士佛臺1號2樓…查看更多

開關後大家都衝出香港，而因為工作繼續留港嘅我就終於book到中環嘅哩間天婦羅omakase預約困難店！店內裝修簡約，以木色同白色為主。座位雖然只有9個，但每個位置都可以睇到師傅炮製美食，亦方便師傅睇到每個食客嘅用餐情況，保證食物以最新鮮嘅狀態送上餐桌。當日所有食物由日本師傅村上亮主理。餐牌一目了然，lunch omakase $880/位，dinner omakase $1880/位，晚市食材當然系大大地升級，但午市就更實惠，想體驗天婦羅廚師發辦絕對系一個好選擇！▶️前菜：醬油漬吞拿魚吞拿魚已用醬油漬，不用再點任何醬料。一啖入口，醬油入味，肉質緊嫩，刺身上的山葵不會喧賓奪主，細品反而令吞拿魚層次更豐富。▶️天婦羅：正式開始食天婦羅之前，先介紹下為各道美食錦上添花的味鹽，四色分別為松露鹽、抹茶鹽、海藻鹽、梅鹽，再配上青檸，以便搭配不同食物嘅風味 。✨花竹蝦頭✨花竹蝦尾打頭陣系來自熊本的花竹蝦，以薄漿炸至剛熟。蝦頭賣相如藝術品一般，入口酥脆，完全唔覺食緊蝦。蝦身可以連蝦尾一齊食，沾上海藻鹽和青檸汁，蝦肉剛剛熟還超多汁，出色。✨北海道粟米超高甜度，可點抹茶或梅鹽，味道各有千秋。✨北海道蝦夷鮑魚 未烹飪前，師傅先向食客展示新鮮的鮑魚。蝦夷鮑魚以海帶昆布爲主要食糧，肉質非常厚實。師傅以波浪紋的切法將鮑魚切片，令鮑魚有更多位置可以沾上粉漿。食用時可以醮上特製的鮑魚醬，味道濃郁，口感脆實鮮美。中意輕盈一點嘅味道，也可以簡單擠幾滴青檸汁。✨蘆筍爽脆鮮嫩，頭部與根部可沾不同的鹽食用。✨椎茸菇釀蝦肉一開始以為只有椎茸菇，之後才發現原來釀有蝦肉。蝦肉爽脆，食得出嘅新鮮。沾上大量蘿蔔蓉及天婦羅汁，非常鮮美。✨沙錐魚起骨炮製，沙錐魚肉可以醮天婦羅汁及蘿蔔蓉，而魚骨則可以點鹽再食，脆卜卜又幾得意。肉就魚味濃郁，諗唔到沾上蘿蔔蓉後味道非常清甜。✨炸海苔三文魚籽 三文魚籽已調味，粒粒飽滿通透。海苔炸至酥脆，就好似三文魚籽嘅天然盛器一樣，完美融為一體。✨太刀魚魚身肉質纖细，魚味濃，點上天婦羅汁食，不錯。✨番薯講到哩個番薯真系不得了，咪睇佢份量迷你，真系非常之甜，完全超越我對一般番薯嘅想像，現在諗起都想再試！▶️蟹肉茶碗蒸高湯微甜，與蒸得嫩滑的蛋對比，反而可以帶出鮮味，很特別的做法！▶️黑松露蝦飯 配蜆湯不得了的一碗飯，黑松露大大片，原汁原味！蝦肉和蛋都系天婦羅的做法，吉開雞蛋，蛋黃爆漿而出再淋上少許醬油，滿分之作！▶️芝士雪糕整個用餐體驗以甜品作結，系我食過最濃郁嘅芝士雪糕，為今餐畫上完美句號。…查看更多

低至$118一碗新鮮丼飯，滿到瀉嘅一碗，滿足爆丼嘅欲望～餐廳裝修型格，玩味十足，行年輕人路線，入夜人流依舊絡繹不絕，受歡迎程度可見一斑。Menu食物選擇良多，除咗signature嘅丼飯外，還有卷物和小食。吾岩心水？嚟個自選丼飯，將所有心頭好納入碗中都得啊！▶️日本牛牛牛丼($178)季節限定嘅日本牛丼，用料豐富，除咗主角牛肉，還有紅酒藍莓鵝肝和魚子醬粒粒爆。淋上少許特別鮮的日本豉油，啖啖都好美味！第一次食這種做法的鵝肝，口感細膩肥美～▶️九公丼($178)刺身大滿貫絕對要食哩碗九公丼，用料齊全，有海膽、帶子、三文魚、吞拿魚、拖羅蓉、蟹肉、蟹籽、三文魚籽、牡丹蝦，上枱時滿滿一碗，好療癒～每樣刺身都新鮮，而我最中意系牡丹蝦同海膽，食完仲想再食～▶️白桃烏龍茶($15)清新桃味濃，獨立包裝容易攜帶，飲吾完都可以拎住繼續行街，真係非常方便！…查看更多

講起懷舊打邊爐🍲，點少得位於銅鑼灣哩間ATUM旗下嘅十下火鍋。裝修超懷舊，地面和牆身由水泥地同白綠瓷磚交錯而成，大排檔圓枱再加上不少懷舊物品精心佈置，在霓虹招牌的映照下，令人仿似穿越時空回到八十年代一樣。睇返menu，二人餐同四人餐都超級抵食，盡歎多款食物，仲可以幫選擇困難症人士省卻不少麻煩，吾洗諗，即刻go ahead！✨鴛鴦湯底多達六款湯底可以選擇，有辣有吾辣，我哋就揀咗坊間比較少見嘅酸菜辣肉鍋同養生豆乳白鍋。酸菜辣肉鍋好有新鮮感，酸酸辣辣較醒胃。豆乳鍋裡面有我最中意嘅豆腐同鴨血，而且藥膳味濃郁，食過返尋味～✨大刀手切本地牛頸脊雖然系小碟，但係諗吾到都有幾多片，兩個女仔食一定夠。肉質新鮮而且顏色粉嫩，肉質偏瘦，有適量油花，鮮嫩有咬口，肉味濃郁。✨花雕醉雞煮完都仲有好重花雕酒味，可見醃得出色。✨十下三寶滑嚟到絕對要一試嘅三寶滑，有蝦籽蝦乾鮮蝦滑、鹹蛋黃墨魚滑同埋髮菜蠔豉牛筋滑。後者坊間非常少見，真係值得一試！✨鳳城水餃中意食餃嘅我覺得哩個鳳城水餃系冇得彈！煮熟後皮薄餡多，蝦同肉餡多到爆棚，又吾會令菜嘅存在感降低，想外賣一打返屋企食～✨麻辣鴨血可以即食嘅鴨血，其他食物上枱之前可以餵下肚先。辣辣地又Q彈爽滑岩曬我！✨三星蔥醬爆貢丸超有驚喜嘅貢丸！咬一啖肉汁真係會爆出嚟，鮮味十足，建議你無論幾飽都要試返粒。✨懷舊果皮魚蛋食得出嘅陳皮味，又幾特別！✨脆炸響鈴可以索滿湯汁嘅響鈴都系打邊爐嘅靈魂食物之一，建議大家趁早食用，品嚐原汁原味嘅湯底～✨蔬菜拼盤哩個解毒菜籃有生菜、娃娃菜、白蘿蔔、冬菇、粟米等多款菜色，跟餐來講，都算系誠意十足！✨酸梅湯(+$15)跟套餐的汽水免費，但是如果升級的話就有許多選擇！酸梅湯是一渣的份量，誠意滿滿，用來配火鍋最合適不過了。最後不得不提佢哋嘅服務真係要比滿分。從入座到離開，上菜到清枱，無微不至照顧到客人嘅需要。今時今日嘅香港，咁好嘅服務已經吾多見～…查看更多