Happitiffa的个人专页

Black listed食食下飯，隔籬枱突然出咗尖叫聲原來係有隻曱甴喺枱上面店員出嚟處理過多半個鐘我再望望自己嘅左手邊又多隻曱甴自由奔走頂唔順埋單離場本身諗住2百幾蚊都算，一分錢一分貨但埋單發現位位3百幾我認係自己唔啱冇睇清楚條款細則原來好多加乜加乜咁，收咗服務費仲有醬芥假期前夕費等等3百幾蚊可以有更多好嘅選擇食物質素唔太好，啲牛肉雪到黑晒其中一款牛肉有半邊都係黑咗…查看更多

至從肺炎之後都冇同婆婆出黎飲過茶。今日婆婆有興致想同我地兩個孫坐下食下hea下，就揀左呢間良心點心店食早餐。總括而言，雖然佢可能比出面好多正統大茶樓貴少少，但質素絕對比佢地高。啲點心啱味——好似碟燒賣咁，蝦多過肥豬肉，唔會好似其他地方咁食到成口油咁。仲有個牛肉球，難得真係有牛味。味精唔重，食完唔洗狂飲水。我嘅重點推介會係佢嘅薑汁糕，煙韌唔甜，我地數過有成11層咁多！（其實千層糕好晒功夫嫁～）服務好，大家都好有禮貌，地方有乾淨企理，疫情大家都係求食得安心姐☺️😇…查看更多

大串，一間雖然比較遠但我仍然唔介意去嘅高質串燒鋪。(我住新界🤣）佢嘅醬汁甜咸度調校得好好，唔會好似出面其他鋪頭咁樣d醬汁掩蓋晒本身食材嘅味度。燒完出黎d肉仲要唔係乾萌萌的，佢d肉汁仲係好好的保存係食材裏面。雞皮！好大塊！香，脆，靚。最欣賞佢個牛舌。唔乾，又厚，又大舊，又爽口！我覺得係必食嘅😍😍我叫左。。。三串😅😅茄子🍆 鍾意食蒜蓉嘅朋友一定要叫！個金菇肥牛卷大大份好足料，要分幾啖食🤩仲叫左招牌雞肉串，雞髀菇，同鹽燒雞軟骨。不過唔記得影相😟總括而然，我幾鐘意，價錢又比較平民，值得老遠去試下。大家，GO GO GO.…查看更多

食左個牛西冷同spare ribs。時間關係，略略一評。西冷： 正常水準，但能夠煎得7成熟已經係唔錯。溫碟上菜，咁嘅價錢黎講幾好心思。 配菜唔多，得幾條菜加汁做沙律，不過百令蚊，差唔多啦。塊排唔會太硬同多筋或太乾。豬： 正常嘅，唔乾，唔出眾，但唔難食。65-70分啦。服務態度可以改進。入門前要先量體溫，確保食客安全。總括，佢可以將正常嘅食材發揮到正常嘅水準。價錢水準成正比。…查看更多

窩子 WoZi Café @ 新蒲崗太耐冇出黎見人，臨近母親節嘅呢個星期六，相約左差唔多成年冇見嘅朋友去新蒲崗良心小店食晚餐💛本身以為去到新蒲崗café會少人d，但原來係我少年真的太天真。我地七點先到，大大話話都等左一個鐘先入座。但野食上得好快。入座後90分鐘要交枱。窩子講真野食真係好好食。我地3個人叫左3個main course加一個pizza（8小時慢煮萬子醬油豬軟骨飯，慢煮三文魚意大利飯，慢煮牛面額配扁意粉，日式海鮮大阪燒薄餅），承為HKD538。本身以為我地太肚餓，所以果3份main course我地都覺得係超水準。但當我地食到咁上下，個pizza先上嘅時候，依然都係食到我地四萬咁嘅開心幸福樣，就知道呢間d嘅真心惦。個三文魚意大利飯偏細，我地3個人share每人得幾啖。但個三文魚肉質好軟好滑，好鮮嫩；個飯好creamy，偏咸。三文魚上有片檸檬，可滴可唔滴，滴左冇咁漏。8小時慢煮萬子醬油豬軟骨飯個飯上面有隻醬油蛋黃。一上菜嘅時候我地三個都「哇」左出聲，因為個賣相相當吸引。雖然佢個醬油蛋黃冇咩味，但個豬軟骨炆到非常之入味，肉質軟腍。佢筋位好多，有2層，夾雜住少量嘅豬肉，未必啱鐘意食好多肉嘅朋友。肉量同飯量都好多，差唔多係三文魚飯嘅double。如果唔太餓都未必食得晒。個豬面額飯相比起其餘咁多個菜黎講就唔係太出位。不過食肉嘅朋友可能會鐘意呢個多過個豬軟骨飯。個大板燒pizza 真係不得了。佢基本上就係章魚燒嘅pizza版。不過佢嘅哇哇point係個pizza底同邊都係。酥。皮。黎！個邊焗到脆一脆，加上酥皮嘅牛油味同啲料好夾。我唔知佢係咪個個pizza都係酥皮底，但呢個真係要試。我鐘意。佢門口放有反送中運動嘅postcard同文宣比人攞，門口亦貼有同類poster。窩子 (新蒲崗)新蒲崗仁愛街36號地下#窩子 #香港美食…查看更多

OpenRice book有食物半價優惠。我地6個人食，食左3個snacks，1個1 kg青口煲，4個main，1個dessert，3支紅酒同3杯啤酒都係3080。好抵食！🖤…查看更多

想食個雞蛋仔都有視覺上同埋感覺上嘅大衝擊。我知好多人都介紹過呢間鋪頭，但係最後都係決定都要自己介紹多一次。雖然呢間咁嘅雞蛋仔要排長龍，但佢店鋪面打卡位多籮籮，仲有個電視仔幫你解悶（上面播咩你去到咪知囉）。打卡位包括有有少女心嘅粉色花海，集合萬千市民心願嘅連儂「吊飾」，有擺係度俾你任攞嘅文宣poster同貼紙，亦到有呢個型到一個點嘅figure。如果唔介意比多小小錢，仲可以買到一個「加油」嘅鎖匙扣。🖤班蘭雞蛋仔 $19未食早餐嘅情況之下食雞蛋仔真係第一次。雞蛋仔班蘭味唔係太重，但係甜度恰好。質感上亦完美表達咩叫外脆內軟。可能因為想增加外觀美感，所以佢係雞蛋仔嘅表面加左小小icing sugar，個人認為佢唔加會好啲，因為食嘅時候會整污糟隻手😅而我係一個平時唔會帶紙巾出街嘅女仔😳…查看更多

抵食平民西餐廳 - 大埔太和Pattern 🖤以佢嘅價錢黎講，佢嘅食物水準都算高質。🍴板燒羊西冷配意粉沙律 $82 (包飲品)同正堂西餐廳一樣，佢會問你要幾成熟。不過好認真咁講，大部分平價店舖（尤其係lunch呢d繁忙時間），你講幾多成熟都基本長等如冇講過個一樣，出到黎都係Well some 😭 但 Pattern又唔係喎👍🏼👍🏼 我話五成佢真係比左五成我。羊味好香濃，冇咩筋，唔韌口。一份有三大舊，三舊裏面都只係得小小位相對難咬，一刀就能夠切開。意粉煮得好好味，蕃茄着唔會過甜，軟硬適中。沙律普通可以略過唔講。🍴一口和牛香蒜意粉 $62同樣，佢個意粉質地真係好唔錯，怎至呢度菜比個羊西冷更好味。蒜蓉大大粒。唯一小小失色就係和牛有小小熟得濟。但講真一粒粒嘅牛又確實好難控制佢嘅生熟度。🍴蜜糖芥末雞翼好香，普通honey mustard 味。ok的👍🏼 個皮小小脆，蜜糖味較重，冇雪味，小辣。食到最後埋單，老闆比左幾個膠幣比我。原來每食夠$50就會可以換領到一個膠幣，比你係出面扭蛋。每個蛋殼裏面都有一至兩張大富翁錢契貼紙(好似印花咁)。 儲齊一行嘅大富翁貼紙可以換領都款指定小食☺️ 好得意。P.S. Pattern支持環保，凍飲係用不鏽鋼飲筒的。地址: Pattern (太和)太和大埔太和路15號太和中心13號地舖#黃色經濟圈#香港人加油#堅持#香港 #大埔#抗爭#自由…查看更多

好抵食嘅lunch，2個人埋單唔洗HKD150。👍🏼👍🏼食左個海南雞飯餐同泰式牛肉船麵餐，追加左一碟四件嘅炸蝦餅。(佢個蝦餅話就話四件，其實就係一大件分左四份。上菜時我同隔離枱都笑左，因為佢都同時上左同一碟野。不過8蚊追加，係咁嫁啦！如果你想佢真係比4舊你嘅就比32蚊啦😂。讚一句，佢炸得幾好嘅😂😂) 每個餐都有跟冬陰公湯/沙律同野飲。湯好足料，好濃味。船麵湯底唔口渴，差d想飲埋d湯佢❤️今次個review 好簡短，不過真心幾好食同幾飽肚，份量啱啱好，可以大大力幫襯佢。…查看更多

Cafe Revol, Tsim Sha Tsui 坐係四邊灰色混凝土牆之間，頭頂有塊寫有「香港人加油」嘅黑板，感覺份外親切。今日嘅尖沙咀同佐敦，特別多人。就連平日人煙稀少嘅林䕃道裏面呢間Cafe Revol 都要排隊等位。興幸嘅係，我聽到嘅，全部都係講廣東話。我叫左杯signature drink- Citrus Espresso bomb (柑橘咖啡特調)。好有層次，好清新。最大路地分佢嘅層次，可以飲到2種味道：上層嘅係咖啡，下層係香橙同西柚味。（當然如果再要細講佢嘅味道，你仲會飲到coffee blend中嘅檸檬，花香，同香柑味)第一啖飲落去，好濃嘅咖啡味。尤其是加埋梳打水果種泡泡威力，令到咖啡味係口腔裏面爆升。雖然總會飲到小小杯底嘅香甜味，但咖啡嘅香始終可以覆蓋下面嘅甜柑汁。飲到咁上下，咖啡味開始慢慢消失。但因為係循序漸進，以溫水煮蛙嘅形式去淡化原本有嘅咖啡味，所以如果唔細心留意，你基本上唔會發覺佢係被消失緊。但係當你飲到最後一啖嘅時候，你暮然回首，望住個杯，你會察覺杯中剩下嘅就只有橙色，冇晒啡色。果一刻，你果杯「柑橘咖啡特調」，變成左「柑橘特調」，咖啡被消失得無影無蹤。可能有啲人會唔介意剩係得柑橘味，但我鐘意咖啡，所以如果比我揀，我會寧願佢永遠停留係「柑橘咖啡特調」嘅狀態。比你，你會點揀？…查看更多

黎到假期最後一日，本身約左朋友係太古城simply life 食brunch ，不過一入到去侍應就話入坐後1個鐘後交枱。諗住同friend輕輕鬆鬆咁嘆個brunch 嘅我地就緊係雞咁腳咁行出simply life 另覓餐廳。去到SP Flower and Tearoom門前，覺得佢靜得黎又好似幾好坐，就入左去。呢間cafe 110%走少女風格，雖然我入到去有種同自己格格不入嘅感覺，不過裝潢佈置的確好靚，好啱幾個女仔約埋一齊girl’s talk。野食方面就冇環境咁掂，不過不失咁啦。不過個價錢以港島+商場黎計又唔係好貴。個lunch set為$138-148，包杯普通熱飲同一個espresso杯咁大嘅餐湯。選擇包括有茶泡飯，意大利麵，waffle，同三文治等，選擇都幾多。我食左個牛肉茶泡飯，個是日餐湯係asparagus 濃湯，都ok的，唔太咸等asparagus 味唔太出，蘑菇味反而相對濃，不過顔色綠色係幾搶眼。我野飲跟左熱齋啡。因為呢度主打唔係咖啡，所以都唔特別評論了。☕️P.S. 兩朵燈花係聖雅各福慈善義賣買番來的。又可以做善事，又有新裝飾，何樂而不為？☺️大家新年逗完利士就做多啲善事吧☺️…查看更多

📺九龍城大和堂⏳大和堂本身係一間蔘茸藥行，亦係一間興建於1920年廣州騎樓式建築物。呢一間藥行係1932年成立，捱過咗日軍侵華時期，亦見證左香港回歸，總共屹立左80年，係2017年結束營業。為咗保留呢一間歷史建築， 2018年就決定要將呢所舊鋪活化，成為一間充滿懷舊風味嘅咖啡店，保留當年嘅人情味。當我將大門一推開，一浸好濃烈嘅西式嘅咖啡味就撲面而來。一開始都會覺得有啲格格不入，後期執關咗，覺得幾得意，好新奇有趣。大和堂仍然保留着舊時藥行百子櫃同天花木扇，亦有鐵閘，同金漆牌匾，好有老香港嘅情懷！(要打卡呀！)Menu提供好多種嘅中西式食物同飲品。我同同伴就叫左一杯大和堂招牌拿鐵同冷泡咖啡。(其實我想嗌Chai Latte，但係賣完，廚房都收埋，冇得叫野食...) 大和堂招牌拿鐵用大和堂嘅特色咖啡杯裝住，味道還好，同平時嘅拿鐵味度有啲唔同，帶小甜，因為佢係用左earl grey 同蜜糖去沖製。冷泡咖啡嘅樽就好似在涼茶嗰啲樽咁，有feel！冷泡咖啡值得一試！總括來講，呢間咖啡館比九龍城呢一個舊區襯托着，好似返咗幾十年前咁樣，但同時亦有中西合璧嘅感覺，好過癮⋯⋯價錢方面尚可，食個感覺其實ok。#hkcoffee #香港咖啡#11pm排完戲回家途中都要死呢篇野出黎#好累…查看更多

通常食車仔麵個湯底都係有味精，而只有清湯，沙嗲，同清湯加腩汁嘅選擇。但係鏞記車仔麵檔，你就有胡椒豬肚湯，碗仔翅，蒜汁濃湯等等比你任君挑選，仲要食完完全唔口喝❤️ 店長仲要將同每一項湯底最夾嘅配料配襯方式寫晒出黎貼係牆上！正！魚子腸一定要試。彈牙爽口！…查看更多